ى اولاد الناس نبيل: كلشي بالتسير اصااحبي ! الاعصاب راه الا شدوك مايطلقوك حاول على صحتك ، ياك موقفك كات واضح فالقضية فاروق : ( باستهزاء ) بقات شي الصحة ؟ مسلكين وصاافي ، كان واضح لكن القانون تيمشي على كلشي نبيل: ( حرك راسو بعدم قبول ) حااول على صحتك ! فاروق ": قربتي ترحل ؟ نبيل: ندخل الفراش و نجهز الكوزينة و نشاء لله نهز الواليدة ونزيد ، الله يجعل بركة الدرب تخلط فاروق : فيها الخير ! تانا مبرزطاني فكرة السكنة فالفيلاج و لكن مدرسة دراري نبيل : تا اختي خديجة خدامة فالسونطر فاروق : ( سكت متنهد تيبخ كارو ) يجي وا حد النهار ارتاحو فيه بجوجنا ، شحال قد بنادم يبقى يدمر و يحفر ، لا صحة ولا عقل تيبقى نبيل : الله يسهل ! فين واحد مغيث ؟ فاروق : ( تحركات العمارة تتوصلو من عند كونسيج) يكون مع صحابو ! فالصباح حط اولادو عندي نبيل: ( حقق فيه شوفة ) واااش خاوي محالك ؟ فاروق : هاء ! ضروري نخويه ! نجلس نمرض اولادي راه شداتني الهشامية تاني خلاها الواليد الله يرحمو ، نذمت على المخزن و مايجي منو نبيل : انت مول العقل اصاااحبي ! فاروق : تايبقى عندي شي عقل و نحكم بيه .. ..جلستهم طوالت فشتى المواضيع ، بعد آذان العصر جات الوازنة و نزلت اسماء توجد الكوتي و تجمع على داك الكاس آتاي ، و يوصلو للوازنة غير لي فيها الخير، فاق نوصير كمل معاهم الجلسة تاكلها اتكل للخارج ، نسبيا فاش تتسمع الرضى و الدعاء ميمتك تلقائيا نفسك تتهدن ، متجه لابريكاك لي رجع ساكن فيه و جالس فيه فالسكنة لي قربها ، دخل عيان حط راسو على المخدة وجبد تلفون تيشوف تصاور اولادو وخديجة تانطق بصوت مبحوح فاروق : تهنيني مني ولا ؟ 🌄🌄🌄🌄 ...مع منبه الصباح فاق راسو ضاروو و تيحك فشعوو ، طفى منبه فتلفون و دخل غسل وجهو ، لبس توني و خرج نازل لابريكاد بلا فطور ، من دخلة باين البلان ! القضية عامرة دخل مكتبو و نزل على ملفات و فناجين قهوة حداه ، تا رن هاتفو وجاوب بلاما يشوف فاروق : الو : االو ! السلام عليكم اسي فاروق ! فاروق : ( من نبرة عرفو ..ناض سد الباب و رجع بلاصنو ) اهلا العموم !، بخير ؟ الاب خ : و لله الحمد اولدي ! كداير انت مع شي العمل ؟ فاروق : غارقين تا الوذنين العموم و نسأل السلامة . الاب خ : الله يصاوب ! اولدي اندخل فالموضوع مباشرة ، انا راني ،فكازا بضبط عنددك فدارك ! الا عندك شي وقت اولدي اجي نشوفو قضيتك انت و خديجة ؟ فاروق : ( وقف معبس ) شمن القضية العموم ؟ الاب خ : والهضرة فتلفون ماصلاحاش اولدي فاروق : على راس و العين العموم ! مسافة الطريق انا معاك.. ..حط تلفون تيتحلف و يسب ، سد مكتبو و تم خارج و تلفون تيصوني لمح رقم مغيث وجاوب فاروق : امغيث مغيث : ( مكسل فناموسية ) راك على القرص ! واش تسطيتي خاوي دارك و منوضها على مراتك مسكينة فاروق : منين جااتك هاد الهضرة ؟ مغيث: اوا العيللات اصاحبي فاروق : ( جهل ) سير تقااااود الا ماكلها ليك احد ! صابح ناشط مع كرك عاد مفكرني ؟ عيط ليا البااارح مغيث : دبا مالك ؟ فاروق : وسير اصاحبي قلب عليا ! لا نخسر معاك ، القربالة نايضة عاد جاي تتخبر عليا ؟ مغيث : وتصلنا بيك نصلحو جرة فاروق : ماااتصلحش ازبي ! و مااتصلش بيا و ماااتهضرنيش نت كاااع ( اقطع ) الهبال هدا ! انااا اش درت كااع ؟ اش كلت لهاد المراة ؟ ..شدها طريق الوحدة تاوقف قدام العمارة ، و نزل طالع تادوز الساروت فالباب مع دخلة تيسمع ضحكات اولادو مع جدهم و تيتمنى فسرو ماتكونش نسيبتو ... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02