قصة المزحة #الجزء 82 : من بعد ماوافقات خرجو باش يكملو لمشاور ديالهم او بالاحرى ديال باتريك اما جودي غير مكًدمة معاه ماعارفة فين غادي بيها, عيط ليه ارثر في طريق باتريك: جودي سبقيني لطوموبيل غادي نجاوب على هاد الاتصال و انا معاه جودي: اوكي ارثر: فينك ا صاحبي؟ باتريك: كنت باغي نعيط ليك نيت عندي شي حويج ضروريين اصلا غادي ندوز عندك لدار و نعاود ليك, تقدر تمشي نتا لهدمة راه مانقدرش نجي ليوم حتى نتلاقاو في دار. ارثر: اصلا انا في الخدمة, و فاش جيت مالقيتكش داكشي علاش عيطت عليك, صافي سير حتى نتلاقاو عندي عشية. قطع عليه و مشى ركب في طوموبيل جودي: ماغاديش تقول ليا فين غادين مازال؟ باتريك: اوكي انقول ليك, اول حاجة غادي نمشيو باش نفسخو العقد ديال الكراء , و نهزو لحويج و نجيبوهم هنا و نمشيو نتقداو داكشي لي خاص لدار راه البنات ماشي كيف الدراري طبعا غادي يكون ناقص بزاااف اشياء في الشقة و من تما غادي ندوزو عند ارثر باش تشوفي ايلاف. وافقات بلاما تزيد تجاحد معاه و داكشي لي دارو دوز صباح كامل غير في هز و حط غير كملو و دازو لسوبر مارشي. باتريك: ليوم عشت معاك احساس اخر جودي كانت سابقاه كتقلب و هو كان وراها بكروسة جارها حتى وقفات و ضارت عندو. جودي: اينا احساس؟ باتريك: احساس عائلي, بحال زوج مزوجين انا كنحس بلي وليت مسؤول عليك حتى نتي ماشي مسؤول غير على راسي و هذا احساس لا يقدر بثمن جودي حدها فين تبسمات و حدرات راسها اش عندها ماتقول ليه و حتى هي غير عايشة اللحظة اما عارفة بلي علاقتهم كيف الشمعة قد ما شعلات قد ما شمعة كذوب, علاقة مع اجنبي و فوق من هادشي من ديانات مختلفة فهذا هو السبب الرئيسي لي مخليها متشائمة من هاد العلاقة و كيف لا و هي عارفة بلي مايقدرش يسلم على قبلها و هو في مكان مرموق و معروف في مجتمعو و محيطو, و باش تنجح خاص واخد فيهم يميل لاخر يا هي تخلي ديانتها و تولي بحالي و لي هي من سابع المستحيلات انها ديرها يا هي تجرو عندها و تخليه يحل عينيه و يكتاشف دين الحق و حتى هي متأكدة بلي ماغاديش يديرها داكشي علاش كتستمتع بالحاضر و مابغاتش تفكر في المستقبل, باتريك شافها صقلا مابغاش يزيد يخرجها و كملو التقضية و رجعو لدار قادو داكشي كامل و شدو طريق لعند ارثر و ايلاف. جودي غير دخلات عند ايلاف تلاحت عليها عنقاتها ايلاف: زعما غير من لبارح توحشتيني بحال هاكا جودي: لهلا يوريك, عمري كن تشوفي شحال كنت محتاجاك لبارح. ايلاف: مالكي؟ ماعجبتينيش اش طرا؟ جودي بحال هاد السؤال هو لي كانت كتسنى باش طلق العنان لدموعها و بدات كتعاود ليها من لول حتى دابا و مع كل حدث كتقولو ليها ايلاف كتشهق ماكملات ليها الهضرة حتى يزوجهم كانو دموعهم واصلين لدقنهم ايلاف عنقاتها و زيرات عليها: الله يا ربي الله طرا ليك هادشي كامل و انا ماجايبة لدنيا خبار كالسة مجبدة هنا ناعسة و نتي كنتي كتعذبي بوحدك, نتي امانة عندي و انا لي مسؤولة عليك هنا ماجايبة ليك خبار كن طرات ليك شي حاجة انا سباب عمري كنت انسامح راسي , انا لي خليتك بوحدك و جايا نضحك هنا و نتي كتبكي تم جودي: صافب اختي ها انا ماطرا والو , جاب الله باتريك جا في الوقت المناسب و بقى معايا و شحال و هو كيحاول ينسي فيا و انا مابغيتش نزيدها عليه الوقت كامل و كنضحك معاك و درت بلي نسيت و لكن ماعالم بيا غير الله. ايلاف: سمحي ليا اختي, سمحي ليا بزاف جودي: ماطرا والو دابا, كنحمد الله و نشكرو و شي لاخر ايدوز. ايلاف: ماغادي يدوز والو انا غادي نمشي معاك مستحيل نخليك مازال بحدك جودي: ماعندك فين تمشي كلسي هنا و نتي عارفة بلي راكي هنا حيتاش ماكين شكون لي يحديك تما. ايلاف: تفو تفو كرهت راسي و كرهت هاد الهرسة و كرهت السبب لي خلاني بحال هاكا كن راني كنت معاك و انا هنا عاجزة مانقدر ندير والو حتى باش نبقى معاك دابا و نكون ز نوقف معاك ماعندي ليك جهد جودي: اتسغفري الله, ماتقوليش بحال هاكا هادشي كامل مكتاب و الخير فما اختاره الله ايلاف: و نعمة بالله , استغفر الله و لكن مانقدر نبقى هاكا , يا نمي معاك يا تجي تكلسي معايا جودي: لااا هي لي ماغاديش تكون نتي ضيفة و نزيد علبك حتى انا ايلاف: بغاني نكون ضيفة انجيب معايا لي بغيت و الا مابغاش يخليني نوض نمشي فحالي جودي: عافاك ماتزيديش عليا, هادشي علاش مابغيتش نعلمك و نزيدك نبرزطي معايا ايلاف: صافي صافي ها انا ساكتة. بقات جودي ساهية ايلاف: فين ساهية ؟ جودي: في باتريك و ماماه و هضرتهم عاودات ليها على داكشي كامل لي حاسة بيه و لي ديجا ذكرتو ليكم. ايلاف: اودي كلنا في الهوا سوا غير نتي اعتارف ليك و كلشي باين و لكن ماتعرفي بقاي تهضري ليه مرة مرة على الاسلام و كل مرة لوحي ليه شي نوطة و نتي غادي تشوفي ردة فعلو و غادي تحكمي ديك الساعة بان ليك متقبل الفكرة فاتحيه في الموضوع و لوحي ليه الكرة. جودي: داكشي لي غادي ندير , صراحة قبل عمري فكرت بحال هاكا و كنت كنقول عطيتو فرصة و صافي و حتى الا ماصدقش فالله يعاون و لكن بعد البلان ديال البارح وليت متشبتة بيه لدرجة عمري نتصورها و الامان لي حسيت بيه معاه في شكل مانقدرش نوصفو ليك, واش كنبغيه لا وليت شي حاجة كثر من هاكا حيتاش فعلا يستاحق و كنت واخدا عليه فكرة في شكل و لكن راه بصح تبدل, فكنطلب من الله يهديه لسراط المستقيم حيتاش بصح مانقدرش نفرقو مزال. ايلاف: باينة غير من اللمعة لي في عينيك و نتي كتهضري عليه. عاودات عنقاتها ايلاف: يكون خير و الله يكمل بالخير ديري لي عليك و ربي كبير........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM