الوحش و زوجته الجريئة #الجزء 2 : مشاو السيارة ديالهوم و رجعو الدار ، دخل مروان ، مروان: فين هي الحاجة أ رضوان . صوت حنين:هاني أولدي . مشا عندها مروان عنقها و باركت ليه الفوز ديالو (زهيرة الأم ديالهم في عمرها 45 سنة ،باقا شادة في راسها حنينة و طيبة و متسامحة ، ربات ولادها على الصدق و اعتنت بيهم من بعد الموت ديال الأب ديالهم باش ما يحسوش بالنقص) رضوان :الحاجة تعنقي غي مروان حنا ما عليناش الله أش هاد الفعايل . الحاجة:الله يمسخك أجي عندي . مشا عندها و عنقها و هو كيضحك . إيناس تلاحت عليهم و غوتات:عناااق جماااعي . رضوان:الزلزال يا ربي سلامة مروان:الحاجة عيان انا غادي نطلع نعس . الحاجة: تصبح على خير أولدي. مروان:و نتي من أهل الخير. و كل واحد مشا لبيتو. في جهة أخرى و بالظبط عند البطلة ديالنا اللي كانت في غرفة مرونة الحوايج في كل جهة ، كيتفتح الباب و بصوت رجولي كيقول : الله الله هاديك البوالة غادي تنوضي تgعدي و لا غادي نفرشخ مك دابا ،راه غادين اليوم عند عمك و ما تنسايش راه قربات العطلة تسالي و راه سمعت خاصك دفعي دابا ماشي حتال بداية السنة . ناضت من الفراش مشعكة و مغمضة عينيها و دايرة التحية : حاضر سيادة الظابط بدر . بدر: قمااار . (قمر البطلة ديالنا و الأخت الصغرى ديال بدر في عمرها 18 سنة ، بشرة بيضاء فحال الثلج ، و عيون بريئة خضراء ، و شعر أسود طويل، جسمها منحوت من عند الخالق، و قصيرة في الطول ، مجنونة و عفوية و طيبة ) (بدر الأخ الكبير ديال قمر ، في عمرو 26 سنة ، بشرة بيضاء و أيضا عيون خضراء ، و شعر أسود ،صارم و طيب في نفس الوقت ، جسمو رياضي بسبب الرياضة و أيضا لأنو ظابط شرطة ممتاز ، الكل كيحترموه و أي قضية جات في يدو كيحلها بسهولة و بكل ذكاء ) قمر غادية : هادا مالو معايا الله يستر من صباح و هو بلا بلا بلا فحال راديو غي هادا راديو صوت و صورة ،خاصني ندير ليه شي بوطونة و نطفيه ،التريكة الحمقة . بدر: راني سمعتك البرهوشة حتا تخرجي غير بلاتي . قمر:بزعطة ، و هربات للدوش... خرجات قمر من الدوش ،نشفات شعرها و لبسات حوايجها عبارة عن كسوة صفراء و رشات ريحتها المفضلة و خرجات ، قمر :صباح الخير باباتي . و عنقاتو (سي رضا الأب ديال قمر و بدر ، في عمرو 50 سنة و ما زال شاد في راسو ، أب حنون و في نفس الوقت صارم ، و هو عميد ديال الشرطة ) سي رضا:صباح النور أميرتي . بدر:الوليد ديما كنقول ليك نتا اللي مدصرها و الله . قمر:أش هاد الريحة شميت . بدر:ريحت البيض واقيلا . قمر: تو تو أحبيبي ريحت الغيرة هادي . سي رضا:ههه تفرقي نتي على خوك و حترميه راه كبر منك . قمر:و يلاه نمشيو دغيا عند عمي راه غادي نتعطلو . بدر:gلسي فطري هو الأول راه مازال الحال. قمر:لأ غادي نفطر عند عمي . سي رضا:يلاه يلاه هادي راه حمقة و غادي تجيها الحالة تاني يلاه . ناض بدر و جات قمر نقزات فوق ظهرو ،و بدر بدا كيضحك ، بدر: وليتي قردة . قمر بعد تفكير:امم إذن نتا شجرة ديالي . بدر خنزر فيها و سكتات و قالت : غي كنضحك مع خويا الغزال ما بقا حد يضحك مع خوه . سي رضا: يا ربي تستر . طلعو الطموبيل و مشاو ديريكت لعند عمهم ، غي وصلو ،خرجات قمر كتغوت باسم:سناااء سنااااء . تحل الباب و مشات قمر كتجري و تلاحت عليها حتا طاحو بجوجات ، قمر:توحشتك الحب . سناء:حتا أنا الزين ديالي. (سناء بنت عم قمر، في عمرها 19 سنة كبر من قمر بعام ، بشرة بيضاء و عيون خضراء ، و شفار كثيفة ،و شعر قهوي متوسط ، و الفورمة هي هديك كل حاجة في بلاصتها ،) سي رضا كان كيشوف في بنتو بابتسامة ، شاف فيه بدر و ابتسم بدر:وا نوضو من الأرض خليونا ندخلو و لا غادي نبقاو في الباب نتشمشو . قمر ناضت و نوضات سناء ، قمر: ناري يا خويا شحال ولا فيك تاع النgير وليتي كثر من العيالات . سناء: مرحبا بيك أعمي مرحبا بيك أولد عمي ،و يلاه زيدو دخلو....... #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM