...شراو سوميج دنوي و تحركو لطموبيل و شدو الطريق للحومة؛ هاي لي تتقرا المعوذتين ها لي تتدعي ، حبست طموبيلة نزلو متابعين لقاو الباب مفتوح وطالعين بشوية ياكما يسمعو شي حاجة ...دخلت خديجة هيا اولى موراها زاينة هاد اسماء .. خديجة : ( شافت رؤيا مزالة ناعسة حداها الوازنة) سلام اخالتي الوازنة: على سلامة !! اربي تاوحدة فيكم مامخدمة تلفونها !؟ زاينة : ( جلست ترتاح) علاش اخالتي !؟ الوازنة: ( شافت اسماء) ساكتة امو عينين !؟ من صباح هو يرعرع علينا كن ماجاش الفاروق هدنو اسماء: راه اخالتي قالي غيير سيري !! خديجة: واش جا فاروق اخالتي !؟ الوازنة: جااا ابنتي !! ( وسدات مخدة تكات ) اوا دروك منين جيتو ضبرو رااسكم الوازنة مابقات قادة على صداع خديجة: ( تتهضر فوذن اسماء) طللعي فوق اصلحي الجرة .. اسماء: ( تحشات فزاينة) لا لا اختي ماطالعااش .. نوصير: ( دخل هاز خبز ) جيتوو !! زاينة : اه !! عاد خرجتي انت !؟ نوصير: ( شاف الوازنة ) قبيلات ! مالكم !؟ اسماء: ماملنااش .. ...ضربو الطم ، و جلسو يوجدو العشاا ، زاينة دخلت بيتها تبدل و خرجت عندهم ، تا تم نازل فاروق و نبيل .. فاروق: هاااد البنت اتبقى ناعسة !؟ الوازنة: خليها اوليدي راه بوشويكة تينعس ! اما اولد المغيث يعلم الله كي رجع !؟ نبيل: ( تيغزز سنانو عليها وهيا تتدور فكوزينة) صمت فاروق: والله مانعطيك اخبار الواليدة ( هز صوتو ) وااش هاد العشااا تحطوه حتى الفجر !؟ خديجة: ( مدت زاينة ) عتقي عتقي .. زاينة: (بهمس ) اسماء عاونيني اسماء: ( تتطل عليه بشوية وترجع للور ) سيري اش نعاونك و الله تيجمع معايا قدامهم .. ...حطو العشا الرجال مع الوازنة هما جلسو فالكوزينة و تيقريو اسماء و يعاودو .. خديجة : ( تتبنن عظام دجاج) يغوت عليك القسم !؟ انا راه العمارة تيزعزها بغواتو !! زاينة: انا راه ربطني فالسطح بالكوردة ! فاش تنبغي حاجتي تنتقاد و ضحيكة من هنا و اخرى من لهيه وهانا مهنية .. اسماء: ( تتاكل ) اه واخة !! صافي .. زاينة: تتعرفي تفلورطي !؟ خديجة: ( ماقدراتش تشد ضحكة ) ههههههههه اااا ربي هههههههه، فكرتوني يامات ليسي ! على مالها لي ماتتعرفش اسماء: ( بضحكة تاكيد ) مامالي والو غير ماتنعرفش !! زاينة: ( بحواجبها تتاكد لخديجة) هادي تتبوسو فيديه كي اباها و نهار تزبلها تكوليه المسامحة اخويا نبيل اسماء: ( بفخر ) و اللهيلا ..داكشي لي كاين خديجة: ( حطات يدها على حنكها ) اويلي ا اسماء !! باغة تجلطيني !؟ معذرو اختي مايزير عليك و يحبسك ! اش بينتي لهاد راجل من الحب و المودة !؟ صغيرة اه ! لكم عمرك مايشفعش ليك الظرف لي انتي فيه ! راك مزوجة .. زاينة: انا بعداااا ماارضاش يشوفني وحدة عاااادية ! مايدينيش نعاس ، ختي وجهي و الحالتي اولا !! غير مع هاد الوحم مابقات ليا كانة للفراش ؛ ولكن حاضية معاه نشم ريحة البنات نذبحو اسماء: ( شدات راسها ) وصااافي !! وريوني كفاش نتلوفري خديجة: خلي لفرونسي و اللغة للعربية فتقار !! هانتي ( تتطل عيهم فصالون و تقرب ليها هما كدالك تتكلم بهمس ) هانتي اول حاجة تقربي ليه الالة وقبل ترشي عليك شي ريحة طووب ، و دوزي دوك يديدات رطبين ( اسماء تتحس يديها ) دهنيهم اختي اسماء: نذهنهم خديجة: و تلمسي ليل فداك شعر الكحل الرطب و تبوسيه فمو و شوية بشوية نتي تاتبوسة و تبداي تمصي ليه شنيفات وهيا راسها تترجع فلورطاج زاينة : ( نشات على راسها) زدني حبااا اسماء: ( قلبت شنايفها ) البسالة هادي ! خديجة: ااه بسالة و حموضة و مسخ ! و تيموتو عليه الرجال ! راه عندي واحد نكوليه صباح الخير يتكيني ففالبلاصة زاينة : هههههه ياك ختي مخليك خدامة و طموبيل و لالة و شنو بغات !؟ خديجة: لهلا يوريك الحبيبة ! غير هاد رمضان خرج فيا شيب .. اسماء: هانتما !عطاني قتلة لعصا و الله لا درت هادشي ! ماعطانيش العصا راه نحاول فاروق: (دخل عليهم ) تباتي نتي هنا !؟ خديجة: ( تتبرد ) نمشيو دبا !؟ فاروق: الا بغيتي ! خديجة: ( شافتو خرج و ناضت غسلت يديها ) انا مشيت !! احقا ليالي قالت لكم على عيد ميلاد نهار العيد !؟ اسماء: اممم !، رسلت ليا مساج زاينة: ( تقرصت ) انا مرات باكم !؟ عنداك ماتعرضنيش ! خديجة: الا رقمك ماعندهاش ! يلاه بسلامة .. ....نوصير جمع طبلة و البنات غسلو الماعن و تيفكرو غدا شنو يوجدو ، مشاو صالون تيجبدو الحوايج لي شراو تيشوفهم ..تا سمعت اسماء تينادي عليها من دروج نبيل: اسمااااااااااااء ....عنقت حوايجها و طلعت تتقرا الفاتحة ، لقاتو واقف فالبيت هاز فوطة تيمسح يديه اسماء: نعااام نبيل: ( بنبرة غاضبة) ماااتتحشميش !؟ اشنو كلت ليك !؟ اسماء: ( تتحط حوايج و ماتتقدرش تشوف فيه) قلتي ليا براسك غير سيري !؟ نبيل: ( اشار لها بيديه تجي ) اااجي هنا اسماء: ( بدات تلوي فرجليها) واغير هضر تنسمعك من تما !، نبيل: ( بخطوات سراع جرها من ذراعهاا ) مااتتوبيش !؟ ( تيمخضها ) عرفتي كن ماحلفاتني الواليدة برب تنعاود لك تربية اسماء: ( مقصحة ) وصااافي غير سوء تفاهم ! هانت مشينا فالنجا و رجعنا فالنجا ! نبيل: ( جبد لها وذنها) علااااش مااااتتسمعيش !؟ بفمي كلت ليك انا نديييك .. اسماء: ( بدموع تتهضر ) واا غير حشمت نشري قدامك هادشي ! هما خارجين استغليت فرصة ، وذني انبيل نبيل: ( طلق منها ) نتي تاتحشمي !؟ ورينا الفاهيمة نشوف هادشي لي حشومة تشريه قدامي !؟ اسماء: ( دارت غادة تتطلب الله و جبدات شاسي من ميكا ورجعت عندو ) هاادوو نبيل: ( شد شاسي و تيخنزر فيها تاحس بتوب رطب فيديه حول نظرو للبس لقاه شوميز بشورط مثير و قهقه باستهزاء) حوايج نعاس !؟ نفكر ااخر مرة فاش لبستيه قربتي تبكي ليا !؟ ( لاوحو فوق ناموسية) هادشي مابقاش تياكل معايا شوفي غيرو .. اسماء: ( تابعها تترغب و تتهز يديها بشرح ) وراه كنت صغيرة و ماتنعرفش دبا حمد الله تعلمت .. نبيل: ( بجنب تيشوف فيها) اش تعلمتي !؟ كوارث !؟ اااه اسماء: ( هزت شوميز من ناموسية ) انا نوريك ! نبيل: ( ربع يديه بتحدي) وريني ! نيت شحال ماشفناك .. ..تتسب و تلعن فداخلها، و تتحمد الله لي جات فقرصو وذن و وشدة فذراع وماتحلف لها لا بالمدرسة لا بوالو ...دخلت حمام تتحيد حوايجها و طلقت الما و البكية شداها ، طرفت حالتها مزيان و مسحت بالفوطو ومشطت شعرها لي مزاد اقوى و طوال ، رشت ريحتها لي تما خاصة بالجسم ولقات غير نيفيا دهنت وجها و هزت ماسكارا طلعت دوك رومش تاجات بحاال قطة و لبست سترينغ مشبك و فوقو شوميز نص توب نص شبكة و شافت فتصويرة مانكان جاها فشكل و هيا جاها شكلين .. اسماء: ( هزت عينيها فمرايا شادة بكية) ويلي رجعت قحبة فرمضان.. ..يلاه رمت خطوة اولى و تراجعت و بقات غادة جاية ، فاخير تشجعت و فتحت الباب خرجت عندو كان عاطيها بظهر واقف حاني تيشوف فتلفونو تاحس بيهاا و دار ببطئ ... نبيل: ( تشوكا من المنظر و انتباهو كلو خداه عيونها ...حط تلفون و قرب ليهاا تيتمشى بخطوات تقال و هيا حايرو بنظراتها) شووفي فيا اسماء: ( بتوتر هزت عيونها فيه تترمش وقلبها تيضرب) اممم نبيل: ( هز صبعو صغير مشط لها رموش احدى عيناها) عينيييك اسماء: ( حلقها شحف و هيا تتنفذ وصية ..هزت يديها و بصبعانو صغيورات ذاعبت وجهوو و على اصابع رجليها تتعلى هو ملاحظ تحركاتها ...تعلات و تعلات حتى طبعت قبلة على فمو ) ماتعاودش ضربني عفاااك نبيل: ( ماقدرش يرمش ، و عقلو بين اليقظة و الحلم ..حط صبعو على فمو تيتحسس قبلة) شكون علمك هادشي !؟ اسماء: ( سرطت ريق ) تواحد .. نبيل: ( هز يدو دوزها على شعرها و حول يديه لخصرهاا مقربها ليه ) كملي ! اسماء: عاجبك هادشي !؟ نبيل: ( بعينين آسرين و شبح ابتسامة ) عاجبني .. ..حطت يديها على ذراعو و تتعلى هو قلبة تيضرب ورجولتو فخبرك كان ..باستو البوسة تانية و تالثة و غريب انها انجرفت فالقبلة قلبها تيضرب و قرب نبيل ليها و الشدة لي متملكها بيها خلاتها تحس بالحنين و حب ، غمضت عينيها متبعها صوت قلبها فتحت فمها صغير ببطى و ذاعبت فمو بمصة خفيفة ، زوجك ! حبيبك ! حلالك هو تملك قلبك و ربح ودك و قربك قبلاتو تتكون سقي للروح و الجسد ، اسماء كأنه تكتشف الامر لأول مرة ، رجعت بوجها شوية فتحت عينيها تتشوف فيه... اسماء: ( تتشوف فمو و فعينيه لي هايمين بيها ) انت عزيز عليا بزاف و يخليك ليا نبيل: ( من قوى فتنة الحب لي فتناتو و كمية الحب لي حس بيها من جهتها قلبو تيطير فرحااا ..هزها عندو معنقها و رجليها محاوطين خصرووو) موعوينات ديالي كبرت اسماء: ( عنقاتو بكل جهد و دموع فعينيها بالفرح...تتحس بيه قريب ليها لاول مرة ولا حاجر بينهم ..حاسة براسها باغاه بزاااف) انا فهمتك نبيل : ( تكاها عليه ونعسو على ناموسية ) شنو فهمتي !؟ اسماء: ( مسحت دموعها مع صدرو و تتهضر وعينيها فمو ) نبقى انا نبوسك نبيل: ( تيمشط لها شعرها) عاودي نشوف !! ..مثل الصغير لي تيظن ان الجزر مزعج المذاق و فجأة تيذوقو فأكلة اخرى و يكتشف حلاوتو، تيتبادلو القبل بجوج ، لكن سرعان مارجع نبيل المسيطر و تيتمتع بجسمها الصغير، موحشها بزااف ، الزوج عندما يبوح للزوجته انه مشتاق ليها ولو يكون لقائهم كان قبل ساعات لازم تصدقو ! لازم تصدق الاحساس لي جعلو يبوح بكلمة الاشتياق ، بحب الجسد لي آشتاق محبوبتو اسماء: ( بدات تفيف و تزير ) انننن ولا نبيل: ( تيبوس عينيها) ماعرفتكش شنو بغيتي !؟ علاش تدفعيني !؟ اسماء: ( تتحس بيه تيدفع رحمها) ااااف وصافي نبيل: ( تيبوسها و يذاعب جسمها) ماتجنينيش محتااجك بزاف ، بوستك نوضات فيا العوافي .. اسماء: مانعاودش نبوسك نبيل: ( باسها بقوة ) اتعاودي ! تانتي عاجبك البوسان اماشا ...أيام رمضان تمر بسرعة، الاجواء تتمتاز بالهدوؤ ، العرايسات الوازنة كلها مع شغالها ، خديجة يوميا حكايتها مع الحوت و ليالي رجعت خدمتها و زاينة غير الدار تتحاول تعلم لان دراستها وراء العيد مباشرة اما صغيرة العريسات من ليلة حمراء للمست جانب آخر من الحب ، متبعة دراستها و تتجنب ما يمكن من المشاكل ...باقي ايام قليلة على العيد الصغير ، الوازنة اجتهدت فعبادتها مثل معظم مسلمين فكل السجدة تتدعي بالهداية لأولادها ، دارها لي كانت غير ملونة و ناقصة للمسة انثوية رجعت ملونة و بللمسات نسائية ..وراء الفطور جالسة تتلكم فالهاتف مع ابيها و صديقها منسجمة تتسمع حديثو .. الاب: اوا هدا آخر ما استقريت عليه ابنتي ! سكنة المدينة تتعب النفس ، صبرنا على ودكم ، نقربكم للمدارس و الجامعات ومع ماماك الحساسية قضت عليها ، ختارينا نرجعو لمدينة الام تازة خديجة: ماعندي مانقول ليكم ابابا ! راحتكم و صحتكم هيا اولى، ولو تبعدو عليا شوية .. الاب: اوا زرونا مرة نزروكم ولا لا ابنتي !؟ خديجة: اكيد ابابا ! الله يخليك لينا و يطول فعمرك .. الاب: اللهم امين ابنتي ! اوا قولي شنو نتما تبقاو فدار الكرا !؟ خديجة: هاد موضوع ابابا مزال ماكتاب نفتحو ! راه اخر مرة قالي فاروق يمشي مراكش و فاخر للحظة تراجع !! نت عارفة تشري هنا و تحول تاني صعيبة ونا عزاز عليا فراشي الاب: حقا ابنتي ! غير هو الا شريتو ارض راها مفيدة ليكم مع وقت تتزاد فالفلوس !على مااا تستقرو تكونو على اقل عندك اساس ! خديجة: ( تتسمعو تيغوت من دخلة الباب ) انشاء الله ابابا الاب: ( سمع صوتو ) اوا نخليك ابنتي و سلم على راجلك .. خديجة: مبلغ ابابا ( قطعت ناضت خارجة عندو) راك عارفني فدار علاش تتغوت !؟ فاروق: ( جرها معاه داخلين صالون) معامن كنتي تتهضري !؟ خديجة : مع باباا فاروق: ( بجدية ) هاد اباك مايعطينيش الشبر اتساع !؟ خديجة: ( تتلعب خصلات شعرها) اممم عطاني ليك فدية فاروق: ( تيمسح وجهو) اشنو نخرجو منها ندوزو نجيبو رؤيا من عند الواليدة !؟ خديجة: مابغااتش تجي !، قالك تتوجد مع اسماء حوايج العيد فاروق: ( جرها عندو تيدوز يدو على كرشها) هاد مرضي اباه بدا يتحرك !؟ خديجة: ( تتحيد ليه يديه) مزال .. فاروق: مالك منفخة !؟ ياك لليوم هنيتك من حوت !؟ خديجة: مسكييين ! ( بجدية) فاااروق !! فاروق: ( سرح رجليه و شعل تلفزة تيمشط شعرو بصبعانو) آ خديجة ! خديجة: ( بنبرة هادئة انثوية و هزت يدها للشعرو تتمشطو ليه و تتشوف فيه ) الا رزقنا الله بولدنا تاني ! الدار ترجع صغيرة علينا ، خاص بيت ليه و صالون عدنا غير واحد ، الا عملنا اسبوع !؟ فاروق: ( هاد هضرة نفسها تعاودات مع بديعة) امممم ! هادشي فاش هضرتي مع اباك !؟ خديجة: ( تتذوبو بحركاتها) الا !! اصلا بابا و ماما مساكن يرجعو للتازة طلعت لهم مدينة الكبيرة فراس و ماما فيها الحساسية فاروق: ( حرك لها راسو تيدو ) اياااه ترضع صبعي انا !! هاد موضوع ماتنبغيش نمرضي راسي بيه ! خمس سنين اخرى نقدر نقطع الشك بالبيقين واش نشري فهاد مدينة ولا مدينة اخرى خديجة: ولو افاروق ! تيبقى خاصنا حاجة ملكنا مانبقاوش نضيهو الفلوس فالكرا !! فاروق: شكون شكى عليك !؟ دولة تاتخلص ليا الكرا و الا ضضريت نكري ليك مااغلى راه نخلص الفارق خديجة: ( بتشكيك) انا خدمتك عارفاها ! علاش ماباغيش تشري !؟ شنو مخططك للمستقبل فاروق: ( طلع فيها حاجبو ) بحالي بحال اباك ! تنكره شي هاد قلاوي المدينة و دنيا عامرة انا راه قهوتي تنشربها فلوتورت، باغي نشري فالعروبية ولا فيلاج شي فيلا صغيرة الراحة و الهوا نقي خديجة: ( صدمها) على اساس انا انسمح فخدمتي !؟ اولادي و مدارسهم !؟ فاروق: ( تقاد فالجلسة مخنزر) خديييجة !! بلا تمرضين ! حتى لتما و عدنا كلام اخر .. خديجة: وقتاش سيادتكم كان ناوي يشاركنا افكارو !؟ حتى توقف عليا كي قباض الرواح !؟ فاروق: برااااكة من قرناابي !! هادشي لي كلت هو لي كااين ! خديجة: ( ناضت خارجة ) اخرتك تعيش الفيلا احلام بوحدك !! يدور يدور و يجبد بابا ! توصلو بعدا حتى وصلنا لديورنا عاد شاف حياتو فاروق: تتقلبي عليا !؟ باااغة الدار كبيرة !؟ من غدا الالة اختاري نكريها ليك و نفرشها خديجة: ( رجعت عندو) شتي ديك الكلمة الكرا !؟ تتمرضني جيم بااا فاروق: ماشي خااطرك ! المراة هيا لي تبع راجلها و الصلاة و السلام خديجة: ( لبست جلابتها تتوجد تخرج) مانتبعش واحد هبيل ، سوارت طموبيل فاروق: فين غادة !؟ خديجة: نوض زيد معايا ماتسولنيش !!، فاروق: ( وقف تيقاد حوايجو) اري شي بوسة خديجة: ( خنزرت فيه) هاد الفكرة غير زولها ! انا ضدها فاروق: برررب تنحرك و ماتزيدي قدامي ! بقاي حاضية ليا اولاد راه يكبرو ويزيدو و يخليوك ( عنقهة تيبوسها) ماندوم ليك غير انا .. خديجة: ( تتفك منو) طلللق مني ! فاروق: فين غادين البلارة !؟ خديجة: امير نهار العيد عندو عيد ميلاد خاصني نشري ليه كاضو و كسوة لرؤيا وانا اوسي .. فاروق: اياه الالة ! لبسو ليا و تقادو معا راسكم ! ( دورها بجغ لها فمها بوسان ) احشيشة القلب .. ...من العشهم الدافئ ، ايام رمضان دوزوها هانية و مع رجوعها الخدمة رجعت تشغل عليه شوية هو هادشي تيزيرو من داخلو ، ايام قليلة تفرقهم على العيد الصغير و نفس الوقت عيد الميلاد اول لأميرهم ، جالسين فالصالون مع عائلتها لي اخير رجعت عائلة و رشيد نجح انه يرجع غيثة وطيحو العقد لكن احترمو شهر رمضان و الولدهم لي معاهم و اجلو رجوع بيت زوجية .. ليالي : ( بارح صبغت شعرها باسود و عملت تنقية للبشرة و عناية للجمال ، لابسة شورط دجين و بيل ابيض واقفة مع غيثة تيوضعو اخر للمسات فصالون ديكورات امير ) شوفي اماما زوين !؟ غيثة: مافهمتش رفضتي فكرة قاعة العاب و لا شي كافي ! اتكرفسي راسك و صافي ليالي: نو صحاب لانيماسيون وصيتهم يجيبو فام دميناج ، وعلى نديرو عيد ميلاد برا بالنسبة خديجة ماعندماش مشكل مي مرات نبيل نخاف مايخليهاش ، اون بليس بغينا نكونو بيناتنا يلبسو على خاطرهم غيثة: اااه اوك ! ( تنهدت) اوا ابنتي دبا هادوك هما عائلتك ، ماشي بحال لي طعناتني فوجهي ليالي: ماما سياتوبلي نساااي ! على وجه الجدة ! اون بليس نتي و بابا لي ربحتو غيثة : ( عينيها عمرو بدموع) كنت ناوية نزوج ابنتها لولدي و نرزيه فحياتوو وهيا ابنتها ولدي جابها من بوليس .. ليالي: ماما يعطيونا غير اتساااع منهم فشر اعمالهم ! قولي ليا شنو تلبسي لعيد ميلاد !؟ غيثة: اوا شي غوب هههه اوا لبس قفطان وصافي ليالي: ( تتضحك بهمس ) بابا تيغير ياك !؟ قالي اذيب نهار خرجتي بجلابة سون مونش ماعجبوش الحال ههه غيثة: بلا ملاغة صافي ! وداك اذيب من بعد نتفاهم معاه ! امير : ( داخل نيشان ديكورات ) مينيووون ليالي : ( شداتو هزاتو) جيتي الباسل !؟ اجي هنا غيثة : ( باستو بحب) حبيب القلبي اميروو ليالي: ( تيتجبد للديكورات ) نووو اجي نعطيك واحد حاجة ! فين دادي !؟ مغيث: ( جالس مع اذيب و رشيد ) هاهو ! ليالي: ههههه شد ولدك !! مغيث: ( جا يشدو هو ينتف ليالي تا غوتات ) طلللق اميرررر رشيد: ( كحو دار بلاصة غيثة ) ياك الخانز تتضرب ليا ابنتي ليالي: ( دموع هبطو لها ) امييررر ..لاش موااا مغيث: ( غوت عليه و شد ليه يدو وجر ليالي تيماسي شعرها) قصحك !؟ ليالي: ( تتضحك و تمسح دموعها ) وووي !! اذيب: ههههه وينو على خيتو غيثة: بعد ليا من ابنتي ! هاديك راها مابخانسيس رشيد: ماختالفناش الالة ! طابخانسيس خاصها تقصاح شوية ههه ليالي: شنو انعمل ابابا !؟ راه قصحني مغيث: ( بحب جرها معنقها و امير غير تيشوف) اسيدي بعدووو ليا من مراااتي ! عاجباني و قابل عليها رطبة رشيد: ( قرقب سوارت ) و قفل المحضر !! اسيادنا مشينا !؟ اذيب : ( وقفو بيديه ) اجلس الواليد ! كنت تهنيت من ليالي صدقت حتى امير واخد مني اضواء ! شنو درنا فالزواجي !؟ ليالي: ( فحضن مغيث متكية هو تيلعب بشعرها) زواج دقة وحدة !؟ ياك قلتو غير خطبة !؟ غيثة: اوا لالة ريم هيا لي تتحكم ! رشيد: ( هز اصبعو بتحذير) شوو شغل العكيزات مانحبوش ! صافي اختي عاطياني البنت لولدي ، خير البر عاجله مغيث: كاينة اسي رشيد ! توكلو عالله .. اذيب: ادا نهار تاني العيد نسافرو مراكش !؟ سي مغيث حاضر !؟ مغيث: لا نتما شحال اتجلسو !؟ غيثة: اوا على هاد الحسب ! شي اسبوع.. ليالي: دبا اتخطبو و فاسبوع تعملو العرس !؟ رشيد: لا ابنتي ! كولشي راه واجد ، جهاز لي شريناه الخطبة يتقلب عرس يعني فاسبوع يكون للعرس .. مغيث: ( حك راسو) عندي مور العيد واحد الوفد جاي للوزارة مهم اندوزو و نخلطو عليكم .. غيثة: اوا اولدي الا جات على خاطرك خلي ليالي تمشي معانا .. مغيث: ( تزير من داخل تيشوف فولدو ) الله الالة غيثة اسبوع ! رشيد: راحتك اولدي هيا اولى ! مهم تحضرو العرس اذيب اذيب: (بمزاح ) اسيدي عطينا ابنتنا و نواعدوك نحضيو البنت و ولدك فالحفظ و صون ؛ ( خاطب ليالي ) مابغاش تمشي !؟ ليالي: ( تحرجت ...)ماكرهتش مغيث: ( حط صبعو تيحك شنافتو متبعها ) سيري !!اش نقوليك ! غيثة: الله يرضي عليك اولدي ! من ناحية امير كن هاني و مرتاح ، تانا عندي غير هاد عوينة تونسني و تحضر لخوها مغيث: ( غفلوه) الله يسخر ! .....تسالمو مودعين و بقى امير يبكي بي شافو خارج تيبغي يخرج معاه ، ليالي مشات دارت مخاد فدخلة صالون لامير باش مايدخلش ، و رجعت جلست حدا مغيث لي تيتفرج فتلفزة و ماعجبو حال .. ليالي: مغيث تشرب شي الحاجة !؟ مغيث: فخبارك كنت غير تنضحك فكلمة سيري !؟ ليالي : ( بتوتر ) كفاش !؟ مغيث: كما سمعتي ! ( وقف معصب) اسبووووع كلووو ! مانقدرش بلا بيكم ، يسبقوك هما تنخلطو عليهم تما ممكن نجلسو معاهم من بعد .. ليالي: ( وقفت متواجهاه) مي انت قلتي بفمك سيري ! اون بليس انا باغة نمشي ، نشوف مافامي و نحضر كل خطوة فزواج اذيب مغيث: ( بغيرة جنونية ) او انااا !؟ انااااا !! ليالي: مي سي ايون سومين سي تووو !!، مغيث: اه داكوغ ! (تيحرك صبعو فراسو) انا ناقصني شي بولون وقيلا !رجعت نهترف .. ليالي : مغييييث ! باغي دير مشكل و صافي .. مغيث: ( هز امير لي تيشد فرجليه ) ووي ! انا باغي ندير مشكل و صافي ! يلاه ابابا يلاه . ....جلست تاتسوط بلاصتها و هزت تلفونها، تتقبل كلشي الا ديك الغيرة جنونية لي مرة مرة تتطل عليها ، عارفاه مابيهش اسبوع ولا شهر ، بيه انها غادة مع لافامي وهو خاصو يكون الوحيد داير بيها .. ليالي: ( رسلت مساج خديجة) : 📨 انطرطق خديجة: 📨 : من زماان طرطقت ...يوم اخر و يمكن ان يكون الاخير من شهر رمضان بتتمة 29يوم او 30 اليوم للعيد الصغير، على طبلة الفطور فالدار الوازنة على مشاارف نهاية الاكل .. رؤيا: ( جالسة حدا اسماء ) ماسا غدا العيد !؟ اسماء: ( تتشرب حريرة و ساهية مع تلفزة و تتجاوبها) الا داز الغياط راه غدا العيد رؤيا: شنو هو الغياط اسماء: الزمار رؤيا: فهمت اولى باس نفهم تانية !؟ الوازنة: اوا على مولانا و سيدي ربي الحبيب نكملو تلاتين نبيل : ( وقف طالع ) الا توضح هلال الواليدة ! راه نصومو غير 29 نوصير: ( مكسل تلفون فوجهو) نهار زايد ناقص .. ..الوازنة تنتظر ثبوت و البنات تيجمعو طبلة و رؤيا غير تابعة اسماء تيفرقهن غير النعاس، تتعشق الجلسة معاها او اسماء متهلية فيها خيطت لها جلابة لي بغات و زاينة عباية لي بغات و هيا جلابة و الوازنة قفطان ، مدة دراسة كلها تتسول معلمتها و توريها اشغالها ، شغف جديد دخلها حياتها ...الوقت لي هما فالكوزينة تسمع صوت الناي فالتلفزة مع عبارة عيدكم مبارك سعيد .. الوازنة : ( بفرحة) الله يدخلو علينا بصحة و السلامة ( مدت نوصير تلفون ) قرا ليا اولدي هاد دعاء نوصير: ( شافهم جايين و نزل راسو تيقرا لها) اللهم لك الحمد على أن بلغتنا شهر رمضان، اللهم تقبل منا الصيام والقيام، وأحسن لنا الختام، اللهم اجبر كسرنا على فراق شهرنا، وأعده علينا أعواماً عديدة وأزمنة مديدة، واجعله شاهداً لنا لا علينا، اللهم اجعلنا فيه من عتقائك من النار، واجعلنا فيه من المقبولين الفائزين الكل: اللهم آمين يااارب العالمين اسماء: صافي غدا العيد !؟ الوازنة: نشاء الله ابنتي ..( جات عندها رؤيا تتبوسها) غدا باباك يجي عندك رؤيا: حتى ماما خديجة !؟، الوازنة: تاهيا .. اسماء: نوصير سير جيب لنا حوايج من المصبنة نوصير: ( ناض تيتكسل خارج )مالي انا مريض نمشي مصبنة دبا !؟ راه يوجدهم يصوني عليا مولاها ولد حومة زاينة: ( تابعاه دروج )فين خاارج !؟ نوصير: ( داير عندها تيغزز فشنايفو) خاارج نبارك العواشر زاينة: اوا المقربين اولى ! طلع واحد عشرالاف نخرج نشري لي خاصني !! نوصير: ( هز يديه ساخط تيهضر ) الفلووس ! فلوووس ! عاد عطيتك ول بارح تقضيتي و شريتي امير كاضو زاينة: وشكون كره الفلوس !؟ طلللع ! نوصير: ( جبد بزطام تيحسبهم ليها) هااكي واعقلي ! غدا تكولي ليا عطيني نعطي لمك العين ، خدام على زاينة زاينة: ( شدات فلوس فرحانة) مبرزك العيد امي كوراصون نوصير: ( تيحرك فراسو بمعني راني نيقتك ..يلاه خارج هو يضرب فالخليفة هاز قشباتو من جلايل و ابراهيم وراه ) القاااصير خليفة : ( بابتساامة مسلم عليه بالوجه) الكاابو ! عيد مبارك سعيد تعيد وتعاود وحنا معاك ، خرجتو الفطرة !؟، نوصير : ( ضربو كتفو و اسلم على ابراهيم ) وانت خرجتي زكاة !؟ خليفة: ( رجع هز ديك قشابة و عقدها فخصرو بحال فواطة) اش عند ابا باش نخرج زكاة ! ابراهيم : قشابة اباك !؟ خليفة: ( بفخر ) اعمي ، زيدو معايا نشري لتكذبان حوايج العيد نوصير: ( جارو مذرعو تيضحك ) مخلي ولدك تاليلة بليلتها خليفة: راه امو فرعت ليا راسي ! واحد فالخروق اش يلبس ابراهيم: السنة اصاحبي ! ااباك ... خليفة: ( قاطعو) انا بابا ( مرققة بجبلية) كان يشر ليا جلابة طويلة ويطويها و يطويها ووكل عام نطوال يطلقها نوصير: هههههه زدتي فيه اصاحبي ! فين عمرك كنتي طويل .. ابراهيم: لا هو تا عرفنا عاد احبس من طول .. خليفة: يهوود اصاااحبي يهوود .. ..دخلو المدينة ، ليلة العيد ! شحال من العائلة حتى ليلة ليلتها عاد تشري حوايج ، المخبزة للحلويات الحلاق و كوافورة و المصبنة و الخياط و الحمام و الجزار و الخضار و محلات ملابس و مول ماكياج ، القبول عليهم تيكون تريبل نسبة العادية ....فرحة للعيد للكبير و الصغير فهو خاتم شهر الحرام و بداية بين العياد و كما تنقولو الزلافة الاخيرة يبان لك فيها كرون الحولي .. خليفة: شحال هاد جبادور بائع: ميات درهم !! خليفة: بيزاااف اصاااحبي ! ماتكريهش لينا نوصير: ( تيضحك وابراهيم ) شري اصاحبي براكة من شوهة خليفة: ( تيحك فراسو ) جمعو لنا ب ستين درهم و مبروك عيدك بائع: مافيهش اصااحبي ! راه من بلاصتهم اكثي من تمن لي عاطي فيه خليفة: شكون يسول فيك الحريرة نهار العيد ! قضي الغرض سير تا عيد كبير عاد تبيعهم .. بائع: جلاخة اصاحبي !! ( جمعو ليه ) بصحة .. خليفة: وارا شي طربوش اندلسي نوصير: ههههه عطيه اخويا وشي بلغة اصغر طاي ... خليفة : الله يفكرك فشهاادة .. ..تقضاو محسن حوايج العيد و غادين طالقينها بضحد و تلوصلو الحومة مشاو القهوى جالسين ،الرجال فهاد عواشر يتقضى ليك باقي عليك .. ابراهيم: تشهيت اصااحبي شي تسافيرة خليفة: نساافروو نوصير: هضر على كررك !، انا راه عندي المراة قاصها حماق شوية ابراهيم: اوا الصبر ! فين ديك ليام !! خليفة : حمتك المراة اصاحبي !؟ نوصير: ( شاف فيه بنص عين) حكموني اولادي اصاحبي ! هضرة القلاوي خليفة: كلنا ليك خود من شلوح و انت تتطير ! نوصير: لهادي منين !؟ خليفة: ( حل طربوش ولدو دارو) شلوح عصرين هادوك !! ( تيحرك راسو مثل جوق اندلسي ) أطرطأ باارود العااايلة حاامأتني ابراهيم: ولا لْوَا اصااحبي ! تزوجتي جمع راسك ، عيالات ماتينساوش فلاشات قدام ..زاينة: ( دخلت كوزينة عند اسماء ) اسماء !! اسماء: تعطلت عليك !؟ عايني غير يخرج نبيل زاينة: لا ماعليش ! ليل كلو ديالنا ، ختي نجمة غادة هيا وراجلها لخميسات عند يّْما و بغيت نهز شوية كاطو اسماء: ( تتشوف فيها ) آختي !! ههه اش نقوليك بحالي بحالك ، شاوري خالتي ولا هزي عادي مانظنش تقول ! زاينة: بصح !! حشمت نسولها و زايد خفت نهز وتقلق ! اسماء: ( هزن بواطة بلاستيك و مداتها ليها ) الخير موجود و الله مانظنش تقول راه مولفة تنصايب الحلوى غير نوصير تيهزو و يخرجو اصحابو زاينة: ( بتسمت ) واخة ندير شغل يدي !! ..اسماء تتحط لها شكلات لي صاوبت و زاينة تتهز شوية شوية ، دارتها فساشي و نزلت عندو ختها و تتلمس صدرها تتاكد فلوس راها تما ..دخلت عند نجمة سلمت عليها و باركات لها عواشر هيا ورتجلها و دخلو الكوزينة زاينة: ( تتجبد فلوس من صدرها) هااد للامانة عطيها ليما ! نجمة: (تتشوف فلوس و تحسبها ) عشرين الاف !! منين جبتي فلوس ! زاينة: من راجلي منين نجيبها !! اسلمي على امي بزاف مور العيد نهبط عندها نجمة: اجيو غدا تعشاو تما !؟ زاينة: مايصلاحش ليا ولد لوسي عندو عيد ميلاد و من شحال عالمينا .. نجمة: ( شافت كرشها بانت) من رابع كرشتي ! ديري ريجيم زاينة: خاطري ! راه وحم جاني على حلاوة نجمة: ديري عقلك اختي ! و مبروك عيدكم انا راه قبيلات سلمت على الوازنة واسماء زاينة: سلمي على يما انجمة ! غدا ونعيط لكم .. ..توادعو طلعت هيا فدروج و نبيل نازل حنى راسو لقى سلام بلا مايشوف فيها و طلعت عند اسماء .. نجمة: اجي ندخلو بيني نقاد ليك !؟ اسماء: مزال ماجاب نوصير حوايج !؟ زاينة: مزال ..( شافت رؤيا ) زعرة دوشتي !؟ رؤيا: هههه دوشنا انا و لميمة .. ..دخلو البيت و زاينة هزت لبراس لاسيغ لي حطاتها تسخن و جربت فيديها .. زاينة: زيدي طلقي باش نصاوب لك شعرك تاهو اسماء: ( هرب لها خاطر ) انا عاقلة فعرسي درتها لرجلي و يدي ضراتني ! بناقص صاوبي ليا غيي شعري .. زاينة: ( تتميق فيها) احاااي على ضراتني ! جلسي هنا نشوف ..( حيدت بيجامة و هزت طَالك بودرة رشت و بدات دوز لاسير و لصقت كاغيط وهيا تجر ) ... اسماء: واااااع صاافي بناااقص زاينة: و الله تنتفك طلعيهم فيا ! ياك كسوة لي خيطتي قصيرة !؟ تلبسيها و رجليك مشعرين اسماء: ( نفس قطعتها و هيا تتجر لها ) نحسن بالماكينة .. رؤيا: ماسا راه حتى ماما تديرها اسماء: هاديك مك انا غير ماسا .. زاينة: ( تتزرب و صدعاتها ) وا اسماااء !! عيقتي ،موس خايب تحسني فالحمام يطلع لك فالصالون اسماء: ( تتجر لها) واممولفااااش .. زاينة: ( سخفاتها ) واخيرااا ، طلقي شعرك ياك ناشف !؟ اسماء: دوشت فالصباح من ليغيكل نيت، رطبيه اختي .. زاينة: ( دارت بلاك و هزت مشطة تتجبد لها شعرها ) واجلسي الببنت اسماء : ( عينيها فتلفون ) هانا ! صافي زاينة: ( تاتشد زغبة و اسماء تحرك ماحسان براسها تا شداتها بنتفة داتها و جابتها) اوااا جلسي اسماء: ( شدها فو غيغ ) هههههههههه واانتفتني اشيخة بناقص .. زاينة: تهجريه ! جلسي نكمل ليك .. ..رؤيا متبعاهم ، كملت لها و شعر ضرب خصرها و فاتو ..مشطاتو لها .. اسماء: وخ نتفتني ! ماعليش هههه زاينة: ( شدت رؤيا ) اجي نصاوب ليك رؤيا: ( شدات فاسماء) لا لا طاطا نتي تاتنتفي زاينة: ( حمرت فيها )دوزي تجلسي كالاك .. اسماء: ( غير تتضحك ..هزت رؤيا جلساتها فحجرها) هانتي اختي صاوبي لها الا عصباتك نتفيني انا !! راه الا اباها ساق الخبار ماحنا فخير و العيد هدا .. زاينة: ( عاد حست براسها اش تتدير ...طلقت داك بلاك و عطاتها ضحك ) هههه ويلي على شوهتي ... ..جلسو فداك البيت على رعاية و الجمال ،واسماء غير تتضحك و زاينة شداتها رجعاتها جديدة ، تادخل عليهم نوصير .. نوصير: ها حوايجم .. اسماء : (شعرها مطلوق )ارا اخوياا ارااا نوصير: اجمعي سوالفك ! غدا لقى شي زغبة فالحلوى نوريك زاينة: فين تعطلتي !؟ نوصير: ( هز رؤيا تيبوسها) عموو زين .. اسماء: ( قلبها تيضرب بخلعة) فين كسوتي الكرونة مومبرا !؟ نوصير: انا عارف شي موبرا ولا كاشمير ...فين الكسوة ! كسوتها اعباد الله مشات ... نوصير: دااكشي لي عطيتيني فصاشي ميكا ديتو اسماء: ( تتجمع شعرها و دير زيف) اواا فين كسوتي .. رؤيا: ( شدات جلابتها ) ها زلابتي زاينة: ( تتشوف عبابيتها و جلابة اسماء وقفطان الوازنة) سير رجع عند مول مصبنة اسماء: ( تتدمع ) الا رجع زعما يلقاها !؟ زهررري و عااارفااه . نوصير: منين عارفاه تما حدْديها بيديك ( غادي خارج ) شمن لون !؟ اسماء: ( تابعاه ) وااش ماعطاكش ورقة !؟ نوصير: ماعطانيش ! انا غادي .. ..جلست فدروج تخمم و تعاود و الوازنة غلب عليها نعاس دخلت بيتها و البنات جالسين فصالون عياو مايعيطو لها مابغات دخل ..تافتح الباب نبيل طالع نبيل: آش مجلسك هنا !؟ اسماء: تنتسنى نوصير ! يجيب ليا كسوتي نبيل: ( شدها فيدها) جالسة منك لأرض يضربك البرد ! الواليدة نعست !؟ اسماء: ااه ! واطلق يدي مانطلعش راه كسوتي تلفات نبيل: كفاش تلفات !؟ اسماء: خدا الحوايج يحددهم ! جابهم قلبيلة ناقصة فيهم كسوتي .. نبيل: ( جبد تلفون تيحول مكالمة) الووو ! نوصير: (زحام قدامو و شاريع عامر ) ااه نبيل ! نبيل: ( تيشوف فيها تاتغزز ضفارها واقفة تنتظر اخبار) اش درتي فكسوة اسماء ! نوصير: فضحت الدنيا ! راه تيقلبو داخل ، اما الا داتها شي وحدة راها مشات نبيل: كفاش مشات !؟ فين جات هاد مصبنة النم !؟ نوصير: الحومة اصاحبي ! نبيل: تنكوليك بعد ليا من معرفة ! تلقاك ماشديتي ورقة ولا نمي ! نوصير: راه سبقني اصاحبي على بشار نبيل: لا راه باين البلان ! تنعرف سبقني هيا يحدد الحوايج فالبلاصة و يعطيهم ليا .. نوصير: ( مخلي الخط و تيهضر مع مول مصبنة) انعام آخا !! مول مصبنة: الكابو ! راني عرفت البياسة ديالة الخوادرية سير كن هاني نجيبها ليك حتى الدار ، راه دازت غلط لواحد الخياطة نوصير: وكولي فين جات هاد الخياطة ؟ نمشي انا نجيبها مول مصبنة: تاا غالطن معاك و نزيدوك بتمارة ! انا راني نسد حتى الفجر و السيدة راها جاية عندي .. نوصير: ( تكلم مع نبيل) سمعتيه !؟ نبيل: سمعتوو ( قطع عليه) اسماء طلعي نعسي ! دبا يجيبها نوصير اسماء: انت تتكول ليه مشات ! وانا تتكولي راها يجيبها ، تضحكو عليا نبيل: (جرها من يديها طالعين فوق ) ماعيتيش !؟ من الصباح ونتي تدوري ! اسماء: ( دخلة بيتهم هزت تلفون تتقلب ) مانعساش و ماعيتش نبيل: ( عيان و راسو ضارو) صمت اسماء: مااعندي زهر !! كن تلف ليا جلابة مانهضرش ! تلفت الكسوة غدا شنو البس !! نبيل: ( تكى دار ذراعو على عينيه ) لبسي جلابتك اسماء: راه دايرين حفلة ماشي الصدقة ..( تتجبد وتعصر) بغيت كسوتي ، ديما السخرة نوصير ناااقصة ديمااا ....مرو ساعات و النعاس مازارها ، نزلت تحت لقت زاينة تتحني رؤيا لي سبق و وجداتها ليها ، دارت لها الفال و بقاو معها حتى نشفت و دارو لها قطن و كمدوها لها فزيوفة و دخلت نعست مع الوازنة و زاينة كذلك دخلت تنعس ...اسماء هزت جلابتها طلعت فوق ، قيساتها جاتها زوينة، فرحتها ماشي بجلابة لكن بخدمتها و فصالتها لي تعلمت ، حيداتها و لبست بيجامتها و مشات طل من شرجم كوزينة الحومة مزالة عامرة تقول عاد العشرة ليل ، بقات تلف من هنا لهيه، هزت الكحل و ضرباتها بتكحيلة لعينيها و هزت ماسكارا و ضربت دوك رومش حتى تقلبو ..و طلت على ساعة لقاتها تلاتة دليل غلبها النعاس و مشات تكمش حدا نبيل لي نعس قبل منها ... 🌄🌄🌄 صباح العيد ....مع الهْلال العيد فالصباح الباكر الناس تحج للمصلى لاداء صلاة العيد ، الاعياد الدينية نزلت لترسم الفرحة على وجوه المسلمين ، وكل العائلات المغربية بلباس جديد و التقليدي ، كلشي صابح مدوش نقي و معطر بفرحة العيد ، الا لي كتب عليه المكتاب ! كاين لي ربي لي عالم بيه و كاين لي الظروف تتحتم عليه مايتمتعش بفرحة العيد ..بعد انتهاء الصلاة تأتي المباركات و تهاني كما تنقولو حنا المغاربة العداوة ثابتة و الصواب ضروري ...تترمش بعويناتها تتحاول تفيق تاتسمع قهقهتو معاها بصوتة الرجولي الباح نبيل: هاا كسوتك .. اسماء: ( ناضت طافجة تتضحك و شدات الكسوة تتفليها ) هههه ااححح كسوتي .. نبيل: ( حط يدو على خذها و قرب ليها بحنية طبع قبلة ) مبروك عيدك اسماء: ( حرارة طلعت معاها ورجعت ليه قبلة) مبروك عيدك .. ....كان نبيل مدوش لابس حوايجو رجع جلس بلاصتو مع تلفون و اسماء دخلت حمام طرفت قدات وجهاا و لبست قفطانها و رمات شال عليها لان عارفة جيران و العائلة يزورهم .. اسماء: يلاه تفطر ! نبيل: صبحت على الواليدة قبيلة !،غير نزلي تايجيو خوتي ونزل .. ...دار الوازنة ! وازنة بمولاتها و سمعتها الطيبة و كلامها الموزون و خيرها سابق و حسن معاملتها مع الصغير و الكبير ..الوازنة عيدها غير ! اليوم صبحو عليها جوج بنات من خيرة البنات ، كانت تمنى تولدهم ...باحسن مباركة و تقبيل الراس عايدوها .. اسماء: خالتي مبروك عيدك تعيدي و تعاودي بشي حجة ان شاء الله الوازنة: ( بقفطانها الأبيض و شالها الحرير زادها نور على نور) آمين الحبيبة زاينة: خالتي ! عيدك مبروك باش تمنيتي الوازنة: امين ابنيتي ! و بلفكاك الحبيبة .....رؤيا : ( هازة يديها فرحانة بالحنة) لميمة سووفي . الوازنة: ( عنقاتها بحب ) الحاجة ديال باباها سمحت فيه و اليوم جاي ياخدها وتخلا عليا دنيا .. ....البنات ماقصروش من جهدهم ، سرباو الحلويات و الفطائر و الصينيات آتاي و القهوة و بداو فاستقبال الجيران العائلات طبعا....تيقولو عار الجار على جارو و جيران الوازنة عايدوها كلهم و استقبلتهم احر اسقبال .. زاينة: ( دخلت تتفيق نوصير) نووووصير نوووض نوصير: ( سهر مع كسوة اسماء) خررجي و سدي الباب زاينة: نوووض خوتك جايين ! نوووض نوصير: ياااغاا تسدي الباب يا غانوض نبقى نحيح .. زاينة: ( لابسة عبايتها و طالقة الشعر و الماكياج في الوجه) نووض تعيد على ولدك ! نوصير: تاتوولديه !! ......🏠 ..من داخل بيتها لمتول ..فايقة صباح بدون منبه و ريحة القهوة معطرة على انغام الطرب الأندلسي ! موجدة طبلة مكونة من اشهى الحلويات، لابسة جلابتها الجديدة و طالقة شعرها فلون العسل مزينة بمكياج ناعم و صبيعات مصبغوين و كذلك مزينين بخواتم ذهبية ..هازة تلفون تتبارك العيد لعائلتها اولا ..ابيها الحبيب و امها الحنونة و اختها في بلاد المهجر ...ناعس عريان من ليلة كلها حب ! فتح عينيه على نغمات صوتها و هيا تتكلم بالقياس و الصواب ..عمرو ظن انه ممكن يعشق او قلبه يضرب لإمرأة واحدة والعين تخلص ليها، هز يديه تيحك اسفل راسه و ناداها بصوتو الباح الجوهري فاروق: خديييجة خديجة: ( سمعاتو و قطعت الخط و هزت حلوة الكوك ناضت بغنج عندو و ريحتها سابقاها) عيدك مبارك سعيد مسيو لاجودااان فاروق: ( جلس بصدرو عريان مذبل عينيه فيها) النشاااط خديجة : ( جلست حداه مقابلة و حشات ليه حلوة فمو موراها بوسة) يلاه فيق و صحصح ليا فاروق: ( شدها بقوة وهو تيبلع) مسكتاني بحلوة! بغيتك انت .. خديجة: ههههه نوض تهز نوووض ...تخسر ليا حوايجي و ماكياجي فاروق: ( شدها من خصرها و كلا لها شنايفها بوسان ) بصحتووو .. ....كانت موجدة ليه حوايجو عبارة عن قميجة وسروال دجين لانه ماتيلبسش البلدي، طرف حالتو و تريح ولبس و جلس في الصالون تيفطر و تيشوف فالتلفزة مرتاح راحة عالمية .. خديجة: مشينا فاروق: ( تيكمل قهوته) منين انسبقو !؟ خديجة: من دارنا ! لان فالعشية نتجمعو عند خوك مغيث .. ..هزت بلاطو حلويات لي تعيد بيه على واليديها و الوازنة و الكاضو د امير و حوايجها هيا و رؤيا ، نزل فاروق كلشي لطموبيل و تبعاتو هيا عيدات على لكونسيغج و عطاتو حقو فالحلوة و فلوس العيد صدقة ...ركبت مبتسمة فرحانة فرحة العيد ، تحركو بطموبيل و اجواء العيد فكل مكان ، الكل تيبارك و يهنأ ، وصلو عند واليديها و هزت لبلاطو..من دخلة العمارة و هيا تتلاقى جيران وتتسلم هو تعمد يتأخر مافيه لي يسلم ..دخلت على واليديها لي كان بابهم مفتوح و جالسين في الصالون مع صينية العيد و الحلويات ..عنقاتهم بقوة تتبارك لهم العيد و فاروق كيسلم عليهم بالصواب و كيهنأهم .. الاب: ( تيمد ليه حلوة) زيد اولدي افاروق تفضل !! فاروق: الله يزيد فضلك العموم ! الحلاوة تتطلع ليا طونسيون الام: فين رؤيا !؟ خديجة: غير شدت العطلة مشات عند خالتي الوازنة ! يلاه اليوم نشوفوها توحشناها الام: اوا ماعليش ! دار الجدود تتكون عامرة و البنات عزيز عليهم الجماعة فاروق: داكشي لي كاين ! مع عيالات خوتي راها تما مجمعة .. ....عطاوهم صوابهم وبمجرد عائلة امها بدات ادخل، هو يحرك لها راسه ، ماصعبتش الامور ودعاتهم و خرجو بحالهم فااتجاه دار الوازنة ... خديجة: مزرووب ! فاروق: ( مركز مع طريق) نتي عارفااني ماعنديش مع البشر ! عاد دوك ولاد خالتك ما تايتسرطوش ليا خديجة: اما انت تتسرط لهم ! (طلقت موسيقى الطرب الأندلسي تدندن و تحرك فشعرها) يا لالا يلااا لا بشرى لنااا ! نلنى المنى... فاروق: (نظرة في الطريق نظرة فيها) ابطى عليا فوقاش نشد ولدي بين يدي ااخديجة خديجة: ( دوزت يديها على بطنها) الله يفكني على خير .. فاروق: آاامين ...الابن و الحفيد المدلل ، خارج تيجري من بيت للصالون بضحكتو متعالية و هاز فيده فوقاني جبادور ..مثل اي العائلة محتفلين بالعيد و العيد عيدين بعيد ميلاد الأمير .. ليالي: ( لابسة جلابتها قصيرة عصرية و خلخال فرجليها وطالقة شعرها ) أميررر ! ااجي قطع تلفون مبتسم ، هو الوحيد فولاد الوازنة لي محافظ على للباسو تقليدي لابس جبادو ابيض من فوقو جلابو سوسدي طخونسباغون فالبرودو مع تقاشر بيوض وبلغة نفس للون؛ معطر باغلى العطور و شكلو جد مرتب مغيث: ( شد امير) شكوون هاد باااسل لي ماباغيش يلبس حوايجو للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02