....كما العادة خرج من لابريكاد مر للسوق جاب الحوت و دخل الدار حطو لها فثلاجة و دخل ينعس على ماتجي من لاجونس و ررؤيا من مدرسة ...ظلم البيت و بدل حوايجوو وتخبط نعس ...يلاه بدا يغمض عينيه هو يرن تلفون مصغر عينيه فرقم ..جاوب بفتور فاروق: ووي بديعة: ( بصوت هادئ ) سلام فاروق ! عفاك بغيت نشوف رؤيا قبل مانسافر ! فاروق: ( حك ذقنو تيفكر ) تسناي مني تلفون بديعة: ماتعطلش عليا الله يخليك فاروق: وخ لالة شي اومر اخرة !! ( بصوت عالي) واااش نتي فوق ما حرافت لدلمك جرية تجي ديري السبة ابنتك ! داير بوجه الدم ماطلعيش فوق راسي ..( قطع زدح تلفون) بشااار .. ...رجع نعس و مرت وقت لابأس بيه هو ناعس ..ماحسش بمجئ خديجة ولا رؤيا...لي من ريحتو و صباطو فالباب عرفوه راه ناعس .. خديجة : ( بجلابتها دخلت كوزينة فتحت تلاجة) عاوتاااني حوت !! الضياع و الله رؤيا: ماماا ! عطاتنا استاذة تمارين بزاف خديجة: ( هضرت معاها بود) تمشي احبيبة تبدلي حوايجك و تغسلي يديدات ونعطيك تغداي و نكمل شغلي هاد نجلس نخدم معاك ! اوك !؟ رؤيا: اوك ..( مشات بيتها ) خديجة : ( دخلت بيتها تغير حوايجها ...تاشافتو تحرك شاعل تلفون تسشوف فالساعة) ... فاروق: شفتي حوت !؟ خديجة: راعي لياا شوية راه حوت تمارتو بوحدها !! فاروق : ( جلس تيتفوه و تيحك راسو ) الا مافيك لي طيبيه نمشي عند امي طيبو ليا خديجة : ( علقت جلابتها خارجة من بيت غادة كوزينة هو تابعها تيتفوه ) انا بعدا وجهي تيغلبني .. فاروق: ماتناكلش حوت بايت خاصني يكون جديد و سخون ..( وقفها عليها تتجبدو و تيآمرها) هااد كروفيط ديريه ليا بصوص طوماط ..وهاد لويزي قليه سيك خديجة: ( تتستغفر داخلها) شي اوامر اخرى !؟ فاروق: ( شد كرسي جالس تيخربق فتلفون) مور فطور ونشوف .. خديجة: ااجي شفتك مرخف راسك فخدمة !؟ فاروق: لابريكاد كتبوها بسميتي ، تتجري عليا ولا جاب ليها الله خديجة: حاشا !! فاروق: لا مثقل عليك !! نشاء الله مثقل عليك .. خديجة: (غسلت حوت و دازن توجد شهيوة ليها) مانجاوبكش ..لاني بساطة ماصيماش بجميل .. فاروق : ( تلفون تيصوني وخرج بالكون جاوب . ) اش فالبلان !؟ جدرامي : اشاااف واحد معرفة وصل ليا شي اخبار على خودري داك سكاودرا !! فاروق: ( نبرتو تغيرت) مطايف !؟ ج: معاه جوج عيالات راهم فسونطرال .. فاروق: صافي اقطع !! ( تم خارج تيسب ) دلمو هاد برهوش تاكلنا بنى العش و تبث رجع تاني يخور خديجة: فاروق !؟ شنو واقع تاني !؟ فاروق: ( تيبدل حوايجو) نتي غير حضيني !! ( حمر فيها مخرج عينيه) اااش وااااقع !؟ ديها فكوزينتك .. خديجة: باسم الله عليييك !! ويلي راجل حماق يبرد فيا جنونو فاروق: ( تيدوز نمرة صاحبو كومسير ) اخوناا !! كومسير : ههههه سي القباج ! فاروق: ( هز سوارت طموبيل خارج ) راك فبيرو !؟ كومسير : ( مطولها ) لالا راني خااارج .. فاروق : برجوولة و شراب لي مشاركين و نطلبو العفو فهاد سيدنا رمضان ، الا ماشوف ليا خوادري راه تما غير على مانجي .. كومسير: ( طلقها بضحكة ) ههههه واااقيد .. فاروق : بستيلو و كناااش( قطع عليه ) دبا تجيبك صمطة اولدي سير عالله .. ...طريق كلها هو تيكلاكصوني و يسب و عاير ، ساعتين قبل الادان فذروة السير ، الكل راجع البيت من العمل و الكل خارج للمشتريات ، بلاصة قدام كوميسارية داير نظاظرو طالع فدريجات داخل ..لي عرفو تيحرك ليه غير راسو مع دورة كلوار تيضرب فنوصير واقف وزاينة معاهم شي وحدة ... فاروق: ( طلعهم وهبطهم..هو تيقرب غير شافو نوصير كحل بالاعمى ) آتبارك الله على ولد الواازنة ! نوصير: ( مربع يديه دور وجهو تيعض فشنايفو ) ها المااا طاب .. ....مازال ماكملو على وقفتهم حتى دقيقة وقف كومسير تايتسالم مع فاروق و فتح المكتب و دخل هو وياااه .. كومسير: ( واقف تيقرا ملف ) انااناا نااا تيتيتيي ..( شاف ف فاروق) خوادري هزاتو صطافيط مع هاد جوج من سكتور *** بسبب إخبار من جيران على الشجار علني و السب و قذف التي تؤدي للقتل للخطر ، بسبب الخيانة زوجية وناناانااا فاروق: ( دور لسانو فموو) تحرر محظر !؟ كومسير: مزال ما تمضى !! ( غوت بوليسي ودخلهم ) نوصير شكون فيهم مراتك !؟ نوصير: ( اشار لزاينة ) هادي اشاف .. كومسير: ( خنزر فاخرى و نطق بنبرة عنف) نتي الالة شنو علاقتك بيهم !! حفصة: (تاتبكي وجها حالتو) انا سيدي باغة .. كومسير: ( قاطعها بحدة) سيدنا و سيدك رسول الله ..هضري مقاد راه كومسير هدا لي قدامك .. حفصة: (خوفها) كنت طالعة داري و شداتني ريشاتني وهجمت عليا و رمات ليا حوايجي باغة نقدم فيها شكاية نوصير: ( نزل راسو شادو ) فاروق : ( جالس مسرح يد على بيرو و تيهندس) ... كومسير: ( اشار لزاينة) اش تتقولي فهادشي !؟ زاينة : ( حاطة يد على خصرها و مطلعة حواجبها فيها) اياه اسي كومسير ! وزيد قيد عندك لقيتها فدااااري ومع رااااجلي و انا دبا لي واقفة قدامك راني تنزف و حتمال نخسر لاني هازة روح و تنتهم ( تتشير لها بصبعها ) هااااد الموووسخة .....حفصة قربت تسخف ، كومسير و فاروق و نوصير نزلو عينيهم لكرشهاا .. نوصير : ( بخوف قرب لها ) واااش تضرك شي حاااجة !؟ زاينة : ( طارت عليه تقمشو) والله طرا شي حاجة لولدي تنتابعك فاروق: ( ضرب على طبلة) زاااينة !! زاينة : ( بدموع ...تتعرفو بالوجه مرات قليلة شافتو ..) والله اخويا تاسمح فيا فطبيب و تابع ليا هااادي .. كومسير : ( قرب حدا فاروق) شوووف عندي جوج حلول هيا تصيفط طبيب واخرين يتشدو ولا فك عليا الحريرة... فاروق : ( شاف حفصة ) ياو هاادي !؟ كومسير : ( قلب وجهو عندها) عندك علامن نتصلو فعائلتك !؟ حفصة: ( تتمسح دموع) ماكوزين ليالي الجوهري، ( شافت نوصير ) هدا خو راجل بنت خالتي فاروق: ( تبلونطا قدامها...متبث شوووفة و رجع شاف فنوصير ) ونااا نعيق زاينة : ( شعلو فيها عوافي بغات طير عليه) ردييتني ضحكككة انوووصير ... نوصير:( تيشد يديها) واااصااافي ..وااهداااي .. فاروق عرفها تكبتث مسح وجهوو و هضر مع كومسير وخرج خوه و زاينة و خلا اخرى تما تعيط لتريكتها لانه الا خرجها روح طيح ...خارجين من كوميسارية و تيدوز الخط مغيث .. مغيث: الاجودان صافا !؟ فاروق: ( تيشوف زاينة تتجار مع نوصير ) اوت يلعدلمك نت لي جات معاك !! هضر مع خرا نسيبتك تجي تخرج ديك هاربة لي كانت عندك راها فكوميسارية طايحة مع خوك مغيث: ( وقف مخنزر ) كواااااا !! نوووصير وديك شااارفة !؟ فاروق: ( قطع عليه ونطق بحدة) زاااينة طلعي طموبيل هضرتنا فدار .. زاينة: ( تتجيها هبة منو) واخة .. ...فاروق حرك طموبيل وحاير مع نوصير، ديما الكوارث ديمل مشاكل ، وصلو الدار فطريق اتصل بخديجة تهز رؤيا و الحوت و تجي دارهم لان واضح ان الامر كبير .. نوصير: ( شحف حلقو ويديه مقموشين ) دباااا لاش الواليدة !؟ فاروق: راااك مزوج اشرييييف !! نمشيو نتفاهمو فالقهوة!؟ نوصير: (دار تيغوت) هاااد النم مافااهمة والووو .. زاينة: اوووا سيدي فهمني !؟ نووورني !؟ طلعت ينت خالة ليالي !؟ مشيتي بعيد نوصير: مشيت القلااوي ! ( صعر تيغوت) لاااش هاد شوووهة !؟ زاينة: حممد ربك لقيتك فسطح وهيا فاباب اما البوليس لي هزونا الجملة يهزوك انت وياها .. فاروق : (هز يديه تيحيح)سااااالينااا ! فاش لقيتيه تما اجي عندي ولا عيطي مغيث زاينة: ( غير يهضر معاها تتبكي بحال تتشكي) ماعنديش نوامركم !! خلاني ومشا عندها ( تتشير وجها ) صرفقني و خايف عليها مني .. نوصير: ( تيضرب بصبعو لصدرو) اناا !؟ راه خااايف على ولدي .. زاينة: شتي على هاد هضرة !؟ نهز راسي ولدي عمرك تشوفوو ...الدار الوازنة، الدار الكبيرة و ام العزارة الصغير و الكبير يعرفها فالحومة و فالعائلة ماكاين غير لالة الوازنة و امي الوازنة و خالتي الوازنة ...جلستها مع فطوش كانت نوستالجيا تفكرو الايام و الجيل ذهبي هما عند اسماء فوق تيعكلو لها الدوا من بعد ما دخلت فطوش دوشت لها و بدموع نتفاتها فشعرها لي ناض فيه بشويكة ..خرجوها تترعد سخانة فيها و نشفوها وبداو يحطو الدوا على حبوب وخلاوها اتشف علد تلبس حوايجها ... فطوش : ( نازلة تحت مع الوازنة) اودي هاد الحرام بوشويكة صعيب .. الوازنة: هيا لي جات فالصحة اضر .. فطوش : اوا نوضو نوجدو الطبلة !؟ الوازنة: اوا مرات نوصير تعطلت ماعرفت مالهم ..( تادخل نبيل هاز تقضية) الحبيب الغالي جيتي نبيل : سلام !! ( حط تقضية) فين عمي مشى !؟ فطوش : اوا وليدي ولف دارو .. نبيل: ( مافيها باس ) انا الفوق .. ..حاشي يديه فجيبو و خلا ميكا فدروج هزها فيها مجموعة لاغوش بوزاي للجسم و الجسد نصحوه بيها فصيدلية لاسماء ..دخل الدار واتجه بيت نعاس لقاها جالسة تتمسح ذاتها .. نبيل: شوية !؟ ( مد لها ساشي) هادو ليك قراي ختصاصهم و ماتحكيش .. اسماء: ( دايرة زيف حياتي ولابسة بيجامة ميكي حمرا تتبان بحال دوك براهش لي مدوشين الاحد وقارين اتنين) شكرااا نبيل: ( بدل حوايجو وتيشوف فيها تتقرا معبسة) اري نشوف ليك !؟ اسماء: ( برفض) بعد مني عفاك !! نبيل: ( طلع حواجبو مامصدقش جوابها) لسانك طوال اهيا !؟ اسماء: (وصلت برودوي بفرنسية كلو و رسمت بتسامة استغلال ..) قراي ليا هاد و نقصرو نبيل: ( شكلها حمقوو و ضحكتها ولو ماشي من قلب تتنعش نظرو) صبري تبراي وتكون هضرة اخرى ! ..هو تيقرا لها بردوي وهيا تتشوف فاخرين ..تا سمع الهضرة لان الباب برطمة مفتوح ..خرج رامي الوذن هو تيقرب الباب و اسمع صوت طموبيلات ، طب من شرجم كوزينة تتبان ليه طموبيلة مغيث و فاروق ...بقى واقف تاطلع فاروق موراه نوصير و زاينة تتبكي عندو برطمة .. نبيل: ( تيشوف فيهم مافاهم والو) مالكم .. فاروق: ( شاد تلفونو واقف معصب واشار زاينة ) جلسي نتي ارتاااحي .. مغيث: ( دخل تاطلع عندهم ..منيش على نوصير لاسلام لاكلام) اهيااا !! تسالو لدلمك اااه !؟ عاارف راسك معامن طحتي !؟ نوصير : ( هز يديه فوق راسو ) و العداااو واش صحة ردتوني طايح معاها !؟ زاينة: (تتبكي و تشد فكرشها) قول الحق !! راك صااايم ... نبيل: فين الواليدة!؟ ( هز يدو موقفهم غوت بجهد جهة اسماء) اسماااااء اسماء: ( خرجت مخلوعة)نعااام !! نبيل: ( بحدة) نزلي تحت .. اسماء خرجت تتجري هيا نازلة وهيا ضرب فرؤيا و ليالي هازة امير .. اسماء: ( بعغوية) ولااااش جايين راه نعادي ولااادكم .. ليالي: ( وجها صفر ) علاش مالكي !؟ اسماء: فيا بشويكة .. خديجة: ( طالعة تتهج هازة قفة سمعاتها ) اوا ضربي معاك شي بوسة لرؤيا يتحيد عليها دبا ... ....الدار تحت ..شي عارف شي ماعارفش ، خديجة تتنفذ اوامر دخلت كوزينة تقاد باقي فطور و ليالي جالسة شادة امير فصالون وقلبها تيضرب بقوة و تتفكر .. 🔙🔙🔙 مغيث: ( كان تيوجد طبلة معاها ) ليالي ليالي": ( خرجت من كوزينة بخوف من صوتو) هانا !! مغيث: ( مغذد) سمعتي اخر اخبار !؟ طاكوزين ماقدهاش لي صنعت هنا مشات تكملو لنوصير و مراتو ليالي: ( ضعيفة مناعة ضد مصائب) سيلتوبلي !! وحدة وحدة مغيث: ( هز ولدو ) فاروق اتصل بيا بوليس هزو نوصير و حفصة و زاينة لكوميسارية هما اخرجو و هيا بقات ليالي: ( حطت يدها على فمها) نووو !! مغيث: لبسي عليك وجيبي صاك امير انا فطموبيل .. ..تلفت و ارض داتها وجابتها ..هزت لي عقلت عليه و نزلت تتجري مامصدقاش موضوع ..ركبت حداه ليالي: ( بصوت مرعوب) شنو نديرو !؟ وهيااااا مغيث: ( هز اصبعو بتحذير و تيشير وذنو) سمعي مزيااان ! سيدة خلوضات و ختمتها فالكوميسارية انها عطات سميتك وسميتي وماشي سمية غيثة او عائلتها ! علاش لانها بكل بساطة طامعة فالفيلم اخر ..بغيتي تعاونيها نزلي راها طريق ليالي: نقولها لماما !؟ مغيث: هيا زيزونة ولا فاقدة ذاكرة !؟ تحمل مسؤوليتها ! اناغادي نقذ خويا ، ختاري يا معايا ؟ يا معاها !؟ ليالي: عائلتك تحلمني مسؤولية و زاينة تكرهني ..وطاطا الوا.... مغيث: ( قاطعها) هضرة خاوية !! راك مزوجة راجل ماشي خيالو ..تاواحد ماعندو حق يشير لك بكلمة 🔚🔚🔚🔚 ....لي لتحت راه تحت عارفين ومافهمين وكاين لي ماشاف مافهم ..اما فوق فالمحاكمة العائلية بذات ..زاينة جالسة تتبكي و تمسح دموعها و مغيث مد لها كلينجس .. مغيث: ( بادب ) اختي زاينة الا سخفانة ولا شي حاجة !؟ شربي و براكة مت البكاا .. زاينة: ( حانية راسها تتمسح دموعها وتتحرك راسها بالنفي) لا شكرا .. ...نبيل شاف حالتها بقات فيه ولو ماعندو حتى فكرة عليها فقط مرات خوه لكن بقات فيه، اقرب الباب وقف حاشي يديه فجيابو و تيراسل هو نوصير نظرات .. فاروق: يلاه اسيااادنا طلقوني ! اش فالبلان !؟ نوصير: ( واقف مربع يديه ايطرطق) دبااا !! زاينة: ( لمحت بنظرات قرطاس ) مكااينش شي حاجة سميتها دبا !! ( تتشير الكبير وراء) قول قبل ! شوف اخويا فاروق نهار لي رجعت من دارنا لقيت تلفونو تيصوني و يعاود هزيتو نشوف عادي حتى تنتصدم بتصويرة بنت فبروفيل فاروق: ( بتساؤل) كدايرة هاد قضية بروفيل !؟ زاينة: ( تتمسح فمها و تتسرط ريق ) تتصوني عليه فواتساب ، ماجاوبت ماقربت حتى ادخل و سولتو .. نوصير: ماااابغيتش نشغلك وصااافي زاينة: ( قاطعاتو تتحج فمكانها بدموع) كذااااب !! قاال ليا راها معجبة من داك زمر الرجا ، ونوضتها انا وياه و بلوكاها قدامي و دوزتها ليه فاروق: معجبة !؟ عدنا طوب موديل هنا مافخبارناش !! ( رجع زاينة) كدرتي نتي تبعتيهم الدار !؟ مغيث : ( مخنزر فنوصير) الداار !؟ وااش حمااار !؟ اااه نوصير: ( صعروه) واافهم اصاااحبي ! تقول لقاوني معاها عريان زاينة: وشكون شااافك .. نوصير: ( قرب لها هاز يديه) راه نخلط دلمك عرررفي اش تتخرجي على فمك .. زاينة : ( تيرجعو فيها عشرة معاه) قيسسسني الا ماصيفطتك تونسها ! هاااديك نيتي خلصاتك فاروق: ( وقف غادي جاي ) واش نباتو هنا !؟ زاينة: نمرتها سجلتها فتلفوني وفالواتساب تيطلع ليا سطورياتها و تصاورها، انا كن عرفتها نسيبة نوصير كنت نمشي لها نيشان ، لكن عندها زهر !! تصاورها دخلو ليا شك ( تتحسب بصبعها و تتقلب فتلفون) مرة حاطة تصاورو وتنبرد على راسي تنقول كما وهمني هو معجبات تيهزو تصاورو ، حتى اليووم ! هزني نوصلني الطبيب و فالطبيب قالي نحطك و رجع عندي شي سلعة اتوصلني ، ( تتاكد وتتقولها بحرقة) بصدفة تنضرب فتصاورها من بيت نعاااس ديالي مكسلة و تتقول كلام انا لي مراتو مانقدر نقولو .. فاروق شد منها تلفون تيشوف تصاور و مغيث تيطل معاها ...و نبيل مبعد تيشوف فنوصير هو تياكد ليه براسو الا .. فاروق: ( رجع لها تلفون ) نضتي نتي تبعتيهم تاكدي !! صدقتي شابكاها زاينة: اااه مغيث: لاحول ولا قوة .. فاروق: ديا سمعنا منك نشوفو كابو اش يكول !! نوصير: ( قتلو و ماتحطش فوجهو فاروق) آش نكول اصااحبي !! انا كنت فالسطح مع لمعلم صاااحبي مول برطمة رغبني نسودي ليه شي حديد فالسطح داخل من هنا سيمانا .. فاروق: راه ندخل فدلمك طول عرض !! مالك اصاحبي مالك ! طولة فتينا كاملين الاكتاف داير مني جوج و العقل فينا هو !؟ نوصير: ( تيحط يدو على توني تيحركو من حرارة ) ورااه درنا فيها بليزير مغيث: بليزير تنديروه مع لي مخصوص وبخبار الناس لي لازم يعرفو راه ماشي مكتوب علي جبهتك روبن هو العرب فاروق: تعاونها ادخلها دارك !! غيرر ... راني صايم اما نطربك مزيان نوصير: ( قرب لوجها بلوم) يااك نهار جبتك من داركم كلتي ليا طلق الدار !؟ ياك بيدي ديتك تهزي حوايجك !؟ زاينة: انا خرجت وهيا دخلت !؟ مغيث: واش ليلة لامير هزيتو طبيب ديتيها نت لتما !؟ فاروق: راها باينة دمعت عليه وزادت فيخرات ! مغيث جرا عليا و انا سبب ولدو عقيقة دخلت نيفو ومع خوك حنين كملت .. زاينة؛ ( تتسمع مافاهمة والو) عاونها !؟ ( تتبتسم معاه بفقصة) عاونتيها كما عاونتيني !؟ نوصير: واش نسمعك اديوات !؟ نسمعك !؟ زاينة: ( ركبوها جنون) مااااتسمعنيش ( وقفت تتضرب فيه) مااااتسمعنيش .. مغيث دخل بيناتهم و فاروق جر نوصي لي كان باغي يشعل معاها ..نبيل تيحس بالعرق تينزل مع ظهرو ماقدر يتقدم ولا يتاخر ...فجأة تسمع اذان المغرب و دقان فالباب .. ...اسماء لي كانت تتدق فالباب تتخبرهم ينزلز يفطرو ..لكن مع الجو متشاحن طلعو لهم الفطور الفوق و النسا فطرة تحت ، الجلسة كانت تيسودها توتر وزاينة جالسة دموع فعينيها و نفس حابسة لها ..شي فطور مافطراتو و ليالي ماشي احسن منها حالتها حالة ، الوازنة و فطوش فطرو وناضو للجامع و بقاو البنات هنا نوعا ما الجو خلا لهم لانه واضح ان الوازنة ماجايبة اخبار .. اسماء: ( جالسة مربعة مغطية ) مالكم !؟ اماااالكم !؟ خديجة: ( تتمسح رؤيا يديها ) فين امير !؟ ليالي: ( سخانة شداتها ) مع مغيث فوق طلعو نوصير .. زاينة: ( عيات صابرة و هيا تهضر) شوفي الياالي انا ماااعندي معاك حتى مشكل ! ولكن انسولك وتجاوبيني !؟ ليالي: ( رمشت بعينها) انا مستعدة نجاوبك على لي عارفة ، ( نزلو دموع شادة فعينيها حابساااهم) نذمممت ! نذمت على النهاار لي جلستها معايااا خديجة: ها العار غير فهمونا !اش وااقع !؟ لياالي !؟ ليالي: ( نهارت بالبكاء ) مااعرفتش و مااكنتش عاارفة !؟ تاصدمني اليوم مغيث ، قالي حافصة فالكوميسارية مع نوصير اسماء: ( كانت طيح زلافة) ياااو يلي !! حفصة ديك بنت خالتك لي جات داك نهار هنا معاكم !؟ زاينة: ( بحال ضربتيها بضو) كفاااش !؟ جات هنا الدار !؟ وفين كنت انا !؟ اسماء : ( خلعاتها) غضبانة عند امك فخميسات ..براكة من غوات اصاحبتي خلعتينا ااو .. خديجة : دبا حفصة تتعرف نوصير !؟ ليالي: ( تتمسح دموعها ) ماااعرفتش .. زاينة: ( تتضحك بالفقصة) سيدة دااخلة دار و مشاركة طعام او مبلانية من بعييد ..او الله لا بقاات فيهاا .. خديجة: زاينة حبيبة ! راه الغوات و المعيور لا فائدة منو اولا و تانيا راك حاملة وطونسيون مامعاهش للعب حاولي على صحتك ..هانتي بالعقل عاودي لنا .. زاينة : ( غير تتنفح فنفس و تحط يدها على خصرها ) الالة هاد الويلة هااد شيااطة شدات فراجلى شدة العمى فظلمة ، لقيتها تتصوني عليه و بلوكيتها واليوم و نية ديالي لقيتنا فدار لي كنا شادينها انا و نوصير اوا فاش سولو فاروق كالك حقل ماحقا !؟ نهار جرا عليها مغيث فليل دخلها هو ( ميقت ) جمعية حقوق نساء .. اسماء : اوا عاونها مسكين نيتو حسنة ! زاينة: ( ردخت بيدها فطبلة) اسماااء زمي عليا !! ليالي: وووي هادشي لي وقع! نهار رمضان قبل الفطور ولدي هز واحد كوليي ديالها جوكخوا قطعو لها و تحشى عقيقة فنيفو ، وجا مغيث هزو و سمح فيا انا برااسي فدار و هيا معايا ماجرااش عليها مغيث !! انااا لي قلت لها الخير لي دير فراسها تمشي دارهم .. خديجة: الالة تمشي عند ماماك ولا ترجع عند امها ، ويلا داخت بيها ارض تشد اوطيل ، ياك راها خدامة و بصالير ديالها !؟ علاش تعيط نوصير !؟ زاينة: بحالي بحالك !! انا باغة نفهم حاجة وحدة الا رااجلي فعلا عاطيها وجه وعاجباه نعرف كفاش نتصرف ويلا العكس هيا رامية عليه العين تاني نعرف كفاش نتصرف .. اسماء: ( تتكلم وخايفة من زاينة) انا نقول الحقيقة ! و الله خويا نوصير ما يخونك راه قبل مايزوجك كان داخل سوق راسو و عمرنا شفنا عليه شي حاجة ..طلي على درب تينغل بالبنات عمررك يااانوصير شفناه واقف مع شي وحدة ..غير هو مسكين تيساعد الناس تيبقاو فيه او حنين زاينة : ( بغيرة و جنون) مااايعاااونهاااش !! توريني نتي فالمعاونة نوصير !؟ نهار طلاقيتو كانت تشد فيه وحدة تردو محملها فطبيب .. اسماء: البااطل هداك ..شتي الا باغة راجلك تبقايش تغضبي ! راه عاطي عين وضحوكي خديجة: هههههه الله شحال مافوجت ، زاينة سمعي احبيبة انا اكبر منك و شفت لي مزال ماشفتيه ! من حقك ( تتاكد براسها) تراقبيه و تغيري عليه والا جبرتي شي حاجة راه نقاش على طبلة هو لي تيحل مشكل .. زاينة : نكذب عليك !؟ ماااصبرتش اختي خديجة ، تشوفي راجلك فدارك معاه وحدة ، ( تاضحك بجنون تتشير راسها ) هههه راه قمة اعصاب راه كن ماجيران كن قتلتها ليالي: ( حطت يدها على فمها) ضاربتو !؟ ضرباتك زاينة: ضربني !؟ اوا ماولدت فيا الشلحة غير الخلا ، عطيتها سلخة حياتها كلها ماتنساها اسماء: هههههه الله ييارك فعمر لالة زاينة .. زاينة: ربي منين تتخرج لك هاد ضحكة !؟ اسماء: ( وقفت تتحيد ملاية) لا تحسدنيش راني طالياه اخضر مع المرض و النحس خديجة: اوا لواه الزين !! ( ناضت تجمع معاها طبلة) الله يبعد عليك شي نحس .. ...جمعو طبلة و زاينة دخلت بيتها غيرت حوايجها خرجت كوزينة تشوف اش تعاون وهيا تشوف ليالي تتمسح دموعها زاينة: ليالي تقلقتي مني !؟ ليالي: انا لي بغيت نسولك هاد سؤال !؟ راه ماعنديش اليد فهادي ، انا خالتي الوازنة او اخوت مغيث ماشفت منهم غير الخير .. زاينة: عذريني اختي و الله ، راه نهار رجعت داري و هازة ولدي ولا بنتي فكرشي لقيت الما دايز من تحتي فنظرك كفاش نتصرف !؟ ليالي: كن جيتي قلتيها ليا انا نتصرف .. زاينة: انا بلاصتك براجلي و بداري ! مانشدش هاديك نوعية بنت خالتك حتى العشا الا درت معاه صواب مانفوتش لها كويس اتاي ، لانما من لاخر قحبة و بنت الحرام فعايلها ..براكة غير رمات الباطل على راجلك ليالي: ولو تتبقى عائلتي ! غلطها تحاسب عليه .. زاينة: نتي تعرفي اختي ... ....طبلة مزال بفطورها ...يلاه هزوها دخلوها كوزينة بعدوها على امير لي كان مرون دنيا حتى نعس ..نبيل جالس شاد تلفون و حداه نوصير ، من صغرهم ولو ديما مناكريش الا عند كوارث واحد تيحط الراس على لاخر .. نبيل: ( شد راسو) خاصني دولييران راسي ضارني نوصير: ( منزل راسو تيهضر ) ماشي دبا ! خلي ينزل داك صعصع لي تتيكيف فسطح .. نبيل: ياك فكيتو مشكل !؟ نوصير: فكو المغرب لي وذن .. نبيل: ديمااا تنكووليك دخل سوووق كررك ، وماتعااون احد نوصير: ( سرح بيه نظروو تيعض شنايفوو) عرفتي الا هزت راسها ومشات وتحرمني من ولدي بررررب .. مغيث: ( خرج من بيت فين حط امير) ماغاديش دير عقلك !؟ علامن تتربب على مات ولادك نوصير: ( بصوت معصب) ماااشفتيهااش !؟ بغات طيح ليا بطانة .. مغيث: ( تيتكلم بهدوء ) حقها طبيعي ! بنادم ماشي نفسو ميتة ! كوميم نوصير: ديك خيتنا ماابيني و بينها والوو ..واش بزز تحسب عليا !؟ مغيث: نقص من غواات اصاحبي ولدي نااعس ! دباا غير اجيني كووود بلا بلانات والو ( دخل عليهم فاروق ..تادخل جلس مكسل حداهم ) فوقاش هاد بنت طيط هضرتي معاها !؟ نوصير: نهار جيتو عدنا !! مغيث: شوووف تشوووف !! فاروق: ( هز بيديه تيهدوو بنبرة قاصحة) راه كالك بلا بلاناات واش نوضو نحضرو من اول !؟ نوصير: نهار مشيت خذيت لصاحبي حوايج امير لولد خليفة ! فاروق: ( قاطعو ) لا تدير الخير ! نبيل: ها تالية خليفة وداك ابرااهيم ، طال نهار نتوما تحفرو على هوتات مغيث : اها زيد ! نوصير: هزيت حوايج وهيا كانت خارجة كالك وصلوني ما وصلوني !،وصلناها اسيدي فاش كانت نازلة كالك الله يرحم والدين نمرتك الا حتاجيت شي حاجة .. فاروق: ( منغم مع كارو) كن جينا نديرو بحالك البرهوش كن سكنت فاوطيل مع عطايا ..كالك الله يرحم والدين ، هاديك ديال الله يرحم والدين، يلعنطبنمك بجوج مغيث: ( مزال مبرد ) انت عطيتيها نمرة ، ومساج من هنا و ابيل من لهيه وها طريق تقدات نوصير: ( ضرب نبيل برجلو) الااا اصااحبي .. مغيث: الااا !؟ توريني انا فديك نوعية !؟ هااديك راه عطشانة فرجال ومات عليك العين وانت راك ماشي تترضع صبعك اخاي نوصير ..( رجع للور مرمي ليه تهمة) نبيل: ( تيشوف فتلفون تيهضر) راه تما مراتو كانت غضبانة .. فاروق: ونكوولو مرااتو غضباانة و تحنسر !؟ تمشي القلاوي للعائلة !؟ تمشي مع تريكة للصقة سبيسيال !؟ ماشفتيش خوك اش دوز معاهم .. مغيث: ( تيحرك راسو برفض) اوا جاوبو !؟ راك كنتي حاضر ، رميت راسي فتزويجة مع قحبة حياتي كلها مانساهاش ! نتا يلاه كلتي باسم الله بغيتي دور بجنابك !؟ هاهيا حصلاتك مراتك نوصير: ااش حصلاتني !؟ تقااود يلعدلمها هيا ويااها ( تيغوت صاعر) البنت ( تيشير بوذنو وذنو) بليل عيطت ليا تتبكي خوك جرا عليا وانا بوحدي فزنقة !بقات فيا الزمر مغيث: الله ينزل عليهى المسخ ! ماجريتش عليها !!،خليتها مع مرااتي فدار وهزيت ولدي صبيطار ها فاروق كان معايا . نبيل: ( معوج راسو متكي ) هدا راه غير حمار !! فرش كروو بالفيرتي ، نهار واقعة راه سولني على امير مغيث: رييييييح مع كرك ! احصلتي نوصير: ( هز يديه بزعاف) ها اوديواات عندي ديال مول الدار ! نسمعهم لك !؟ فاروق: وااامنين تاتفهم منين !؟ فين فهاامتك و تطووارك !؟ وووا بعععد من العياالات ازبي مغيث: تما فاش عيطت ليك الفاهم !! عيط ليا ونا نتكلف بزامل بوها ، جيبها نت اسيدي عند الوااازنة .. نبيل: ( تيدوز يدو على شعرو) برررب لا دخلت .. فاروق: ( اشار براسو نوصير) اتعلم من بوعاري نوصير: عاودها كررك انت اشكاام نبيل: ( مبرررد تيخريق فتلفون) حماري مغيث: هنونا من تبرهيش !! راكم رجال زعما !؟ سمع انوصير !! ترجل اصااحبي راه مور خطوة الزواج تايجي القاصح و الصح و الا عندك شي معقول تتبينو ( حط كفو على صدرو ) مانبغيش ليك تجربتي ولا تجربة خوك الكبير .. فاروق: ( فكرو بديعة لي تتصوني حالا ) خليه !! تزويجة الحبس و ابنتي جوج مرات تتدوز من الموت و امراتي جديدة كن ماصدقت بنت الناس كن سمحت من زماان نوصير: ( حاني راسو تيفكر ) دبا تابتة عليا تهمة !؟ فاروق: واانووض دير حل مع مرااتك ، راه تيكول ليك كن رااجل واجي آمر !! حنا راه لقاوك تتحوي و نستروك لكن فاش تيدخلو العيلات على خط عوم بحرك ، برررب ونعااود نسمع اخبارك مع شي قحبة تنتسيف عليك ..هاهيا داازت على وجه داكشي لي فكرش مراتك .. مغيث: ( طبطب عليه ) عاجبك وقتك ضيعو اخويا فالسوق خاوي !؟ عمرو فخدمتك و المشاورة مع مراتك تتطول العشرة ...خير الكلام ماقل وذل ، هضرو وتكلمو و جمعو وطواو، هدفهم الخبر مايوصلش الوازنة؛ او حتى الى وصل يكون متأخر و بنتائج قليلة ...فاروق جاوب بديعة لي طالبة تشوف بنتها ، موضوع الوحيد لي ماتيلقاش ليه الحل هو رؤيا و بديعة ، تيحكم عقلو وتيطبق قانون الانساني .. فاروق: ( وقف فالباب تحت تناديها) خدييييجة اسماء: ( كانت جالسة تاطارت تحشات فزاينة) نوضي اختي نوضي خديجة : ( طلقاتها بضحكة ) ههههه جا بوعو احبيبة .... رؤيا: ( تتضحك على اسماء ) تتخافي من بااابااا اسماء: علاش شكون هدا لي مايخافش من للمخزن .. ليالي: ( جالسة حاطة يديها علة خدها ) لبنات نخرجو !؟ عاد قلتها خديجة و بغات زاينة: ( تنهدت من داخل ) و الله ماكرهت نفس حبسا لياا !! اسماء: ( هبطت راسها تاترمش ) سيرو بصحتكم ليالي: ونتي ماتمشيش معانا !؟ اسماء: ( دورت على وجها ) بهاد حالة !؟ بلا مانذكر نبيل مايخلينيش ليالي: ( قربت وجها تتشوف) سي غيااان و الله، هدا مرض عطاه ليك الله ، اون بليس نشوفو شي كافي عائلية نجلسو منها زاينة: مالك على هاد خوف !؟ خارجة مع عيالات خوتو اسماء: ( قدات مخدة و نعست معطية) نتي ااختي راك فرااان قاد بحومة جالسة فوق مع رجال تعطاي انا راه غير فاروق صوتو خالق فيا رعب .. ليالي: هههههه انا نقولها مغيث يقولها ليه !! يلاه عفاك مادوزش ليا خرجة بلا بيك اسماء: ( ابتسامة فخر) ياك اختى !؟ لهلاا يخطيك يا الفنة ياا بنت الفنة نموت عليك اناا .. ..وقت لي عرايسات تتيقادو خروج ..فاروق حطها لها فوجها .. فاروق: شنو دبا !؟ خديجة: ( جمعا نفس وطلقاتها ) راني مراتك ماشي مساعدة شخصية ديالك !! سير دي لها البنت تشوفها فاروق: انا خدام من هنا ساعة !! خديجة: اوا !؟ فاروق: اتجي تديها من هنا و ترجعها ليك خديجة: انا خااارجة نطلق رجلي و نشم الهوا !! ضبر رااااسك معاها .. فاروق: فين خارجين !؟ خديجة: خارجين كلنا شي كافي نجلسو .. فاروق: ديها معاك وكولها تجس تشوفها تما .. خديجة: ( قربت وجهو تتكلم بهمس) عربييية راه تنهضر بيها !! ماباغاش نتعاامل مع ديك السيدة اسي فااروق فاروق: ( جرها من خصرها خرجو دروج و طار عليها بوووسة برد فيها جنون) احح على مك ! تهزي بنت معاااك و تجي تشوفها تماا ..يلاه البلارة ساعتك سعيدة سورات طموبيل راهم فوق باش تحركي خديجة: ( تاكالت شداتو هو ينزل فدروج ) واااش هبلتي !! فاارووق .. فاروق: ( وقف تحت ) فاش توصلو قهوة صوني عليا عطيني عنوان ! هانا مشيت .. خديجة: ( دخلت تتسوط عندهم ) شنو اتخرجو !؟ مغيث: ( دخل عليهم تيحن حن) افين خاارجين !؟ ليالي: نشربو شي حاجة و نبدلو الجو مغيث: ( نزل تيبوس رؤياا ) عموو ! تخرجي تانتي !؟ رؤيا: ههههه اه ..فين امير مغيث: داير دودو ..( شاف فيهم ) شنو تحركو دبا انا نديكم !؟ خديجة: اوا نمشيو !! ماين رؤيا تخلط علينا تما تشوفها ، اماا هو مشى الخدمة وخلاني مني ليها .. مغيث: ( تيدوز يدو على راس رؤيا) مااعليش اختي خديجة !! انا تما نعطيها ليها ...انا تحت تنتسناكم ، ليالي طلعي جيبي امير ليالي: ( وقفت ) اوك !! شكون الفوق !؟ مغيث: ( شاف اسماء) طلعي معاها عفاك راه نبيل الفوق .. اسماء: واخة .. ...زاينة مانتظرت لا امر لا سماح ، دخلت بيتها تلبس حوايجهاا و خديجة قدات حالتها و وصيفطت رؤيا تجيب سورات طموبيل و اسماء طلعت مع ليالي تهز ولدهاا ليالي: ( هازة ولدها و نبيل جالس فصالون وقفت تتشوف فاسماء موراها) يلاه ماتخرجيش !؟ اسماء: بصحتكم !! غير سيرو .. ليالي: ( بطلب ) عفاااك ...مغيث غادي معانا نبيل: ( هز راسو تيشوف فليالي و اسماء) صمت اسماء: ( شافت نبيل ..) راهم خارجين كلهم ، نخرج معاهم !؟ نبيل: الا .. ..ليالي حشمت نزلت و قلبها تيتقطع على اسماء نذمت فمرة علاش طرحت فكرة ، كفاش هما يخرجو وهيا الا !! نزلت تحت حطت امير فكرسيخ جلست قدام و زاينة للور و خديجة ديمارات طموبيلتها تتنتظر اسماء .. ليالي: ( بقهرة ) عطي كلاكصون خديجة نتحركو نبيل ماخلاش اسماء زاينة: ( تتحك غير بوحدها) واش ديك بنت عايشة فحبس .. مغيث: ( هز تلفووون ..) جالس جالس !! اما هزها تبعنا ولا خليها تنزل نبيل: الا تمشي سير ..ماخارجش ماغادي تخرج .. مغيث: ( قطع عليه خط وعطا كلاكصون خديجة ) مررريض هداا وحق الرب ليالي: اش داااني نقولها ليها ولا نذكر شي خروج !! سي طخوب فينا وماتايقش !؟ مغيث: ليس طومبي !! هداك فراسو ماتيتيقش .. زاينة: ( شافت رقم نوصير تيتصل نطقت فنفسها) قطييعة تهنيت من كمارتك .. ....طريق كانت مزدحمة ، الناس ورا الفطور تتخرج ، اتجهو قهوة العائلية فيها مطعم و قاعة العاب و مطعم نفس الوقت ..دخلو مجموعين و حديثهم الوحيد هو اسماء، جلسو و طلبو مشروبات و دراري ناضو يلعبو و خديجة رسلت عنوان فاروق ....و بعد دقايق تمت داخلة لمحتها خديجة من بعيد ماكملاتش فيها شوفة و اخبرت مغيث لهز رؤيا و خرج عندها ...و جلست مع رؤيا فجهة اخر و عنقاتها بحب وعطاتها هدايا ....خديجة جالسة وكل مرة عينيها تاتديها جهة فين جالسة رؤيا و تطمن ، فوبيا ركبت فيها من جهة لي فات ، ليالي شادة امير عندها تيشرب عصير و زاينة طالقة عينيها تاتشوف الناس؛ نفسها تتحكها و هيا تتشوف شي وحدة لابسة و مقادة و فيديها سورات طموبيل ولا جالسة هيا امها .. خديجة: جاوبتي راجلك !؟ زاينة: ماعندي مانقوليه هاد الساعة !! ليالي: نصيحة خوذيها مني ، تا انا مادازش عليا القليل ، جلسووو و هضرو و حلو الامور خديجة: ( تتشرب عصير تتبرد و تهضر) تبقاي شادة ضد تجبيها فصحتك !! زاينة: شتي !؟ كوولشي ندوزو ليه الا هااديك مخليني فطبيب وغادي عند موسخة ما تسرطش ليا ( تتدوز صبعها على حلقها ) هنااا تبقى ليا واقفة خديجة: متاافقة معااك !! ولكن ازاينة راه تنمشيو بوصاية الوالدين و نراعيو للداك العقد لي مضيناه ونتي راكي حاملة راك اتششتي عائلة زاينة: الا بغات تشتت لهلا يقلب ! ( تتفور باعصاب) هداا عاد نمرض و نولد و نتوجع و يهزني !؟ هداا راه مايعقلش عليااا ليالي: كاظلميهش ازاينة !! تنوااعدك غدا الصباح نشوف حفصة و نوصلها حتى لامها و نتبرا فيهاا !! زاينة: ( مصات شنايفها بحموضة) هداك اختي شأن عائلتكم بيناتكم !! انا شغلي قضيتو معاها خديجة: احقا مزالة فالكوميسارية !؟ زاينة : ( تنتظر جواب ) .. ليالي : جو سي باا ! من داري عندكم !! راكي عارفة مغيث كلامو ماينزلش ارض خديجة: ( تنهدت تتلعب فشعرها) حتى نتي اصااحبتي بحال تنخويو معاك الما فرملة !! اش تفاهمنا !؟ نهار رجعتي من فرنسا جلسنا و هضرنا !؟ ليالي: ( تتحس بقلبها يتقطع من داخل ..دورات وجها مخبية دموعها) اوا الله يعطيني عقل جديد زاينة : ( بقات فيها و توشاتها لكن مافهماش موضوع) شوفي اليالي راه دبا شركنا الدم و للحم ! و العواشر هادي ما مقلقة منك ، هو فيا لافونس لكن عندي عقل تنميز بيه ليالي: اوا ربي راه شايف ، انا مشكلتي نقصاح حتى نقصاح مشكل واحد تيهدني ، مااابقيتش تنقد على مشااكل ولا مصايب .. خديجة: العام كاملين داز علينا مبارك مسعود !! لكن بنات خالاااتك بعدي منهم !! هانا كنت بقوة صحابات ها لي من ايام ليكول ها لي من ايام دوران و تسركيل اوا تزوجنا دوزنا واحد غربال خفيف، اصلا مايصلحش ليا لا صحبة لا عائلة ، انا راه راجل اختي جرا عليه من قعر الدار زاينة: ( غوبشات فيها) اختي راجلك واعر شوية ليالي: ( عذبها امير) كلهم واعرين كلهم ظريفين ، انا لي عندي راه دخل عليا ضرة زاينة: احاااااي !! اوا هادي الا خديجة: ههههه اوا ياه ، خاصنا جلسة بوحدها ونعادو لك المغامرات ..شكون كال انا و ليالي نديو الخوت ليالي: ( تتضحك عاضة على شنايفها ) المكتاب .. زاينة: ( شيرت بعينيها جهة بديعة) هاديك طليقتو !؟ خديجة: هااديك و مادوزات عليا !! وهو نيت الشارف نهار قلت ليه ماكاين زواج طلق عليا جدرامية يهزوني زاينة هههههه اااه اربي كرشي هههه الحب هداك خديجة: ( هبطت على كاسها) هداك زهر مالح ، دبا خلينا فيك اش ناوية ديري !؟ زاينة: اش عندي ماندير !؟ تنتدافع على كرامتي و حقي معاه ، وخ حرايمي جلسني من لافاك ليالي: سي يا لوجيك !! بلعكس قراية تعاونك فمستقبلك .. خديجة: ياك عندك الباك !؟ زاينة : وي اقتصاد .. خديجة: ( دورات راسها بمحنة) شحال قدك ابنتي تقراي و تعاودي باش يلاه تشدي شي بوسط !! ليالي: سي نوغمال .. خديجة : وعلاش ماتختصرش الطريق!؟ تفكر فشي بخوجي لي تسيرو و تكون مولات الشي !؟ زاينة: بحالاش زعما ! مانكذبش عليك حتى انا بغيت الطريق لي ادخل ليا الفلوس خديجة: بون انا غير نطرح عليك ونتي تعرفي ! فلاجونس جاونا بزاف نخدمو لهم اعلانات للسونطر اللغات و المواد الدعم ، كما شفتي دولة مابقات تتقري والو ! زاينة: انا ماشي سي نيفو لي نشد للغات و نقري ! راه انا قراوني ناس عندهم اجازات .. ليالي: كاين بخوجي اخر !! علاش مديريش مكان مخصص اطفال ، يلعبو يرسمو كما شفت فرنسا فالمسابقة لي قدمت زاينة: ( حببت فكرة) اوا تجي وافتح مشروع !؟ خديجة: اولا قبل قبل كل شيء هو تأطير ..تقراي على تخصص لي ناوية تخدمي فيه ، على اقل هنا تقراي بمنفعة و عارفة راسك فين متجهة ليالي: وي نشوف ليك انا وخديجة مع معارفنا فدومين فين يمكن تقراي ، والا كتاب و عجبك بخوجي حنا نساعدوك خديجة: ( باسف ) نفس الهضرة قلنا اسماء ، مي واضح نبيل ماخلاهاش ، وتتموت على خياطة زاينة: وي ظريفة و غير تتضحك ، الله يدير الخير ليالي: ( هزت امير ) نشوف مغيث فين مشى خديجة: سيري !! ..جلستهم مع نسيم عليل كانت طويلة ..زاينة تحمست و تتسول و تعاود ،و خديجة عاطياها الخاطر ..تاوصل عندهم مغيث و ليالي ورؤيا خلص و خرجو متجهين ديورهم .. ...الوحدة !! الوحدة ، بعض الاحيان بقائنا وحدنا تيكون راحة لينا ، او متنفس للافكارنا ، لكن الله في خلقه شؤون خلق وفرق، فكيف اسماء لى تتعشق التجمعات و العائلة و الصداقة تفكر تجلس وحدها، يكفي لي جلساتو بوحدها فبيتهم لا اخ ولا اخت .. جمعت طبلة غسلت ماعن و الماكلة لي بقات قداتها دخلت نيشات بيتها شدات بلاصتها وتغطت كلهاا ، منعو للخروجها شيء اعتادت عليه ، كلمة الا ! رجعت تسمعها اكثر من اسمها ..نعست و خلاتو فالخاريج مع تلفونو اخر همها ... نبيل: ( من نهاية فيلم لي تفرج فيه ..هز عينيه لبيت ) ولفتي !! ..شاف ساعة لقاها الاحداش ليل ، ناض نزل تحت لقى الوازنة وفطوش مفرشين فالصالون ناعسين و نوصير جالس شاعل تلفزة .. نوصير: ( شاف فيه جلس حداه تيشرب ) شوية راسك نبيل: ( غمض عينيه محرك راسو ) تبعت واحد فيلم حتى كمل ليا لي خاصني ، جاو من برا !؟ نوصير: ( اشار بيتو ) جاو !! نبيل: ( وقف ) بلا ماتفيقني سحور راه مزال الماكلة فوق ! تصبح على خير .. نوصير: تصبح على خير ...نبيل : ( طلع الفوق ودخل عندها تيفيقها ) اسمااااء اسماء: ( هلكها نعاس ) اممم نبيل: نوضي تاكلي شي حاجة رجعي نعسي ! اسماء: ( دارت عطاتو بظهر ) مابغيتش ! فيا نعاس نبيل: كي داير هاد صيام بلا سحور !؟ نووضي اسماء: ( جن جنونها فاش تيوقف فوق راسهاا...ناضت جلست ) هانا فقت اوا فاوتني نبيل: ( دار جهتو طلع تكي) هاهو مفاوتك .. ..خرجت تتجر رجليها كوزينة كلت تمرة و شربت الما و رجعت الصالون تنعس ، ماتتبغيش تفيق من نعاس لانه تيتهرس فيها، شدت تلفونها و دخلت انسطا بدات تقلب هنا و لهيه .. نبيل: ( بصوت عالي) اسماااااء اسماء: ( تتجاوب من بلاصتها) نعااام نبيل: ( شد بصبعو بين عينيه عرفها مابغاتش تنعس حداه ..رجع تقاد فبلاصتو ) صمت .. ...تقطع الحس و هيا تترقبو لكن للصمت ساد، جرت الغطا و بقات طالعة نازلة فانسطا تتشوف الازياء التقليدية و طالقة ورجعت دخلت صفحة لي مودل هو يطلع لها واحد داير لايف ، واضع انه موديل فرنسي عينين خوضر و طولة و تجريدة ..هو تيهضر و يضحك و هيا تتضحك ..تا قفزها نبيل: ( واقف معوج راسو تيشوف معاها) هاادشي بسلامة لي مهربك مني !؟ اسماء: ( الما طاح لها فركابي ..جمعت تلفون) طلع رااسو نبيل: ( شدها من كرفادتها منوضها و هز تلفون ودخلها بيت ) دباا انبيل ماخليتينيش نخرج !؟ انجلس نهبلك اسماء: ( واقفة قدامة بدريرتها نازلة على جبهتها ) انا شكيت على شي خروج !؟ هدا انا ماتنعرفوش نبيل: ( شد تلفون تيشوف و تيغزز فسناانو ..وهز عينيه محمر فيها تاجمع معاها بتصرفيقة..صلااااي) فين تتتشوووفي !؟ فيييين تتمنظري !؟ اسماء: ( حطت يدها على حنكها) ماااتنعرفوووش و الله ماتنعرفووو نبيل: ( تيقلب و يعاود فداك انسطا تامسحو وحط تلفون فجيبو ) بلاصتك !! اسماء: مانعسش تما ! بشويكة تيحكني بليل نبيل: ( قرب لها وجهو صاعر) يحكك حكيني الالة معااك ! ماشي ديري السبة و تنعسي فصالون و لقاك تتفرجي ليا فالعزارة مامعرش ليك العين !؟ اسماء: ( بكمها تتمسح دموعها ) كنت تنشوف تكاشط هو لي طلع ليا نبيل: ( بعمق تنهد و تكلم بصوت متعب و مخذول ) نعسي ..خلي ليلة دوز على خير راه جامع ليك و ورقتك عمرات .. اسماء: ( قهرة و حكرة شداتها تتبكي بشهقة و صوت) خود تلفون و خرج ماننعسش حداياا ، انا عيت منك ! صحابك تنديرها بلعاني حيتاش ماخرجتش !؟ انا ولفت ، شوف انت عائلتك اش يقولو عليك نبيل: ( راسو تيحس بيه ايتطرطق ) عائلتي ؟! نتي مراتي بوحدي تواحد ماعندو دخل ، اش تخرجي ديري معاهم ! اسماء : ( تتغطى و تتخبع راسها تتبكي) والووو نبيل: ( بكاها جنونو ..قرب لها بندفاع حيد الغطا ) باغة تخرجي !؟ نوضي نخرجك اسماء: ( خلعها و تتجر فيديها منو) بغيت نعس !!،خليييني نبيل : ( بجنون ) لاااا اتخرررجي !! ياك معانداني و عاطياني الرباط بسبب الخروج اسماء: ( تتحرك راسها برفض ..) انا للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02