القصة : المزحة ♥️🥀 #الجزء 2 : 💕👑 نرجعو لماضي شويا باش تفهمو و بضبط قبل 3 سنين. كالسة ايلاف كتعشا و شادة تيلي كتبقشش فيه حتى كيوصلها ميساجات في واتساب من صحبتها قدهم قد سخط, فاش حلاتهم و بدات تقرا عاد عرفات بلي راهم قصص, عصرات عليهم ديك ليلة حتى كملاتهم عجبوها بزااف و تونسات بيهم بحكم انها في مدينة غير مدينتها كتقرا تما و كارية بوحدها يعني لقات باش دوز لوقت. الغد كان الاحد فاقت حتال 12 كيف العادة طيبات الفطور بشويا عليا فطرات و ناضت تجمع مع غير بوحدها ماكايناش روينة بزاف غسلات ماعن دغيا و نصبات لغدا و عندها غير بيت لي مفرش, هو البيت فين كتنعس زربات عليه و حلات شراجم تهوى دار و تشمش, كان يالاه بدا يدخل الخريف و لكن باقي الجو سخون شويا و مع كان يالاه بداية العام يعني باقي ماكاين لا قرايا لا حفاضة لا صداع راس. غير سالات هضرات مع دارهم و شدات تيلي و مشات نيشان الفايس لي كانت رضاتو غير على قبل لكروب ديال القراية زعما, بقات كتقلب على لي باج و كروبات لي تلقى فيهم القصص لي من اول مرة قراهم تبلات بيهم. قلبات و قلبات حتى عيات كاع كروبات مسدودين خاصها تسنى حتى يقبلوها و لي باج فيهم شي حاجة قليلة. ناضت تغدات و حيدات ماعن د غدا و بالها مع كروبات واش قبلوها. قنطات و مشات ليوتوب لمسلسلات تركية (هي مبلية بيهم و لكن حيت ماشي في دارهم و ماكاينش الويفي فلوسها كاملين ايطيرو ليها غير مع روشارجات و هادشي لي عجبها في القصص دايرين بحال مسلسلات و لكن ماكيياكلوش لكونكسيو 🙈) يالاه ضربات واحد 20 دقيقة في الحلقة و هي يوصلها نوتيفيكاسيو ديال فايس بلي واحد كروب قبلها نسات شي مسلسل و لا شي حاجة مشات نيشان ليه قرات حتى عيات و من تما بدات البلية التانية ديالها. بقات مع القصص عاشت معاهم بكات معاهم و ولفاتهم ولات فما تمشي خاشيا راسها في تيلي ولات القصة الى بداتها ما تحبس حتى تسليها لدرجة واحد نهار بدات قصة مع 10 د ليل و ماكملات الجزء الاول حتى 13 د نهار, و هادشي غير مالقاتش الجزء التاني اما كن لقاتو كن ماتت تما. داك صباح كان داز عليها ايكزام على غفلة و صدقات مامشاتش من تما بدات تنقص من سهير شويا و قالت مع راسها هي مغربة على دارهم باش تقرا زعما 🙈 و هي من نهار شدات القصص و نسات شي قراية, ساعة معامن ههه دارت بهاد الهضرة غير سيمانة لولة و صافي المهم بقات مرة مقاتلة مع القراية و مع مع سهير داز العام الاول و الحمد لله فاليدات كلشي. رجعات لدارهم صيفها كامل ماعقلاتهش عليه كانت تسالي روينة ديال دار كتشد تيلي ماطلقوش تاني و هكا داز عندها صيف ههه ناس كيسمارو فيه و هي عاد مازادت بياضت من كثرة كلوس في دار .جا خوها و مرتو عايشين في الخارج دوزات معاهم واحد 3 سيمانات ضوران و تسركيل مع مفاهمة مع هاد خوها بزاف اما مرتو الحلاوة تاكليها بحويجها صافي من موراها بدات القراية تاني بعدات على دارهم تاني و بحكم هاد المدرسة لي دايرة فيها غير عامين يعني العام التاني كان مزير و بزاف و عاد خلي سطاج و بروجي د لخر القراية مهم مابقى ليها الوقت حتى تحك راسها تفكات من البلية ديال القصص و حبسات تقريبا عام حتى نسات القصص. فاش كملات و دوزات بروجي في شهر 3 لي داز مزيان بقى ليها سطاج في شهر 4 و 5 عطات غير لباها يسني ليها مافيها لي يدوز شي سطاج و هي تزيرات داك العام قالت لدارهم باش يدوزو ربيع في الفيرمة لي عندهم و بما انها قريبة لمدينة ب15 دقيقة واخا جات خارجة على المدينة يعني يقدرو يدوزو تما صيف و الخدمة د باها حالها ساهل نيت بما ترتاح شويا و لكن المشكل كان في ريزو لي ميت ماكيشدش مزيان يعني باش تكلس تفرج في المسلسلات والو ماعندهاش كيفاش دير بقى ليها غير الفايس كضور فيه حتى طاحت على واحد البوسط ديال واحد القصة قالت انا باقي ماتغربلش من هاد الكروبات زعما لي ماكتفاعلش كتغربل فيه ساعة من حسن حظها كانت باقة فيهم.... تبعات قصص رائعيين و تعرفات على ناس لي ولاو مع بعضياتهم عائلة (تحية ليكم راني كنشوفكم 😘😘) ولاو ديما منوضينها في لي كومنطير حتى واحد نهار وحدة فيهم دارت كروب في المسنجر و تما فين ربحات مع القصص احسن صديقات ❤......... #يتبـــــــــع.......🤍💫 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM