حتا حط لينا الدري العشا كانو دايرين الماقورنية قصينلقصة بغيت الراا ومشينا لبلايصنا واخيرا كتريات بحال ديال الناس موريحين تكيت وتستحلات ليا النعسة وماعلقت على راسي حتا بديت كنسمع صونيت المݣانة طفيتها ونضت فيقت يونس غسلنا ووجدنا فطورنا قصينا و ضربنا الحطة.وخرجنا مع 7 باش نمشيو ل ENSA نريگلو شي وريقات و كيما قالو جدودنا الفياق بكري بالذهب مشري....😂😂 واخا أنا شخصيا مكنآمنش بهاذالمقولة حيت كين اللي كيفيق تال العشرة وخااالقها ديال بصح .ماعلينا ماجات فين توصل العشرة ديال الصباح تا كنا قضيينا الغراض ...قالو لينا بلي باقا 15 يوم وتبدا القرايا و بلي الحضور اجباري. خرجنا مشينا لواحد المكتبة تقدينا شي بوليكوبات و شي دفاتر .واخا ضربونا تاللجذر..وتحركنا لواحد القهيوة عصرنا فيها تال شي الربعة... مخليناش شي حاجة مدويناش فيها ...دوينا تا فالخدمة.. ااه تافقنا باش نضبرو على شي خديمة نعاونو بيها ...حيت الفلوس ديال الخيرية بداو كيكملو..والدراري مغيقبلوش نعيشو معاهم فابور... درنا بلان نتحركو غدا مع الصباح ....خرجنا من القهوة و مشينا للدار تلاقينا الدراري خرجو وخلاو لينا حقنا من الغدا..الله داايرين الحوت فالطاجين.شحااال هذا مكليتو من يامات مرت الواليد... قاهرينا فديك الخيرية غا باللوبيا والعدس بحال الحباسا.ماعلينا قصينا وجمعنا المواعن وكل واحد فينا شد قنت وهز تيليفونو..ݣلسنا هكاك تال شي المغرب و هوما يتمو داخلين الدراري ... سولناهم واش كينة شي خديمة معاهم حيت هوما خدامين فشي وزين ديال مطيشة قريب للدار .قالو لينا بلي حابسين الزيادة هاذ اليامات حيت الخدمة قليلة. ولكن نعتو لينا واحد البلاصة سميتها المطار غادي يعرفوها الناس د آسفي.قالو لينا بلي فيها شي مشروع ديال التوسيع ومحتاجين الخدامة...الغد ليه فيقني يونس على صباح ربي ..لا طير يطير ولا وحش يسير...توضينا و صلينا الفجر.وفطرنا بالخف باش نمشو بكري...فاش كنا خارجين قال ليا يونس غادين يخصوك شي حوايج ديال الخدمة...قلت ليه بيلا عندي واحد القاميجة وسروال ديال لاطوال شفرتهم يامات الخيرية هوما باش غنخدم....رجعت دغيا درتهم فميكة و لحتها فالمحفضة ديال يونس و خرجنا...خدينا طوبيس حطنا بعيد شوية على المشروع ...ضربناها على رجلينا كانت الشمس بدات كطلع .لقينا واحد العساس كبير فالعمر وعندو لحية بيضة سلمنا عليه -السلام عليكم -وعليكم السلام -يونس:الله ياون الشريف -اللهم آمين اولدي -يونس:عفاك الحاج بغينا نسولوك -مرحبا الله يا ودي -يونس:سمعنا بلي محتاجين شي خدامة جداد هنا واش مزال باغينهم -اش غنقول ليك اولدي والله ماعرفت تسنا تا يبان الباطرون و سولو راه مبقا ليه والو يوصل -واخا الله يرحم والديك مشينا انا ويونس حدا واحد الحيط مقابل مع المشروع وبقينا كنتسناو شي نص ساعة حتا بدا كيعمر تما بالخدامة واحد الشوية وهو يبان واحد خونا قصير ولابس بلوزة زرقة و راكب فوق السوينغ مع شافوه الخدامة جمعو النوضة ومشاو عندو عطاوه لاكارط و روماركا ليهم الحضور فواحد الدفتر جابو معاه.جلسنا حتى كملو الخدامة كاملين ومشينا عندو انا عشيري : -السلام عليكم -وعليكم السلام -عفاك واش نتا هو الباطرون الباطون:اش بان ليك .اه هو انا شنو حب الخاطر -بغينا نتحركو معاكم شوية الى كانت شي شي خديمة معاكم الباطرون:ااه مرحبا شنو كتعرفو ديرو نقز يونس قال ليه بلي مكعرفو نديرو والو غير الى بغاو يعلموناوصاف دانا عند واحد خونا عندو واحد الموسطاج وباينة فيه مسموم من اللول مادخلش ليا لخاطري مكلف بالحديد يعني كيقاد السواري وداكشي قال ليه ها واحد جوج خدامة علمهم التقطاع والمطاشية .شاف فيا وقال ليه هذا راه مغاديش يقد على التقطاع ..حيت كنبان ضعيف ولكن عصبة ..يلاه بغيت نضور فيه و هو يعمزني يونس باش مندير تا صداع .مع مشا الباطرون وهو يبدا خونا كيعربط حنا متسوقناش ليه هزينا الحديد وكل واحد خدا السيزاي (داك المقص الكبير باش كيتقطع الحديد)ومشينا كنقطعو ومع يلاه كتنعلمو كنا ديما كنخصرو العبار و كيبقا خونا يسمعنا فالهضرة .صبرنا هكاكشي يومين حتا بدينا كنتعلمو ...واحد النهار خدامين مع الصباح وهو يجي الباطرون قال لينا بلي غياخد واحد فينا عند صحاب الياجور حيت خاصهوم الخدامة تما ..المهم دا معاه يونس و انا بقيت مع خونا مول الموسطاج .جا عندي قال ليا هاذيك راه مخدمة ا والو كدير وبدا كيسب فيا حيت ضيعت ليه الحديد .المهم بقيت صابر واحد المدة و انا نمشي سبقت ليه واحد الكروشي وشنقت عليه تا كانت غاتزهق روحوهو يبدا كيغوت واعباد الله عتقوني بغا يسوطني .مكانش كيبان ليا عليه الضو كنت باغي ناكلو داك النهار ولكن سمعونا الخدامة وجاو كيفارقو فينا ..المهم جا الشاف لاح ليا واحد 500 درهم قال ليا هاك حسابك اوليدي وسير راه مقادين على صداع ...مشيت عاودت شنو طرا ليونس وقلت ليه انا انسبقك للدار تا تلحگ عليا ...مشيت دوشت و تلاقيت الدراري ناصبين الطاجين تغدينا مجموعين وخرجو هوما و بقيت بوحدي فالدار شديت التلفون بقيت كنقلب غلاه تبان ليا شي خديمة ...بقيت كنضور على الباجات فيسبوك ديال البيزيريات و المطاعم والقهاوي... سيفط ليهم كااملين مساج وشديت واحد السيري(vikings) كنتفرج فيه ومستووني حتال العشية دخلو الدراري و درنا كسكروط وبقينا مريحين وهو يوصلني واحد المساج فيسبوو هو يبدا كيغوت واعباد الله عتقوني راه كيسوط فيا .مكانش كيبان ليا عليه الضو كنت باغي ناكلو داك النهار ولكن سمعونا الخدامة وجاو كيفارقو فينا ..المهم جا الباطرون لاح ليا واحد 500 درهم قال ليا هاك حسابك اوليدي وسير راه مقادين على صداع ...مشيت عاودت شنو طرا ليونس وقلت ليه انا انسبقك للدار تا تلحگ عليا ...مشيت دوشت و تلاقيت الدراري ناصبين الطاجين تغدينا مجموعين وخرجو هوما و بقيت بوحدي فالدار شديت التلفون بقيت كنقلب فالفيسبوك علاه تبان ليا شي خديمة ...بقيت كنضور على الباجات فيسبوك ديال البيزيريات و المطاعم والقهاوي... سيفط ليهم كااملين مساج مجاوبني تا واحد وشديت واحد السيري(vikings) كنتفرج فيه ومستووني حتال العشية و انا ننوض قاديت كيكروط بيما دخلو الدراري قصينا و جمعت الطبلة وبقا يونس كيغسل المواعن بقينا مريحين شوية وهو يوصلني مساج فالفيسبوك لقيت واحد مول البيزيريا سيفط ليا نمرتو باش نصوني عليه .صونيت عليه فالبلاصة حيت كان عندي الصولد وقال ليا بلي خاصهم شي ليڤرور المهم نعت ليا المحال جا ف بلاصة راقية خديت طاكسي تقريبا شي 5 دقايق ديال الطريق مع وصلت سلمت عليه خونا مبشوور والله يعمرها دار دغيا كيدخل للخاطر سولتو شنو سميتو قال ليا حسن و الى بغيتي عيط ليا ماريو على مقال ليا بلي مشا ليهم الليڤرور و خاصهم تا شي واحد اللي يسربي بالليل وهو يطيح ليا داك راس الطنغ ديال يونس فراسي قلت ليه بلي كين واحد الدري نخدمو انا وياه قال ليا صافي عيط ليه عيط ليه وقلت ليه دوز عندي للبلاصة اللي غنعت ليك المهم بقينا كنتسناو واحد نص ساعة عطاني ماريو واحد البيتزا قصيتها وهو يتم داخل يونس سلم عليا وعلى ماريو وريگلنا المسائل ورانا واحد الموطور SH فاش غنبقاو نليڤريو مصورة فيه تصويرت ماريو . قال لينا بلي نقدرو نبداو من غدا ومشينا .المهم دورناها انا ويونس بيناتنا مرة انا نسربي وهو يليڤري ومرة خرا العكس .ماعلينا بدينا الخدمة بيما وصلات القرايا و بدات حياتنا كتحسن داز العام اللول هكاك غي القرايا وماريو والدار ولاصال اه نسيت مقلتش ليكم تقيدنا فواحد لاصال ديال الفتنس باش نصحاحو وداكشي 😂😂 ماريو صراحة كيتهلافينا والبوڤوارات ديال الناس حيت ماريو عندو الكليان غي الناس المرفحين المهم بدينا كنجمعو مصيريف انا ويونس وكنحطو شوية فالبنكة كل شهر داكشي ديال دواير الزمان 😂😂 المهم بانو النتائج ڤاليدينا اناو يونس بمونسيون بيان واخا هو جاب كثر مني ......داز العام دغيا و جا الصيف عطانا ماريو واحد السيمانا روبو باش يمشي للبلاد ودرنا بلان انا و يونس نمشو لأكادير ...مشينا لأكادير دوزنا واحد السيمانة ناضية فتغازوت حتا للنهار اللي بغينا نمشو وأنا نصوني على حسام على الله يجاوب باش نشوفوه ولكن غي كنصوني كيقطع حيت مزال حاقد عليا واخا انا معارفش السبب ...المهم ما علينا رجعنا للخدمة عاوتاني كانت يلاه بدات العطلة ..واحد النهار عرضو علينا الدراري اللي كاريين معاهم للعشا مشينا طلبنا ماريو باش يطلقنا وقال لينا عندكم ساعة المهم مع وصلنا لقيناهم دايرين الدجاج و البسطيلة وواحد فيهم شرا موطور T-max .سولتو منين جاوه الفلوس وقال ليا بلي ضبر شي خديمة عند شي واحد لباس عليه و هو اللي شرا ليه الموطور ولكن انا مادخلاتش ليا لراسي هاذ اللعيبة ومحكرتش وكملنا الوليمة ديالنا بيخير ونعسنا .... المهم كملنا حياتنا عادي الخدمة ولانطريما واخا انا ويونس معاجبيناش الدراري كل نهار حطة فشكل والفلوس غي مشتتة معرفناش منين كيجيبوها ...باقي عاقل واحد نهار لاربع فقت مع الصباح خرجت تقديت باش نصايب الغدا شوية وهما يتمو داخلين الدراري وجايبين معاهم 6الساطات .سولتهم شنو واقع وهو يقول ليا واحد فيهم مخدامينش ليوما وقلنا نزهاو شوية يالاه تزها معانا راه درنا بحسابك اساط . قلت ليه لا أخويا غا سيرو و يونس مكانش فالدار خرج يلعب شي ماتش مع ولاد ENSA ماعلينا دخلو سدو البيت واحد شوية وأنا نبدا نسمع شي أصوات بلا منوصفهم راكم عارفينهم واحد جوج بنات بقاو مريحين حدايا وحدة فيهم كدير فيا شي شوفات فشكاال وانا نقول ليها مالنا اختي على هاذ الشوفات وهي تنقز صاحبتها قالت ليا مالك بارد وهي تقول ليها الأخرى راه واقيلا خونا قوس قزح 🌈بديت كنتعصب مقديتش نصبر وزادو جعروني خوننا لداخل خدامين و الأصوات اللي كيوصلو بلا منوصفهم و أنا نوض جريت دوك البنات و ديتهم للبيت فاش كنعس وبلا منعاود ليكم اشنو طرا الخبار فراسكم ..المهم سالينا وخرجو الدريات و انا دخلت دوشت و بدا كيتنادم معايا الحال بقيت مريح كنقول اش هاذ المصيبة للي درت نضت صليت جوج ركعات وبقيت كنطلب الله يسمح ليا ...المهم الدراري بقاو على قاعيدهم الصيف كامل وهما كيجيبو الدريات .انا ويونس وقتما جاو الدريات كنخرجو من الدار باش منعاودش نفس الغلط .....واحد النهار زعمت على واحد الدري سميتو توفيق هو اللي ضحوكي شوية فالدراري قلت ليه الساط منين كطيحو على هاذ الرزق كامل ...قال ليا تبعني الى باغي تعرف ...داني البيت فاش كيبانو وهو يحا الماريو وهنا كانت الصدمة.......يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM