...هيبة الرجل تتكون فالقبضة الحديدة مع اسرتو ! كان زوج او اب او اخ او اي مسؤول عن العائلة لازم يراعي ليهم و يحن عليهم قبل ما يصرف عليهم ، داخل بنظراتو القاسية لقى السلام هو واقف فالباب صالون و لمحها جالسة حدا اباها و دايران بيه اولاد فاروق : ( دخل اسلم على الاب و هز براء لي قرب بتزواط عليه ) العموم على السلامة الاب : الله يسلمك اولدي ! فاروق : ( شاف خديجة لي تحشات فيها رؤيا ) بخير عليكم ؟ خديجة : ( تجاهلاتو ) سيري احبيبة عند باباك رؤيا : ( عاقدة حواجبها ) الاء الاب : ( بقهقهة ) صافي غضبتي ؟ اوا هدا باباك فاروق : ( تيبوس براء لي معنقو و نطق بصوت جوهري ) رؤياااااا اجي ابابا آجي رؤيا: ( دائما مناداتو صوتو تتعبرها على حسب نبرة ) نعم فاروق : ( بحنية قاسية ) مال الحاجة ديالي ( جلسها عندو ) ..الجلسة كانت متوترة ، خديجة مشات الكوزينة توجد الغدا و قلبها تيتحك و مرة مرة تتسمع اصواتهم و صوت دراري فاروق : العموم نخرجو نديرو شي قهوة برا ؟ الاب: ( شاف فالساعة) ايااه علاش الا ! من تما نصلي الظهر و رجعو فاروق : نبدل عليا و نخرجو .. ..خرجو و خديجة تتاكد على اباها الغدا، و ماتتشوفش فالفاروق لي براسو مبرد ، على رجليهم طالقين الخطوة حتى دخلو القهوة على الشاريع و اطلبو نوغمال و بدا حديثهم و فاروق كلو اذام الصاغية فاروق : كولي العموم حابتك الطريق ولا جيتي على حسب خديجة ! للاب : واكول جابتني الطريق ! الدار لي عندنا هنا دخلت مستأجر جديد و لازم نمضي الكونطرا ، و دزت نطمن عليكم حتى لقيت خديجة مغيرة فاروق : ( نزل راسو ارض ) لا لا مغيرة والو انشاء الله، ساعة الغضب و دوز الاب : ( بهدوء و تقل فالكلام ) اولدي افاروق ! اي الاب فهاد الدنيا تيبغي اولادو يكونو احسن منو و عايشين فالهناء ، الا انا بناتي كانو عايشين عندي اميرات ! شمن استفادة عندي يعيشو العذاب عند ارجالهم ؟ لا يكلف الله نفسا الا وسعها فاروق : ( حرك راسو برفض ) شنو بالظبظ تشكات لك منو خديجة ؟ للاب : ( تزعع فالجلسة متكلم ) هدا هو المشكل ، مافصحات ليا بوالو ! سولت وعاودت حتى فاخير قالت راك دوزتي شي مشكل مع الخدمة و تقلقتي ! فاروق : ( تيتنفس قلبو يطرطق) دااكشي لي كاين ! الساعة الغضب و تجمعو عليا من كل جوايه ، و هزيت راسي فاتساع الاب : كلنا اولدي فايام الشباب و فكفاح المستقبل مرينا بهاد التقلبات و انت خدمتك صعيبة الله يحسن العوان ، ولكن راعي اولدي الله يرضي عليك راه راحتك مع اولادك ويلا ابنتي تتقصر معاك انا نتكلم معاها فاروق : ( بنبرة مندفعة ) الا العموم ! خديجة راها تحطها على جرح يبرا ! المشكل انا بنفسي انحلو ، راه ماعندي غيرهم فالدنيا الاب: الاسلام اولدي وصى على المرأة ! ولو توصل اعلى مراتب ، تتبقى المراة لي تشكرها و تاخد بخاطرها ، مانكذبش عليك اولدي طيرتيه ليا هاد المرة فاروق : ماعندو علاش يطير ليك ! موضوع مايستاهلش انا تعصبت و قاعدتي تنهز راسي و نخوي ! تنكول راحتهم اولى الا جلست غير نزيد نمرضهم معايا للاب : هدا الغلط اولدي ! راه على هاد منوال ايجي واحد الوقت تلقى اولادك كبرو و خرجو جناحك و العلاقة بردات بيناتكم ، احسن اوقات العمر هو السن لي تيمرو بيه اولادك ! انا نصحتك انت تعرف اولدي ، نقولها و نكررها انا ابنتي محتاجها الا مابقاش الرزق نشوفو الحل فاروق : ( جغم قهوة و تيبلع هضرتو ) الله يهديك العموم اشمن الحل ؟ راه ماعندي الفراق لا على مراتي ولا اولادي ، الزواج اول صبرت فيه خمس سنين كلها مشاكل و صابر و مكابر نوض نعور لها العين دبا ؟ ومعامن مع البلارة ؟ انا وياها تا الموت ..الله اكبر الله اكبر الاب : ( بابتسامة ) الله اكبر ، الله يعطيك على قد نيتك اولدي ، نمشيو الجامع فاروق : ( حط فلوس القهوة ) الله يقبل ...للشارع مقابل دخلو حمامات جامع توضاو و دخلو المسجد استقامو فالصف و اداو الصلاة ....السيدة الاولى ! للقب يعطي للسيدة متكاملة اوصاف من كل النواحي، جمال و تقافة و الذراع و الصواب ، حطيتيها فالكوزينة تحمر لك الوجه لا حلاوي لا طواجن ، مجموعين فالصالون و حاطة صلاد غوايال على شكل طارت و مزينة بالقمرون و هزت الطبق و حطت لهم الدجاج معسل بالكاجو العين تتاكل قبل من الفم و صوتها رقيق طاغي فالاكل _كول ابابا ! ذوق ابابا ، توحشتك ابابا .. الاب : الله يقوي الخير ابنتي ! توحشت هاد مناظر خلابة مع مك يلاه نوصلو واحد طويجين خديجة : وشكون علمنا من غيرها ؟ لهلا يخطيها علينا كن غير جبتيها معك فاروق : ( حاني راسو ) صمت الاب : اوا عمتك مقصرة معانا فهاد العطلة ! ماشي من الصواب ، مرة اخرى ابنتي ، اهم شيء شفناكم على الخير ..جمعت طبلة حطت لهم الصينية آتاي و بقات فالكوزينة تتغسل و تمسح و ترد و الداراي نعسو ، حتى سمعات صوت باباها يناذيها الاب : ( عنقها جنب ) المرضية نخليك فالراحة الله ! و على وجهي هاد المرة دوزيها خديجة : ( شافت فاروق مخنزرة ) ماديرش فبااك ابابا ! وماتقول لماما والو الاب : ( تيلبس صباطو وناض عنقها تيسلم عليها ) راني فاهم و عارف ! تهلاو بيناتكم فاروق : ( تيمسح وجهو شدة منظر ) كن هاني العموم راهم فعينيا الاب : ( سلم عليه ) الله يرضي عليك اولدي ، واسلم على الحاجة الوازنة و سلم على خوتك فاروق : مبلغ ! . نزل معاه فاروق حتى تحت وودعو و رجع طالع تافتح الباب ضرب فيها جالسة فبيتها عاطياه بظهر حانية راسها واضح انها تتبكي ...قرب عندها واقف عليها فاروق : خدييييجة ! تتبكي ؟ خديجة : ( بردة فعل قوية ) تنبكي عندك شي مشكل ؟ فاروق : ( فتح ازرار القميص و طلع تكى حداها ) واش انا حارمك من والديك ؟ سيري فوق مابغيتي عندهم خديجة : ( تبثت فيه شوفة ) عاد طفت عليك شمعة ؟ جاي داخل جالس بحال لي ماطرا والو فاروق : ( بجدية ) آش طرا ؟ خديجة : ( تتضرب بصبعها على لسرير و تتاكد بكلامها ) هاد المرة بابا جا على غفلة واعرف نص المشكل ! المرة جاااية انا لي غادي نتصل بيه و نعاود و نعاااود ونعاااود حتى مانخلي لينا رجوع فاروق : ( مد يديه شعرها هز خصلات من شعرها تيلمسهم ) ونهووون عليك البلارة ؟ خديجة : ( ضربت ليه يديه ) نووض تجمع من تمحليس ! قاعدتك هيا قاعدتك ! ديرها قد راسك وترجع ماسح السما بليكة فاروق : اااه ! ماااطلعيش لسمااا ! صافي ساعة غضب و مشات ، للسان مافيه عظم خديجة : عيييقتي و زدتي فيييه ! انت خرجتي على فمممك الفراق و كنتي باغي تخرجني من دااي ! وماخليتي ما قلتي وجاي تتمسكن بحال ماوقع والو فاروق : تنتمسكن ؟ ياكما باغاني نوصل انا وباك لشي مواصل ماتماش ؟ اباك النسيب لي يتمناه اي راجل ! سمعت ليه و لخصت ليه حياتنا فجوج جمل ! ( تيشير لها و يشير ليه ) اناا ويااااك حتى لمووت خديجة : احلم !! نبقى انا تاتمرضني باعصاب فاروق : مال عدو ربكم ماعنديش زهر معاكم ؟ على ساعة غضب تتنساو ليا كاع لي درت على قبلكم خديجة : مااانسيتش ليك ! ولكن زدتي فيه ، كل مرة تهز راسك و تخرج ! يوماين و براء تيبكي و يشوف جها الباب فاروق : هززي تلفون و عيطي ليا و العيب و العار الا ماجيت عندددكم ! انااا مرررريض و فااايت فيا الفووووت وهاادشي ماعطااني الله خديجة : كلنا امرااض و كلنا تنغضبو و نقيسوو ! فاروق : خديجة شفتي راسك فاش ولدتي آش تديري ؟ انا من نهاري ماخبعت عليك والو ! هااا وجهي باش عرفتني باش تلقايني غدا ، انا واحد الراجل تيعيش حياتو مع مراتو خديجة : مني الخدمة مني تربية الدراري مني الدار ، ماتتشوفش ليا فاروق : الله يعطيني العمى الالة ! قهراتك الخدمة ريحي فدارك ! قهرك شغل جيبي خدامة ، اولادك راه مسؤوليتك و لكن ماشي نطلبك الفراش تبقاي عليا خايفة نحمل افاروق ؟ خديجة : حتى انت شووف اش طلبتي مني اخر مرة ؟ فاروق : ( رمقها بنظرات حارة ) اش طلبت منك ؟ الحدود الله راهم معروفين ، لانتي ماتتمتعيش فهاد العلاقة ؟ ما تتاخديش نشوتك ؟ ولا درتي الولد لي باغة و الحوا مع فاروق رجع زايد ناقص بحال تسياق الدار خديجة : دبا انت غضبتي على هادشي ؟ فاروق : السخوون و الباارد امولاي يعقوووب ! راني ماشي مكبوووث تاهاد درجة ! خديجة : صمت فاروق: المرة فايتة هربتي ؟ دبا سكتي ! سمعي اخديجة نهضر معاك بلفيريتي ، انا حوا الوالدين و حشمة الزب دوالو ماااعندي ما نقلون بيها ! قلبي وربطتيه بيك الزين و عاجباني ماعندي عليك لاين ! ماطيبي ليا ما تزمري ليا ، قابلي ولادك و خلينا نعيشو حياتنا خديجة : ( رجعت حمرا اطرطق ) داك طلب تقيل عليا فاروق : نخففوه ! هاديك متعة من حقنا بجوج ، ماتيعنيش نجيبك بين رجلي انقص منك ؟ بلعكس ماتنزيدو فحلوتنا و ماتنسايش راني واكلك من صبعك صغير للزغب شعرك .. خديجة : ( ماقدراتش تشوف فيه ) اهم من هادشي دير معايا الحل ! فاروق : غادي نولي نخرج زنقة و نرعرع و نسب و نعاير و نسكر على البشر و نرجع ندخل بييييس خديجة : ( شداتها ضحكة ) هه راك تسطيتي فاروق : ديها فيا اخديجة ! عشقتك بنيتي ماتخلينيش نشوف البرا ولا نتعصب على والو ، راه ماشي خاطري خديجة : ( تنهدت بقوة ) تتحيرني معاك و الله فاروق : ( جرها عندو بقوة و جهو على وجها تينفس فوجها ) شووفي فعيني اخديييجة ! ماشفاتكش حالتي ؟ الا خطيتني راني نطيح باغاليزي ... الطابع غلاب لب فيه شي قاعدة ماتحيدش منو ، من صغرها لكبرها وهيا كي البيل اليكتريك وماتغير لها اللقب حتى اخرج الرسوم ماشا ! من نهار كانت فطوش شاعلة تلفزة و مر رسوم صدفة امامها و نفس الوقت اسماء تتدوز من قدامها دايرة زيف حياتي بنفس طريقة ماشا ولابسة بيجاما طويلة و عينيها خوضر تيدرور ، من البارح لليوم و هيا تتقول انصاوب شعري وشي شعر ماصاوبات ..رن هاتفها و هيا فالصالون جالسة يلاه وجدات تصاوب شعرها حتى سمعت نبيل تينادي عليها .. اسماء : هانا ( هزت تلفون وجاوبات ) الوو سكينة : ( بصوت باكي ) اسماااء ! اسماء : لقيتني نعيط ليك ! ( انتبهت نبرة) اويلي مالكي ؟ سكينة : بغيت غير نموت ! ( تتبكي بحرقة) جاااوني الخطاب اسماء : حبسي من زمر البكا و هضري ! شكون هاد الخطاب ؟ سكينة : شي عسكري تالف ! اسماء: ومالكي؟ سكينة : كالك خرجي جيبي عشاهم ! وبسيف تزوجيه ، انا هازة راسي خدامة ماباغة زواج ، داك الحمار خويل تيتهز عليا اسماء : مشاكل سكينة : شوفي راني خارجة زنقة تلفت و ضاقت بيا ! ماتجيش عندك مك تباتي و نبات معك على مايخرج الكار طنجة الصباح و ونمشي عند ختي ! اسماء : ( تتشوف فنبيل خدام مع الوراق) راكي فزنقة ؟ سكينة : من صباح و كرشي تتغوت فيا جوع ! اسماء : ( خرجت صالون ) انا نشوف الا يجيبني ! اما ختى لا هادي داري ندخلك ولا حتى فداري نقدر ندخلك ! نبيل ما يبغيش سكينة : راني عارفة لي كاين! راه تا تبلوكيت وعيطت ليك اسماء: انا نهضر معاه ...قطعت تلفون و دخلت تتمسكن و عينيها تيدورو ..قربت عندو اسماء : نبيييييل نبيل : مالكي ؟ اسماء : توحشت فطوش ! عفاك ديني عندها نبيل: ( حقق فتلفون لقاها ستة ) مور العشا نجيبك ! لمباتة الا اسماء : ( تتدور فعينيها ) لي بغيتي نبيل : انا تحت فطموبيل ! ندوز نتقضاو ليها فطريقنا .. ...رمات جلابتها و هزت فلوس لي عندها فصاك و نازلة تتهضر مع سكينة توصيها دوز الدار ، سلمت على الوازنة و زاينة و كملت دروجها تاخرجت ركبت معاه فطموبيل ! طريق كلها هيا تتفكر فصاحبتها ،وقف فالاسيما تقضاو منها و رجع ركبها تاوقف بيها امام الدار و نزلت فطوش رحبت بيهم هيا طلعت مع امها هو رجع بحالو ...كما العادة صمت للمط ، تتهضر عادي و ترتب فالتقضية تا تسمع دقان ونزلت تتدردب فدروج و دخلت سكينة حالتها حالة ، سلمت و جلست تبكي و تعاود من اول ، حطت لها تاكل و تتسكت فيها و فطوش ماعجبها الحال فطوش : ياك غير العشا ؟ انا نديرو ليك و نوضي تزوجي ديري اولادك سكينة : مانتزوجش ! عسكري يخليني مع تريكتو ويجيني خطرة فالعام فطوش : ومالها ؟ اسماء : آ امي بعدي منها راها مريضة فطوش : انا تنبغي الحق و معقول ! فين عمر البنت فينا كانت تقابح مع الوالدين و تكول بغيت و مابغيت ... ..الحوار طوال، وفطوش تتطلق فالقرطاس ،شدات فراسها و سكينة تقهرت ماجاها لبالها غير كينة اعصاب كان مخرجها لها طبيب تتنعس و ترخيى، دقاتها لها رجعت غبرة وعطاتها لها فالعصير لي شراتو مع تقضية ماكاملة تل نص ساعة فطوش نعست اسماء : الله سكينة : ( بهمس) ماغاديش تفيق ؟ اسماء : تا الا قافت ماتجريش عليك ! غدا كار تيخرج فوقاش؟ سكينة : سبعة صباح اسماء : ( تتسمع صونيت ) فطوش نعستها ؟ يااوراجل جا ؟ سكينة : يرحم مييمتك ماتاخلينيش اسماء " : لاتخافيش الخرا ، انانزل نسيقو ! نتي تخبعي فالحمام ...بملامح حزن مصطنع فتحت ليه الباب ... : جيتي ؟ نبيل: راه العشل وذن ! واجدة ؟ اسماء : امي مريضة مسكينة ! ناعسة خفت تفيق بليل و ماتلقى شكون يمد لها تا الكاس الما نبيل : نهزوها طبيب ؟ مالها شنو ضارها اسماء : كانت مريضة راسها ضارهاو صافي نبيل : ( تنهد ) صافي ماشي مشكل ! ماتخرجيش لي خاصك صوني عليا و الا تزاد الحال عليها عيطي ليا اسماء : صافي شكرا ! نبيل : نجيب ليك العشا ؟ اسماء : لاكايين .. بصعوبة مشى و تنفست براحة و طلعت بحالها مقصرة هيا سكينة مرة دموع مرة ضحك تاقرب يطلع الصباااح .. ....الصلاة الفجر خير من الف النوم ، كيف الا الرسل و الكتب و الاحاذيت نبوية تحدثو عليها ، بايت بوحدو و رجع تيكره هاد القضية ، تتخلي عليه الدار خاوية ، معمر منبه تلفون على صلاة الفجر لكن رائحة الكواتشو فيقاتو ، ناض تيشم هنا ولهيه يلاه خارج من بيت هو يمشي يجي فبلاصتو من حدة الصوت . ..طااااااق ..قلبو ايوقف هو لي عندو مواقف مع الانفجارات ، للمح الكانصة ضو طارت من بلاصتها و شياط نايض طار للبلاكة الضو طيح المكانة و وقف تيتنفس بقوة تاطلع نوصير عندو تيجري و فتح ليه الباب نبيل : اعوذ بالله من الشيطان الرجيم !! زيد ادخل نوصير : اش واقع ؟ نبيل : ( اشار صالون ) تاطرطقت نكاصة ضو ، الواليدة سمعت شي حاجة ؟ نوصير: لالا انا لي دايرا مع دراري ندوز للسوق تاخارج سمعت طرطيق ...رجعو الصالون تيشوف فديك الكارثة و يحمد الله انها خرجت طريقة ولو اضرار ، طلميطة سداري رحعت كحلة ، قرب يشوف السبب هو يلمح اذاة سوداء والبريز ديالها محروق هزو تيشوف فيه نوصير : هدا داك الويل كحل ديال شعر ديال زاينة نبيل: ( بصوت باح بالنعاس ) فين ابنتي عقلك فين ؟ ماقتلتني لافيراي اتقلتني طيارتك .. نوصير: ( شدو منو تيشوفو ) وايلي اسماء نساتو ؟ نبيل : راها باينة ! وصلتها عند امها مع العشية ،راه داك عجب جلي فضو شي تمنطاش ساعة ، طاب على خاطرو تاطرطق على خاطرو نوصير: ( حط بلاك ) حمد الله خرجت طريفة نبيل : داكشي لي كاين ! لاباس لي ماجاتش فالبوط كنت انا فادار اما راه اشعل عافية ....مع اذان الفجر مشى توضى و صلى و حمد الله انه صلاتو مزال تتنقدو فكل مرة، رجع على وعدو و سعدو يجمع روينة و هز زيف تيمسح الكحولية و جاب وحيد داك سداري .. نبيل: يلاه ! رجعنا فالصباغ و تريسيان و مول طلامط ..لاحول والا قوة الا بالله .. ...رجع نعس مانعس و تا ضربت الستة و نص و ناض لبس حوايجو خرج هز طموبيل طالق يدو و تيشم هواء الصباح ، توقف بجانب المخبزة و نزل شرا كرواصون و الكومير ، رغم مصائبها لا انه توحشها و بغى يفطر معاها و يعاود لها الكارثة و يسمعها هضيرات هو مبتسم عارف ردها مسبقا _والله مانعااود ..المييمة مانعاود .نبيل : مادير عقلها تاتهبلني ! ... ..دورة لي ضارب داخل الحومة وقف تيتنظر بيكوب خارجة من تما زاد عطى الناس يدوزو هيا دوز من قداامو هيا صاحبتها مشادين و قاصدين الشاريع ...مامتيقش هو تيشوفها تتزرب فالمشية حانين راسهم كانهم هراباانين...برك على لومبرياج زاد تابعهم هو تيترعد .. _واحد العقل تيكوليه نزل هزها و قتل مها اعصى _واحد العقل تيكوليه تبعها و شوفها فين تخرج تما تا الاقتلتها يكون عندي سبب .. ...بايتين على حديث و الاراء، مرة وحدة تنصح اخرة تمرد و مرو اخرى تزيد لها فيه اخرى تهدن الامور ، نعسو ساعات قليلة ووناضت سكينة مع سبعة تتحك فعويناتها .. سكينة : ( بهمس )اسمااااء اسمااااء اسماء : هانا فايقة ! ( ناضت ) تمشي ؟ سكينة : ( بدموع ) نمشي نهرب حسن ماننتحر فديك تزويجة زبل ! دبا خايفة لايشدوني فدرب اسماء : ( مشات تتطل من شرجم ) درب عامر وخ صباح ، زيدي نوصل معاك سكينة : ومك ؟ اسماء : راها ناعسة ،فاقت شربت رجهت تنعسى ....الفكوسة تحزمت بكرعة قالت لها يلاه نقطعو طريق ، سكينة ميكا اوغيفلام لي حياتها كلها هزاها نفسها دايرة فيها شي حويجات باقي من سلعة و بزطام فيديها، اما اسماء هازت تلفزن و ظهرو بزطام فيه فلوس .. اسماء : (جبدت عشرالاف) شوفي اتشدي بلا زيادة فالهضرة سكينة : ( بعدم فهم ) شنو ؟ اسماء : ( مدت لها فلوس ) شدي وربي معاك سكينة : ( شداتهم بامتنان ) الله يسهل عليك اختي وماقصدتك تا عرفت معدنك اسماء : ( بحسرة) آودي من راجل معاوني نجيبك عندي ! ( خارجين من الباب سدوه ) زيدي نتبعو هاد بيكوب ونتخباو موراها .. ..ماتمشي غير فين مشاك الله ، تبعو بيكوب يتخباو تاشافهم الشخص اللذي لا يكن فالحسبان ، عاطين الخطوة و حانين الراس هو تابعهم ، شدو طاكسي صغير لان وركبو و غادين تيتكلمو تاوصلو المحطة و خلصو طاكسي و دخلو يقطعو ورقة كار .. نبيل : ( حط طموبيل خرج بزربة تيجري يتبعهم ) اليوم نشرب دمممممك ..تيشوف هنا و لهيه و خرج محطة هو يبانو ليه واقفين ، الفكرة فراسو هو انه يوصل عندها قبل من كلشي لكن صوتو خانو و نادا عليها تاخلا لي واقف يدووور اسماااااااااااااء اسماء : ( عاطياه بظهر بالخلعة ) هووو هوووواا سكينة : ( غير شافتو شداتها فيديها بخلعة) ويلي يلي هوووو اسماء بالخلعة و تلفة شدات فاليد سكينة طلعو الكار و قفو تيشفو فيه هو جاي ناوي على خزيت الكريسون: سير عاللله سيررر ! كولشي مخلص اسماء : ( تتبكي ) ماااتمشيش اخووويا نبيل : (وصل كار لي تيعلن ديماراج و بدا يضرب فيه و يغوت ) وقققققف اسماااااء نزلي اسماء : ( مزيرة على يد سكينة ) الا شدتي يقلتني الكريسون : ااااختي تابعك شي احد ؟ اسماء: ( تتشير براسها اه و تتقول عكس كلام )الااا شيفور فتح الباب هو يطلع نبيل صاعر و معصب لاعلى درجة ، شدها جرها من يديها و سكينة شادة اليد االاخرة و احد رباعة دراري شادين فيهم : كاجوووول ماتخلينيييش : ميري محبوووية ههههه كوم توهي كايي سنام ميري هااييي كريسون : اشريف واش مراتك ؟ نبيل : ( جرها تاكان يهرسها ) مراتي كن كنت مسالي احسب لهاد براهش سنانهم ..هبطها تتبكي و سكينة جلست تتبكي و كار غادي دوك دراري شدو فسكينة تاني : مهربة المراة راجلها حصلاتة مع ايلول تيخونها سكينة : دخلو سوق راسكم : مشات تاكل ماكلا طبل نهار العيد .. سكينة تتبكي على زهرها و زهر اسماء ، تا حست بيد مدات لها جلنيكس و دارت تشوف !، لقات راسها جالسة حدا الولد شدات كلينجس و شكراتو الولد : شوية اختي ؟ سكينة : ( طلعت حاجب و نزلت حاجب ) اخويا تنبيع اوغيفلام تشري ؟ الولد : هههههه نشري علاش الا ...حكايات تتنتهي و حكايات تتبدا، وحدة خوات المدينة نحو مجهول او الوحدة مشات لمصيرها لي عارفاه و مايعتقها منو احد ... ....كاين واحد النوع الناس محطم رحم القياسي فالكوارث الحياتية، و تيمر عليه الزمن و يزيد القدام لكن الا طاح فموقف من تاني ؟ يعاود يتدخل و يتصرف ولا للامر تيتعرضو للخطورة ، يمكن الغباء او اللامبلاة لكن واضح انها الصكوعية .. ...نبيل :( ريتو اياااكلها ) تتبكي ؟ علااااش تاتبكي ؟ أسماء : هنننننن و الله .. نبيل : شششش الله خليه بعيد !( شد طريق الفيلا و تيسوط ) اااه اربي و النية شوووف فين خليتك فين لقييييتك اسماء : وااغير ديني عند خالتي الوازنة انا مزاوكة فيك نبيل : الوازنة ؟ ماشي هبيل نخلي امي تسمع غواتي ؟ ياك ماتنضلمكش ؟ ما تنحكرش عليك ؟ انتييي لي تتقلبي على لمشاكل ؟ اسماء : ( حبس طموبيل امام فيلا و هيا شدات فااكوسان ) مااانزلش نبيل : ( نزل سد عندنا حل الباب شدها من قرفادتها ) شوووهة تاهنا ؟ اسماء : ( تترغبو بدموع ) عفاااك ماندخلش هاد الدار خاوية ، والله اااخر مرة والله نعاود نبيل : ( شدها بقوة جرها ) لا عاااودي اناااا بغيتك تعااااودي ( تيطيح لها تلفون و تتهزو و فتح اباب مدخلها ) اسماء " : ( تتهرب منو ) هنننن انا مدرتهاش بلعاني نبيل: ماعندك فين تهربي ، هااا ! الحيوط و زليج اليوم نربيك من بدا و الجديد مااباااغاش تحشمي ولا تخااافي ، خااااارجة فالنبوري غادة المحطة ؟ عزري الدوار نتي ؟ اسماء : ( مالقات ماتكول غير تتبكي ) نبيل : ( غوت تا زعزعها ) جااااوبي ! هضرررري اسماء : ( تتهرب منو تاشدها من شعرهاا و طلعها بيت النعاس ) اناااا متااايبة الله ، غلطة ماتعااااودش نبيل : (تيشوف باش يشحطها لابس سروال كيطمة مافيهش صمطة ) منين نبداك ؟ من الكذوووب ؟ ولا من الخروووج بلا الشواار ؟ ولا منين اسماء: ( مخبعة وجها تتبكي ) غير وصلتها نبيل : ( قرب لوجها مغزف ماحسش تا جمع معاها صلاااااي ) توصليها ؟ ادوي الحمارة ؟ هيا عساس الحومة ؟كن شدك شي واحد فالرجعة ؟ اسماء : ( غير تتبكي ) مانعااودش نبيل : شنو ماتعاوديش ؟ كذوبك ! داك الحمار نبيل نبيل و انا الفاهمة نخرج و ندخل كمل بغيت ؟ ولا زايدة طالعة الكار هاربة مني ؟ اسماء : واغير خفت منك و الله ماكنت نهرب نبيل : تتخافي نتي ؟ كن كنتي تخافي ضربي ليا الحساب ، العصا لي كليتي مني تخليك ترباي من بدا و جديد ! ولكن راسك قاصح ارطبو ليك ( تيشير بيدو ارض ) من اليوم حسبي راسك راحلتي لهنا من للحظة ! اسماء : ( بحال ضربتيها بضو ناضت تتشد فيديه و ترغبو ) عمررررني نعاااود ! ماتخلينيش هنا ! ياك قلتي نرحلو كلنا و نجيبو حوايجنا نبيل : ( قصح قلبو ) كذبت عليييييك ! اسماء : ( شدات فيه بقوة تتبكي بحرقة ) والله و الله مانعاود اريزيني فصحتي مانعاود ! غير صاحبتي عاونتها و بقات فيا عفااااك مانجلسش بوووحدي نبيل: ( دار يدو فجيب تيحرك راسو ) ايه صاحبتك تبقى فيك ! انا لي راجلك لهلا يقلب ، عارفة راسك شنو درتي فالدار ؟ اسماء : ( تتنفي براسها و راسها ضرها بالبكا ) مادرررتش و حق القرآن مادرت نبيل : تتخدمي بلا عقل ! تحرميات و كذوب معششين ليك تانسيتي هداك لعجب شعر فدار كنا نتحرقو كاملين، و جاب اللع الفجر فيقني و نضت كي لهبيل جاي عندك جايب لك الفطور و نكوليك ربي نجاني للمرة تانية ساعة حياتي عذاب معاك اسماء : ( راسها تيزدح و قلبها ضرها الدموع تحبسو بدات دخل للصدمة ) مامممممم مننمم نبيل : ( حقق فيها شوفة ) تبردي مع رااسك فالفيلا لي حارق دمي نعيشك فيها ، و نتي ماجايبة لدنيا اخبار ! راجعي وراقك و حسااابك اسماء : ( طاحو عليها يديها و تشوكات ) ... ...هز سوارت و تم نازل ، تاكد من شراجم و خرج ساد الباب هارب منها، لانه الا بقى يهرسها و هو واعد نفسو مايبقاش يحط يدو فيها ، فعلتها مازال مامصدقهاش ، حتى تيقول قطعنا الواد و اجتمع الشامي على مغربي وتاترجعهم خطوات الوراء ، شحال هو جالس فطموبيل ، تيبرد نفسو مابقى باغي يعرف لا علاش كذبت و لا السبب و لاعلاش ولا كيفاش ، وصلت معاه الخط الاحمر .. نبيل : ( حل تلفون طالع نازل ) الغالب الله ، لي درتو مزيان تيرجع ليا خايب و ماكايناش غير انتي عطا الله لي تعطيني قيمة اكثر منك .... من سهل على الانسان يقول انا معصب ! او يتطرح عليه السؤال البديهي بما هي الصفة لي تتكرها بنفسك يجاوبك _عصبي ! ماتنتحكمش فاعصاابي ...اجوبة مملة و معرفة الاجاابة مسبقا بالنسبة للسائل ، لكن المسؤول هو تيجاوب تيكون نغز فقلبه او ابتسامة مريرة تتفكرهم بمواقف فعلا عصبيتهم خلاتهم تخسر الناس او خسراتهم الناس ، قال كلامو هو عينيه على تلفون و هو نفس الوقت تيفكر فيها ، دار بوجهو للساشيات المخبزة نزل فتح الباب و حط لها الكرواصون فدروج و رجع خارج ..ركب سيارتو و الاحدات تيتعاودو فراسو ، مرة يعض شنايفو مرة يضرب بيدو فالفولون ماحسش براسو تاوقف على المنزل المرأة الوحيدة لي تتريحو ة تتحسو بالقيمة و بالسعادة ...نزل بخطواته فتح الباب طالع فالدروج تا ادخل الباب تيبحث عليها بعينيه ، لمحها بعادتها جالسة جلستها الهمية شادة تسبيح فيديه و الفطور فوق الطبلة نبيل : ( بحب ) الواليدة ! الوازنة : ( بحب اكثر ) آالحبيب الغالي الراحة لي تقدر توصلو من صوت الحنانة و التيارات الحنان لي تيشوفهم فعيونها و ابتسامتها مايعوضهم احد ! دائما تيحس براسو منبوذ او تقيل على النفس، لكن مع #الوازنة الوحيدة لي تتحسو انه شخص العادي و محبوب و ذو قيمة نبيل : ( هز يديها دات بقع السن متقدم قبلها ) كي صبحتي الواليدة؟ الوازنة : نحمدوه و نشكروه ! اش بغيت صحيحتي عندي و ليداتي دايرين بيا نبيل : ( تيمسح على راسو ) الله يخليك لينا الواليدة الوازنة : ( بحنية ) مال الحنين ديالي ! راه اوليدي شحال قدنا نخممو و نفصلو و نخيطو لي دارها الله هيا لي كاينة ، الخير اوليدي فالمساعدة و العشرة ماتهون غير على قلال الاصل نبيل : ( حاني راسو ، عارفها تتفهمو من نظرة ) شحال قدك تصبر الواليدة ؟ راه حنا الدم و للحم و بلاش راني مريض الوازنة : المرض دالله اوليدي و المومن مصاب ، دير مادارو جدودنا رمي كلشي فالشبكة شي يطيح شي يبقى نبيل : ( وجهو مزير و عاقدهم ) اوا الله يرزقنا من عندو الصبر الوازنة : هدا ماتقول اوليدي، اطلب الصبر و رزق من عندو ! راك اوليدي رجعتي من الموت راك الناجي اوليدي نبيل : ( مسح وجهو ) نعم بالله الوازنة : زيد الحبيب تفطر ! نبيل : ( سكت مدة و تكلم ) ماعندو منين يدوز ! بغيت الواليدة نشاورك ؟ الوازنة : ( حبست عن حركة ) الخير اوليدي ؟ نبيل : الا كتاب هاد ليلة نهز فراش للفيلا و شوية بشوية نجهزها ! نهار تكمل نجيبك معانا كما اتفقنا و ماكرهتكش الواليدة تهضر مع خالتي فطوش تسكن معانا منها توانسو مع اسماء ، ويلا عليا اتساع يكون وقيل فين ضرب راه نهاري فالخدمة و ليل فبيتي الوازنة : اياه الوليدي ماقلتي عيب ! ولكن تاني لازربة على صلاح ! التجهاز خاصو وقت و نهار تكمل خاصها الصدقة و العراضة للخوت و الاحباب نبيل: كلشي فيديك الواليدة ! راك عارفة اسماء ماتقدش على هادشي ، غير هو خليني بخاطري نسبوقك الوازنة : فينها دبا اسماء ؟ نبيل: فالفيلا الوازنة : الله اوليدي ! مخليها على كص و البرد ؟ نبيل : يلاه جبتها الصباح ! انا دبا نهز الفراش و لي نحتاج ، غير ارتاحي الوازنة : ( هزت صبعها تتشير برفض ) رجلي برجليك اوليدي هدا راه هروووب ماشي رحيل نبيل : ( وقف قبل راسها ) انشاء الله فالرجعة نديك معايا ..ناض خارج و تلفون فوذنو تيتصل بمعارفو يهز الفراش و طلع الفوق تيتكلم و خلا الوازنة تتدعي معاهم .. ...قد ماكانو تيتلاقاو يوميا قد مارجعو تيتلاقاو قليل ، الخدمة ! المسؤولية ! كلها عوامل تاتقلل لقاءات لكن لا تقلل حجم الصداقة ، على صباح تلاقاو و افطرو فقهوة و خليفة جالس دايو نعاس ....من بعد ما تفتح السوق دخلو يتشوف المعروضات ، سوق كان عامر و علامن ماقلبتي تلقاي، دارو و شافو و دائما مسبقين قاصر يساوم خليفة : ( تيشرح بيديه ) جوج السدادر لاقيهم اصاحبي جوج بونجات وجوج مخاد و طلميطة هاهو بيت نعاس واجد نوصير: ( تيعض فشنايفو ) اهااا ابراهيم : اوا نحطو حوايجنا فشبكة ماعن ؟ و مراتي تحط ماكياجها فطواليط ؟ خليفة : ( تيمسح على كرشو ) سعداتكم عندكم حوايج ( شاف فحوايج لابسهم ) نصبنهم ينشفو لبسهم نوصير: و مااال دلمك على هاد جوووع اصاحبي ؟ ابراهيم : السعاي لي حطو خليفة: اوا باش يلبس تكذبان و ماين تكذبان ، ( اشار بحجبانو للبائع) شوو داك بيت نعس فالاحمر يعجب ديك بحمرونة عندك ابراهيم و نوصير وقفو تيشوفو .. ابراهيم : الا ! نرجعو عند داك السيد لي عندو ديال طاليان ، ياكا نوصير ؟ نوصير: الا عجبك توكل عالله ها القاصر يتفاهم معاه خليفة : عطيناه الحل هو تيتعلق فين يتفلق،ربع سنين هيا مطوفاه اميمة تا طاب و وبقى غيي وخ وخ ابراهيم : ( شد فراسو ) العفوووو ...قاصدين المحل الاول و فطريقهم تيتكلمو حتى وصلو عند البائع ، غير وقف خليفة طلعو و هبطو هو يهضر بهمس كانه ماشي عليه خليفة: هاد العثماني هدا محال نتتفاهم معاه دراري شداتهم ضحكة كلها فين شتت نظرو ! لان بائع فعلا شبه العثماني فير ضاحك ونظاظر نازلين ، قلبو الفراش و عجب ابراهيم .. خليفة : الشريف شحال هاد البيت نعاس ؟ بائع : مليون خليفة : مالها تاهيا الفلوس ، اااه ! و تستااهل اعمي غير هو بريكة ماعنديش ب : شحال عندك اولدي، نسمع منك ؟ خليفة : ( هز يديه تيقدر ) ميات الاف اعمي ب : هانت شوووف مع راااساتك السوق فيه انواع و اشكال ! انا تنبيع مليح و ماتسالني حلوف الا بايعو قل من راس مالو ، غير تنسلكو خليفة : تانا اعمي ماتسالني حلوف ( اشار براهيم ) الا غير الخوادري صغير لي طاح فمشكل مع واحد بنت وعندو الحبس ولا زواج ! اوا كلنا نجمعو زمر نوصير شد فكتف ابراهيم لي قرب يطير عليه و خليفة مدور وجهو شاد ضحمكة و بائع تيشوف فيهم ب : طالقينو المخزن ؟ خليفة : واامن العائلة ! عطاوه من هنا تالي سيمانا يجمعو وراقهم ! اوا كلت نتعاون معاه و نعطيه فين ينعسو على عينين العائلة ب : ( بأسف ) لاحول ولا قوة الا بالله ! دبا بغيتوه كامل ؟ خليفة : ( ماتيشوفش فبراهيم ) كااامل بالكوافوزات بالماريو بكلشي ب: شوف انت داير الخير انا نتعاون معاك نقص لك الف درهم خليفة : الله يكبر بيك ! و االله كن عندي هاد تمن تنغامر معاك ! انا نزيدك على ثمن لي عطيتك الف درهم وهاهيا ستالاف درهم ب: و ااقصحتي معايا ! زيد الف اخرى خليفة : هانت عموم كافيه و موفية ! ب: ( تيمسح فالخشب ) راه سلعة مطلوبة .. ..مني منك ! حبسوها بثمن لي بغى خليفة و دراري غير تيشوفو خلصو و عيطو مول هوندا ولد الدرب هزو لهم .. ابراهيم : ( شدو غفلو) آدوي القاصر ؟ دلمك انك انت داير فيا خير نوصير: ( تيفك ) طلق اصاحبي يصحابونا غير شفارة خليفة : دير معاه الخير وجه الزلط ! ابراهيم : عمرك تكبر ! تبقى مخلوض خليفة : هادي هيا الله يحفظك نوصير: شمن الله يحفظك ونت تتفيلمي فالقصص خليفة : ( اتيقاد حوايجو )، زدت فيه ياكو ؟ ابراهيم : كارثة متنقلة اصاحبي خليفة: راه هدا هو زواج ! افلام و قصص و خسران فلوس نوصير: هنينا اصاحبي ! شفتي ولدك بيشكليط خليفة: اش نشوف ؟ نتما ختارو انا نقاد معاهم فثمن الا عجبكم خلصو و الله يرحم والدين ابراهيم : اخا نهار كنتي تعراق فيه شاورتينا ؟ خليفة : هدا ماعطى الله ، زيدوو زيدووو راه هداك عندو بيشكليطات .... ....من حبهم لولدو #محسن#تكذبان شراو ليه بيشكليط و نوصير شرا شي العاب لزياد لقاهم جداد و حطو كلشي فطموبيل غادين مقصرين بنويطات خليفة .. ...منظر من بعيد يوحي كانه هدوء بعد العاصفة ، لان العاصفة مرت فالصباح ! جالسة حاطة يدها على خدها منين خرج و غير تتشوف ،،، مرت ساعات وهيا على جلستها تا ناضت تتقلب على تلفونها خرجت من البيت و تتشوف فجنابها تتقول هنا يخرج ليا شي احد !! نزلت فدريجات و ضرباتها ريحة بتي بان مع جوع نزلت هزت وحدة تتاكل و هزت تلفون و بدات تحول اتصا الفطوش ...تيرن تيرن دون مجيب اسماء : اوا ها الحفلة رابعة تكمل ! ..نتظرت شوية و كررت محاولة حتى سمعت صوتها عاد تنفست فطوش : يعطيك لليعة تليعك الكلبة ! ااكولي ؟ جايبة بنت هربانة من دراهم اسماء : شمن بنت ؟ فين كنتي ؟ فطوش : درب كلو مقلوب على سكينة ! ونتي فينك اسماء : انا فدااااري مع رااجلي فطوش: ( بعدم فهم ) الالة راسي داخ عليا ! فقت لقيت جقلة ،ماعرفت باش تبليت ، تيا فوقاش داز عليك اسماء : ( دورات فعينيها ) اااه ! داز عليا وصافي كنتي ناعسة فطوش : اقطعي راه جارة بغاتني و فرقي عليك سكينة ديها فمحالك اسماء : بسلامي أمي ... ..طلعت فوق بيت و تكت جالسة تتفكر فهاد روينة ! ابدا ماتقدر ترفض مساعدة صديقتها لكن تظن هادي آخر مرة ، لان نبيل حصلها اخرى خوتها حصلوها ..بعدم نومها البارح وقوة البكا و صداع ، استسلمت للنوم و معنقة تلفووونها ... *****بعد ساعااات ..نوصير : ( واقف معاه فبيتو ) صافي هادشي لي هزيتيى؟ نبيل : صافي ! بيت نعاس مزال جديد نقي و الغطا و تلاجة و بوطة كاغ ودوش ، و شوية بشوية نفرش الفيلا على تساع نوصير: ( طفا ضو وجار باليزات ) زربتي اصاحبي ! نبيل : صمت ....رسل الفراش مع كاميو و اعلمو مع خدامة ينتظروه تما اما الحوايج جابهم معاه فطموبيل اي حاجة خفيفة ديالهم ، حط كلشي فالكوفر و طلع يسلم على الوازنة و زاينة غير تتشوف بنظرات حزينة للفراق اسماء .. زياد : ( شاف نبيل خارج لصق فيه ) موووو مووو نبيل: ( هزو ) انا جاي اعمو ! ( تيحطو تيبكي ) نوصير: ( دخل بيت ينعس عيان و تينادي عليه ) زيااد اجي ابابا اجي زياد : ( تيفركل و يبكي و يشوف جهة الباب) موومووو زاينة : ( بحزن ) خويا نبيل ماشي زربتو ااسماء ماشفتها ؟ نبيل : ( حاني راسو ) مرحبا بيك اختي فاي وقت الوازنة : فيها الخير ابنتي ! اولدي ازياد اجي الميمة زاينة : هنا يشدو شي كريز تاني ، البس جلابتي نخرجو نبيل : انا نديه حتى رجعو ؟ زاينة : نعطيك صاكو اخويا ! و اسلم على اسماء .. ..نزل بزياد لي فرحان بالخروج وهاز صاكو ، حطو للور دار ليه الصمطة طاكاه بالملايات ، و شد طريق و تيفكر اشمن حالة يلقاها ، عارفها صغيرة و متهورة و كلما شد العناد تتزيد فيه و نفس الوقت عارف قلبها بيض و نيتها مزيانة .. نبيل: عمو تمشي عند ماشا زياد : ( تيهز فيديه و يشير لزجاج ) بابا عنن عنن نبيل: شابه لباك ؟ تموت فعان عان ...( وصل عين مكان لقى الكاميو فانتظار فتح الباب و طلع هو كلو لهفة و هاز زياد تا لقاها ناعسة ) اسماااء اسماء : امممم نبيل : اسماااء فيقي ! اسماء : ( ناضت تتحك عينيها ) زياد ؟ نبيل: ( مدو لها ) ديري زيفك و طلعي سطح على مايكملو الخدامة ...شدات زياد ونفذت الهضرة ، كلامو اكد ليها انهم ايرحلو ايرحلو ..فتحت الباب و حطت زياد لي فرح للتواسع تيجري و هيا مشات تتطل على خدامة تيدخلو الفراش اسماء : تنطيييير اخوتي ! اشداني هاهو نفاني ! زيااد اجي اطيح زياد : هههههه ( تيجري ) اسماء : ( حيدات جلابة و بدات تلعب معاه حابة ) هاناااا شديتك زياد : اغغغغ ( جرية معكلة ) هانااا .. بعد الاذان العصر ، الدار يسود فيها الصمت شراجم للصالون مفتوحين داخلة منهم اشعة الشمس و طلامط لونهم تيتماوج ، الوازنة مشات الدار القرآن ، من بعد ما سيقات الدار و جمعت الدار ضرباتها بتدويشة و نشفت شعر جمعات كوتشوفال و دهنت كريمات للوجها و عاودات من جديد صباغات لليديها و رجليها ، غير تتنهد تتحس بدار خوات .. زاينة : ( تاترش ريحتها ) نووووصير نوصير : اممممم زاينة : وافيق ! دوز نهار كلو فنعاس نوصير : ( تقلب على ظهرو تيفيق و تكى على كادر ناموسية تيفتح فعينيه) هانا فقت زاينة : الدار خوات الله يحفظ ! تا من زياد مشى مع عمو نوصير : ( حيد لغطا مقلوب بنعاس ) اااااخخخخخ نوضي ديري ليا شي طبسيل مسمن زاينة : ( عوجات فمها ) مالك انت ماتخرجنيش نشرب شي حاجة تبرد القلب نوصير: ( مشى الحمام غسل وجهو و رجع عندها ضربها بفوطة ) اوالو القلب عندك مييت ماتحنيش فيا زاينة : انت حنتي فيا ؟ تتشوفني دار نهار كلو عليا ! ودوشت باش ارتاح تنوضني تاني لتمارة ؟ نوصير : ( رجع تكى تيتفوه ) لا حشومة ! واجي نكوليك زاينة : ( بشوفات خطيرة ) ياك طبقت هضرتي بارح ؟ ونوض نخرجو نوصير: ( جرها عندو معنقها تيشم فشعرها ) واش تنتحاسبو هنا ؟ راه كل ماكليت غير ماتنزيد نجوع ( باسها فمها لقاهم تيزلقو بلكوص شدوهم ماطلقهم ) اححح عليك زاينة : ونووض نخرجو ! بغيت نشري شي بيجامات نوصير : ( تيبوس صبعات يديها مطبزين بيوض ) مابقيتي تلبسي ييجامات ، نسكنو فوق لبسي ليا غير لمعري زاينة : ( طلقاتها بضحكة ) هاااا عندك فلوسو ؟ راه غالي على لمغطي نوصير: ( ضحك بجنب ) الالة انا باغي نقيم فابور على رزقي ! زاينة : حشومة خوك هز رحيل اليوم انت ترحل غدا ! نوصير: الا من بعد ! مزال نصلح داك صالون ، اسماء نسات فيه هداك ديال شعر كانت توقع كارثة زاينة : احاااي ! عليها رحلها مسكينة ، و الله ديك بنت الا العسل و قلبها ابيض راه يبقى يزير عليها تا طرطق ويلي زاد فيه نوصير: ( مغمض عينيه تيحك راسو ) مااسوقكش ازاينة بينها و بين راجلها ! تاهو مايفوتهاش زاينة : اوا نوض زيد راه مانقدرش بلا بلاك الشعر ضروري ازين نوصير: شي نهار تعنقيني و تكولي ليا ، راااجلي تاع قلبي و نعشق فيك فوور زاينة : ( هزت صبيعاتها تتشالي ) راااجلي و تاع قلبي و نموووت عليك ولكن بعوماااار احنيني نوصير: ( قربها لوجهو تيبوسها ) هانتي دار خاوية لا زياد لا محماد اجي نتفكرو ايام مراكش راه حلاوتها واقفة فحلقي زاينة : هنا تشدني تا العشا ! وعفاااك نوض نخرجو و فرجعة نجيبو زياد نوصير: شوفي شحال ترغبك !؟ هانتي تخسري معايا زاينة : ايخاان ! عاد دوشت انوصير .. نوصير: ( ناض سد الباب و رجع عندها طولتو طاغية ) برب حتى تنتوووحشك ( طلع لها بيجامة هو يضرب فطرف مهبلو ) فريميجة ديالي زاينة : ( بإغراء ) و سربي ! نوصير: نخدم كرونو ؟ ( تيدوز يدو على عنقها و يمص و يعض ) زاينة : ( تدفعو ) تخلي ليا ازمر ليطاش ! ( هرها ) هههههه والا ..للحظات حميمية تتخلد فمسيرة زواجهم ، اهات العشق تتقوى علاقتهم و العرق حار يسقي اجسادهم ، من طبعو هادئ و رومانسي فالعلاقة لكن معاها بذات من نهار لمسها رجع يعشقها فالفراش و يحس بنقاوتها طاغية .. نوصير : كن دلمك مامرتاحش معاك فالفراش كن فرقناه شحال هادي زاينة : ( تتجر فوطة تلويها عليها ) باسم الله عليك ، شنو درت ليك نوصير: ( تيلفظ انفاسو ) صاعر عليك ، زرباني مزاال ماكملت .. زاينة : ( تتحس بيه ايطير عليها ) تبعني حمام وكول زاينة خايبة ..عض على شنايفو بشدو وماعودهاش معاها ، رمى الفوطة على خصرو و تبعها الحمام يكمل لي بداه ، بعض الاحيان من مشهد بعيد تتنشاهدو الزوجة معصبة او متكبرة او ناقصة جمال و زوجها يتمتاز بكل معاير الجمال و رجولة و يبقى السؤال رائج فبالنا _ويلي حسن منها ؟ _كدايرة ؟ راجلها حسن منها آختى .. ..الجواب بساطة يكمن ان داك الزوج مولوع بزوجتو من اخمد قدميها للشعر راسها و تيشوف ليها اجمل و امثل نساء الكون ولايهم اي امراة غيرها ولا عزاء للحاسدين ... ...النهار كلو و هو من هادي لهادي ، فرش بيت النعاس و ركبو سرير و ركبو بلاكارت و داز كوزينة ركب دوش و تلاجة اما بوطة داير بلاك فرخامة فقط ركب قنينات الغاز ، مشاو الخدامة بقى هو تيقاد الاواني و طلع لها الباليزات و تيسمع صوتها ضحتها مع زياد مع مكان فارغ صدى الصوت تيتسمع ، خرج جاب لهيم الغدا و بعض الحلويات للزياد و مشتقات الحليب ، تعب ظاهر عليه لانه جهد على راسو هو مزال فالفترة نقاهة ... نبيل : اسماااااء اسماء : ( كانت فالبيت تتقاد حوايجهم و زياد ناعس حداها خرجت عندو دروج ) نعااام نبيل: نزلي خودي الغدا ! فين زياد ؟ اسماء : ( نزلت شدات منو الغدا ) ناعس ! نبيل : هانا خارج شوية و رجع و نسد الباب ! لي دق ولا صونا فالباب ديري راسك ماسمعتيش اسماء: وغادي ترجع دبا ؟ نبيل: مانتعطلش ! ....بقات متبعا للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02