الأسود 🖤 الجزء 30 🔥🔥🔥🔥 ( التتمة من بعد 330 لايك طاكيو صحابكم يقراو القصة زوينة بزاف ❤️🔥) سناء : أويلي لا هنا لا واش نتا حمق ناس دايزين و الحراس كيشوفو جات ناقصة كون تحشم _ أشمن ناس ولا حراس واخا تنوض جدة من القبر وتكون كتشوف فينا اتعطيني بوسة تلقينا خلاص راني مزروب سناء : ولا ولا حشومة احبيبي ماشي هنا عفاك _ اوففففف حشومة عليك من بعد هاذ الشوق كامل منستاهل منك حتا بوسة ياكككك سناء : عرفتي شنو منخليكش بلاش يله قرب وجهك _ قربت ليها وجهي بالعرض البطيء سرفقاتني بنت العبد وباستي بلاصة الضربة وهربات مني دخلات القهوة ، تبعتها وأنا كنرعج مع قربت حدا باب القهوة لقيت دامي واقفة تما كتشوف فيا وكتبتاسم دامي : فين البطل كيبان ليا أطير بالفرحة مبروك عليك حيث رجعتي معاها _ الله يبارك فيك شنو كديري هنا علاش خرجتي دامي : خرجت يضربني شوية البرد تخنقت لداخل _ مالك كتشوفي فيا بدوك الشوفات مالك دامي : أمين مالحضتيش أن دنيا غريبة يله شي يامات قلال باش قلنا خاص تنساها وتخرجها من حياتك حتا لقينا راسنا مغامرين بحياتنا على ودها في دولة غريبة شتي دنيا شحال صغيرة وغريبة _ وي بصح دنيا ديما مخبية لينا مفاجئات مكنتوقعومش شكون قال مزال انرجع نشوفها مزال ، ماتصوريش شحال فرحان حيث ارجعو كيف كنا دامي : حتا أنا فرحانة بهاذ لمة صحاب و عائلة ياربي نبقاو مجموعين _ غادي نبقاو ديما هكذا اختيتو حتا من الذئاب صفيناها ليهم ماكيانة حتا حاجة اتعكر لينا الفرحة ديالنا دامي : هاذشي لي كنتمنا حيث عييت من حياة الوحدة _دخلنا أنا ودامي القهوة هي مشات عند مهدي في حين أنا قصدت سناء وكانت واقفة مع الكليكة وبديت كنبسبس عليها ... سسسس والزين والتفاح المرتاحب تسوقيني مريم : أنا اخويا _ لا لي حداك ديك الشهبة لي لابسة الشيبي سناء : نعام اخويا اشنو خاصك _ شتك عجبتيني وبغيت نتعرف عليك عطيني نمرتك إلى مكانش عندك موشكيل نتعارفو على بعضياتنا سناء : هاك قيد 06 مريم : نتي غير لي قال ليك نمرة تعطيها ليه سمح لينا اخويا مزروبين وزايدون هي مخطوبة و مكنعطيوش النمرة ديالنا يله دور بحالك _ ياربي سلامة ديما الخيبات هوما لي كينقزو وكنوحلو معاهم زوينات ماكتلقاش معاهم موشكيل دايرين نتي وياها بحال شي جن حارس شي كنز ياربي سلامة سامي : شنهوااااااا ( بصوت ساري كول 🤣) _ ههههه خنزرات وشنقات عليا ودارت بحال إلى غادي ضربني مريم : دروك نسلخ خويا نوريه خايبة _ أوبس خلعتيني أنا ماغديش ندوي معاك ... دامي أجي لهنا هاذي حگرات عليا بغات ضربني فدوى : مريم مشيتي فيها جبتيها في عضامك _تمات جاية قصدانا وأنا كنضحك ضحكة شريرة مريم : لا أسميتك دامي لا سمح ليا اكنضحك واش مايبقا الواحد يضحك معاك اخويا بلاتي نقاد ليك حوايجك دامي : متخافيش أمريم أنا ماندير ليك والو بالعكس نعاونك فيه خاص غير سناء ماضربناش _ بدينا كنضحكوو على مريم وعتاذرت منها على ضحكي الباسل وتقبلاتو بكل روح مرحة وسناء قيدات ليا نمرتها صونيت ليها طلعات ليها النمرة سناء : سير دار وتيلشارجي الوتساب باش تبقا دوي معايا نهار كامل _ صافي واخا حبيبتي كي نمشي اول حاجة نديرها سناء : واخا حبيبي قول ليا كيف دوزتي ايامك بلا بيا _ ايام صعيبة بزاف في فطرة فراقنا كنت كنبغي نحماق بالغيرة حيث كنتي مع واحد اخر مابغاتش تدخل ليا لعقلي أبدا سناء : واخا كنت معاه كان عقلي معاك نتا وعايشة على ذكرياتك ، أحمد كان مبزز عليا وماكنتش معتابراه راجلي ضليت نتهرب منو ومكنعطيهش حقوقو الزوجية داكشي علاش كان كيبضرني ومعذي عليا _ دابا وانا معاك ماكينش شي حد يقدر يأدي شعرة وحدة منك احبيبتي سناء : ونتا معايا كنحس بالأمان _ رجعنا ريحنا مع العائلة كلينا من بعد بدينا كنشطحو ماكين غير النشاط هاهو شاط ، شوية جا عندي خويا مهدي جرني من كتفي مهدي : ساط شتك قالب عليا وجهك مديها غير في صحابك ومخليني أنا _ (خويا واخا أنا كبر منو غير بنص ساعة ولكن مفششو وكنعاملو بحال إلى كبر منو بأعوام كتيرة) ... حاشا على شكون عندي عز منك غير نمشيو لدار ونهدرو تال الصباح دابا أنا متفرغ ليك اخويا العزيز مهدي : ديما كتقول هاذشي وكتمشي ديها في خدمتك وتخليني _ كنواعدك اخويا غادي ندوز معاك هاذ الكونجي وفينما مشيت رجلي برجلك سناء : أمين بغيتك في موضوع ضروري _ شنو بغات الأميرة ديالي أمري وانا نفد سناء : ماكرهتش نعيش معاكم في داركم هاذ المدة بحال دامي وياسمين _ ولكن مايمكنش الواليد مايسمحش لينا نسكنو بلا زواج سناء : هاهي ياسمين ساكنة معاكم وحتا دامي مالهم مزوجين ياك مهدي وياسمين غير مخطوبين وحتا أنا دابا خطيبتك يعني عادي نسكن معاكم عفاككككك _ سمعي اسناء ، ياسمين ودامي معاهم لافاطمة ودارنا صغيرة و عمرات ماكين فين تباتي كاين حل ولي هو تجي عندنا من الصباح حتا ليل حتا حد مايحبسك وزاديون قريب ناخدك ونعيشو بجوج في دار وحدة سناء : صافي واخا ماشي موشكيل _ قدرت نقنعها ومشينا ريحنا كنتحدتو حتا وصلات 23:00 توادعنا مع صحابنا وبقيت معانق مع سناء شحال عاد تفرقنا مسخيناش ببعضياتنا ودعتها وكل واحد مشا لدراو مع الحراس ديولو دخلنا لدار تجمعنا في صالون جاب لينا الواليد دكة ديال اتاي عمرها هو كانت معتبرة وبلاطو ديال الحلوة مهدي : ودكة هي الواليد الله يعطيك الصحة الواليد : شنو عارف على باك أولدي ، مرحبا بلا فاطمة عندنا دوزي كاسك بالحلوة لافاطمة : ترحب بيك الجنة السي عبد القادر شكرا ليك الواليدة : عاود لينا مهدي على المعاملة ديالك معاهم في دارك كنشكروك بزاف لافاطمة: هاذا واجب هوما بمتابة ولادي ومرحبا بكم عندي وقتما جيتو لرباط الواليدة : الله يكبر بيك ، حتا بنتك تبارك الله غزالة مشاء الله زوينة ومأدبة نعمة التربية لافاطمة: ايوا الحمد لله بنتي هي الصورة ديالنا ربيناها احسن تربية الواليدة: باينة ألا فاطمة الاذاب والصواب والحشمة والحداگة الواليد : وماكلتها بنينة تبارك الله عليها لافاطمة: واخا بنتي من نوع لي مكدير والو في دار وقليل فين كطيب ايديها بنان الواليدة : العجب يحساب ليا ماكتخرجش من الكوزينة مسكينة من نهار جات مكتخليني ندير والو مهدي : بديت كنقول مع راسي هاذيك غير التباتة الواليدة باش تبين ليك الحداگة وتقتانعي بيها 🤣🤣 الواليدة : قربت لعند ولي مهدي بديت كنقول بشوية شنو بان ليك في ياسيمين ندوي ليك مع مها مهدي : وياك ديريها غادي تزبليها من وراها قصة طويلة عنداك تم عنداك تقولي ليهم شي هدرة _ وهوما كيهدرو صونات ليا سناء قالت ليا تيليشاجري الوتساب درت بكلامها شارجيتو ودخلت كنهدر معاها ماكين غير القلوبة والحب بيما خطف ليا مهدي تيليفون من إيدي مهدي : يله نطلعو لفوق لعبو كارطة نخليوهم يهدرو _ عطيني تيليفون اصحبي خليني مجمع مابغيتش لعب مهدي : غادي تمشي معانا ولا نقول لسناء ياسمين ماشي خطيبتي والله حتا نفرشك وفكها معاها ديك الساعة ياسمين : يله نمشيو اصحبي مالك معكس دامي :صافي زيد قدامنا نلعبو شوية من بعد رجعو لعبو _ توجهنا لبيت مهدي ولي ولا ديال البنات دابا بدينا كلعبو كارطة ولي خسر يسولوه 3 لي ربحو اي سؤال بغاو بديت كربح فيهم خوكم واعر في كارطة كون كنت قمار كون ترفحت ماكين غير الاسئلة واحد لحضة ياسمين كدير فيا تاني دوك الشوفات ديولها لي كيفتنو وكتبتاسم توترت صدقت خاسر ياسمين : نسول أنا لولة قول ليا شنو متميز في سناء و باش هي حسن مني بالنسبة ليك _ لساني تعقد ماعرفت باش نجاوب بقيت ساكت كنفكر ، هو اياسمين نتوما بجوج بيكم بحال بحال بجوج بيكم زوينات بجوج بيكم ضريفات ومتوضعين وشخصيتكم زوينة ولكن هي فيها شيحاجة استتنائية خلاتني نجادب ليها من أول مرة شفتها جات على الگانة وعشقتها ياسمين : اه مزيان أسيدي مهدي : شكون لي زوينة كتر سناء ولا ياسمين _ شوفو الكلب على سؤال عطاني تقول عدو ديالي ياسمين : جاوب مالك ساكت _ هو كل وحدة وزينها وبجوج كيفتنو بزين صعيب تختار وحدة ولكن انختار سناء حيث كنبغيها ياسمين : واخا عليك اسي أمين عقل هاذ الهدرة دامي : نوبتي تخيل معايا واقفة أنا وسناء وكان هاز علينا شيواحد السلاح وتيرا فينا 2 رصاصات وعندك ختيار تعتق وحدة فينا تدفعها قبل ماتوصلها القرطاسة شكون اتختار _ غادي ندفعكم بجوج ونتلقا أنا ليهم نضحي براسي على ودكم مهدي : مسكين حنين البنات _ دراري داز الحال وقت النعاس تهلاو ماقاد على اسئلة اخرين نتوما طغيتو ، خطفت تيليفيوني من خويا لقيت داير ليه صيلونص سناء مصونية ومسيفطة بزاف ديال الميسجات وداك الايموجي الغضبان ، فاش دخلت نجاوب يحساب ليا نعسات ساعة كانت اونلاين سولاتني فين كنت قلت ليها الحقيقة الكاملة سناء : حشومة عليك مخليني كنتسناك وغادي تلعب كارطة مابلان ماوالو فضلتيهم عليا هوما لي كانو معاك شحال هاذا وحنا عاد تلاقينا ليوم مخليني تصبح على خير _ بديت كنحزر فيها حتا كلميتها عارف ليها المودباس ديال دماغها سناء : مسامح كريم موهيم سير تنعس دابا غدا انصبح عليك مع النبوري _ مشات وأنا دخلت لصالون قلت لافاطمة بيلا اتنعس في بيتنا وحنا في صالون لافاطمة : لا أولدي أنا نعس في صالون بلا مانخرجكم من البيت براكة غير البنات هجمو عليكم _ لا اخالتي ماتعاود غير الصلاة على النبي هاذي أقل حاجة نديرو معاك وافقت عيطت لمهدي يخرج الكواش من البيت ط غير حطهم في صالون لافاطمة مشات لبيت ديالي وواليديا دخلو لبيتهم . طلعت واحد سداري شديت بلاصتي وخويا فرش المانطة في الأرض وشعل تلفازة دار واحد الرسوم كنا كنتفرجو فيه في طفولتنا رجع ليا الحنين للماضي نزلت وتكيت حداه وحنا معانقين كيف كنا كنديرو من الصغر ( كنتكاو حدا بعضياتنا كندوز ايد من ورا راسو وكنحطعا فوق كتفو وحتا هو كذلك ) مهدي : الساط حاط حداك العافية المسخوط ياسمين طايحة فيك و كتبغيك بزاف واخا ضريفة كنضن ماغديش تنازل عليك وتقدر يتجبد ليك شي صداع خايب مع سناء هاني نصحتك وكنحذرك _ عارف لي كاين ولكن مانقدرش ندير شيحاجة دابا مهدي : خاص تبعدها عليك دابا سناء مزال عند بالها خطيبتي نهار تعرف انها صديقتك نتا وكتبغيك ومعاك في نفس الدار اتقلق منك _ شنو نجري عليها مثلا راني كنحاول ندير حدود أنا وياها ونخلي علاقتنا في إطار الصداقة فقط مهدي : ماقلتش ليك جري عليها ولكن شوف حل لراسك وعنداك يحساب ليك سناء ماغديش توصلها الخبار حذاري ياسمين اتبغي تستغل لوضع لمصلاحتها باش تفرقكم وتكون ليها _ ماكنضنش ياسمين تكون من هاذ النوع قلبها طيب مهدي : نتا دمدومة اصحبي ونية الحب يخلي الإنسان يدير أي حاجة عرفتي كون بلاصتك ناخد سناء وياسمين وهدى ونزيد حتا دامي من لفوق ياك الشرع عطا 4 وفي تصاحيب ما لا نهاية _ أنا ناوي الحلال ماشي باغي نتصاحب مهدي : ايوا حتا الحلال الشرع حلل 4 ونتا ميسور الحال ماتلقاش موكشيل ، قول ليا بصارحة سناء ولا ياسمين _ كل واحد وتفكيرو أنا بغيت سناء لاغير ، شنو لي عند لآخرين وماعندش سناء حتا نزيد وحدة أخرى عليها لي عند المعزة عند النعجة و بالعكس سناء لقيت فيها كلشي زوين وتخيل معايا في لحضة لي كنت كنحاول نكره سناء وتعرفت على ياسمين كنت كنتخيل وجه سناء في ياسمين يعني لا مقارنة اصحبي أنا كنبغي سناء وكنتسطا عليها مهذي : تاني ماتنساش ياسمين عزبة وسناء ولات مرا دخلها واحد قبل منك _ ياك ماشي في الحرام وكانت مزوجة على سنة الله وماشي لخطرها يعني ماكينش گرام ديال الموشكيل كون كانت كتفسد وخارجة طريقة كنت انتافق معاك مهدي : ماقلتش العكس ولكن مع الوقت الساط تقدر تمل من سناء وتبغي تنوع تخيل معايا كتاكل ديما الفريز يوميا يوميا ماغديش تشبع وتمل _ ها علاش زواج عن حب زوين حيث كتبقا من بعد المودة والرحمة و إلى كنتي كدوي على الملل من ناحية الشهوة ، سوا مع سناء أو وحدة أخرى غادي نمل حيث زواج ماشي الأساس ديالو الممارسة وداكشي لي على بالك الزواج الأساس ديالو تكوين أسرة وهنا فين كاينة متعة الحياة تشوف وليداتك قدامك مهدي : اوف ماغديش تفهمني نتا تعرف أنا لوكان كنت بلاصتك نديهم بربعة بيهم وبروجولة قنبولات ، سناء وياسمين ودامي ب 3 بيهم زوينات هاذو هوما لي كيقولو عليهم في طرولات إلى مشيتي تخطب لي عطوها ليك قول الله يخلف وسير خلفة مع طريق دامي : وسع وسع هاني جيت خليوني نتخشا وسط منكم مهدي : مانعستيش باز شحال عزيز عليك الزحام _ جات تخشات بيناتنا وحطات ايد عليا وإيد على مهدي عنقاتنا ... ناري وتشوفنا سناء اتحرقنا حيين دامي : وعلاش ياك حنا بحال الخوت _ اه بحال خوت ولكن بالنسبة ليها هي لا ، وحتا هاذ الجن لي حداك سوليه واش معتابرك بحال ختو ولا شيحاجة اخرى ، شاف فيها و دار واحد الابتسامة شيطانية دامي : مهدي أنا ختك ياك ؟ مهدي : واش مراضعين بزولة وحدة ومافي خباريش باش تولي ختي دامي : ايوا نوض تگعد من حدانا خليني مع لي معتابرني ختو ( دفعتو برجلي حتا تقاس ورجع تاني تخشا فيا ) _ عرفتي ادامي كان كيقول ليا كون كنت بلاصتك ناخد سناء وياسمين وهدى وحتا نتي دامي : هاذا رآه باسل وعينيه زايغة ومقاد على والو غير الهدرة وتخراج العينين ، كنضن مايقد حتا على وحدة غير وحدة تشيبو مهدي : اكيبان ليك دابا نعجبك الواليدة : اويلي اش كديرو نتوما تما مهدي : والو هوما الواليدة أنا عاد جيت ولقيت راسي حداهم كيفاش الله أعلم هوما لي ماعرفت اش كيديرو هنا دامي : كيفاش هوما على شنو كنديرو غير مريحين اخالتي _ الواليدة إلى قلت ليك تبنينا اخت كبيرة ماغتيقيناش ياك الواليدة : اسعدي وفرحي بولادي أش هاذشي كنشوف _ أنا مرگت في بلاصتي ، الواليدة والله احتا بحال ختنا وغير كنهدرو واش ماتيقاش فينا الواليدة : كنتيق فيكم اولدي ولكن نتا عارف باك إلى شافكم اش ايقول مزال كون كنتو في بيت وسادين عليكم أما الصالون لي داز يشوف فيكم لاسقين في بعضياتكم بديك الطريقة ونتوما كبار اش غيقول، ونتا بداث اسيدهم امين كاع ديك الرومانسية ديالك وداير هاذ الحالة والله وتشوفك سناء ماترحمك ايوا رد البال أوليدي ماكين لي يفكك منها _ مشات الواليدة وشفنا في بعضياتنا تفرشخنا بضحك من بعد دامي تلاحت على مهدي دارت ليه مخدة على وجهو وبدات كتهر فيه وكضرب فيه بشوية دامي: ياك لمك كتلسق لينا التهمة وكتقول ليها هوما ماشي أنا بحال إلى كنا كنفسدو يا الحمار مهدي : واو واو والعمالة والدار البيضاء راكي كتقصحيني واش نتي بنت ولا عبد الغاني العطاش وكاع البنات أيديهم رطبين بحال البونجة إلا نتي كضحكي معايا كنحس بحال إلى كيضحك معايا شي بناي بشي بالة دامي : وماشتيش إلى دخلت ليك شي مسمنة لوجهك باش غادي تحس مهدي : باينة غادي نغيب عام ، نتي فاش تبغي تزوجي خاص تقلبي على مرا ماشي راجل دامي : يا الحمار حشومة عليك تقول هاذ الكلام رآه واخا نبان ليك هكذا رآه اكتر وحدة تشوف فيها الانوتة هي أنا ماكنبينش مهدي : تبارك الله باينة فيك الأنوثة نوضي الله يجيبك على خير الوجه والجسد ديال انثى ولكن ايديك ورجليك ومعاملتك ديال الذيب وكتر منو كاع _ بقينا خالقينها وسهرانين كنهدرو وتنضحكو تال 4 الصباح ديك الساعة بدا كيديني النعاس طحت كاو قبل من خويا ودامي صباح كنفيق على شي حد كينوضني وأنا معاقلش حيث كان فيا لموت دنعاس سناء : تبارك الله على سي أمين نوض تگعد _ خليني اصحبي ناعس مزال فيا النعاس سناء : نوض خلاص انوريك صحبي كي دايرة نوض متعصبنيش كتر ما أنا معصبة _ سناء حبي هاذي نتي صباح الخير سناء : ايوا أش بان ليك شنو هاذ الحالة _شفت فيها وكانت دايرة فيا شوفات ديال الغضب دورت عيني بالعرض البطيئ شفت في خويا لي كان حدايا ناعس وحداه دامي مخشية فيه ناعسة على كرشها و لايحة عليه رجلها على رجليه واديها فوق راسو وشعرها مدفگ على وجهو تصدمت وتخلعت من ردة فعلها وياسمين في القنت ديال الصالون كتشوف و كتبتاسم بديت كنفيق فيهم فاقو شافو سناء قدامهم تصدمو بحال لا شافو شي جن مهدي : صباح الخير مرات خويا صباحك مبروك مرحبا بيك سناء : اشمن صباح مبروك كيفاش بلانكم مسرحين بحال السردين هنايا أش تما دامي : ختي سناء أنا كنت فوق سداري ماعرفتش كيفاش حتا وليت هنا واقيلا طحت بليل مهدي : ماتفهميناش غلط حنا رآه ناس محتارمين عنداك يمشي عقلك هكذا ولا هكذا _ شنو دابا شنو كيقول ليك داك الراس سناء : شنو ايقول ليا باز ليك اختي ياسمين واش ماكتغيريش باركة كتبتاسمي بحال الى مواقع والو ياسمين : علاش انغير دامي ختي ومهدي كنتيق فيه كتر من راسي ، والموضوع ومافيه هو لبارح بليل دامي جاها البيت سخون وهبطات الصالون حيث مهوي عكس البيت كان مزموت ، وقبل مانطلع نعس خليتها ناعسة فوق السداري غير طاحت وصافي كيف قالت ليك هاذا ماكين سناء : اه هكاك ملي هكذا ماعليش يله نوض خلاص تفطر رآه ماماك كتعيط عليكم _خرجات سناء تبعاتها دامي ومهدي أنا طويت الكواش وتميت خارج وقفات عليا ياسمين ياسمين : هاذ المرة فكيتك منها _ العز بيك عشيرتي هنيتيني من النكد ديالها ياسمين : ياصحبي كديروها قد راسكم وتقولو البنات كينكدو _ واش من نيتك نتي عارفة علاقتي بدامي وكيفاش كنا كنتعاملو بحال 2 خوت من نهار عرفتينا ياسمين : أنا عارفة ولكن هي ماعرفاش وماغديش تبغي تعرف حيث كتبان مغيارة ، زيد تفطر الزين _ مشيت ديت لكواش البيت ودزت لطواليط قضيت حاجتي وحكيت سناني وريحت كنفطر سناء : ماما عارضة عليكم الغدا غدا كنتمنا تشرفونا وتقبلو عراضتنا الواليدة : أكيد انجيو ابنتي _ صافي إن شاء الله ضروري مانحضرو الواليد : فطرو اوليداتي شفتكم ماكتاكلو والو ، لافاطمة ياسمين بسم الله ماتحشوموش حسبو بحال إلى نتوما في داركم لافاطمة : بارك الله فيك حنا كناكلو _ وأنا كنفطر واحد لحضة بديت كنغمز مهدي وكنضربو برجلي من لتحت بزز حتا فهمني وقرب ودنو لحدا فمي مهدي : أش بغيتي اصحبي واش رجلي ولات كورة كتضرب فيها وزايدها كتغمزني بحال شي ساطة ياكما تغالطت ليك مع سناء _مهدي بركة من الحموضة ديالك ، شوف أنا انطلع لبيتي ونتا شوية قول لبنات يله لعبو كارطة في البيت ديالك مع توصلو حدا البيت قول سناء تكلم ليا في بيتي اوكي مهدي : لا لا لا لا حرامممممم لا يجوز ولد العبد كتزيدي لفحشاء والمنكر سير بحالك خليني عليك ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM