الأسود 🖤 الجزء 12 🔥🔥🔥🔥🔥🔥 ( التتمة من بعد 330 لايك طاكيو صحابكم يقراو القصة ❤️🥰) عاد تبعتهم من لور كنجري سناء : دراري ماشتوش مهدي ماعرفت فين غبر سامي : عاد كان هنا أواه فين مشا هاذ الموصيبة سناء : مهدي مهدي فينك مهديييي هناء : ياكما طلع للكار سناء : بلاتي نشوف ... ناري أدراي ماكينش في الكار وماكينش مع ناس فين ايكون مشا ياكما تجلا في هاذ الخلا فدوى : تهدني اصحبتي ايكون غير هنا ماعندو فين يمشي سناء : كيفاش انتهدن والسيد غابر ، ياسيدي ربي فين غادي لقاوه في هاذ الضلام سامي : أجي نقلبو عليه في هاذ النواحي سارة : فين غادي نقلبو في هاذ الضلام أيمن : ياربي سلامة ياربي سلامة أعوذ بالله من الشيطان الرجيم واقيلة طريق مسكونة 2 جنيات لابسين الابيض جايين كيجريو لجيهتنا هربو ادراري بسم الله الرحمن الرحيم حمزة : ولهيلا عندو الحق واقيلا بغلة القبور وشي جنية أخرى يله نهربو قبل مايوصلو لينا هناء : ناري مي اعوذ بالله من شيطان الرجيم طالبين تسليم منير : واش جنيات كيهزو البيل هاذو غير إنس سامي : واقيلا هاذو البنات لي تخطفو سمع غواتهم البنات : ماماااااا مامااااااااااااا باباااا مريم : ولهيلا صوت البنات الام : بناتي هاهوما بناتي الحمد الله الحمد الله حمزة : كيف دارو حتا رجعو أيمن : دراري راه مهدي حتا هو جاي فدوى : فين كان هذا اش كيدير بين الشجر _ تميت جاي دقة دقة وكندير في راسي عما حتا قربت فين كاينة الجوقة جاو عندي دراري سناء : مهدي فين كنتي الزمر خلعتينا عليك واش بغيتي تسكت لينا القلب _ كنت مزير بغيت نقضي حاجتي ، ملي وقفنا قلت نستاغل الفرصة واش مايرتاحش الواحد مريم : وكي درتي تامشتي ومابانت ليك غير هاذ الخلا المضلمة على الأقل قولها لشيواحد في دراري يمشي معاك _ وراني مزير ماقدرتش نصبر طلبت من واحد الولد يديني معاه حيث كان غادي حتا هو سناء : باز والله ماكتفكر كون دجليتي فين هو هذاك لي داك مشا وخلاك بوحدك _ واش أنا دري صغير نتجلا وزايدون أنا عما ماشي صمك قادر نحدد المكان من خلال الصوت مريم : مالك اصحبي اتحمقنا _صافي ماوقع والو يله نطلعو للكار جاني البرد سامي : زيد أوجه المصايب _طلعنا الكار مجموعين ريحنا بلصينا ، شوية نتاشرت الخبار ديال البنات المخطوفين عاودو لناس شنو وقع ولكن ماقدروش يشوفو شكون عاونهم مع ضلام ، كنت مغطي وجهي و طافي البيل وحتا فاش عطيتو ليهم قلت ليهم مايخدموه حتا يبداو يجريو داكشي علاش طلبت منهم مايتلفتوش وراهم باش مايشوفونيش حيث كنت وراهم مباشرة ووجهي مكشوف ، ماقلبت الدورة حتا قربت الشانطي باش ما نبانش لصحابي جاي من نفس الإتجاه لي جاو منو البنات ويشكو فيا حمزة : واخيرا الكار ايديماري أيمن : البنات مرضيات عندهم زهر لقاو لي عاونهم في هاذ الخلا غير هو غريبة هاذ القضية شكون قدر ينقدهم من الاعتداء وبوحدو وفي هاذ الخلا مريم : ربي كبير واخا في طريق خاوية وضلام سخر ليهم الحماية وهاذشي من لطف الله منير : أيكون شي حد ساكن في هاذ المنطقة هو لي عاونهم 100% سامي : زعما شخص واحد قدر ينقد 2 بنات من إيد عدد كبير ديال رجال أفارقة مايمكنش داكشي لي قالو البنات يكون صحيح فدوى : متافقة معاك يمكن مع الخلعة بداو يخرفو غالبا كانو غير 2 تال 3 كاع إلى كترو _ بقينا كنهدرو في الموضوع الاختطاف وماتاقوش بكلام البنات ، ماعرفينش بيلا كلامهم صحيح وانا لي درت كلشي وقادر ندير حتا كتر هاذو بالنسبة ليا غير تسخينات مزال ماشفوني فاش كنكون بسلاحي نخوي ليك قشلة ديال المجرمين على قدها مريم : هاحنا وصلنا _من بعد ساعة ونصف ديال الهدرة وصلنا لمرزوگة دخلنا لأوطيل لي غادي ندوزو فيه هاذ الرحلة قسمونا كل 2 في شومبر، خديت أنا وسامي مفتاح الغرفة توجهنا ليها حطينا حوايجينا وخرجنا نتعشاوو كيف طلبو منا طاقم الرحلة ومع هاذ النهار وصلنا معطلين ماعندنا تابروغرام من غير نعاس ملي سالينا عشانا توادعنا كل واحد فينا قصد شومبر ديالو ينعس ، بدلت حوايجي وشديت بلاصتي شربت السيرو ديال الغلض وانا نعس طحت دودة حتال واحد لحضة فقت كنغوت مهديييييي لاااااااا بجهد وفقت مخلوع كنقول ياربي سلامة سامي تخلع تاهو شعل ضو سامي : ياك لاباس أمهدي مالك _ وآلو غير حلمة خايبة اخويا سامي : خير وسلام اخويا _ مد ليا كاس ديال الماء شربتو وقلت ليه نعس نعس تال غدا سامي : قرا شوية القرآن وحاول تنعس _رجعت تكيت بلاصتي مبغاش يديني نعاس خلعاتني الحلمة ، حلمت بخويا على حبل المشنقة وبزاف ديال الضباط والرأساء ديالي كيشوفو فيه و كيضحكو وانا حداهم ماقادر ندير والو شوية نفدوو عليه الحكم وبدا كيتخنق هي فاش فقت مخلوع وكنغوت ... قريت شوية القرأن وبقيت كنحاول نعس حتا داني النعاس الصباح مع 8 كنفيقو على صوت دقان المأطرين ديولنا خرجنا تجمعنا حنا والكليكة نفطرو والفطور عبارة عن بيفي كول لي بغيتي من بعد الماكلة قالو لينا نجمعو حوايجنا حيث انباتو ليوم في واحد الخيام تابعين لوطيل ، مشينا لي شومبر جمعنا حوايجنا و خرجنا مجموعين لساحة الأوطيل وتما فرقو علينا بعض الموضفين ديال الأوطيل عمامات صحراوية كنوع من الترحيب ، قادوهم لينا وركبنا في طومبيلات جيب وقصدنا واحد البلاصة مصايبينها على شكل حلبة سباق المأطر با حمد : عندكم ساعتين هنا ستمتعو بركوب الكواط _ركبنا كواط وبقينا كندورو بيهم أنا كنت لاسق في سامي درنا بيهم وتسابقنا حتا عيينا ملي سالينا تصورنا مجموعين ومشينا من ديك البلاصة توجهنا لأماكن اخرى ستكشفنا مناطق اثرية ومناجم قدام وحنا مستمتعين بوقتنا وحاليا كنتواجدو في منطقة الاستراحة تجمعنا تغدينا غداء جماعي على حساب الأوطيل ملي سالينا تعرفنا على واحد الكليكة اخرى تاهوما ولاد مدينتنا وجاو معانا في الرحلة سامي : مهدي نوض يله معايا بغيت ندوي معاك _ توجهنا لواحد القنت معزول وتما سامي بدا يعاود ليا أن وحدة من ديك الكليكة طاحت فيه وحتا هو عجباتو فرع ليا راسي بيلا حضياه وعجباتو ولكن مازعمش يهدر معاها ، بديت كنقنع فيه يمشي عندها مابغاش سامي : تاغير خليها انطيح من قيمتي إلى مشيت عندها مابغيتش هاذ الكاريزما تضرب في زيرو على كتسناها هي تجي دوي معاك سير تصرف عليها راك غادي تندم سامي : أشمن غادي ندم _عنداك غير فاش نرجعو تبقا تقول ليا كون غير هدرت معاها سامي : مالي غادي نموت صافي اخليها _ واخا هكاك بقا فيا والبنت زوينة مابغيتوش يضيعها ، درت فيها عما قلت ليه يقول ليا فين كاينة نعت ليا بلاصتها ، وهو كينعت ليا كتبان ليا البنت بعدات هي وصحبتها على الكليكة ديالهم ومشاو يتصورو سامي : اش باغي دير اعشيري _ دابا نعجبك غير بلاتي ، عيطت على بو البنات حمزة جا لعندي قلت ليه يله معايا عند دوك البنات ضحك حتا بانو نيابو ، تاهو ماشي من العاگزين فرح كيعجبوه البلانات ديال الدريات يسمع الدريات يفوت معاك حدود ديال موريطيانيا ( طاكي شي صاحبك فيه هاذ الفعايل ) حمزة : باينين طايبين حالهم ساهل _شد ليا في أيدي وقصدناهم مديت ايدي وقلت سلام عليك سلمو عليا ، سمحو ليا البنات أنا عما ماكنشوفش فين هي لي لابسة الازرق بغيت ندوي معاها ريم : أنا اخويا اش خصك _ بصارحة ختي أنا عما ولكن كنحس بي قلبي بناس لي زوينين وقلبهم طيب ونتي باينة فيك بنت الناس و في شكل وضريفة ،داك الولد لي لهيه ( بديت كنعت ليهم اتجاه غالط باش نتبتهم اني عما ، سامي كان ورايا وأنا كنعت في جنبي الأيمن) حمزة :بغا يقصد داك الولد لي اونفاص معاك لابس قبية حمراء _ ايه داك الولد الزوين طويل بو البادر ريم : اه شتو مالو _ عجبتيه وحشمان انو يجي يدوي معاك ريم : علاش مجاش هو _ كيحشم مابغيتوش يبقا منادم معاه الحال ملي تسالي الرحلة يدخل في إكتئاب حيث ماقدرش يهدر معاك ولا ياخد نمرتك هو ماشي من نوع لي عزاز عليه بنات بزاف وحشومي داكشي علاش ماجيت عندك وإلا عرفت انك عجبتيه ديال بصح ريم : زربتي عليا ولكن على هاذ الهدرة زوينة ماعليش عطيه نمرتي _ حمزة جبد تيليفوني قيد نمرتها ، عطاها تيليفون قيدات لينا نمرتها وعرفاتنا أنها سميتها ريم وحمزة دغيا دار لصحبتها حمزة : وكيفاش نتي ماتعطيناش نمرة إلى جاب الله صحبتك شي نهار خرجات مع صاحبنا ونتي جاك الملل ومالقيتيش لي يونسك عليك بحمزة فكاك الوحايل قولي ليا نمرتك 06 حسناء : درتي ليا سرعة لومبيلونص قيد قيد _ ولد العبد عندو فن الاقناع خدا نمرتها بالخف وتمينا راجعين تلقات لينا مريم في طريق مريم : هاي هاي هاذا غير عما طلع ماساهلش وليتي تاخد نوامر ضصرتي وكضحك عاجبك الحال _ جريتها من شعرها نمرة ماشي ليا غير لسامي والى ماتيقتينيش سوليه حمزة : غاديين بيها لسامي وزاديون وأنت مالك كدخلي في شبوقات الولاد مريم : سكت الباسل _ قصدناه سامي ب 3 عطيناه نمرة وبدا كيضحك فرح سامي : ماعليكمش الرجولة نتوما _ دخلها عندو الكونتاكت سيفط ليها ميساج ومريم رجعات عند البنات ، وحنا كنهدرو جاو عندنا الكليكة ريحو حدانا و سناء جلسات حدايا بضبط فدوى : سامي مهدي بغيت غير نعرف علاش تعزلتو علينا سامي : والو ماكين والو مريم : أمممم والو ولا تعزلتو باش تشدو النوامر _ البنات بقاو غير كيخنزرو فينا وماحملوناش بحال إلى غدرناهم ، قربات سناء لحدا ودني سناء بنبرة غاضبة : عجباتك ختنا ولا كيفاش _ ياهاذ المرا أنا عما كيفاش اتعجبني وأنا ماكنشوفش غير سامي عجباتو مازعمش يدوي معاها قلت ندير معاه هاذ المزيان سناء : على سامي ماعندوش رجليه اسي مهدي شكون لي خاص يمشي نتا ولا هو _ ماوقع والو غير بقا فيا وصافي مابغيتوش يتزرف سناء : يبقا فيك غير راسك تعلم دخل سوق جواك في بحال هاذ المواضيع _ ايه واخا صافي الزين ، كاين باين عليها الغيرة زعما يكون داكشي لي فبالي صحيح سناء : هاذ صافي كولها ماتقولهاش ليا أنا _ سناء بغيت غير نعرف علاش كتعاملي هكذا واش كاين شي موشكيل في أني ناخد نوامر البنات سناء : لا حياتك هاذي ضبر لمخك أنا مالي شكوني أنا حتا ندخل فيك _ ناضت من حدايا وهي كاعية بغات ترطق مشات جلسات في واحد الركنة خاوية سامي : هاذي مالها سامي ديني عندها ، خداني لعندها ومشا جلست حداها حطيت ايدي على كتفها سناء : شنو بغيتي علاش تابعني سير جلس حدا البنت لي خديتي نمرتها _ والله ماخديتهتا ليا وكنواعدك اسناء عمري نعاود هاذ البلان وعرفاني إلى واعدت كنوفي سناء : واخا أسيدي دابا 2 مرات كديرها قيد عندك ، المرة 3 مانعتقكش انقتلك بيدي _ اتقتليني كاع ماحشوماش فدوى : اش كتقولو نتوما سناء : والو احبيبتي غير كنهدرو مريم : وفاش كتهدرو _ ياربي سلامة منين خرجتو نتوما مريم : من تحت الارض مالنا ماعجبناكش _سناء بغيت نسولك واش كتعاملي مع صحابنا كاملين هكذا واش بغيتينا نبقاو كاملين سيليباطير باش نبقاو زعما كليكة وحدة ؟ سناء : عصبتيني بدل الموضوع _ هاني غادي نرجع عند دراري تهلاو فدوى : مكلخ هاذ الدري الله يصبرك اصحبتي سناء : كون غير كان كيشوف كون خليتو يغير كيف قالت صوفيا يا سيدي ربي على وحلة, ايخرج ليا عقلي ماعرفتش علاش كنحس بقلبي شاعلة فيه نار الغيرة ماكرهتش نوض نتف دوك الكلبات تاهوما كيضحكو ليه مريم : صافي اصحبتي نساي رآه بصح النمرة خداها لسامي وماشي ليه المأطر : الشباب يله طلعو لسيارات باش نمشيو نركبو جمال ونلحقوو نشوفو الغروب من واحد الموقع رائع _ داكشي لي كان ركبنا الطومبيلات لي جينا بيهم وقصدنا مكان تواجد الجمال طلعنا كل 2 في جمل كيما العادة ركبت أنا وسامي وكان العدد ديالنا 60 شخص ، بدينا غاديين وفي واحد الجو أقل مانقول عليه انهو رائع ومع المنضر ديال الغروب شيحاجة خيالية .... كنت هامل راسي ، مخلي الحياة وساد عليا في دار والخدمة ، بلادنا زينة وفيها مايتشاف ، من بعد شي ساعة على روكبنا الجمال وصلنا لواحد المنطقة واعرة هبطنا بدينا كنتصورو صور تذكارية وكان كل واحد اش كيدير شي كيتصور شي مريح كيستارح كاين لي متكي كيشوف في الغروب لي من ديك البلاصة كيبان زوين بزاف على غير العادة مريم : كون غير كنتي كتشوف امهدي تشوف هاذ المنضر سناء : اويلي اصحبتي سكتي دابا يولي يشوف ونعاودوها وزايدون أنا هي عينيه _ واخا ماكنشوفش راني فرحان حيث أنا معاكم . (نسيت ماقلت ليكم واحد الهدرة مهمة ، سناء دارت دور ديال عينيا في أي بلاصة مشينا ليها كتحاول توصف ليا ديك البلاصة وتخليني نتخيلها واخا أنا كنشوف ) مكانتش كتفرقني زعما دارت الواجب وأكتر ، من بعد استراحة الجمال ركبنا تاني والوجهة هاذ المرة الخيام لي تابعين الأوطيل ، مع صلنا ستقبلونا بگناوا خملية وحنا داخلين كنشطحو وكنسفقو ، عطاونا الموضفين حوايجنا ودخلنا لخيام لي غادي نباتو فيهم و كل خيمة بحال شومبر لوكس في اوطيل 5 نجوم شيحاجة واو . تقصمنا كل 3 في خيمة غير حطينا حوايجينا خرجنا تجمعنا في واحد لاطيراس كبير مضوي بالقناديل الصحراوية و مفرشين فيه زرابي وشاعلين عافية كبيرة في الوسط وحاطين اتاي والحلوة والفاكية جلسة صحراوية 100% معتبرة جلسنا مجموعين على شكل دائرة بدينا كناكلو هوما ينضمو لينا سياح أجانب ولا العدد ديالنا يقارب 95 شخص بدينا كنشربو في اتاي وكنتعارفو على بعضياتنا شوية طلق لينا ديدجي الشعبي نضنا كنشطحو وحنا شادين في بعضياتنا كنشطحو على شكل قطار سناء شادة فيا من لور وانا شاد في سامي وماكين غير الشطيح ورديح ، واحد اللحضة الناس جاهم الملل وكين لي عيا بداو كيجلسو واحد بواحد حمزة : مهدي ليوم بغيتك تزهي لينا المجمع مريم : ليوم رآه جايبين المطريال _ دخل حمزة منير جابو الگيتار ديالهم والبنات مشاو جابو الطعارج والبنادر ورجعو لبلايصهم سامي : مهدي البنات شفتهم جايبين الطعارج والبنادر ولاو عاونيات بلا خبارنا ايمن : مهدي هاك الگيتار بين ليا _ بلاتي بلاتي بغيتو الحماق والزهو غادي نبداو بيه هو لول ... حيدت العمامة من راسي وقاديتها على شكل فولار وهزيت مخدة صغيرة كنت متكي عليها ودرتها في كرشي كنبان بحال شي مرا حاملة سناء : تسطيتي شنو كدير _ اسكتي دابا تشوفي التسطية ديال بصح ، طلبت البندير من البنات و 2 لآخرين خداوهم حمزة وأيمن أيمن +حمزة : حنا غادي نشدو معاك الريتم _ نتوما شدو معايا الاقاع ، والبقية غنيو معايا وقولو خالتي الضاوية الجميع : واخا _طلعت الايقاع ديال ديسك بالبندير باش يكملو دراري بلا بيا وأنا حطيت البندير في الارض ، درت إيد على ضهري وإيد على حنكي وكندير حركات مضحكة ، يله كلشي معايا ستك لالو لالو لالو لالو لالو لالو الجميع : ستك لالو لالو لالو لالو _ خالتي الضاوية وميمتي جاني الوجع الجميع: خالتي الضاوية _ احح ناري وناري ( كنقلد ليهم صوت ديال وحدة باغية تولد وكلشي مفرشخ بضحك وكيغنيو معايا ) الجميع : خالتي الضاوية _ ميمتي وهذا شهري الجميع : خالتي الضاوية _ واوووووو واهيا المرا الجميع : خالتي الضاوية _ واااااااووو هاهو باه ( نعت في سامي 🤣) الجميع مع الضحك : خالتي الضاوية _ وااااااااااوووو الشهر الأول الجميع : خالتي الضاوية _ ميمتي عليه نعول الجميع : خالتي الضاوية _ كملت ليهم ديسك كامل زهيت ليهم الدعوة خليتهم كيضحكو بدموع مع دوك الحركات والصوت الهربة ، غير جلست ماعحبهمش الحال الجميع: إعادة إعادة _ نضت من بلاصتي وقلت ليهم الحاجة فاش كتعاود كتحماض ، ولكن غادي نشد ليكم ديسك اخر زوين الجميع : واخا باليييييي _حمزة عطيني الكيتار ديالك ونتا أيمن هز الگيتار ديالك ولي كيعرف لبندير يشدو ويضبط معانا الاقاع والبقية يسفقو أيمن : اكي واخا _ خديت الكيتار وتفرقو البنادر على دراري وبديت كنطلع ليهم في الاقاع ديال واحد الأغنية كيعرفها جميع ... يله كلشي معايا واو واو واو واو واو واو وااااااااا ، على مشموم الجميع : خوتاتو _ على سواط الجميع :عيلاتو _ على عشاق الجميع : صحباتو _ نعاودوها مرة أخرى ونبغي نسمع صوتكم كاملين مفهوم ... على مشموم الجميع بصوت مرتفع : خوتاتو _ عاودنا نفس النوطة وفي المرة التانية كان كلشي كيغني معايا ... وا ولي ولي واهيا الملة الجميع : ياحبيبي _ عيتيني بالكذوب شلا الجميع :ويا لباغي سناء : مهدي خلق جو زوين بزاف طلعو ديسك واعر ومع صوتو زوين والاقاع خلانا نوضو نشطحو بلا مانحسو _ ودار القاضي عامرة جرادي الجميع :ياحبيبي _ ماجيت فين سالي الديسك حتا ولاو لي كيشطحو كتر من لي كيغينو تخيلو معايا الأجانب ناضو كيشطحو من كترة جمالية الأغنية وصوتي الجميع : ماتحبسش كمل _ ماغديش نحبس يله كلشي معايا... وا مالي مالي والليلة مباركة مسعودة ، حضرو فيها جيلالة ، وعاري عليك اعيشة ، وعايشة يا المجدوبة أيمن نانانانانا حسك في فالجبال ينادي، كيف الجاي كيف الغادي ، وعاري عليك اعايشة، وعايشة يالمجدوبة _سالينا هاذ الأغنية دزت لأغنية أخرى شعبية وختمتها بالدقة المراكشية درت فيها المعلم مهدي ماكين غير التسفاق والطلعات ، متعتهم وعيشتهم أمسية واعرة كنت أنا هو نجم السهرة بالإضافة إلى أيمن لي حتا هو عزفو وصوتو زوينين فدوى : تبارك الله عليك نشطتينا الله يفرحك مريم : ديما كنقول عليك موهوب _ بقاو كيشكرو فيا وكيمدحوني شوية حيدت الگتار من ايدي درتو قدامي وحطيت أيدي لارض حتا كنتفاجئ أن سناء حطات ايديها فوق من إيدي ومركزة عينيها على وجهي و كتبتاسم عجبني الحال ماكرهتش نشد ديك الايد نبوسها إيديها رطبة و بيضة وناعمة سناء : بصارحة أمهدي أحسن حاجة وقعات لينا كاملين هي تعرفنا عليك ، نتا شخص متميز بزاف _ شنو لي فيا متميز وأنا غير عما عندي إعاقة وشكلي خايب...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM