الأَسْوَد 🖤 الجزء 36 🔥🔥🔥🔥🔥🔥 ( التتمة من بعد 350 لايك ❤️ الجزء الماجي ناضي قرا وتفاعل وطاكي عشرانك يقراو 🔥) _ أواه هاذي منين خرجات تاني تصدمت فاش لقيت سناء حدايا كانت حاضية معايا ... ماشي تخاصمنا غير وقع سوء تفاهم وصافي دابا كلشي تصلح ياسمين : اه مزيان ، ختي سناء أنا ماشي ضد علاقتكم أو حسداكم بالعكس أمين بحال خويا وصافي ماكين لاش تغيري مني وتعاملي بهاذ الطريقة سناء : كنغير عليه من خيالو بقا غير البشار اختي _ مشات ياسمين وخلاتنا بديت كندير في سناء شي شوفات وكنخزر فيها سناء : مالك كتخنزر منخافوش _ حشومة تعاملي معاها بديك الطريقة سناء : إلى بقات فيك تبعها علاش عزيز عليك تعصبني _ واخا دابا نمشي نتبعها سناء : أمينننن والله حتا نقتلك ونمشي عليك الحبس _ وينو على المغيارة ديالي شحال كنبغيك أنا سناء : لا مكنغيرش عليك الزمر موهيم أجي معايا بغيت نقلدو جاك وروز لي في تيتيانيك فاش بقاو معانقين وحالين أيديهم _ يله الحميمقة ديالي نتبعك على هبالك ، مشينا قلدناهم وهي فرحانة هزيتها بديت كندور بيها في السما سناء : يايييييييييييي راني فرحانة أسعد أيام حياتي هوما لي كندوزهم معاك احبيبي شكرا بزاف على هاذ السعادة لي عطيتيها ليا _ شكرا ليك نتي لي زينتي ليا حياتي ولونتيها بالسعادة كون مانتي كون راني دابا كنقرا فشي ملفات حتا تجيني شي مهمة نتي لي بدلتي حياتي الكئيبة مهدي : أمين اجي زاهية لداخل _ سمعت صوت الموسيقية المرتفع دخلنا داخل اليخت كان ديدجي مزهي الوقت دراري والبنات كيشطحو مع بعضياتهم بديت حتا أنا كنضونصي مع سناء شوية تلفت لدامي وياسمين كيبانو ليا كايدرو شي شطيح لافان رقص مثير +21 شوهة مرا مزوجة تحشم تشطح لراجلها داك الشطيح وزاد ديدجي ميكروب رونها فاش خدم ليهم ديسك ديال (طالعة شحال من حبة بالعة وحركي داك لعيبة 🤣) هوما زادو تحمسو ماكين غير توراك حليت فمي وبقيت مكوانسي كنشوف مهدي : ترشرش يله ادامي حركي حركي ياعينييي سناء بنبرة صوت قوية : أمين أش حاضي تاني عجبك شطيحهم _ أه لا لا كنشوف في دامي ميحسابش ليا كتعرف تشطح سناء : دوك العينين نتقبهم ليك ياكما نوريك أش كنعرف ندير حتا أنا _ تا نكونو بجوج في دار ووريني أما قدام الناس أوهو الزين كنغير عليك .... بديت حاضي بنص عين تصدمت في دامي ميحسابش ليا بنت العبد راقصة محترفة ياسمين عادي عارفها كدير الرقص وكنت شايفها من قبل كتواركي أيمن : منير عشيري سلات معايا الطبيبة شرشمات ليا المشاعر شيباني ميت ليه الحوت ويشوفها يتأثيرا منير : هاذي واقيلا ماشي طبيبة راقصة في بار وبايسة اعشيري زعزعاتني هاذا هو الزين اخويا والله ماكرهت نهرب بيها سناء : وداك الباسل دابا نقولها لمريم سمعتك اش قلتي حمزة : نتوما شفتو غير طبيبة مابانتش ليكم دامي تراه مايمكنش جهلاتني وعجباتني اش بان ليك اخاي أمين قنبولات ياك _ بديت كنقول في خاطري سكت يامسخوط الوالدين حمزة : ناري سناء ، ختي بيخير والله ماديتها فيك سناء : بسيف ماتشوفنيش على نتا هزيتي عينيك فيا عينيك مشاو عند دامي ، هاذشي لي حاضيين الله يعطيكم المسخ الموسخين هاذي هي جماعتكم _ بقينا كنضحكو ومرة مرة كنمشو نتعالجو في البيبفي كان فيه ما لاذ وطاب من الماكلة ... جات حدايا دامي وانا نسولها على بلان الشطيح دامي : ههههه هاذشي دوزناه في سطاج كانت عندنا واحد الراقصة مدربة كنتعلمو على ود المهمات باش الى كانت شي مهمة كتحتاج تقربي من شي حد وتشدي الإنتباه ديالو خاص تكوني ولابد راقصة فهمتي _ اه هكاك ودابا يابنت العبد عندك شي موهمة لي مريحة تواركي لينا رآه غادي نفقد السيطرة ونغلط فيك دامي : بلاتي نعيط لسناء الباسل بحالك بحال خوك _ لا لا كنضحك معاك غادي نسد فمي سناء لا ، بقينا داويين حتا بدات سناء كتبوع تخلعت عليها مشيت لعندها كنجري ... مالك شنو وقع احبيبتي سناء : كليت الحوت ضرني ومع البحر جاتني دوخة دامي: عادي هاذي دوخة ديال البحر سيري غسلي وجهك وريحي رتاحي _ مشات غسلات وجهها وفمها ورجعات ريحات حدايا ، دوزنا ديك العشية زوينة شطحنا ضحكنا كلينا تصورنا 21:00 دخلنا مارينا نزلنا من اليخت بدينا كنتصورو في مارينا وكنشوفو في الحوت لي تما وكنلوحو ليه الماكلة المؤطر : دابا غادي نمشيو نركبو تيليفريك ومن بعد مارجعو اتكون عندكم ساعة ديرو فيها لي بغيتو _ شدينا طريق تجاه تيليفريك على رجلينا انا و سناء مشادين ودراري حدانا كيهدرو وكيما العادة مهدي مناقش مع دامي هي كانت مشادة هي وياسمين وهو وراها كيقول ليها شيحاجة مهدي : خشوني وسطكم بروجولة دامي : سير تلعب والله حتا نسلخك مهدي : عرفتي شنو حركي داك .... عاودي داك الشطيح لي كنتي كديري دامي : واخا الزين يكون غير خاطرك ، ديما كتقول ليا دايرة بحال الولد شنو بان ليك نوريك الأنوثة ديالي مهدي : دامي طلقات شعرها وبدات كتحلون عليا في الهدرة وكتعوج قدامي ولي صدمني كتر هو جبدات باف وخدمات ديسك ديال toto (ديري هكا) وكتشطح وماشي أي شطيح وكلشي وقف كيتفرج وكيقول ديري هكاااااا ، اواه واش هاذي دامي لي كنعرفو دامي : بركة عليك ولا نزيدك الزين ديالي مهدي : زيديني زيديني عشقا ، بقات كتقرب ليا شوية بشوية كتعوج وانا مركز عينيا عليها فرحان ومصمر بلاصتي حتا شنقات عليا وضربتني لجبهتي دامي : شديتك أش بان ليك نسلخك دابا ولاشنو هكذا كنصيد الضحايا بحالك شتي ماقدرتيش تحرك من بلاصتك مهدي : عمري مزال نبعد عليك من ليوم ماكين غير دامي ياعينييييييييي انتي _ضربنا جبدة ديال طريق حتا وصلنا لتليفريك ركبنا 5 في كل عربة أنا وسناء وياسمين ودامي ومهدي بدينا كنصورو في ريوسنا وداك المنضر الواعر سناء : ياسلام على منضر أكادير زوينة بزاف ياسمين : أكادير غزالة وولافة الله على راحة مهدي : ماشي المكان وإنما لمتنا وحنا مع بعضياتنا مجموعين داكشي علاش جاتكم زوينة أما كون كان كل واحد راسو ماتعجبنا حتا بلاصة دامي : لأول مرة تقول شيحاجة معقولة أنا فرحانة حيث كاينة معاكم _ الحاجة الوحيدة لي عمري جربتها هي تيليفريك هاني جربتها دابا و الحياة السعيدة ... بقينا كنتحثو حتا وصلنا أكادير اوفلا لي كتبان منو أكادير كاملة منضر خلاب وكيعطي راحة نفسية تجمعنا لفوق بقينا كناخدو صور تذكارية البنات شافو VR BOX مشاو كيجربوه تسنيناهم حتا سلاو ورجعنا ركبنا تيليفريك نزلنا من أكادير اوفلا وقصدنا لاكوط تاني على رجلينا من بعد ماتفرقنا على أعضاء الرحلة وبقيت غير أنا وصحابي سناء : أمين حبيبي عييت هزني _ بدات كتفشش عليا ركبتها فوق ضهري بحال شي بنية صغيرة بديت كنجري بيها سناء : اهياو غير بشوية اطيحني _ متخافيش احبي أنا معاك وطيحي لايمكن سناء : اتبقا ديما تهزني _ اه من لبيت لفوق الناموسية معلوم ومأكد سناء : أميننننن راك كتحشمني _ أمممم باينة الحشمة كملنا طريقنا حتا وصلنا لاكوط بدينا كنتصورو مع شي وحدين لابسين ملابس ديال الدب وميكي ماوس وواحد لابس ملابس جاك سبارو خلصناهم تصورنا معاهم شي تصاور حمقين مثلا أنا شاد بيديا بجوج في ودني ومخرج لساني وسامي هاز مهدي وسناء دايرة موسطاج بشعر دامي وأيمن داير راسو بحال إلى غادي يضرب ملاك وهي بدورها دارت بحال مخلوعة تصارو خرجو ناضيين دامي : يله تحركو طريق طويلة ومزال خاصنا نشوفو شحال من حاجة سناء : واو گلاص بغيت گلاص ديال الڤنيلا مهدي : خود لينا كاملين كاع بغيناه سامي : نتا هو الأب الروحي ديالنا خود لينا اخويا أميننننن _ يله أجيو اوليداتي خودو لي بغيتو تجمعوو حدا السيد لي كيبيع الكلاص خديت ليا ولكاع صحابي وريحنا في واحد البلاصة كناكلو فيه مهدي : امممممم بروفيسيونيل أدامي دامي : كيفاش رآه كيعجبني الگلاص مهدي : والو والو بصحتك كون فهمات اتسيفطني سبيطار مافيها شك سامي : جن والله حتا جن مابغيتيش تفرقها غادي دير ليك شي عاهة مستديمة مريم : منير كون رومانسي بحال أمين وسناء شوف كيفاش كيوكلو بعضياتهم الگلاص وكلني ونوكلك منير : لا كنعيف نتي كتمصي في داك گلاص وريوگك لايحاهم فيه وتجي توكليني مامرگتيش مريم : ياك الحمار داك نهار ماكنتيش كتعيف من ريوگي منير : هاديك حاجة وهاذي حاجة ماتحكريش الزين صافي هناء : ياه شحال تقال نوضو نكملو طريقنا حمزة : واش هذاك فم ولا طارو دزبل دغيا ساليتيه _ سالينا ماكلتنا كملنا طريقنا كنتمشاو حتا بانو لينا شي وحدين دايرين واحد لعبة ديال القمر كنضن كتعرفوها كتلوح درهم والرقم لي جات فيه كتاخدو فلوس مثلا جبتيها في دائرة لي فيها 5 غادي تاخد 5 دراهم والى جبتيها خارجة شوية على الرقم كتخسر بداو صحابنا كيلوحو في دراهم وكيمشيو ليهم لحت أنا نوبتي جبتها في 7 خديت 7 دراهم تبعني أيمن ربح 9 دراهم مهدي : كبتوها أنا مشات ليا 10 دراهم مريم : تا أنا مشات 5 دراهم كملو الدراري ورجعو لينا فلوسنا _ أنا بركة عليا ماعنديش مع الحرام عطيت 8 دراهم لمهدي مشات ليه وأيمن كان كيخسر وكيربح بقا كيطمع والكلكية كيشجعوه حتا مشات ليه الفلوس كاملة والرابح من هاذشي هو مول لعبة أيمن : تفو زگلتها ماعندي زهر دامي : لعبة خطيرة يا إيما كتخليك على الضص من البداية أو كتولف الرباح شوية من بعد كتاخد ليك كلشي بحال أيمن سناء : هاذا هو القمر مافيه رباح واخا يكون عندك مال قارون يمشي ليك _ خدات لينا دامي تگرميلة كوكاو وكملنا طريقنا حتا وقفنا عند وحدين كيضربو الگيتار وكيغنيو حطينا ليهم شي بركة ديال الفلوس جلسنا حداهم وبدينا كنغنيوو معاهم ومستمتعين بوقتنا حتا بغاو يمشيو عاد نضنا رجعنا لأوطيل تعشينا وقبل مانوضو من الطابلة دوا معانا المؤطر تاني المؤطر : ليوم نهار داز ممتع معاكم كنشكركم حيث ساهمتو في إنجاح اول أيام الرحلة غدا 8 انفيقوكم انتوجهو لواحد المنطقة أخرى غادي تعجبكم اكتر سميتها ايمي ودابا يمكن ليكم تنصارفو ليلة سعيدة _ ودعنا بعضياتنا ودخلنا لي شومبر ديالنا وهكذا داز نهار لول لي استمتعنا فيه بزاف وكان من بين أحسن أيام حياتي وغدا ايدوز احسن بإذن الله مع حطيت راسي على المخدة بغيت نعس كنسمع تيليفوني كيصوني في الأول قلت غير سناء واقيلا مجاهاش النعاس ساعة فاش هزيت تيليفون لقيتو سعد ... سلام سي سعد ياك لباس ممولفاش تصوني في هاذ الوقت سعد : بغيت نقول ليك شي معلومات مهمة كيخصو مافيا الذئاب عرفتهم مأخرا وبغيت نقول ليك شي اسرار وشي حوايج مخاص يعرفهم حتى واحد من غيرك الموت والحيا هاذي كيف قلت ليك من قبل غادي نأمنك على كلشي كيخصني ، حل ودنيك معايا وحفض هاذشي لي غادي نقول ليك وياك تقول كلمة لشي حد كيما كان نوعوو _ تصنت ليه وسجلت في راسي داكشي لي خاصني نعرفو ونعست الصباح كنفيقو على صوت دقان وتعياط المأطرين بدلنا حوايجنا وخرجنا سلمنا على صحابنا وبركنا نفطرو ... حبيبتي مالك خاسرة هاذ الصباح سناء : كنحس براسي مسخسخة وصافي _ غير العيا ديال لبارح حيث تمشيتي بزاف سناء : اه باينة ولكن داز نهار زوين _سالينا الفطور طلعنا جمعنا حوايجينا وركبنا الكار توجهنا لإيمي و ادار لي هي منطقة سياحية زوينة معروفة عند السياح وصلنا لمكان المعلوم قبل مانزلو دوا معانا المؤطر مرة أخرى المؤطر : لبسو شيحاجة غليضة شوية رآه غادي نمشيو patinage نديرو التزلج سامي : لبارح عشنا الصيف ليوم البرد دولة تونس ❌❌❌❌❌❌ البوص بنبرة صوت غاضبة : فين وصلتو في داك الموضوع الرئيس : سيدي الأمور كاملة مضبوطة عملية المسح قريب نفدوها البوص : عندي كامل التقة فيك ولكن لي دخل ليا الشك هو التباطئ ديالك في التنفيذ الرئيس : شفت ماشي الوقت المناسب وكانو عندنا بعض الأشياء اهم سبقناهم البوص : صافي خود معاك هاذ الضرف غادي تلقا فيه معلومات اتحتاجهم مستقبلا يمكن ليك تنصارف عند أمين ❌ ❌ ❌ ❌ _ توجهنا لوطيل لي غادي نجلسو فيه حطينا حوايجينا ولبسنا قبيات غلاض شوية وخرجنا على برا كنتسناو صحابنا ياسمين : بقيت أنا الأخيرة في الشومبر دامي وسارة خرجو وأنا لبست سروال ديال سيريفط في البيج لاسق عليا ولفوق سليب بسماطي بيض قصير واصل لنص في كرشي ولبست عليه جاكيط في الأسود وجمعت شعري كعكة ودرت ماكياج سموكي خفيف وركزت على عينيا حيث هوما نقطة القوة ديالي ورشيت بارفان قوية شفت في المراية كنبان كنحمق كي خرجت من الشومبر وانا كنتعوج في المشية بقا كلشي حاضيني موضفين ونزلاء حتا من السياح الأجانب حلو فمهم وقف عليا واحد الرجل خليجي كيبان تلاتيني في العمر حاول يهضر معايا ماعبرتوش خليتو وكملت طريقي حيث أنا بين عيني أمين بغيتو ليا بأي طريقة خرجت برا الأوطيل كيبانو ليا صحابنا مجموعين قلت ليه هاي أمين وحطيت إيدي علي ايدو لامستو وبديت كنلعب بعينيا هو تزنگ بلاصتو بقا غير كيشوف وسناء بغات تفكر مادويتهاش بتاسمت ليها في وجها إبتسامة ديال راني ماحملاكش ومشيت عند دامي من ليوم غادي يتبدل البروغرام والله مانخليه ليها سناء : صافي هاذي خرجات ليها عاين باين شتيها والله حتا نتفها _ خليها احبيبتي ماديش عليها هدأت سناء وأنا كنتفكر في الحركة لي دارت بربي مابقات كتحشم وباينة اتجبد ليا صداع غير هو هاذ النهار على غرار العادة كتبان واعرة بزاف سحراتني وكيف قال خويا إلى مابعدتهاش نقدر نضعاف قدامها شي نهار ومافيهاش شك ... تمشينا مجموعين تاصولنا واحد المنتزه سياحي كبير كتواجد في ساحة الجليد ( patinage ) لي كتكون مفتوحة طول العام كيف دخلنا عطاونا الناس لي مكلفين حذاء تزلج لي كنقولو ليهم سكيات و الكاسك لبسناهم ودخلنا مهدي : ناري ماقدرش نزيد هاذشي صعيب حمزة : اح ضهري كيف كيديرو يزيدو بهاذ العجب سامي : دير بحال هكذا شوف وتعلم... الله مي رجلي مشات حمزة : ههه دير بحال هكذا يله بصحة الطيحة... ملاك مالك معنقة دوك لوحات الإشهارية تسطيتي ملاك : وخليني هنا شادة حسن مانجيب شي ربحة نعود مهرسة راني محتاجة رجليا _ بديت كنشوف فيهم وهوما كيطيحو واحد بواحد وسناء شادة فيا وانا ميت بضحك ....مانوياش تحركي احبي سناء : رجلي برجليك مانزيد حتا تزيد _ اجي نعلم حبي كيفاش تمشا بيهم بديت كنتمشا وكنعاونها تاهي تمشا كطيح وكنهزها سناء : منين تعلمتي ليهم نتا _ كنعرف ندير تزلج تعلمت في فترة تكوين ديالي هناء : الله يجيب لي يعلمنا سناء : ساحة عامرة اصحبتي شوفي لي يعلمك ياسمين : مشيت عند أمين حطيت إيدي على كتفو ودويت معاه بسوط أنثوي أمين عفاك علمني سناء : شنهواااااااا سيري اختي تيساع وتعلمي ياسمين : اوبسسس نسيت معاك هاذ المغيارة خفتها تاكلني بعينيها هاني غادي نمشي وخليك طرطقي بسمك.... مشيت وخليتهم منافشين أنا كنعرف ليهم ولكن بغيت نعصب سناء صافي سناء : سمعتيها شنو قالت والله حتا نتفها _ يهديك الله خليها تقول لي بغات اش بغيتيها سناء : منيتك كتقول هاذ الهدرة كون كان أنا لي كيجي يتقرب من شي شخص واش غادي تقبلها أمين عييت سير دوي معاها ولا غادي ندير شرع ايدي _ صبري احبيبتي عفاك راني داير بوجه والديها مابقا والو تسالي الرحلة وتمشي بحالها سناء : إلى درت فيها شيحاجة ماتلومنيش مريم : هاذشي زوين ولكن صعيب تمشا بيهم شبعت طيحان أيمن : ماغنخرج من هنا حتا نتعلم ياسمين : دامي اجي نتسابقو _ في الأول كان غير كيزيد شيواحد شوية كيتخبط مع الأرض وكنبقاو نضحكو عليه من غير ياسمين ودامي لي معلمين ليهم مهدي : امين بديت كنتعلم ليهم شوف دامي : ومالك كتمشا بحال شي مرا فركة عاد ولدات مهدي : دروك نوري مك مرا يله ولدات اجي نوريك واحد الحركة شديت فيها ولحتها وطحت فوق منها وبدينا كنضحكو _ بقيت كندورو أنا وسناء وحنا شادين في ايد بعضياتنا بيما طلقو شي اغاني ... اجي نجربو الرقص على الجليد سناء : أنا كنتمشا غير بزز بقا ليا غير الرقص _ انعلمك احبي شديت ليها في ايديها وبدينا كنديرو بحال إلى انشطحو هي تزلق وجراتي معاها طحت عليها سناء : أي تقصحت _ عنقتها وبستها في حنكها نوضي احبي بشوية عليك هناء : ياييي هاذشي ساهل دغيا تعلمت ليه ريم : سامي شد فيا احبي سامي : بغيتي نطيحو بجوج خليك بعيدة عطيني شبر ديال تيساع الله يحفضك ريم : مالك اصحبي خضر قلبك بارد بحال هاذ القاعة لا كلام زوين لا رومانسية سامي : هاذشي لي عطا الله انتعلم مع الوقت غير صبري _ بقيت كندور أنا وسناء شوية جات عندي دامي وياسمين وقفنا كنهدرو ياسمين : أمين فيك واحد الشعرة طويلة حدا بلاتي نحيدها قبل مادخل لعينيك _ تخيلو معايا مع حطات إيديها على وجهي نقزات عليها سناء و شداتها من شعرها جراتها لعندها ياسمين حتا هي مساهلاش شداتها من شعرها بيد ودفعاتها بيدها لاخرى بجهد ومع كانو مشادين في شعر بعضياتهم طاحو بجوج لأرض كيتناتفو ....يتبع ( شوفو الصور في تعليق ) ( اعلاننننننننن لجميع : الشباب نتابهو واحد القضية إلى كنتي ممساليش وماعندكش الوقت تقرا الجزء تفاعل وسير تال من بعد وقرا باش يكمل التفاعل و ماتحرمكش راسك وصحابك من الجزء الماجي 💪🏻🔥) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM