الوحش وزوجته الجريئة #الجزء 4 : ثرية:تفرقو ليا نتوما على بنتي . قمر مشات عندها و عنقاتها : و الله أخالتي نتي للي صدقتي عليهم كاملين . سناء:مالها كيكة حتا تصدق . قمر خنزرات فيها :شتي نتي غي سكتي حسن ليك . بقاو كيهضرو من موضوع لاخر حتا كل واحد مشا ينعس في بيتو ***** أصبحنا و أصبح الملك لله ،في أمريكا و عند مروان اللي كان في لاصال الموجود في الفيلا بجميع الآلات الرياضية ، كان كيتريني بكل قوة و بلاما يوقف ، حتا دخلات عندو الحاجة . الحاجة:مروان باركة أولدي و يلاه راه الفطور قريب يوجد . مروان: هي اللولة الحاجة هاني جاي ، مشات الحاجة و خرج مروان دوش و لبس اللباس الرسمي ديالو و خرج ،جلسو مجموعين في الطبلة ديال الفطور ، حتى كايجي اتصال لمروان ، مروان:ألو . الشخص:... مروان:كفاااش ما يمكنش واش ما كاين حتى شي حل اايوب؟؟ مروان:كيفاااش ما يمكنش واش ما كاين حتا شي حل أ أيوب؟؟؟ (أيوب صديق ديال بدر في عمرو 27 سنة ، عيون زرقاء و بشرة بيضاء، و حواجب كثيفة ، و جسم رياضي ،عندو 40 % من الأسهم ديال الشركة ، و هو اللي كان مسيرها في الغياب ديال بدر ، شاب مرح و ضحوكي ) أيوب:لا أصاحبي ما كاينش حل، خاص ضروري نتا اللي تكون مشرف على الإجتماع و لا غادي ضيع منا الصفقة و نتا عارف شحال مهمة للشركة ديالنا . مروان: أوف أ أيوب صافي غدا نكون عندك . و قطع و هو معصب . رضوان:أش كاين أمروان. مروان:خاصنا الليل نمشيو المغرب . شافت في الحاجة بنظرات كلها حزن و عرفاتو علاش معصب و قالت في نفسها (ما زال ما نسيتي أولدي). مروان كمل : و نحضرو الإجتماع ديال غدا و لا غادي تضيع من يدينا الصفقة ديال مارك . إيناس:يااس غادي نرجعو المغرب متشوقة باش نشوفو عمرني ما شفتو . ناضت كتشطح و تغني . الحاجة بابتسامة :جلسي الهبيلة اللي عطاني الله جلسي، مزيان أولدي نيت توحشنا البلاد . مروان ابتاسم الحاجة باش ما يبينش :و يلاه نوضو وجدو راسكم الليل غادي تكون طيارة باش غدا نكونو تم . الحاجة:واخا أولدي . مشات إيناس كتنقز في الدروج حتا تكربعات و شافها رضوان و بدا يضحك عليها و هي خنزرات فيه ، رضوان:ههه راني كنقوليك ديما متبقايش تفرفري بزاف . إيناس: مغاديش نجاوبك . و مشات للغرفة ديالها باش تجمع حوايجها........ #يتبع..... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM