الوحش وزوجته الجريئة #الجزء 36 : ناضت مامات سناء و هي ضربها بتزغريتة دايزها لكلام (يووويووووو )، سناء بقات واقفة مصدومة و البنات دغية فهمو و بدا كيضحكو و ينقزو فرحانين ناضت الحاجة و حتا هي زغرتات و مشات هي و مامات سناء و بقاو الرجال بوحدهم كيهضرو مروان و بدر و سي رضا و بابات سناء و سي العريس رضوان، دخلوهم ب 3 لبيت سناء و عطاوهم قفاطن الحاجة:يلاه لبسو و سيرو الكوزينة . و مشاو . سناء بدات كتنقز فرحانة و دخلات لدوش . قمر:ولكن حنا علاش غادي نلبسو لقفاطن . إيناس:التقاليد الحب . و دخلو تبعو سناء للدوش ، دوشو و ظارو كريمات و كل وحدة لبسات قفطانها ، سناء في الزرق و قمر في الباج و إيناس في الصفر ، قادو شعرهم و دارو مكياج خفيف و خرجو للكوزينة لقاو الحاجة و مامات سناء كيضحكو غير شافوهم تصدمو. مامات سناء:تبارك الله ما شاء الله جيتو غزالين . الحاجة:ما شاء الله ... الله يحفظكم من العين سسناء حشمات أما المقزدرات غير كيضحكو . مامات سناء عطات لسناء لبلاطو ديال أتاي و عطات لقمر طبسيل ديال الحلوى و عطات ل إيناس طبسيل ديال تمر و لوز و الكركاع ، خرجو كيبتاسمو رضوان بقا كيشوف في سناء و حتا هي كتشوف فيه و هي تعفط ليها قمر على رجلها و دارت سناء خنزرات فيها ، أما مروان و بدر بلى من هدرو عليهم بقاو غير كيشوفو .... حطو داكشي في الطبلة و بابات سناء بدا كيكب في أتاي و هي تنقز قمر . قمر:مرحبا بيكم و ألف مرحبا دوقو من الحلوة راه أنا اللي صوبتها جات غزالة كتحمق . بدر و مروان كيضحكو . قمر:تهجروه اللي قلتها تبداو ضحكو عليها الله يستر . بدر:هاديك الآنسة المصونة جبتها أنا و مروان من الباتيسري . قمر:اوا عادي قولها من صباح... أشنو قلتي ... بدر كيضحك:كيفما سمعتي من الباتيسري صافي تفرشتي قمر:حيد عليا راه أنا اللي صاوبتها في الباتيسري ما في خباركش . بدر:ههه سكتي هالعار . بداو كيشربو أتاي و ياكلو الحلوة و كيهضرو في مختلف المواضيع ... شوية و هي تهضر الحاجة . الحاجة: احم على بركة الله حنا جينا طالبين راغبين في يد بناتكم لولدي رضوان و ولدي مروان و راهم فحال بنتي إيناس ما يخصهم خير معايا . قمر تصدمات و بقات غير كتشوف . و إيناس حابسة الضحكة و سناء فرحااانة ربي اللي خلقها ، سي رضا: إيوا الحاجة أش غادي نقولك راه بدر حتى هو باغي يد بنتك إيناس . بدر بدا كيفرنس و إيناس كانت كضحك حتا حبسات الضحكة . صدمووووهم صدمة العمر بقاو غير كيشوفو مصدومين بابات سناء:إيوا الى كان كلشي باغين بعضياتهم معلينا غير نقراو الفاتحة. قمر و إيناس:و لكن راه أنا ... سي رضا:بسم الله . بداو كيقراو الفاتحة و سناء حتى هي أما قمر و إيناس قراو سورة الكوثر مع التلفة و العصاب . سي رضا:و سيرو تهضرو مع بعضياتكم دابا . قمر شافت في مروان مخنزرة و ناضت كتشتف و كتنgر في خاطرها و لكن كانت فرحانة و هو تابعها و حابس الضحكة غير بزز . أما سناء ناضت كتvيبري و قلبها كيضرب و إيناس حتا هي قلبها كيضرب و مخلوعة و في نفس الوقت معصبة كل واحد دخلات لغرفة ، عند إيناس و بدر .... إيناس:نتا واش تسطيتي أش هاد تخربيق كدير فيه أنا ما موافقاش على هاد زواج . بدر:كنبغيك. إيناس قلبها كيضرب بقات كتشوف فيه مصدومة . بدر كيقرب منها:كنبغيك . زاد قرب و هي كتبعد اللور حتا وصلات للحيط ...حبسها بيديه . بدر:كنبغيك تقبلي تزوجي بيا . إيناس كتفتف:أنا أنا كون ك نتي كتبغيني كنتي غادي تقولها ليا قبل ما تجي . بدر:و أنا كنبغيك الكريثة منين كتفهمي و كيفما كيقولو جيتك gود و باغيك في الحلال ماشي في الحرام . إيناس بقات ساكتة . بدر:سمحي ليا كنت متسرع واقيلا صافي اللي بغيتي بيما أنك ما موافقاش ماشي مشكل أنا مغادي نبزز عليك حتا حاجة . بقات إيناس كتشوف و هو يخرج و هي بقات واقفة في بلاصتها **** عند سناء و رضوان بدا كيقرب ليها باش يبوسها و هي تضربو المنطقة الحساسة سناء:كون تحشم راني باقي ما وليت حلالك نهار العقد و أرا ما تبوس . رضوان طايح الأرض و موعت:الكلبة راه مستقبلنا هادا . سناء:خرا يلاه نوض باش نخرجو أصلا معرت لاش جينا ياك سيمانة و حنا غي كنهضرو فاش غادي نهضرو تاني . رضوان بقا جالس يستارح و هي كتشوف فيه و كضحك . رضوان ناض :غير بلاتي ليلة العرس و نفدي في مك القديم و جديد . و خرج هي تفكرات أش كيتسانها و تصدمات و خرجات تبعاتو كتنgر و تفتف و هو كيضحك....... #يتبع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM