💫💜 قصة_المحلل 💜💫 #الجزء 5 : 💥💕 داهم للمول بداو كيشريو شنو بغاو وهوما فرحانين وهو داير ليهم الخاطر واخا عيان مع الخدمة ولكن عارف خوتاتو قليل فين كيخرجو ميمكنش يحرمها عليهم وخصوصا انه عطاهم وعد...كان واقف قدام باب محل خاص بلباس البنات كيتسناهم حتى خرجو هازين صيكان ...هيثم(دار تليفونو فجيبو):كملتو ...صفاء:اه نمشيو امكن للدار براكة باش تا نتا ترتاح ...اسماء:لالا نتعشاو ونمشيو عافاك عافاك ...صفاء:اسماء براكة شوفي شحال فالساعة راه 20:30 يلاه يرتاح وينعس متنسايش بلي فايق صباح بكري ....هيثم:ماشي مشكل ا صفاء نمشيو نتعشاو ونمشيو فحالنا ندخل نيشان نعس ....صفاء(شافت فختها):بففف زعما نتي ....اسماء(هزات كتافها):مدرت والو ...هيثم(بابتسامة عنقهم):زيدو زيدو يلاه اه عيط الواليد سول عليكم هه ...صفاء:مسكين بابا تشطن علينا ....هيثم:اوا بناتو ....صفاء:حتى نتا ديك النهار تعطلتي فليل والله ما قدر ينعس حتى دواه عطلو حيت كيرخيه وينعس ...هيثم:الله يسمحلنا من الوالدين ...البنات:امييين ...مشاو من تم حطو دكشي لي شراو فالطموبيل ومشاو لسناك قريب تماك تحت طلب اسماء طبعا دخلو ليه جلسو وطلبو شنو بغاو كلاو فالضحك والنشاط خصوصا صفاء لي ارتاحت نفسيتها وكسرات الروتين كيعجبها تخرج مع خوتها بجوج لي بالنسبة ليها اصدقاء ماشي غير خوت ممكن انهم يتقاسمو مشاكلهم ويهضرو فمواضيع كتيرة كيفهمو بعضياتهم ويسمعو لآراء بعضهم...كملو عشاهم لي زربو فيه حيت باهم عاود عيط...شدو الطريق للدار وصلو ونزلو البنات كيهزو الصيكان ديالهم ودكشي لي شراو من الكوفر وهيثم كيهضر فالتيلي حداهم ....اسماء(نغزات ختها):صفاء شوفي حميد ولد جيرانا حاضيك ....صفاء:حدري عينيك يشوف ولا يجلس وسربي باش ندخلو فحالنا ....اسماء(هزات راسها):ويلي جاي جيهتنا ....صفاء(هزات راسها ودخلات للدار دغيا):تحركي ...دخلات هي وبقات اسماء متقلة ملي شافتو مشا عند هيثم وسلم عليه بغات تسمع شنو كيقولو ولكن مسمعاتش كملات ودخلات فحالها مشات للبيت لقان باها جالس ومعنق صفاء حداه شافها وحليها دراعو تخشات فيه تا هي ...اسماء:بابا توحشيتيني ياك ياك ...عبد الغفور:ويلا متوحشت بناتي شكون نتوحش شكون عندي من غيركم من بعد الله ...زهور:فين خوكم ...اسماء:راه واقف برا اماما مع ولد جيرانا ...زهور:شكون هدا ...هيثم(دخل عندهم):احم الواليد شي ناس بغاو يهضرو معاك ...عبد الغفور(باستغراب):شكون اولدي ...هيثم:حميد ولد الحاج ابراهيم ...عبد الغفور:اه قبيلة كان بغا يهضر معايا مور المغرب ولكن خرجت من جامع مشا من بالي دخلو لبيتكم البنات وقولو يدخل اولدي ...زهور(وقفات):زيدو يلاه ...تسناهم هيثم حتى مشاو عاد مشا عطاه الاذن باش يدخل رحب بيه عبد الغفور وجلس معاهم حتى هيثم واخا كان عيان ولكن استغرب من مجيتو وانه طلب يهضر مع باه فموضوع ضروري ...عبد الغفور:سمحليا اولدي مشيتي من بالي قبيلة ....حميد:معليش الحاج تانا جاني شي شغل ومشيت نقضيه ....عبد الغفور:مزيان الله ايسر ياك لباس اولدي ....حميد:احم كل خير ا عمي(هيثم هز حاجبو كيشوف فيه)المهم ندخل فالموضوع انا الحاج عارفك رجل طيب وعندك اصل واحترام كبير كلشي كيحتارمك فالحومة ويدير بريك ...عبد الغفور:الحمد لله ...حميد:المهم نتا كتعرفني انسان غادي نيشان عندي تجارتي وكنخدم بدراعي عندي محال كنبيع البخور والسجادات ديال الصلاة وملابس الصلاة مستورة الحمد لله قاد براسي وقاد انني نهز مسؤولية ...عبد الغفور(شاف فهيثم ورجع شاف فيه):الله ابارك ليك فرزقك اولدي ويزيدك من خيرو ...حميد:احم انا الحاج جيت طالب راغب فبنتك صفاء..... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM