الوحش و زوجته الجريئة #الجزء 3 : سي رضا:الله يرضي عليك أبنتي . دخلات قمر شادة من يد سناء و كيضحكو حتا قالت قمر: أجي في خبارك القانون اللي ولا جديد . سناء: إنا قانون تاني ، هادو شتهم كل سيمانة قانون جديد . قمر: ضاع ليك نص من حياتك أبنتي ، قالك غادي تولي تسجلي في العطلة باش تضمني بلاصتك . سناء: واش غادين الجامعة ولا غادين لحمام . قمر: ههه حتا نتي فحال الجامعة فحال الحمام . دخلو الدار و هي تغوت قمر: عمييي ، خالتي ،و مشات تجري عندهم و عنقاتهم بجوج في دقة، (سي عثمان عم قمر و بدر و الأب ديال سناء و أيضا الأخ ديال سي رضا ، صارم و ضحوكي في نفس الوقت ) (مدام ثرية ، أم ديال سناء ، و هي مرات عمهم ، ظريفة و حنونة و ربة بيت ) سي عثمان: قمورتي ما زال ما باغا ديري عقلك . قمر: مغاديش نديرو ههه حتاش أنا مرتاحة بلا بيه هاد ساعة . ثرية: حمقة ههه . سناء غمزات قمر و قالت: يلاه نطلعو لبيتي . قمر: هي لولة هه . و مشاو كيجريو . سي رضا: أهادو مالهم . بدر: مصيبة جديدة تاني شنو غادي يكون في نظرك . الكل:هههه **** في بيت سناء جلسو فوق السرير و كياكلو في شيبس ، سناء: إذن قلتي نبداو ب بدر و شنو هي الخطة . قمر بابتسامة شر: أكيد أنبداو ب سي بدر من صباح و هو مgابلني و كيسرسر في ودني . سناء: و قولي ليا دبا الخطة ؟ قمر قربات ل سناء و قالت ليها الخطة في ودنها . سناء:ناري المسخوطة نتي باغا تموتي ما فيهاش شك و إلا مرض و لا شي حاجة . قمر : هداك فحال المش مكيمرضش ،و يلاه نزلو راه فيا جوع ما زال ما فطرت . سناء: زيدي زيدي ، اليوم ناكل عليك كسكسو . نزلو و قمر كتبتاسم و كتشوف في بدر ، شاف فيها بدر و قال: مالك كتشوفي فيا . قمر: بغيت اويلي ما نشوفش في خويا . بدر خرج راسو : امم إوا هانا بقاي تمنظري مع راسك . قمر:وليتي تبان خايب ، صافي صافي ما بقيتش باغا نشوف فيك . بدر في نفسو(فهمت هدوك الشوفات مزيان ، و لكن نشوفو فين غادي توصلي ). في الليل كانت العائلة مجموعة على الطبلة ديال العشاء كيتعشاو ، قمر:امم الله يعطيك الصحة أخالتي هادشي بنين . ثرية: بصحتك أبنتي . بدر:نتي أصلا أي حاجة كلتيها كتجيك بنينة هادشي ماشي غريب . قمر بابتسامة:ضحكتيني و الله و ما فيا اللي يضحك . سي رضا:كولو و سكتو، و نتوما من الصباح مناgرين ليا فوق راسي . كلشي سكت ، كملو ماكلتهم و جلسو مجموعين شوية بدر ناض الطواليت بقا مدة عاد خرج و جلس معاهم تاني ، قمر:خويا العزيز درتي نص ساعة و 5 دقايق و 4 ثواني في طواليت، ياكما فيك الإسهال . كلشي بدا كيضحك و بدر تعصب يلاه غادي يجاوبها شدو الوجع تاني و ناض كيجري ل طواليت ، سي رضا:أش درتي ليه أهاديك شنيولة راني كنعرفك . سناء:ههه عمي عاق بيك . قمر خنزرات فيها و شافت في باباها: والو أ بابا . كان بدر جاي و سمع المحادثة ديالهم وقف حدا سناء ، بدر:سنااء قولي ليا أش دارت هاد سليعفانة . سناء شداتها رعدة و بدات تفتف و قمر تخلعات و خنزرات فيها باش تسكت ، سناء:عطاتك ، عطاتك دوا ديال الإسهال . بدر تصدم و كلشي بدا كيضحك ،و هي تنوض قمر كتجري و هو تابعها و كيغوت: وقفي أديك البواالة ، قماار وقفي بلاما تعصبيني . قمر قلبات الدورة و رجعات تجري عند باباها و تخشات حداه و قالت ليه في ودنو :عتقني أبابا العار ياك أنا بنتك حبيبتك . سي رضا: تخافي ما تحشمي ،صافي أ بدر المسامح كريم . بدر:هاد المرة غادي نفرشخها حتاش كتقلب عليا هاد البوالة . قمر:أنا ماشي بوالة ، أصلا كلشي كان كيبول منين كان صغير . بدر:متافق معاك و لكن نتي مني كنتي صغيرة راه ما كانوش عندك الحباسات ، كان اللي يشدك تبولي ليه على وجهو . كلشي بدا كيضحك تاني و قمر تعصبات ..... #يتبع...... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM