بقدر مشرب بقدر ما المشاعر ديالو تاججات وبدات كتبان المشاعر الحقيقية الي ضاغط عليها او بمفهوم واضح مباغيهاش تخرج وكاينة ليه فالباطن ديالو ...مشاعر حقيقية ... تصرفات دارها وهو مبلط مدوخ ومفيه ميتقاشح هزها حطها حداه وتلاح حداها ...مفيه ميتقاشح وراسو مزير وثقيل الافكار الي فيه كثيييييييييرة ومخربقة ليه مع شراب ...معصب متوثر اضطر يزيد في لادوز ديال الشراب على الي مولف غير باش يطمس الغضب ديالو وميخرجش على سيطرة ....وهادشي فطبعو جد جد غامض ميقولش ليك باش كيحس متعرفيش على اش ناوي ؟ ....ولاااش هاد التوثر كامل ونسر موسكو لا يعرف توثر او خوف ... زااد خشها فيه ونطق الجملة الي من ضمن الجمل الي فالخاطر ديالو والي مكيفصحش عليهم ابدا ... مزال ساعة على تسلل خيوط النهار ...كان خاشيها فيه ومضور ايدو على كرشها ضاغط عليها ملصق ضهرها مع كرشو وخاشي وجهو فعنقها ...حتى بداو صباعو كيتحركو وعينيه كيرمشو ...حجبانو كيتعقدو ويرسمو خطوط وتجاعيد بيناتهم ...حل عينيه لقا راسو خاشي وجهو فعنقها وصوت شخيرها صغييييور كيتسمع منخرها مخنوق وحالا فمها باش كتقلب على نفس ... طلعت معاه ريحتها حتى غمض عينيه...هز راسو لفوق ...تفكر شي تشاش ملي دار وكيفاش دقات عليه الباب وشي حاجات معقلش عليهم كيحاول يتذكر شنو دار واش قال ...حتى ناض بشوييييي وقف ... حط صباعو على جبهتو حكها بحركات دائرية ...عينيه مجبدين ...مخربق ...شاف فيها لقاها حالا فمها بطريقة مضحكة ...وجهها ماشي هو هذاك عينيها فحال منفوخين ...غوبش وشحال حاضيها ..عرف راسو هو الي جابها ولكن الصورة ديال البارح مكاملاش باش يفهم ...دار ايديه على خصرو حتى عض شفايفو بقا شحاااال عاضهم وحجبانو معقودين قبل ميغطيها و يضور ويتوجه لدوش .... اصبح الصباح ودخلات مشيشة حلات عينيها...حتى توگضات عاد ناضت بزربة كتقلب لقات راسها غير وحدها ...خرجات من البيت كتجري حناكها مزنگين دخلات لبيتها ومشات كتحري غسلات وجهها وبدلات حوايجها وخرجات كتجري هبطات لكوزينة ...كتحك فعينيها ومنخرها بطريقة اكثر من دي قبل ... بدات كتوجد الفطور ولات حافضة الكوزينة وبدات كترتبها على النضام الخاص ديالها ...ملقاتش مشكيل فالكبر وخا المطبخ كبير ولكن ماشي لدرجة خيالية فقط اكبر من مطبخ ديالهم فدارهم ...والفيلا كلها صغيرة ماشي كبيرة ... وجدات كلشي حطاتو فطابلة الي كتفطر فيها والي من قبل كانو الخدم كيفطرو فيها ولكن ملي خواها وبقا فيها غير هو وهي ....جلسات كتفطر حتى تم داخل لابس تيشرت گري مزير عليه والعرق خارج منو وشورط كحل ىايرماكس فالگري لابس تقاشر كحلين ...جاي لاوي عليه فوطة وجهو حمررر بكثرة جري وصدرو كيطلع ويهبط ...تكا كيف العادة على حيوط الباب ...مبقاش كيحنحن غير كيوقف كضور لعندو .... يامنة "وجهها مزنگ كتفكر نعست حداه البارح وخا عارفاه راجلها ولكن كيبقى الخجل سيد الموقف عندها ..." : صباح الخير 😳...نكب ليك قهوة ديالك ؟ فؤاد "ربع ايديه عاقد حجبانو ومصغر عينيه فيها " : علاش باقي كتحكي فعينيك ؟ يامنة "هزت كتافها " : م ماعرفتش فؤاد : باقين كيحرقوك ؟ يامنة : اه وبزاف ... فؤاد "حك لحيتو مرة مرة كيصغر عينيه ويعقد حجبانو حاضي تفاصيلها " : هاني جاي ... يامنة : وخااا ...مشات جابت كاس وطفاية ديالو ولات كتعرفو شوي بشوي وبدات كتحفض مدام قاليها هاني جاي اذن تكب ليه قهوتو وتوجد ليه ماكلتو ...شوي حتى جاها اتصال من عند نجود ...هضرت معاها حتى دخل وهي تقطع ... تم جاي داخل بلباس ديالو قميجة گري مغلوق وسروال كحل وصباط كحل ...جاي كيعقد فالمگانة وريحتو الي كتحمق من شمة ديالها يطيحك قبل متشوفيه بديك طولة وتگضيرة وديك الهيبة الي عندو ...جاذبيتو خاصة ...مخنزر وعاقد حجبانو ...هضرتو مخنزرة ...وحنيتو مخنزرة ...جلس فالكرسي ضور رجليه حط رجلو فوق فخدو ....مدت ليه كاس ديال القهوة وطفاية ... فؤاد "شاف طفاية " : غير حيديها "مكيبغيش يكمي حداها وخاصة عينيها ضارينها حيدتها وداتها وهو حاضيها كيشوف فعينيها الي تنفخو وغادين وكيتغمضو ...خنزر وعقد غوباشتو حالتها معجباتوش ".. جلسات كتفطر ومتفطر حشمانة كتهضر معاه وعينيها مكيشوفوش فيه وكتاكل وحادراهم ...حتى جاها ميساج فالواتساب حلاتو لقات سارة صاحبتها كتقوليها باش عشية تهضر معاها ويجمعو وتشوف جداها ورسلات ليها اوديو لمقطع اغنية كتعجبها ...دارتو فوذنها باش تسمع ... جيتي فبالي امبارح وتمنيتك معايا جيتي فبالي امبارح وتمنيتك حدايا طول الليل وانا سهران نفكر غير فيك ... بدات كضحك .... فؤاد : شنو كاين ... يامنة "حطت الفون وجهها تزنگ " : والو غير اغنية كتعجبني ...والله والله ... فؤاد "داير صباعو تحت حنكو متكي عليهم وجهو ...شرب جغمة ديال القهوة كحلة وحط الكاس وهو يغفلها وهز لفون دخل لاغاني واتساب ماشي المحادثة ...سمع مقطع من الاغنية عوج فمو باستهزاء وهو يحطو ليها ...كمل وناض جمع الوقفة بقشش فالفون ديالو ومشا خرج من الكوزينة ... شوي جاها هي ميساج دخلات تشوف لقاتها نمرة ديالو دخلات الاوديو وهي تطلق اغنية كالينكا ...غير سمعتها وهي تفكر تشلقيم الي شلقمها فالدريبة هههه ...خرجت عينيها وحناكها طلبو شرع طلع معاها نمل من صباع رجليها ... شقلب ليها الاحاسيس الملعون صباح مدينة ازرو ... ناعس مجبد فناموسيتو ...لابس تيشرت وشورط قصير حاط رجلو المهرسة على مخدة باش مهزوزة ...هاز ايديه لفوق ورجل ناشرها لهيه وطاويها ...حال فمو مرة مرة كيبدا يتمتم ...في هاد الجهة يوسف ناعس مزال مفاقش ... في الجهة لاخرا فالبيت عند صهيب حتى هو مكرشخ مجبد عريان من لفوق وغير بالبوكسر ناعس ...نص مغطي ونص ممغطيش ...مجايب لدنيا خبار حتى تحل عليه الباب وتم داخل الجن لكحل ديال الياس الي فايق بكري ناشط وليس بالباكر فوقت عادي كانت تمنية ديال صباح غير هما الي صبحو ناعسين ... الياس "عيط لصهيب بصوت مجهد " : صوصو ... صهيب : لا رد ... الياس "عيط " : ابو صوووص ... صهيب : لااارد ..."بدا يحرك في فمو فحال كياكل وضار تقلب لجيهة لاخرا عاطيه بمؤخرتو " ... الياس "خرج عينيه " : صهيب صووووووووهيب ونوض اصحبي كنعيط ليك عطيتيني بلور ديالك .. صهيب "هز ايدو من بعيد" : هذاك متسوا من عندي ...سير تق** ولا نوض نشتف على ريتك صباح لله ... الياس : ونوض باش نهضرو مع الوليد داكشي الي تافقنا قبل ميمشي راه مغاديش يجي على يومين ... صهيب : الياس ... الياس : نعام ؟ صهيب : اجي عندي نقوليك اش تقوليه ... الياس : قول غير من تم ... صهيب "ضور وجهو وخنزر فيه بنص عين " : سير الحمار خليني نعس خاااااااااااااااليني نعس نعس نعس نعس ... الياس : منهضروش مع الوليد راه غايسافر ... صهيب : لاش غانهضرو معاه لااااش مالنا دراري صغار ا الياس ترجل ازمر باقي كتشد من عندو الاذن ؟ الياس : لااا الحبس ..."هز صهيب بانطوفتو وشير عليه بيها لراس "...اححح صهيب "خنزر فيه ": قدك انا تقوليا الحبس ؟ الياس : وسمح ليا ..."مشا حتى لعندو ناموسية " ...اشنو قلنا ؟ صهيب : صباح لله صبااااح لله "حك وجهو بعصبية ونفاااد صبر " ...سير تقرا سير تحفض ... الياس "جعرو " : ولهلا تمشيو والقراية غانقراها لراسي صافي سير نعس غانمشي راسي عندي مشقوفتي وشاد عطلة نمشي نفوج راسي لهلا تمشيو ..نمشي نضبر على القوق تيقوليك الفرص مخاصش ضيعهم تيكون فيهم القوق ديال لقوقاز ..."تم غادي وعاطيه بضهر خارج حتى ... صهيب : الحمار حبس ..."وقف الياس تيفرنس وجمع ضحكة دغيا باش يحافض على البريستيج " ... الياس .: احم شنو ؟ صهيب "حيد عليه المانطا وناض من ناموسية شعرو مشعكك حيث مطول الفوق ...تيحك فعينيه ويتفوه ...هز فيه راسو عين مغمضة وعين مسدودة وحاجب طالع ولاخور خاسر ...كيحك فكرشو ..." : العوراج مفاقش ... الياس : مقدرتش نفيقو بغيتك تمشي معايا نفيقوه ... صهيب "حبس كيرمش فيه واحد العين مضارب معاها باش تحل " : دابا ازرافة بيتي تزيدني لمدفع وماشي هنا المشكيل المشكيل غاتحطني فخنشوشو ؟ ... الياس : عههههه وراه دغيا ينوض ...خفتي منو ؟ صهيب "كيشير بايديه ويدفع فيه " : حيد حيد خلني لبس تيشرت وشورط ونمشيو نفيقوه مالو غايخلعنا ..."خنزر فيه وغوت " ...حيد من طريقي السلوگي ... مشا لطواليط دخل ليها غسل وجهو وحك سنانو وخرج نشف ومشا لبس تيشرت وشورط ...خشا فرجليه كلاكيط ديال صبع ....لقا الياس واقف كيتسنى فيه ...دفعو بايدو ومشا خرج توجه لبيت ديال يوسف هو وياه ...حلو الباب ودخلو عليه ...لقاوه حال فمو تيشخر ... صهيب : اييييييه سيمفونيات خدامين نعماس ...شخر شخر ابليهودي ... الياس : فيقو تاهو ولا كيتعطل فالنعاس ممولفاش ليه ... صهيب : بالكلابي داير كي النافسة تف ... قرب حداه صهيب وهو يهز واحد الريشة من واحد الفاز محطو تما ... الياس : اش بيتي دير اهياتا ؟؟؟ اااااالمسخوط ... صهيب "ضار ف الياس دار فيه تخنزيرة ديال تهضر نمغط مك رعفك " : تزمو لا ؟ الياس : انبعد ... قرب صهب حتى لعندو وتحذر حط ليه ريشة على منخرو دوزها عليه ...بدا كيحرك فمنخرو حركات دائرية ....عاود دارها ليه هاد المرة خشاها ليه ... يوسف "تيتمتم " : اخخخمن تمتن از حطيه فوق مني ... صهيب "خرج عينيه وضار بالعرض البطيئ لعند الياس " : اش غاتحط 😳... الياس"تاهو تصدم " : سولو سولو ... صهيب "مشا برك حداه وعاود دارها ليه " : اش غاتحط ؟ يوسف "تيحك بايدو " : تت حطيه احبيبة "عض فشفايفو " اووووه فاااااااك فاااااك ... صهيب : ويليييييي الياس : ويلي ويلي ههههههههههههههههههه صهيب : تهههههه اش غاتحط عههههههه ايما الحبيبة 😂😂😂😂.... يوسف "بدا يتعوج " : ااااااااااااااااحاااااااح ... صهيب "مبقاش صبر " : 🤣🤣🤣🤣🤣🤣🤣 خاصما نديو خوك نزوروه سيدي الخوينز .... الياس : ششش عار الله سكت دابا يفيق ... صهيب "دموع دازو ليه " : ايما احح ههههه "يلاه بغا يضور عندو حتى جرو يوسف حتاها عليه بشنقة وعينيه خرجهم فيه فحال جمر ... يوسف : غاتزورني سيدي الزبل لمك بنت ليك مضروب تيقتي الكلب حاس بيك ملي عتبتي عند الباب اولد المجوطة .... صباح الله ..شكااااااين ؟؟؟؟ ... الياس بغا يفرتح وهو يضور يوسف خنزر فيه ....تحرك نفرشخ لملتك راس ... صهيب : هاااناري اتنضحكو معاك ...ويني تفكيرك عجبني خههههخ... يوسف : اش بغيتو اااااش ؟؟ طلقني بغيت نعس ... صهيب : مكاين بو نعاس تگعد باش نهضرو مع الوليد يعطينا نمرة لعميم نضربو تالعندهم نقضيو اش بغينا نقضيو ونتحركو نضورو جات ااعطلة تال بين ايدينا خلينا نفوجو شوي ... يوسف : هبطي قوليها ليه اخيتي مالي انا ...وجدو وعيطو ليا ... صهيب : مغاتمشيش معانا اختي ؟ يوسف : انا مهرس غانتلاح لور اش ليا انا وزايدون لاش اتقولوها ليه ؟ مالنا را بشلاغمنا ... صهيب : بغينا غا نمرة قلت نمرة مكتسمعش ... يوسف : هاا ااه تيحساب ليا ... الياس "شاف فساعتو " : صافي غايكون مشا دابا ... صهيب : نشدوها من عند نسيبو ... يوسف : شكون نسيبو ؟؟ صهيب "شاف فالياس تيفرنس والياس شاف فيوسف بملامح مكتفسرش "... يوسف : ياااا نسيب من ؟ صهيب : العميم ولا عندو نسيب تبارك الله غا تحنحينتو تنوض راگد ... يوسف : علاه عمي تناسب "حك على لحيتو شوي حتى حبس مبقاش رمش "...ااااا صهيب : اييييييييه ... يوسف : انا گاعما عندي شلاغم اخويا سيرو طريق سلامة ..."رجع تلاح وتغوبا "... خلاهم عند راسو ورجع تغوبا هههع ... صهيب : ولاااو وتگعد انقولوها لوليدة اش اوا وصلنا ليه اصحبي اتنضحكو تكعد العجل ... يوسف "لاح المانطا بعصبية " : تق*** عليا خرجو انا هابط .. صهيب : وخا سير عالله ...ناض من حداه وخلاوه كينوض معافر مع رجلو الي تقريبا ولات بصحة جيدة باقي ايام وغايحيد الباندة بمرة ...مشا دخل لدوش يغسل ويلبس وصهيب داز لبيتو بدل حوايجو والياس سبقو لتحت لقا الحاج خرج ديك ساعات كانت عندو سفر غايغيب ايام عليهم ... الياس "مشا باس راس نجود " : الوليدة صباح الخير ... نجود : صباح نور ولدي "تعطلتو مالكم " ... الياس : هاهما جايين كنا كنهضرو ... نجود : فاش اولدي خبار الخير ... الياس : هاهما جايين وتعرفي ...بدات كتكب ليه فالقهوة واحد شوي حتى تم هابط صهيب باس راسها وصبح عليها وتبعو يوسف حتى هو ...كلسو بداو يفطرو ...شوي ... يوسف : احم الوليدة قولي ليا عندك نمرة عمي ؟ نجود : سي مصطفى ؟ لا اولدي لاش بغيتوها ... صهيب : قاليها بالي بغاو يديرو دورة وزيارة ليه واشنو ناويين ... نجود : اييه فكرة مزيانة الله يرضي عليكم واكن راه موحال يبغي مكيبغيش حتى لحاج الي كيقطر ليه من العينين وكيحتارمو بقا غير نتوما ... يوسف : حنا مغانحطوهش فداك الموقف عارفين شنو غانديرو فينا ميمشي ولكن خاص نعلموه باش يكون تما مجاتش ندخلو حنا رجال على الميمة وحدها ... نجود : متديونيش معاكم نبقا معاها تانا شي ايامات بينما كملتو بغيت تانا نبدل الجو اولدي غانبقا وحدي ...الى بغيتو منصدعكمش .. صهيب : تشا را ندبح هذا الي غايقوليك لا تي نديك انا ومنخلي الي يديك ... الياس : هاويلي تي شتتقولي تي بلاصتك القدام حدايا من غانسوق العشيرة ... يوسف : تي نديرو صهيب فالكوف ونتي بلاصتك القدام متخميش الله اودي ... نجود : الاه يرضي عليكم هههه خليوني معاها وضورو تتشبعو ورجعو باش نرجعو فحالنا ... صهيب "خبط طابلة " : تا برب الى الوليدة تتفهمني عارفاني باغا نقنت شي خوينزة اححح تنبغيك اميمتي .. نجود"خنزرت فيه " : الله يمسخك السلگوط كون تحشم الياس ويوسف دارو ايديهم على عينيهم وفمهم حابسين ضحكة ... صهيب : دابا منين غانضبرو فالنمرة ... نجود : نعيط لبنتي يامنة تعطيها لينا ساهلة ... الياس / الى خليتينا نموتو عزاب ... يوسف : شنو سميت دوار الي فين كاينين ؟ صهيب : دوار المصاصط هههههه الياس : 🤣🤣🤣🤣 نجود : خرجتي ليا من جناب يا هاد البرهوش ... خلاها فالكوزينة وخرج هز الفيستة دار الفردي ورا ضهرو لصقو مزيان حتى فيكساه ...ولبس الفيستة وخرج ركب فطوموبيل ،،طار حتى تهزت سيارة ...مشا طاير ...ركن سيارة ودخل الريسطو...طلع لفوق حتى لقاه واقف كيشير ليه ...توجه لعندو وجلس نيشان دار رجل فوق رجل ...خرج الگارو من الباكية وشعلو ...بدا كيكمي ... ايلاف "مد ليه الملف " : وراق المدام ...كلشي تمام ... فؤاد "ساط الدخان " : مزياان .. ايلاف : الاسبوع جاي الحفلة بالتمام يوم السبت ... فؤاد "جاوبو براسو " ... ايلاف : شو رح تعمل ... فؤاد "شير ليه بايدو بمعنى فاش ؟ " ... ايلاف : المدام وين راح تبقى اذا كان الاجتماع ... فؤاد : لا رد ...كما الگارو حتى كماه وحطو فطفاية مطفاهش وهو يهز الملف وناض ... ايلاف : لك شو رح تعمل وين راح تبقى بالاوطيل ؟ البنت صغيرة عمرها سطاش سنة ... غير قال هاد الجملة وهو يضور فؤاد مع ضورة مع تخنزيرة لو كان قرطاس كان جابو ميت فالبلاصة ...عض على شواربو ومشا طاير لعندو شنق عليه قجقجو و هز داك الكارو طفاه ليه فضهر ايدو حتى غوت ...مكانوش ناس حيث ايلاف خذا داك الفوقي ليه باش يعطيه الملف بيناتهم ...اصلا الريسطو ديال ايلاف يعني الامر سهل عليه ....دفعو بجهد حتى تلاح ...ومشا مشربن ... بعد سويعات وكانت تقريبا وقيتة العصر ...تسمع صوت سيارة ديالو ...تحل الباب الكبير ودخل ودخلات وراه سيارة فيها زوج رجال من البوديكارد ومعاهم بنت شابة ...ركن سيار قدام الباب وخرج دخل لداخل اليفلا والبنت تابعاه هازا شكارة فايدها ... اول شيء دخل لمطبخ ملقاهاش وهو يضور لعند هاديك حبسها بايدو باش تبقى تسنى وطلع هو لبيتها بلا ميدق دخل كيقلب عليها ملقاهاش يلاه بغا يدخل لدوش يشوفها حتى تحل الباب وخرجات لابسة بينوار ودايرة فوطة على شعرها شاداها بايدها وكتشوف لتحت ...وشادا فالحايط ...غير شافت رجليه وهي تهز راسها فيه ...باقي فيها الما وحنيكاتها حمرين بسخونية ...ولكن المشكيل الاكبر هو ملي هزت فيه عينيها ....بذاك المنضر عينيه خرجهم ورفع حجبانو.... كانو عينيها منفوخين ومغمضيييين وحمرييييين ومنخرها حمرررر ... فؤاد "عينيه خرجو حتى شد ليها فكتافها " : شنو هادشي ؟؟؟ يامنة " خافت " : اا معرفتش كيضروني بزاف ودخلت عمت قلت غايتفشو والو اهى اهى كيضروني ...مبقيتش كنشوف مزيان اهى اهى ...كضهصص وتقلب فيه حتى شداتو فكتفو كيبان ليها ولكن ماشي مزيان عينيها تقريبا بغاو يتسدو ... هو كيقلب فيها وعينيه خارجين بانت ليه فداك المنضر تلف ...جرها وباسها فجبهتها وغفلها هزيها بين دراعو ...حتى حطها فوق ناموسية وخرج عيط لبنت الي كانت هي طبيبة حتى طلعت ودخلها لعندها ...حيد الفيستة والفردي حطهم فبيتو وخرج لعندهم طوا كمايم قميجتو وربع ايديه الي عروقهم مورمين … واقف كيشوف فيها كتفحصها ومخنزر وحجبانو معقودين ...تعصب حالها معجبوش ...تصرفاتها الي كدير وباش كتعبر على الالم كيخليوه يتجنن ...حتى فحصتها طبيبة ...وتقابلت معاه هضرات بروسية بلغاتو بالي عندها حساسية ربيع ولكن واحد اللقاح كيخرج من شي شجرة هو الي دار ليها هاد الاعراض كتبات ليه دوا وقالت ليه باش ضرب ليها شوكة ...ولكن خاصها توقف ... مشا لحداها وبدا كيقاد ليها فالبينوار ... فؤاد : وقفي ...مد ليها ايدو ... يامنة "وقفات وهي تقشع شوكة كتقاد فيها طبيبة ...بدات كتبكي وهي تزير على دراعو " : نننن اهى اهى عفاااك لااااا ... فؤاد "خنزر فيها " : شنو الي لا ؟؟ "بدا كيهز ليها فالبينوار وهي تبدا تبكي وتزير عليه ... يامنة : عفاااك الله يخلي ليك ماعز عليك كنخاف غادي تحرقني الله يخليك اننننن هى ... فؤاد "حط صبعو على فمو بمعنى ششش "... يامنة : واعععع اهى اهى الله يخلي ليك ما عز عليك "بغات تبدا تجذب " ...ندير ليك الي بغيتي الله يحفضك الله يخليك عمري مدرت ليك شي حاجة كنسمع ليك… الله يحفضك عفاااك كنموت منها كنمووووت والله مباقي نحك عينيها هانتا ندير الي كان غير شوكة ..."ميلات وجهها بحزن ومنضرها كيقطع فالقلب وهو غير مكيزيد يتزير ".... فؤاد " قربها لعندو وحط صبعو على حنكها كيدوزو عليه بحركة خفيييييييفة حتى بدات كتسكت وكتشوف فيه " : شش صافي صاافي ... يامنة"كتنين " : انن ع عفاك ... فؤاد " هز ليها وجهها بايدو وهبط بوجهو حتى لعند وجهها وقرب لشفايفها غمض عينيه وحط شفايفو عليهم ...حل فمو حتى خشا شفايفها بين شفايفو كيجررررررر فيهم بشوييييي ويعاود يجر ...ضور ايدو على ضهرها كيحك فيه ذهابا وايابا بحركة بورشتها ويحك ليها فيه ...كتهبط ليها دمعة كيلحسها ويدخلها مع البوسة ....معرفتش بالي كملات طبيبة ضربات ليها شوكة وحطات لوغدونونص وجمعات لوازمها وخرجات خلاتهم ...خدامين ... فؤاد "فصل القبلة وجرها عنقها وخشا وجهو فعنقها باسها فيه ..وهضر فوذنيها بصوت خشن خفييييف .": صافي سيري نعسي .... كاااالينكا كالينكا كالينكا مايا .... ‎توت صغير، توت صغير، توتي الصغير! ‎في الحديقة، توجد توتات عليق صغيرة، توتي العليق الصغير! ‎آه، الطفلة الجميلة، العذراء العزيز ‎أحبّيني! تووت صغير توت صغير .... توت صغير في شفتيك يا طفلتي الجميلة ...استخرج عسله من هاتين الورديتين الصغيرتين الممتلئتين ...جسد بالغة وعقل طفلة وسن مراهقة جميلة يا طفلتي يا زوجتي يا كاتيوشة قلبي ... ليل الليل وحلات الضلمة على البلاد ...منغامس في المكتب ديالو الي لتحت ...مقابل مع الماك ديالو بتخنزيرته المعلومة وغوباشتو الي كتصنع تجاعيد كثيرة بين حجبانو ...داير صباعو على لحيتو كيحك فيها ...ومركز مع شاشة قدامو ... هز ايدو حطها على ساعتو لقا الوقت قريب يصبح الحال مبقاش ليه بزاف ...طفا الماك وهز الفون ديالو وخرج من المكتب في طريقو مشا لمطبخ هز قرعة ديال لما وكاس ومشا طلع لفوق نيشان لبيت عندها ...ملي ضربات شوكة وهي ناعسة مجايبة لدنيا خبار ...كان خصها تبقا ناعسة باش عينيها يرتاحو من الاشعة ويساعدوها على انهم يتفشو دغيا ويرجعو لطبيعتهم .... حط لقرعة والكاس عند راسها ...شعل بضو تيليفون على وجهها حتى تاكد من عينيها بالي مزادوش تنفخو اكثر ...دوز بصبعو على حنكها حتى هبط لشفايفها ...بقا شحال كيشوف فيهم تفكيرو مستقر عليهم ...رجع غطاها وخرج من البيت مشا لبيتو يرتاح شوي .... اشرقت شمس يوم جديد ... عينيها بداو كيتفشو تدريجيا ...حلت عينيها وناضت من الفراش ...مشات لطواليط قضات حاجتها حست بشي حاجة هابطة منها وهي تمشي تاكد لقات بالي العادة الشهرية .... مشات لبلاكار الي فدوش حلاتو لقات فيه باكيات فوط صحية كانت سابقا لقاتهم وراتهم ليها الخدامة قبل متمشي باش عرفتهم ...جبدات فوطة حيدات الكيلوط ودارت واحد جديد فيه الفوطة صحية ولاخور صبناتو بايديها ..خرجات ومشات جبدات بيجامة سخونة شوي ... لوات عليها بينوارها وسداتو مزيااان كان بالقب هزاتو شوي على عنقها ...مشات لبسات تقيشرات فرجليها وخشات ايديها فجيابها ...فاش كتجيها كتحس بالبرد ....خرجات من البيت كيف خرجت لقاتو جاي ...لابس تيشرت كحل مكتوب بالبيض وسروال قطن بيض سليم عند رجلين .... فؤاد "جاي خاشي ايديه فجيابو كان جاي لعندها اصلا ...وصل لعندها ": مزيان ليوم ؟ يامنة "حادرة راسها مقدراش تشوف فيه " : همم ا اه مزيان ...خاشية ايديها فجيابها كتقفقف شوي "... فؤاد "قرب ليها حتى قرب هز ليها ذقنها بصبعو حتى تقابلت معاه ...مغوبش ومصغر عينيه فيها ...كانو عينيها بداو كيتفشو ..." : شوفي فيا ... يامنة "هزت فيه عينيها ".... فؤاد "باش يحضي عينيها واش تنفخو مشات عينو نيشان لون عينيها الاخضر والحمورية الي ضايرة بيهم ولمعة الي فيهم عطاهم جمالية من نوع خاص " : كيحرقوك ؟ يامنة : ا لاء ... فواد : شربتي دوا ؟ يامنة : اهاء حتى نهبط نفطر عاد نشربو ... فؤاد : لا كاين واحد قبل دخلي شربيه وجيبي معاك دوا وهبطي ... يامنة : وخاا ... فؤاد" بقا شاد ليها فذقنها وهو كيهضر وهي كتجاوب حتى بقا كيشوف فيها ...طبطب ليها على حنكها وهبط راسو حتى باسها فجبهتها ومشا هبط خلاها تجيب دوا وتبعو لتحت ..." ... مشا هو هبط لتحت لمطبخ وهي دخلات جابت ساشية ديال دوا الي كانت عند راسها ...والي جابها ليها فاش كانت غاطة في النوم العميييق ...هبطات لتحت ودخلات المطبخ ... كانت جايا على اساس توجد الفطور كيف العادة ولكن لقات المفاجئة !!! ...جالس على كرسي حاط رجل طاويها وحاطها فوق فخدو ..وطابلة فيها لفطور واجد وكلشي محطوط ... يامنة "كتشوف فالطابلة وكضور هنا وهنا مستغربة امتا تصايب هادشي وشكون صايبو لا يعقل يكون فؤاد هو اصلا مكلتو قليلة بقا غير يوجدو ههه " ... فؤاد "هز فيها عينيه " : شربتي دوا ؟ يامنة : اه شربتو ... فؤاد : فطري وشربي دوا لاخور ... لقات كاس ديال لحليب محطوط قدامها ...وهي تكوشر "خصرت سيفتها. " ...بدات كتاكل بشوي وتنقب والكاس ديال لحليب مقاستوش ...كان هو ناض لبالكون كيكمي باش يخرج دخان لبرا ...كملو ورحع لقا الكاس كما هو عليه ... فؤاد "شير ليها لكاس " : علاش مشربتيهش ؟ يامنة :"خصرات سيفتها " مبغيتوش وخا نشرب قهوة مخلطة ؟ فؤاد "خنزر فيها " : لاا شربيه ... يامنة "جمعت ايديها بترجي " : عفاااك منقدرش عليه ... فؤاد "خرج فيها عينيه ورفع حجبانو بمعنى هضرت منعاودش " : يلاه دااابا ... يامنة : وننن اااافففف ...محست غير بالخبطة ديال طابلة حتى طارت ونزلت ...اممنن فؤاد "مخنزر فيها " : اش درتي دابا ؟؟ يامنة "خلعها" : و والو والله مدرت شي حاجة ... فؤاد "عض فشفايفو ودار حركة بعينيه بمعنى منعاودش نسولك " يامنة : والله مدرت شي حاجة منفختش عليك اهى غير مبغيتش لحليب مكنقدرش نشربو دابا حتى لمرة اخرا غادي نتقياه عفاك ... فؤاد"بقا كيخنزر فيها وهي كتفتف شحاااال … خبط ايدو مع طابلة ثاني ....خبط طابلة خبطات متتالية وكل خبطة الطابلة كتقولي غاتقسم على زوج حتى كيتهزو الكيسان ويتسمع تقرقيبهم ... بجهد حتى غوتت ....ضرب ضورة وخرج من الكوزينة خلاها غاتموت فحوايجها " ... شافتو خرج بهاديك طريقة حست براسها فحال زادت فيه ... وهو تقلق وتعصب وهي تضغط على نفسها وتكات على داك الكاس ديال لحليب شرباتو بزز من خاطرها ... وهي تمشي شربات دوا الي محطوط ليها فالساشية ...وناضت وقفات ...جمعات داكشي الي محطوط وجمعات دنيا حطتهم غير تما ريتما يتحلو عينيها مزيان وطلعات لفوق لبيت ديالها ...بقات شحال وهي جالسة بغات تمشي عندو ومتمشي وخافت من ردة الفعل ديالو ...يلاه غاتخرج حتى تحل الباب بجهد ودخل مبدل حوايجو ومخنزر ..... فؤاد "كيهضر ومكيشوفش فيها " : متخرجيش لبرا جردة ومطليش من بيتك حتى نجي ...سمعتيني ؟؟؟؟ يامنة "كتجاوبو براسها " : اننمم واخا ... فؤاد "قرب حتى قرب لعندها هز صبعو بغا يتحلف ...عض فشفايفو بجهد حتى بغا تسقط منهم دم ...ولا رجع ضار باش يخرج حتى ... يامنة : سمح ليا نفخت عليك ... فؤاد "وقف ضور راسو مخنزر .." يامنة " حسات بيه تقلق نيت وهو عمرو خصر ليها خاطرها وخا صعيب ...وهي من عادتها كان باها الى تقلق كتبقى مقلقة حتى يرجع كيف كان معاها كتمشي تعنقو ولا تبوس ليه راسو حتى كيرضى عليها وكان كيتقلق منها غير الى مشرباتش دوا او شي حاجة هي متقدرش عليها ولكن فمصلاحتها ....دلات شنايفها وهي تمشي تجري لعندو شداتو من ايدو وضارت لعندو " ... يامنة "كتشوف فيه بعينيها مدمعين ومدليا شنيفانها وشاداها تنخصيصة " : سمح ليا والله مقصدت نتافف عليك والحليب شربتو والله تا شربتو مكدبتش عليك ... فؤاد "مخنزر ومكيشوفش فيها ..." : مزيان ... يامنة "حدرت عينيها وهي تحيد من قدامو " ... فؤاد " بقا واقف شحاااال وهو يرجع ضار لعندها " : : شربي دواك وديري شنو قلت ليك ضد مكنبغيهش بقاي كيما نتي احسن ليك ...مغايخصك خير ...... يامنة : وااخا .. خرج من البيت وخلاها وهبط ... هبط من عندها مشا خرج من الفيلا وركب فطوموبيل ...كسيرا نيشان الوجهة فين غادي ...كان مزير مع اقتراب موعد الحفل المقام بتل ابيب واقتراب موعد عقد اكبر صفقة مهمة عندهم ...والي الغرض منها غادي يبان فالاجتماع ...والي هو الغرض بيه يعجبو شنو فيها وينالو رضى ديالو هو لغرض هاد الصفقة والي غايتكشف عليها اثناء الاجتماع ... خدا طريق طااااير طوموبيل كتهز ...كان معصب وزاد ...اعدى حاجة عند فؤاد رمسيس هي شي حد يرد عليه الهضرة يتافف ولا يغوت عليه ...فشي حد كان اخرتو جابها او جندخو ميعقلش عليه ولا يعقل على دقة فين جاتو ...كل مكيتفكر كيزيد يتنيرفا وسرعتو كتزيد ....بقا غادي منير حتى وصل لواحد الفيلا بعيدة على موسكو باميال ...من بعد ساعتين وهو فطريق عاد وصل .... كانت فيلا صغيرة شوي ...ديال واحد من رجال المافيا واحد الرؤوس الكبار في روسيا ...دخل عند الباب حلو ليه قبل ميوصل ...دخل طاير فرانا بجهد حتى ضارو رجال الي تما كيشوفو ... خرج من سيارة ...لاح الگارو الي جاي كيكمي فيه سيجارة تابعة لاخرا ...ودخل ... لقاهم مجموعين كيتسناو فيه وهو مجاهم حتااااا قالها ليه راس راسو ...حتى اطمان على يامنة وتاكد عليها عاد خذا طريق ... جيفيتوف "شرع ايديه " : اوو علاش تعطلتي اولدي ... فؤاد "مخنزر كون لقا يفرشخ شي حد وراه يتسنى هذا الي غاتحفى ليه جرية ويجي فطريقو " : لا رد ... ايلاف "عرفو ماشي تالتم مهضرررررش وخا عاد كلا سلخة منو وملاموش حيث عارفو عائلتو ومرتو شي حاجة مقدسة ميدخل فيها حد " ...: نبداو... كانو هما خمسة ديال رجال ...جيفيتوف روسيا ...واحد اسمو سامويل من كلومبيا ولاخو من ايطاليا اسمو روبيرتو ...كلهم رجال كبار فالسن الا فؤاد وروبيرتو وايلاف ...وروبيرتو اصغرهم ... تطلق داطاشو ...وبان الغرض ديال صفقة ولي غايتكشف عليه مورا الحفلة ... جيفيتوف : كاينة حفلة شرفية هي اللولة بتنضيم ديال شمعون فرتهايمر عاد من وراها الاجتماع الي غايكون فالعنوان الي غايعطينا ... والحفلة الثانية الي غانضمها انا غاتكون من ورا الاجتماع سري وعليه غادي نعطيو تاريخ استلام السلعة ... متافقين ؟ كلشي قال اه الا فؤاد غير مخنزر وحاضيهم ... روبيرتو : المهم يكون داكشي هو هذاك ... جيفيتوف : راه شمعون هذا طبعا غايكون هو هذاك ... فؤاد " كيسوس فوق فخادو بصباعو " : المهم يعجبني ماشي شغلي فهذا الي نتا عندك هو كلشي ... روبيرتو : شمعون منقدروش نقولو ليه لا معجبناش حيث اصلا هو غايجيب الصح ... فؤاد : نتاا هضر عليك نتا ... روبيرتو : فؤاد صحبي تهدن حتى يدوز كلشي مزيان هادشي را مهم عندنا اكبر صفقة غادوز فتاريخ ومسالة انك تعامل مع شمعون راه اكبر شرف لين...مزال مكملش هضرتو حتى لقا فؤاد عند كمارتو ....حط صباعو زوج على قرجوطتو ورررك عليهم ...حتى ناضو لوخرين وقفو ... فؤاد "رااااسو سخن ...عاض على سنانو حتى كيبان راسو كيفيبري " : ش ررررف ليك نتاااا ...تعجبني مزيااان متعجبنيش ممزيانش ليه هو ... روبيرتو : اكخكخ كخكخ ص ص صافي اصحبي تهدن ...اووه... فؤاد "بقا موررررك عليه حتى كانت روحو غاتخرج ...عدوووه ليهود وزادو كملو عليه بالقيمة الي عاطينها لهاد الشخص الي هو ممسوقش ليه ولا معتابرو ...دفعو بجهد وهو ينوض تم غادي ...حتى تبعو ايلاف لبرا ..." ... ايلاف : فؤاد ... فؤاد "هز ايدو باش يوقف " : نشوفك لهيه "على تل ابيب " ... ركب فسيارة وانطالق طاير بيها لوجهة لفيلا ...رجع معصب باغي غير معامن ...مسافة طريق حتى كان رجع لفيلا ودخل ...طلع نيشان لفوق لبيتو ...مشربن صدرو كيطلع وينزل ...في حالتو لو جا اي شخص قدامو يفرتك ليه راس ...وفي حالة شي حد رد عليه الهضرة او وقع الي دارت ليه يامنة مغايعقلش حتى يلقا راسو خلطها ولا خبطها مع شي حايط ولا فلارض ...جمع راسو وحاول يضبط اعصابو حيث عرفها انها ماشي من نوع الي كيقلل الادب ونضرا لسنها وشخضيتها ...راه معجزة وتساهل معاها ...وهذا ان دل عن شيء فانه يدل على انها امتالكات اعصابو هما لولين واصبح كيدير ليها حساب .... دخل حيد حوايجو ودخل تحت رشاشة هابط منها ما باااارد ...حس براسو سخن بزاااف ...دوش وخرج لوا عليه فوطة لتحت ...مسح وجهو وراسو بالما ...شوي حتى ضور وجهو تفكرها ...خرج حفيان وهكاك لاوي على نصو الفوطة وجاي كيمسح حتى دخل عليها البيت ...ملقاهاش وهو يدخل لدوش كانت عاد داخلة ل دوش باش تبدل فوطة صحية يلاه غاتجبد من البلاكار حتى دخل عليها وبالخلعة والحشمة دخلاتها وسدت بجهد حتى غوبش ... فؤاد "رفع حجبانو وخنزر " : شنو داكشي ؟؟؟ يامنة "بدات تمتم " : والو والو والو ....ماشي ديالي 😳... من صفات طبعها انها جد خجولة فهاد المواضيع وكيف معروف على البنت المغربية ديال زمان ...فاش كتجيها العادة شهرية كتكون فخبار غير امها او اي شخص من جنس النساء ...والى قالتها لراجل وخاصة باها او خوها ...تربات على حشومة وعيب يعرفوك فيك العادة ... فؤاد "خنزر فيها حتى ولات تفتف ...مشا لعندها وهو يمد ايدو لبلاصة فين خشاتها حل البلاكار حتى بان ليه الفوط الصحية ...سدو وضار لعندها لقا وجها ولا بيض وحادرة راسها " : كليتي شي حاجة ؟ يامنة "جاوباتو براسها بنعم " ... فؤاد "تكا ايدو على لحايط ودار رجل على رجل مكالي " : هزي راسك شوفي فيا ... مقدراتش تهزو ...حتى هزو ليها بايدو ...قلب ليها عينيها وطمان عليهم ... فؤاد : كملي شنو كديري... خرج خلاها غارقة فحوايجها ...مشا هو لبيتو لبس حوايج باش كيبقى فالدار ...معندوش مع كترة الحوايج ...لبس بيل صماطي وشورط وخرج ...هبط لتحت مشا لمكتب ديالو ...اما هي فا كيف خلاها مشات بدلات وطرفت حالتها وخرجات زادت عليها بينوار سخن من لاخور وتلوات فيه ...وهبطات لتحت دخلت لمطبخ تشوف شنو دير ...حتى قررات تصاوب عشا خفيف دغيا ...شوي وهو يتم داخل ... فؤاد : كتحسي ب شي حاجة ؟ يامنة "ضارت لعندو " : لا مفيا والو .. فؤاد "عض طرف شفايفو مصغر عينيه فيها بانت ليه مرة مرة كتحاول تغمض عينيها ...يعني وجع العادة بدا ...زاد تعصب من نهار حطت رجليها فهاد البلاد وهي كتعاني وصابرة عمرها تشكات ...صبورة لواحد درجة فشكل..." : مديري والو اجي معايا ... يامنة : فين ... شاف فيها وهي تحدر راسها ومشات لعندو ...سبقها وهي تبعو حتى دخلها لصالون وشير ليها باش تجلس فوق الفوطوي الي تما شعل ل LED ...هز الماك ديالو دخل ليه وهي عطاها ريمونت باش تبقى تبدل وتفرج ... يامنة "ببرائة " : والعشاا ؟ فؤاد "كيطابي فالماك " : مجاوبهاش ... ضارت كتفرج واحد ساعة تقريبا ...حتى دق الباب ودخلو ليه الماكلة ...هزها فبلاستيكات ودخلها حطها فوق طابلة الي تما ... حيد منهم داكشي وحط ليها بيتزا والموناضة ... يامنة "بفرحة " : بيييتزااا 😍😍...شكرا ... من بعد ما حط داكشي وقادو ليها ...تلاح فوق الفوطوي وهز الماك ديالو حط المخدة تحت باطو والماك فوق مخدة اخرى محطوطة فوق فخادو ... فؤاد "شاف فيها كتهز فالبيتزا ...هز ايدو وحطها على شعرها عنكشو ليها ..." وضار خدام فالماك ...خلاها تا بدات تاكل مرة مرة كتشد تحت كرشها كضور كيبان ليها راه كيشوف فالماك وكتكمد كرشها ... جاها جوع رهيب وخا فيها الوجع ....كلات وشربات الموناضة ...وهي تجمع داكشي يلاه بغات تنوض باش تمشي لمطبخ تحط داكشي ودير ليها شي حاجة حتى ... فؤاد "كيشوف فالماك " : باقي كضرك كرشك ؟ يامنة "خرجات عينيها حتى بدات تكحب " : امم كحكح كحكح ..."جلسها وسد الماك وحطو فجنب حيد المخاد وتكحاز لعندها ..." ... فؤاد "بغات تبدا تحرك باش تنوض وهو يزيرها بايدو وقربها لعندو ضور ايديه على كتافها وجرها خشها فيه حط ايدو تحت كرشها وبدا يدلك ليها تما يدلك " يامنة : اكحكح اهم .. فؤاد : ششش ... يامنة "جاتها لبكية وهذا الله معاه " ... فكل مرة كطيح كتلقاه هو فجنبها ...فكل مرة كتحس براسها وحيدة كيكون هو السباق باش يحسسها بالي ماشي بوحدها وبالي معاها راجل يعول عليه راجل الي كيخافو منو رحال جات يامنة ولا كبان فعلا سيد رجال ونعت سيد رجال يستحقه وعن جدارة واستحقاق ... ماحدها مزيانة معاه ماحدو كيعاملها كملكة فدارو ... دازت الايام ورجع تشغل عليها ...حتى وصل اليوم الي غادي تحط فيه يامنة ثاني رحلة ليها وهاد المرة فبلاد واغرب بلاد واكثر بلاد نايض عليها صداع داخليا وخارجيا من كل انحاء العالم ... ...اسرائيل وبالضبط تل ابيب ...وااه من تل ابيب .... يااامنة يامنة ياا يامنة ....الطفلة الصغيرة الي حكم عليها القدر تربط برباط عائلي كلل بالزواج ...حكم عليها القدر انها تزوج فسن صغيرة بولد عمها ...الشاب الطموح الصنديد الصعب المراس والمزاج ...القدر الي حكم عليها تخرج من دوارهم الي تربات فيه وتربات وسط ناسو لمدينة اخرا غيييير وبعيدة بكلمترات على بلادها ....وتحط رحالها بمدينة ازرو ...لتبدا رحلتها الثانية والي استقرات فيها ...وهي بلاد روس ... شكون قال غادي تلاح هاد لوحة ...ولو مكان الشخص الي تزوجات بيه معندوش مواصفات فؤاد ؟ لو كان شخص اخر ؟ ...تواحد فينا معارف شنو مخبي ليه الله وكل حاجة مخبية لينا الا وفيها حكمة بااالغة من عندو سبحانه جل جلاله .... بعد استقرارها في بلاد الروس الي بعيدة كل البعد على المجتمع الي عاشت فيه وحتى بدات كتولف هاهي غادي تسافر سفر مؤقت لبلاد اخرا ...والي معارفاش فيها تاحد !! ... فاش فاقت من نعاس وكيف عادتها بدلات وطرفت حالتها ...حتى تحل الباب ودخل بلباس الرياضة الصباحية الي كان كيقوم بيها في الصباح الباكر ...دخل لقاها عاد خارجة ... يامنة "بابتسامة " : صباح الخير ... فؤاد "قرب ليها لقا عينيها ولاو طبيعيين تماما وحالتها مزيانة اسبوع وهي مداومة على دواء وهو مراقب حالتها رغم انشغالو " : لبسي حوايج الخروج ووجدي شي حاجة متدي معاك ... يامنة : غادي نخرجو ؟ فؤاد : تت غادي نسافرو يومين ونرجعو .. يامنة : وااخا واش غايكون البرد باش ندير بالحساب .... فؤاد " تم غادي ضاير ونطق " : هما الي غايديرو بالحساب ..."خرج من البيت وخلاها كتشوف مفهمت والو " ... مشا هو البيت دخل لدوش نيشان حيد حوايجو ودخل طلق عليه رشاشة ...هابط الما داااافي على الجسم صلب ديالو الي شوفك فيه يقشعر لها البدن ...مابين عنقو وكتافو كاين تورم ...هابط الما على شعرو الي محسنو تقريبا كلو ...مرورا بعينين نسر الي عندو ...حجبانو ديما معقودين وخنزر كثير شي الى كان كيفكر وشي حاجة كتعصبو شاغلة بالو ... صدر عريض وكتاف عراض ...قليل فين كيبتاسم ...اما ضحك عندو ممنوع سنانو كيبانو غير لا عض عليهم ولا تجنن ...غيرته على عرضه وشرفه اعصار ...دغيا كيفور ...عندو نيشان ومفيش ياما ارحميني ...رجل شرقي في زمن اصبح فيه الرجال معدودين ... كيهبط ليه الما على جسمو ...متكي بايديه على الحايط ...مغوبش كيفكر فالسفرية ...معندوش سوق فاشنو كاين واش غايوقع ولكن اهتمامو وتفكيرو في شخص الي انضاف ليه كفرد جديد معاه فمضطر انه ياخذها معاه حاليا ولفترة مؤقتة في سفرياته ... كمل دوش وخرج نشف راسو وجسمو كامل لوا على نصو الفوطة تقابل مع مرياة لافابو ...جبد من البلاكار ديودرنت رشها عليه ....قلب لحيتو واش خاصها تحسن كانت هي هاديك حكها بايدو وسد البلاكار وخرج ...لبس حوايجو .. قميجة فالابيض وسروال فصالة كحل ...لبسهم وعقد صدايف القميجة ...جبد من المجر صمطة ديال سروال خشاها وضورها وسدها ...جبد ساعة اليد ديالو سواتش جلد اسود ...قادها ومشا لكوافوز جبد جيل دوزو على شعرو وخا محسنو مزيان ... قبل ميلبس صباطو هز واحد الفاليز عندو فالبيت خرج مشا لبيت عندها لقاها لبسات ...كانت لابسة سروال دجين وفوق منو توينكة طويلة فالبوردو ... فؤاد "طلعها وهبطها " : حلي هادي (الفاليز ) وهزي منها داكشي هو الي غاتلبسي ملي تكوني خارجة ...حطها ليها فوق ناموسية وضار خرج مشات حلتها وهزت منها ماتلبس لقات فيها جليلبات مطويين ومعاهم زوج قفاطن ...هزت وحدة منهم حلتها كانت فالبيج مطروزة بالصم نحاسي ...ومعاهم كولونات وبوديات ...والمشكيل ماشي هنا المشكيل هو جلابة عريضة شوي ههههه بقات غير كتشوف وتقلب مصدومة ...معرفتش منين جابهم ويكفاش عرف قياسها وكيدار تا جابهم ...الي عارفة انه خاصها تلبس وتوجد قبل ميجي يخنزر وتخرا فحوايجها غا من تخنزيرة ...هزت جلابة لولة الي حلات ...حيدت هادوك الحوايج ولبسات بودي وكولون كانو سخان ...عاد لبست جلابة ومشات طلقات شعرها جمعت خصلات لورانيين ...عاد لبسات صباط موكاسان كان عندها اصلا فلون جلابة ...طلات فالمراية ..عجباتها وخا عريضة شوي ولكن رغم ذلك جليليبة رويقية وزوينة وكتلبسيها كتباني محترمة ههه ...هزت صاك فالمارون ...كيتلبس طويل فجنب ... دارت فيه الفون ولوازم واتخوس ديال لوازم الاخرا مكياج وتخربيق وريحة الي جاب ليها قبل متخشيها رشات منها وجدات كلشي وجلسات كتسنا فيه شوي ...حتى دخل اول شيء ... فؤاد "كيلعب بشفايفو مطلع حاجب ومنزل لاخور زعما بغا يبدا يدير فسكانير " : وقفي ... يامنة "وقفات ...وجا حتى لعندها كيشوف فيها عارف راسو اش جايب ولكن مسالة توقف عندو هو فيها حاجات اخرا ممكن انبهار اعجاب…شوف هو اش عندو " ... فؤاد : لوي شال على عنقك وهبطي ...كان هو لبس فيستة على داكشي الي لابس ومقاد ووجد ...هبط لتحت سبقها وخرج لعند باب الفيلا ...جبد السيجارة وبدا يكمي ...من بعد ما جر جرة حط سيجارة بين صباعو ودار ايديه على خصرو ...ايد حطها على لفردي قاسو ...هز عينيه كيشوف بعييييد هنا وهنا ...حتى طلعات معاه ريحتها ...لقا راسو بدون ميحس ضاير لعندها .... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM