من بعد ما فطرو مجموعين ناض هيثم باش يمشي لخدمتو ...هيثم:صفاء فالعشية نجي نلقاكم واجدين ...صفاء:واخا اخويا ...هيثم(ابتاسم ليها ومشا باس راسها وراس مو وباه وخرج تحت دعواتهم ورضاهم):اميييين ...عبد الغفور:ختك باقة ناعسة ابنتي ...صفاء:اه ا بابا خليها ترتاح محدها عطلة مبقا والو وترجع لقرايتها ...زهور:الله يسهل امورها وينجحها ...صفاء(بملل):هايا نجحات ا ماما شنو غدير هه غتشد الباك وتجي تجلس حدانا ...عبد الغفور(عارف بنتو الا بدات الهضرة فهاد الموضوع غيصدق مغوت عليها دكشي علاش ناض):الحمد لله ...زهور:مكملتيش كاسك الحاج(مشا بلا ميجاوبها وضارت مغوبشة عند بنتها)عجبك الحال دابا واش معييتيش من هاد الهضرة ...صفاء(بتوتر):واش تقلق مني بفف والله محسيت تا قلت ديك الهضرة ....زهور:وا هي الا نضتي بستي يدو وراسو وقلتيلو يسمحليك ...صفاء:واخا ...ناضت بزربة بغات تخرج من البيت وهي تساطح مع ختها لي يلاه فايقة من النعاس وعنيها مكمشين..مشات لبيت باها دقات جوج دقات حتى سمعات صوتو عاد حلات الباب كان جالس فوق الناموسية وشاد تسبيحو فيدو..شاف فيها بابتسامة ...عبد الغفور:بغيتي شي حاجة ابنتي ...صفاء(قربات عندو وجلسات حداه فالارض):اه بغيتك تسمحليا ا بابا مقصدتش نقول ديك الهضرة ...عبد الغفور(حط يدو على راسها كيدوزها بشوية):واش عارفاني نتقلق من نوارتي همم عارف ابنتي كتلوميني حيت مخليتكش تكملي قرايتك ولكن انا كنخاف عليكم الوقت صعابت وخيابت ...صفاء(قاطعاتو):عارفة ا بابا ساعة الله وصافي شي مرات كيضيق بيا صدري وكنقول شي هضرة كنخربق وصافي الحمد لله انا ممخصوصة من والو لي حليت عليها فمي انا وختي كتحط قدامنا لا ننا ولا ماما ولا حتى هيثم مقصرين من جهتنا وهدي اهم حاجة اننا عائلة زوينة وكنبغيو بعضياتنا مبغيت والو من غير هدشي الله يخليكم ليا(خدات يدو باستها)ويطولينا فعمرك والله ا بابا تا كنحماق عليك متقلقش مني عافاك ....عبد الغفور(هزها من الارض وجلسها جنبو معنقها):ممقلقش ابنتي انا راضي عليك وعلى خوتك الله يحفضكم لينا ويفرحنا بيكم ...صفاء(هزات عنيها فيه):ويلاه كمل فطورك ....عبد الغفور:هه راني فطرت ابنتي جيبيلي غير كاس د الما نشرب دوايا الله ارضي عليك ...صفاء:هي لولة(مشات بزربة جابت كاس دالما ومداتولو حتى شرب الكينة ورجعات خدات الكاس)واش باقة كتجيك الدوخة بزاف ....عبد الغفور:لا الحمد لله دابا مزيان غير الطونسيو ابنتي لي كيديرها ليا انا نتكا شوية ...صفاء:واخا ا بابا رتاح(تمات غادة وهي ضور عندو)اه راه غتجي واقيلة خالتي وبناتها ...عبد الغفور:مرحبا بيهم ابنتي ديري الخاطر لماماك وسايسي معاهم عارف معندكش معاهم عطيهم صوابهم ودخلي فحالك لبيتك الا مبغينيش تجلسي معاهم ...صفاء:دكشي لي كندير نيت نخليك ترتاح ا بابا ...خرجات وسدات الباب وراها مشات للبيت لقات اسماء كتفطر بشوية عليها جلسات حداها وهزات البراد عمرات كاسها ...اسماء:قاتليا ماما خالتك جايا هي وبناتها ...صفاء(كتاكل):اممم فخباري ...اسماء:معرت لاش جايين تاني وكون غير كتجي وتخلي بناتها لا ديما جاية وجايباهم لينا قتلونا غير بالفوحان ...صفاء:يضبرو روسهم انا غنسلم عليهم وغندخل لبيتي عقلتي آخر مرة فاش بدات مريم كتعيب على عيشتنا وعلى لبسنا تقولي هي معرت فين عايشة ليا ...زهور(دخلات عندهم):بديتو تاني وزيدون هديك بنت خالتك مافيها باس تجمعو ...صفاء:ماما الله اهديك قدام عينيك تتشوفيهم كيسممونا بكلامهم وبغيتينا نبقاو ساكتين ...زهور:وا بنتي واش ندابزو معاهم الا هي معندها عقل نتوما كونو حسن منها تقول لي بغات شغلها هداك خليوني غير انا وختي مزيانين ماشي مور هاد العمر تخسرو بيني وبينها ...صفاء:متخافيش ا ماما يا ربي غير يجيو فالوقيتة لي يجي هيثم ديك الساعة متعايبيش مع ختك على قبلنا ...زهور(ناضت جراتها من حناكها):اححح على بنتي المفششة(باستها بجهد)يخليك ليا كديري ليا الخاطر ...اسماء:امم غير هي ...زهور:ههه لالا حتى كبيدتي التانية(باستها بنفس الطريقة خلاتهم كيضحكو بجوج)الله يرضي عليكم ...صفاء و اسماء:امييين......

#يتبع.......