قال ليا شكون نتا .....انا بقيتت حااال فمي كنقول شكايقول هاذ الزمر قلت ليه باسل اساط شكاتعاود شفتك بان عليك السيڤيل العود....بقا كيشوف فيا وقال ليا راه بصح داوي معاك شكون نتا .... تما فين الضحكة غبرات من وجهي وبقيت ساهي والبكية بغات تخرج.... مشيت نيشان عند الطبيب .... سولتو شنو واقع لعشيري قال ليا سد الباب وآجيريح ندوي معاك... قال ليا بلي فقد بزاااف ديال الدم و فاش طاح مور الطرية جا على راسو....حمد الله منين مماتش ولا وقعات ليه شي حاجة وقال ليا بلي وقع ليه فقدان ذاكرة 90% دائم ويقدر يكون مؤقت ... خرجت من عندو وخاطري مفگوع و الدنيا ضارت بيا ... ومن واحد الناحية بقيت كنقول بلي خاصني ننتاقم من خوتنا بوحدي ....حيت صعيب نقنعو بشي حاجة وخصوصا هو مابقاش كيعرفني....شديت فراسي وبقيت كنقول الله ياربي شهاذ الموصيبة ثاني طحت فيها... مشيت ديريكت عند الحارس قلت ليه ... يديني للسيلون ..مع دخلت مشيت نيشان لبلاصتي تكيت كنخمم فهاذ البلان اللي خرج من جنب حتى داني النعاس كنفيق على الغووات ديال الحباسا كنسول شنو واقع شنو واقع حتى كيبان ليا خونا مجيد مضورينو واحد الجوج قاليك بيناتهم شي حساب قدييم ... مع وصلت وأنا ندخل لواحد فيهم واحد الرجل ...لاخر مع شافني وهو يتبع صاحبو مع كنبان حاااقد بالجهد.. -مالك معاهم أصاحبي مجيد:عاونتيني الله يرحم الوادين ...ولكن باش تبقى تسول فيا غا خليهم اخويا يخليو دار بويا -مالك تقلقتي اساط راه غا سولناك مجيد: مستوانيش....نهار نبغي نعاود غنعاود بوحدي نضت مشيت ديريكت عند خوتنا اللي كانو مخاريين مع مجيد...طلبت منهم السماحة وقلت ليهم بلي راه غا لخظة غطب..انا كان الغرض ديالي نعرف هاذ مجيد شنو مخبي...قالو ليا هانية ومرا خرى متبقاش تذخل فشبوقات ماشي ديالك..قلت ليهم صافي ذاكشي مات داباقولو ليا مالكم مع خونا...وهو ينقز واحد فيهم قال ليا يلاه قلنا ليك متبقاش تذخل فشبوقات ماشي ديالك....سكتني ولد الحرام ولكن قلت مع راسي هانية شحال ما جلس غتوصل خبارو....مشيت لبلاصتي خديت واحد الكتاب ديال الشيمي كنقرا فيه...ومستوووني معاه ومستمتع بيه صراحة توحشت ينات البيبليو مع علاء و الطريقة باش كنقراو و كيفاش كنتناقشو فلعيبات ديال الفيزيك....❤️❤️.....شوية وهو يجي عندي واحد الحارس قال ليا عندك زيارة... تخيلو شكون لقيت...والله حتى هي....دنيا.قالت ليا عييت منسول فيك..الفيس بوك حليتيه مرة وحدة سيفطات ليك ختي ميساج خليتيها معلقة و أنا عييت منسيفط حتى تقادا ليا الصبر و مشيت عند ماريو ...هو اللي جابني عندك...فاللول مبغاش يجيبني ولكن أنا حكرت عليه. شوية وهو يتم داخل ماريو قال ليا هي اللي بززات عليا الساط معندي مندير ليك...افووو شحال مبغيتهاش تشوفني فهاذ الحالة ..ولكن معندي مندير الله غالب..لي عجبني بزااف هو ختنى شبعاااانة رزق ومهمهاش فين كين أنا ولا شنو مدوز المهم بغاتني وجات تشوفني.....احححح كنبغيها اخوتي...معلينا بقينا كنتعنبو حيت شخال هذا ماتشاوفنا شوية و أنا نقول ليها -آجي بعدا ختك علاش مسيفطا ليا ميساج فين كتعرفني دنيا: راه أنا اللي عاودت ليها على شنو بيناتنا و سيفطات غير باش تسول على صاحبك -تا كيفاش دنيا: كيف كتسمع عيات متسيفط لصاحبك فالميساجات ولكن هو محل من عام الفيل ..مكانتش عارفاكم كينين فالحبس.. -وعلاش كانت كتسيفط ليه شنو بغاتو ياك ضربات ليه أحسن قمعة شهر وهو كيحاول غا ينسى دنيا:راه داكشي علاش صيفطات ليه باش تعتاذر وقالت ليا بلي كانت شي يامات كتراقبو من بعيد وفاش غبرتو بدات كتحس بالفراغ وواحد النهار قالت ليا واقيلا ولات كتبغيه -ااه وشنو المعمول دابا دنيا: دوي معا صاحبك الى حل يجاوبها عافاك...اجي فيناهوا بعدا مبانش ليا معاك.. -عاودت ليها البلان وقلت ليها شنو طرا وبلي فقد الذاكرة..قالت ليا متعاود والو ل بسمة حيت غادي يبقى فيها الحال بزاااف وليت فوقما نشوفها نلقاها مهموما...معلينا مشات دُنيا وماريو وأنا رجعت لبيتي هزيت داك الكتاب كنقرا فيه ... شوية وهو يجي عندي مجيد قال ليا باغي تعرف شواقع غتعاوني نخرج من هنا أنا محكوم عليا بالمؤبد ...غتخرجني آه لا ..قلت ليه منقدرش وراك عارف انا باقي ليا غا عامين ونص ونتا باغيني نغامر. وشنو غنستافذ ...قال ليا باغي تصوڤا ...غتعاوني نهرب...مبغيتيش شغلك هذاك..قلت ليه اش غنصور معاه انا من هاذ لافير ...قال ليا مليون ديال الدولار..🤑🤑 ناري مع سمعتها بداو عيني كيصضربو الرش...وااااع هاذ المبلغ واخا نتوضف حياتي كاااملة منقدرش نجمعو...ضرت عندو بلا منفكر قلت ليه أنا معاك الساط ولكن شرط عليه حتى نخرج ونجي نعاونو ...قال ليا على الله الى ممتش...قلت يكون خير ان شاء الله..المهم هوا خرج و أنا بقيت كنفكر كيفاش وعلاش وبزاااف ديال الأسئلة حتى داني النعاس ...كنفيق مع الصباح مشيت باش نفطر كيجي عندي داك الحارس اللي مشا معايا للسبيطار...قال ليا بلي علاء غادي يخرج اليوما وغادي يجيبوه....مقدرت ندير تاحاجة من موراها كنتسناه غي فوقاش يوصل...تا حاجة يعني تا حاجة من غير الماكلة 😂😂 واخا تكون الحرب كرشي هي اللولة....ماعلينا بقيت كنتسنى و كنفكر كيفاش كان علاء وكيف ولا حتى كيبان ليا مدخلينو فواحد الكرسي متحرك...فاش شفتو خاطري تقبطات عليا ...جابوه نيشان للشومبر فاش كين أنا حيت انا اللي مدوز معاه بزااف وعارفو كيدير... ولكن حاتني فشكااال ولا علاء مرتاح بزاااف بحال الى حياتو كاملة دوزها فالحبس...ولا غاع ممسوق لشي حاجة غاع الحوايج اللي كانو متقلين عليه من الماضي ديالو نساهم بحال الى لاح شي حمل ثقيييل على ضهري أنا ...حيت أنا اللي باقي فيا السم ديال خوتنا وشي حوايج خرينمزال نتوما معارفينهمش...وليت انا اللي خاص ننتاقم بوحدي...ماعلينا بقيت كنعاود ليه شي بلانات كانو دازو بيناتنا على الله يتفكر شي حاجة ولكن خونا واااالو واش بغا يتفكر ...بقيت معاه بزاااف ديال الوقت...حتا عييت ومشيت تكيت بلاصتي هزيت ذاك الكتاب ديال les machines thermiques كنقرا فيه وهو يجي عندي وبقا كيشرح ليا شنو فيه معا بدا كيشرح وأنا نفرح قلت ياكما رجعاتليه الذاكرة...ولكن مع الأسف لا ...هو نسا كوووولشي إلا داكشي اللي كان كيقرا حيت كا دايرو عن حب ....ذاكشي علاش أي حاجة باغي تديرها فحياتك خاصك تديرها حيت كاتعجبك ومقتانع بيها ماشي حيت فيها الفلوس وفرضها عليك شي واحد حيت كون متأكد مغادي تعطي فيها واالو...المهم كخلاصة دير داكشي اللي كاتبغي وغادي توصل...ماعلينا بقينا مريحين كنعاودليه على راسو وشي لعيبات بقا مجيد كيدوي معاه من الگرياج حيت الشومبر ديالو مقابل مع ديالنا ولكن هو اوتقوول واش عقل عليه...ولكن هو معاقل على حتى لعبة...بقينا على ديك الحال شي شهور ديما نفس الروتين..اه نسيت مقلتش ليكم ناض من الكرسي وبدا كيتريني معايا وكنت كنخرج انا وياه للساحة وكيقول ليا مال دوك الجوج خوتنا ديما كيشوفو فينا قلت ليه حضي راسك منهم راه كيخاولو يصفوها لينا ....ولكن بان ليا مبررد الدنيا بحال الى مواقع واالو حيت أصلا نسا كولشي مبقا عندو مايخسر...ماعلينا دازت ست شهور دغيا...عامين دازت على النهار اللول اللي ذخلنا فيه لهنا تبدلنا بزااااف زدنا تگضرنا و ولينا كنخلو اللحية وولينا وحدين خرين لا علاقة بدوك الطلبة النقيبن اللي غرضهم هو وظيفة وشي پارطما و داسيا...لا لا أنا ولا الهذف الكبيير عندي هو ننتاقم...عاد ندير الرزق...ماعلينا علاء كان باقي ليه عام ويخرج...وانت عام وداكشي اللي زادوني..يعني هو غيخرج قبل مني..واحد النهار جا عندنا ماريو باش يشوفنا...ختى هو غبر منين جا كانت صحتو قليييلة وعيااان منين سولناه قال لينا غي شي رواح وصافي...سلمنا عليه وطبعا علاء معقلش عليه...بقينا مجمعين شوية وهو يقول ليا شي حد بغا يشوفك... كنهر راسي كتبان ليا دنيا داخلة نااري كيولات غا غادية وكتزيان...ناريي هاذ ختنا بزاااف نموت ونعرف شمن خبز كتاكل...مع شفتها تلاحيت عليا عنقتها وقلت ليها توحشتك...قال ليا حتى أنا -وفين غبرتي عليا هاذ المدة كاملة قالت ليا بلي كانت على برا دالمغرب مشات تريگل شي لعيبات ضرت عند ماريو قلت ليه هي كانت برا ونتا شنو العذر ديالك...قال ليا تسالاو فلوس البروتين 😂😂 وبقينا كنضحكو قال ليا راك كتشوف اوليدي الصحيحة كيولات حتى المحال غا الدراري اللي كيحلوه...قلت ليه متموتش لينا ابا حسن راه باقي عندنا بيك غرض...اول مرة نقول ليه حسن...بقينا كنضحكو و كندعي ربي يطول ليه العمر حيت هو راه بمثابة الواليد اللي معمر شفتو...أححح سموحات حرگت عليكم قصتي 🤫🤫 ولكن ماعليش باقي شلااا مايتقال ماعلينا بقات دنيا كتجي عندي مرة فالشهر ولكن ماريو كيجي وقتما قد حيت ولا عيااان بزاف كنقول ياااربي غا نخرج نلقاه مزال عايش....بقينا هكاك حتا بقا لعلاء شهرين ويخرج...وأنا بقات ليا ثمنية دالشهور...واحد المهار جات عندي دنيا كيما العادة....ولكن هاذ المرة متخيلوش شكون جابت...جابت معاها بسمة أول مرة نشوفها من مووودة ناري انا تزعطت لا لا غي ضاحك واش بغيتو علاء ينحرني....كان معايا علاء جات سلمات علينا وسولات فينا ضرت عند دنيا قلت ليها ياك قلتي مغاديش تعلميها دنيا:وشنو ندير راه بقات فيا -وديك الساعة تسنايه على الأقل تا يخرج بسمة بقات غي كتسول فعلاء واش يقدر يعقل على شي حاجة ولكن علاء معاقل على تا گرام من حياتو من غير القرايا اللي قلت ليكم...(هنا جات فبالي ديك المقولة ديال واليدينا< راه اوليدي مغادوم ليك غا قرايتك>) المهم ماعلينا بقات معاه شي ساعة والو وانا نضور عندها قلت ليها راه اختي عام والزيادة وأنا كنحاول معاه بغيتي تجي نتي ديريها فنص ساعة بسمة:اه بصح تا أنا بحال الهبيلة ...واش يقدر يرجع ليه شي نهار -على الله داكشي اللي كنتمناو...اجي بعدا كيدايرين الدراري ديال السيكسيون كولشي بيخير بسمة: كولشي بيخير وكيسولو فيكم..ديما -اجي واحد الجوج كنتي كتعمري معاهم فين تلاّو بسمة: سيفطهم فين يترباو....علاه ماشي حاولو يتبسلو عليا ..وبغاو يسرقو السنسلة اللي جاب ليا بابا فعيد ميلادي... جبدات ليا السنسلة من الصاك ديالها مع شفت الصندوق اللي فالسنسلة و هو يرجع ليا راسي اللور مبقيت فاهم واالو ...بقيت كنشوف فيها شوية وهو يبان ليا علاء كيحقق فيها ...شوية وهو يحي عنقني ..قال ليا خويا يونس انا تفكرت كولشي تفكرت كولشي ...عرفتي كون كنت كنعرف نزغرت كون زغرتت...ناضو الحباسا كاااملين كيصفقو وكيقولو صلاااا وسلااااام علىى راسول الله..... نوضناها ديال بالصح...معمر حسيت بشي فرحة بحال ديال داك النهار اوااااه شحال فرحت....مشا علاء قاصت مجيد سلم عليه وعنقو وبدا كيسول فييه >>> حبس حبس حبس ....شفتك بديتي كتعاود بلاصتي ..راه قصتي هاذي الشريف راه غا حيت كنت فاقد الذاكرة....المهم العشران معاكم علاء توحشتكم ......يتبع (الخوت السموحات البارح ملحتش خيت كانو عندنا شي ضياف وجابو معاهم البراهش مقديتش نكتب) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM