قصة المزحة #الجزء 148 والاخييير : *فلاش باك* كانت يالاه والدات صفوان، الفرحة كانت ضايرا بيهم كيف لا و هو اول طفل، و لكن الفرحة مادامت بعد 5 اشهر من الولادة بقات ايلاف ديما كتعاني من الوجع و كتحس بشي حاجة غريبة في الوالدة شكو في لول اكون غير مع الفتحة حتى نهار لي تزاد عليها الوجع و دخل يوسف من الخدمة و لقاها. يوسف: ايلاف مالك؟ ايلاف: شدني الحريق، ديما كيكون خفيف و لكن ليوم كثر. يوسف: من امتى و كيجيك؟ ايلاف: شهرين دابا و لكن كان كيجي خفيف، و قلت غير مع الفتحة يوسف: شهرين و ماقلتي ليا والو. لاح علبها عباية و زيف و هزها بين يديه داها لعيادة نسائية و تما ماعرفات واش تفرح و لا تكعى تفرح حيتاش تم تشخيص حالتها انها عندها سرطان الرحم في بدايتو و قدرو ينقضو حياتها و لا تكعى حيتاش غادي تحرم من انجاب اطفال اخرين. و الوحيد لي وقف معاها و طمأنها هو يوسف لخبرها انه خاصهم يحمدو الله انه عندهم ولد و ان صحتها هي اهم. *نهاية الفلاش باك* رجعات تفكرات هضرة ديال يوسف و حمدات الله و ناضت ع صفوان لي لقاتو كيتسناها قدام الباب و مافاهم والو، خرجات كتبكي و ماشرحات ليهم والو. نزلات عنقاتو و كتبوس فيه ايلاف: نتا احسن حاجة طرات ليا في هاد الحياة كاملة، كنبغييك احبيبي صفوان زاد عنقنها: حتى انا ا ماما كنبغيك... *بعد اسبوع* راجعة ايلاف من الخدمة عيانة، و كتشكر جودي في سرها لي عيطات عليها و قالت بلي غادي تدي معاهت صفوان باش يخرجوهم مع جوري و سامي و في لعشية اتوصلو ليها لدار، طالعة في دروج لدارها و تيليفزنها صونا تاني للمرة عاشرة يمكن و لا كثر، من نهار خرجات من عند ارثر و هو كل نهار كيعيط ليها الا انها ماعندهاش الوجه باش تجاوبو فديما كتقطع عليه، عاود عيط عليها و هاد النرة كانت في وصلات لباب دارها عاودات قطعات حتى كتسمع صوتو من وراها. ارثر: حتى لامتى غادي تبقاي تقطعي عليا؟ ايلاف: ارثر!!!؟ ارثر: اه ارثر، لي خليتيه سيمانة ماجيتيش شفتيه، واش ولا لاباس عليه و لا لا، و ها انا غير قدرت نوض و جيت حتال عندك باش نسمع الجواب ديالك. ايلاف: ارثر، راه هضرنا داك نهار، و قلت ليك مايمكنش ارثر: شووت هضرنا اه و لكن ماقلتيش جوابك، واش موافقة و لا لا؟ ايلاف يالاه اتبدا تدمع تاني ارثر: عافاك خلي دموعك حتى توافقي ايلاف: ارثر نتا تستاهل وحدة حسن مني ديى معاها ولادك. ارثر: اوف، واش انا تشكيت عليك؟ انا باغيك نتي و من غيرك ماناخد، و الولاد فعندنا ولدنا صفوان و حمدي الله عليه، و الا بغيتب تزيدي نربوي و لا بلاش نربوي غير صفوان و يكبر يبعد علينا و نعيشو انا و ياك الحياة. ايلاف: ارثر ارثر: نعاام، عافاك ماتزيديش تعذبيني و انا باقي مريض، قولي غير اه و لا غير حركي راسك و خليني نفرح شوية. ايلاف: غير هي فاش تندم من بعد ماعندي ماندير ليك. ارثر: هي نقول وافقتي؟ حركات راسها باه، يالاه جاي جيهتها قاصدها حبساتو بيديها. ايلاف: خديتي الموافقة، يالاه سير حتى تبرا و اجي نتفاهمو. ارثر: عندك الحق، حتى انا ماغاديش نتمالك راسي، انا مشيييت. * بعد 5 سنوات* من احسن القرارات لي خديت في حياتي و هو انني نوافق على ارثر يوسف كندجي، لي بدات معاه قصتي بمزحة و تحولات لحكاية، عشت معاه الحب و الحنان و الحزن و الفراق و لكن بعد جميع الصعاب و العوائق قدرنا نتغلبو عليهم كاملين و ليوم عايشين في قمة السعادة مع ولدنا صفوان و بنتنا ملك لي ربيناها و هي مازال تربية من بعد ما ماتو واليديها في حادث و كانت اسم على مسمى "انجل". من بعد نهار لي وافقت على ارثر داز شهر و نزلنا كاملين المغرب تما درنا العقد و العرس لي اصر عليه ارثر، و رجعنا تاني لالمانيا بحكم خدمتو و حياتو كاملة هنا. واكتشفنا ان الحوار و الاستماع هو الحل لجميع المشاكل، كن تحاورنا و تفاهمنا من لول مانكونوش وصلنا لهادشي و لكن هاد العوائق كاملة ماخلاتنا غير نتشبثو في بعضنا........ #النهااااااااااااااااااااتاية....... #شكرا لجميع لي كانو متبعين معايا من لول احبكم في الله⁦ ⁩ #نتسنى ارائكم و انتقادتكم على القصة احبكم في الله تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM