قصة المزحة #الجزء 79 : جودي طلقات منو و بعدات عليه: لا لا ماغاديش نمشي معاك, انمشي لدار.... باتريك: جودي خايفة مني انا ؟ ن جودي: لا ماشي هاكاك و لكن و سكتات ماعرفات ماتقول باتريك: جودي تقدري تكذبي كلشي و لكن ثيقي بيا حاجة وحدة خاصك تكوني اكيدة منها ماعمرني نأذيك جودي: فين غادي نمشيو؟ باتريك: غادي ندوز لسبيطار هو لول عاد نمشيو لدار جودي: ماماك نسيتها, صافي غير ديني لدار و سير باتريك: مستحيل نعاود نخليك مازال بحدك [~مافكراتكم هاد الجملة فحتى حاجة؟ ~] تحركو ماوقفو حتال قدام السبيطار يالاه سكت طوموبيل و هي تشد فيه ضراعو جودي: ماتخلينيش هنا بوحدي باتريك شد حناكها بين يديه: جودي ماتخافيش و قلت ليك ماغاديش نخليك مازال بحدك, يالاه هبطي معايا. نزل و ضار عندها و فاش نزلات شد ليها في يديها. مشاو حتى وقف قدام الغرفة و هي حاولات تحيد يديها منو جودي: حشومة ندخل معاك باتريك تبسم و زاد زير ليها على يديها باش ماطلقش منو: لا غادي دخلي معايا ياك قلت ليك ماغاديش نخليك مازال. دخلو لغرفة كانت مو ناعسة و باه كالس في كرسي مقابل معاها و شاد في يديها ماماه بصوت تعبان: باتريك حبيبي باتريك: ماما (في خاطر طمطم) مشا حداها و باسها من حنكها باتريك: كيبقيتي ماماه: بخير ا حبيبي, شكون هادي لي معاك؟ باتريك: نسيت ماعرفتكمش, هادي حبيبتي جودي, جودي ماما و بابا جودي: مشرفين باتريك: راها اجنبية داكشي علاش كنهضر غير انجليزية و شوية ديال المانية باباه: مرحبا ا بنتي ماماه: زيدي ا جودي اجي قربي حدايا. مشات جودي كلسات حداها باتريك: فين سميث؟ باباه: هبط لكافيتيريا باتريك: انا نهبط نشوفو ماماه: اه سير و دي معاك حتى باباك باتريك عاق بمو بغات تنفارد بجودي باباه: ماغاديش نخليك ماماه طبطبات يديه لي شاد بيها يديها: غير سير معاه جودي غوتات عليه و لكن بشوية: باتريك و دارت فيه شوفة ديال فين غادي جا عندها قدام مها و باها عادي و نزل حتال ودنيها: كوني هانيا دغيا و نجي ماتخافيش باش ليها راسها و خرج هو باه , و هادشي كامل طرا قدام نضرات مو. غير سدو الباب و هضرات جودي: كيبقيتي؟ اش طرا ليك؟ ماماه: انا بخير غير طونسيو صافي, خلينا مني و عاودي لي عليك جودي:عليا انا ؟ ماماه: اه حياتي كلها و باتريك كنشوف حياتو الخاصة غير في المجلات و اول مرة يعرفنا على شي وحدة جودي بقات غير ساكتة و كتفكر " يعني جابني هنا غير حيتاش كان مضطر و انا زدت عليه في صداعي اش نقول ليها دابا" ماماه: باينة نتي عندك مكانة خاصة في قلبو , ولدي بصح كيبغيك و جودي طبعا بقات ساكتة حدها فين كتبسم ليها في وجهها و حتى من ماماه مابغاتش تزيد تحرجها ماماه: غادي نطلب , ما تكسريش قلب ولدي حدها فين حركات ليها عينيها بمعنى اه. بقات كتعرف عليها شوية حتى دخلو و كان حتى خوه سميت. باتريك: كنت باغي نبقى معاك ا ماما و لكن ماخلاتوش يكمل ماماه: لا لا غير سيير , ها هو سميث و باباك هنا , غير سير انا اصلا وليت بخير باباه: غير سير و حتى سميت ايمشي عند مرتو و ولادو انا هنا مع ماماك. بقاو عليهم حتى جراو عليهم بزوج و بقاو غير باه و ماماه. اما باتريك و جودي كانو وصلو لدارو و هي ملي نزلات من طوموبيل و هي شادا فيه ماطلقاتش منو. باتريك: تاكلي شي حاجة؟ جودي: لا مابغيت والو باتريك: جودي غير ترخاي ماتخافي من والو هنا و مع ذالك ماطلقاتش منو و ماهضراتش باتريك: يالاه طلعي لبيت تنعسي مشاو لبيت و حطها فوق ناموسية و ناض و لكن بقات شاداه جودي: عافاك بقى معاها غير حتى نعس و سير باتريك: اوكي تكا و هي تكات على صدرو و بقى كيلعب ليها في شعرها حتى نعسات.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM