🍷🌹الوحش وزوجته الجريئة🌹🍷 #الجزء 35 : 🍒 عند العرسان دياولنا وصلو لدارهم أيوب بغا ليلة لولة تكون في دارهم ، و كانت غزاالة متوسطة و فراش عصري و تقليدي ، جلسو باش يحيدو العيا و عبير متوترة ، أيوب:حبيبة أنا غادي ندوش منين نسالي دوشي نتي 😉. عبير حركات راسها بأه ، دخل هو يدوش و هي وجدات أشنو تلبس شوميز نوار و حطات شي كريمات فوق منها ، خرج بشورط و هو كيبتسم هي شافتو بشورط بقات مصدومة و دخلات كتجري باش دوش و خلاتو كيضحك عليها ، لبسات شوميز و دارت كريمات دياولها و بقات كتشوف في المراية شي ساعة ما زعماتش تخرج 😭😊😊 ، أيوب:واا فينك معاش اتخرجي 😒. خرجات كترعد بقا واقف كيشوف فيها أول مرة غادي يشوف جسمها بوضوح بقا ساهي و شوية ناض و كان لابس فوقية (دراعة يمكن و لا دراعية حنا بعدا كنقولو ليها فوقية راه كتكون بيضا عرفتوها 😂) عطاها عباية و هي بقات كتشوف فيه بحب ، صلاو بجوج هو القدام و هي اللور و دارو الدعاء غير سالاو نصل ليها العباية دغية و لاحها فوق الناموسية و هو فوق منها كيشوف فيها و كيبتاسم 😈 ،حتى بدا يبوس فيها بكل عشق و عنف و رومانسية و هوما يطفيو الضو و ما بقا كيبان والو 😂😂. عند عبير فاقت مدgدgة جنابها كلهم ضارينها ... لقات ايوب كيشوف فيها و كيبتسم . أيوب:صباح الخير حياتي 😍 عبير:صباح النور ☺. أيوب:ندخلو ندوشو بجوج ههه 😁. عبير ناضت كتجري بمشيتها المعوقة و هو كيضحك و هي كتغوت :لا لا سير فحالك 😒. أيوب غير كيضحك :gاديت لمك المشية وليتي هي هاديك 😂 عبير دوشات و لبسات حوايجها تماك تفاديا لأي هجوم منو 😂 ، خرجات و دخل هو للدوش دارت مكياج خفيف غير نزلات لقات الفطور واجد فطور كيشهي و يجي أيوب و عنقها من اللور ، أيوب:مال حبيبتي مصدومة 😂. عبير:واش نتا اللي صاوبتي الفطور 😍. أيوب:اه ههه و لكن غير هاد نهار المرات الجاية نتي اللي غادي تصايبيه 😁. عبير خنزرات فيه و جلسو كيفطرو بالضحك حتى سمعو دقان لقاو عائلة عبير جايبين ليها الفطور التقاليد و داكشي و كانت حتى الحاجة، دخلو و جلسو و عبير كتقلب بعينيها على البنات ، عبير:فين هي قمر و سناء و إيناس . الحاجة :ههه مشاو الجامعة بزز كيتنخصو اليوم الأول ليهم 😂. عبير بدات كتضحك المهم بقاو كيهضرو العيلات و كيف داز داكشي و عبير حشمانة منهم حتى مشاو كاملين و دعوها و ودعات ماماها حيتاش غادين لشهر العسل ، مشا أيوب جاب لي فاليز و توجه بطموبيلتو ديريكت المدينة اللي غادين ليها . عبير:وفين غادي نمشيو عفاك ☹. أيوب:ههه و مغاديش تبقا مفاجأة الزمر 😒. وصلو و غير شافت عبير فين و هي تصدم 😱😱😱.. عبير بقات مصدومة :أش هادشي 😱😱. أيوب كيضحك:مالك ما عجباتكش المفاجأة 😁. عبير:لا لا عجباتني اويلي جايبني لخلا و القيفار واش هادا شهر العسل و لا شهر زفت 😢. (كانت فيرمة بعييدة على المدينة صقيل لي خدام يعني مكاين لا خروج لا دروج) أيوب حل الباب كيضحك:هه دخلي و سكتي بديتي تنgري من نهار اللول و زايدون شهر العسل راه كيكون في الفراش ماشي في الشارع و الدوران😉. عبير دخلات كتنgر عليه و دخلات البيت اللي وراها و نعسات باش ترتاح و هو جا بجنبها كيضحك و نعس حداها **** عند البنات خرجو من الجامعة بثلاثة و كلهم مخنزرين ، قمر:باين العربون من نهار اللول 😡 . إيناس:وياااه يا ختي غير الله معانا و صافي . يلاه غادي تهضر سناء اللي كانت كثر منهم مع البيريود مدgدgة بالمعقول و عاطياها الوجع و هي توقف عليهم طموبيلت رضوان و خرج كيفرنس 😂. سلم عليهم كاملين . رضوان داير يدو على وجه سناء:حبيبة مالكي كتبانيلي عيانة . سناء بتاسمات:لا ما ماليش عادي. قمر: كتكذب عليك حشومة تكذبي على خطيبك 😏. سناء خنزرات فيها و هو خنزر في سناء . رضوان:قمر مالها هاد الخرية 😒. قمر: جاتها البيريود مسكينة ههه 😂. سناء حشمات و تزنgات و رضوان بدا يضحك:وا قوليها من صباح حشمتي 😁. بدا رضوان كيضحك هو و قمر و إيناس حابسة الضحك إيناس:تفرقو على البنت أجي أصحبتي هادو معدهم علاش يحشمو تلاgاو يا ربي سلامة . رضوان:يلاه طلعو نوصلكم انمشيو ليوم كاملين لدار سناء . سناء:مرحبا بيكم ههه. قمر:زعما مصوابة أودي أودي😒😒. سناء خرجات لسانها و خنزرات فيها، طلعو و مشاو كاملين لدار سناء ، غير دخلو كانت العائلة كتهضر و هوما يسكتو منين شافوهم سناء و قمر و إيناس ستغربو و لكن رضوان غير كيضحك و مروان كان كيشوف في قمر و هي منخلاه....... #يتبع.......💫💟 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM