داز الصباح عند البنات فالروتين العادي كل وحدة مشات كدير شغلها وزهور فالكوزينة كترد الغدا وتوجد ما تحط لختها ملي تجي باش تكبر بيها وتفرح بيها واخا البنات ممفاهمينش الا ان علاقة الخواتات بعيدة على دكشي بحكم انهم غير بجوج عند والديهم ترباو على الاخوة من الصغر تماما كيف علاقة اسماء و صفاء و هيثم ...صفاء:ماما راني صبنت دوك الحوايج لي الفوق ....زهور:اوا نشريهم ...صفاء:ههه وراه نشرتهم مالي غنخليهم محطوطين ...زهور:واخا طلي الله ارضي عليك شوفي ديك الكيكة واش كطلع باش نطلعها الفوق ...صفاء(مشات كطل على الفران):اممم باقة هدشي كاع موجداه لختك وبناتها ...زهور:من الصواب ابنتي واش يجيو نحطلهم غير اتاي و الخبز ...صفاء:على هدوك ماشي نعمة ...زهور:بنتي متبدايش الله يرضي عليك واجي لهنا عاونيني ...صفاء:واخا الالة اري نشوفو شنو دكشي تم ...كملو شغلهم وهوما مجمعين حتى جات عندهم اسماء جلسات مجمعة معاهم حتى شافو باهم خارج للجامع مشاو البنات توضاو وتبعاتهم زهور بعدما طفات على البوطة صلاو الظهر ورجعو كملة شغلهم تا دخل باهم حطو الغدا وتجمعو عليه فلمة عائلية وهدشي لي كيعجب عبد الغفور يجلس وسط ولادو ويشوف لمتهم...دازت العشية وجات اخت زهور هي وبناتها مريم البنت الكبرى وختها صغر منها بعام لطيفة ...كلتوم:كيداير هيثم لباس عليه ...زهور:لباس عليه الحمد لله البنات غبرتو متسولو فخالتكم ما والو زعما ...مريم:غير مع الخدمة ا خالتي راك عارفة مكاينش الوقت والله ...لطيفة:بصح اخالتي حتى انا مكنساليش مبقيتش فالشركة فين كنت خدامة زدت بعدت شوية كنجي للدار مهلوكة ...زهور:اوا ماشي مشكل ابنتي اللهم يسر ...كلتوم:اميين فين بناتك واش مكاينينش ...زهور:لالا كاينين عاد ايخرجو مع ...مريم:يخرجو!!ههه كتهضري على صفاء ا خالتي فين اتخرج ...زهور:غتخرج مع خوتها ابنتي البارح هيثم وصاهم باش ملي يقرب يجي يوجدو راسهم باش يخرجو معاه ...لطيفة:اه بصح وا كون غير قالوهالنا تا حنا كون مشينا معاهم ...صفاء/اسماء(دخلو عندهم):السلام عليكم ...الكل:وعليكم السلام ...دخلو البنات لابسين لباسهم الشرعي ولي كيزيدهم نور فوجهم ويبرز جمالهم..سلمو على خالتهم والبنات يلاه غيجلسو معاهم وهوما يسمعو الكلاكصون خرجو بزربة لقاو هيثم واقف بالطموبيل ركبو معاه وهوما كيضحكو ...اسماء:هههه جيتي فوقتك ...صفاء:اه اخويا والله العظيم عرفتي جاب الله مجلسناش معاهم ومعطيناهمش وقت سمعتي لطيفة قاتلك بغات تمشي معانا ...هيثم:فين اتمشي تمشي تكمش حدا مها ...صفاء:هانتا كتشوف ...هيثم:اوا فين بغيتو تمشيو ...اسماء:اممم ديك المرة واعدتيني تدينا نشريو شنو بغينا ...هيثم:وباقي عند وعدي ...صفاء(ضارت عند ختها):واش خارجين نفوجو ولا نكشطوه هبلتي ...هيثم(شاف فيها وضربها لراسها بشوية):اش هاد الهضرة واش مولفين كنتحاسبو ...صفاء:لا مكنتحاسبوش ولكن ماشي فينما نخرجو نرجعو محملين ...هيثم:الالة هادو فلوسكم وانا باغي نتهلى فيكم واش شكيت عليك ...اسماء:يخليك ليلي يا خويا شحال كنحماق عليك ...هيثم(غمزها من المراية):ونزيدك الالة حتى الواليد البارح فليل جابليا شي بركة باش تشريو لي بغيتو واخا مبغيتش نشد من عندو حلف عليا غنعطيكم دوك الفلوس خبيوهم ولي بغيتوها انا نشريها ليكم ...صفاء(بابتسامة):الله يخليكم لينا يا رب لهلا يحرمني منكم ...هيثم:معندناش من غير بعضياتنا ا ختي......
#يتبع......
ليست هناك تعليقات:
إرسال تعليق