قصة المزحة #الجزء 78 : باش نفكركم ايلاف كاتوري لارثر الاكلات المغربية في تيليفون حتى هزات راسها ايلاف: ارثر نتفرجو في فيلم ؟!! ارثر: ها!! ايلاف: فيلم مابغيتيش؟ ارثر: لا بغيت غير سؤال مفاجئ جاني و صافي. ايلاف: اوكي يالاه ختار اينا فيلم؟ ارثر: لا غير ختاري نتي ذوقي مايعجبكش ايلاف: شنو ذوقك؟ ارثر: الافلام القدام , بيض و كحل ايلاف: صافي انا نختار هههه ارثر: اوكي انا نمشي نجيب ليك باش دوزي الوقت, دابا درتها في بالي بلي كتاكلي حتى بليل ايلاف: ههه شكلاط و شيبس عندي هنا (هزات ليه الصاك كتوريه) جيب غير بوب كورن و عافاك عيط ليا معاك على البنت ارثر: اوكي نزل و سيفط ليها الخدامة لي كتعاونها و طلب من لوخرى باش توجد ليهم الكًلية و تسناها حتى تكملها مع عرف بلي الخدامة غادي تعاونها فشي حاجة خاصة. و فعلا كانت بعات دخل لحمام عاوناتها و صلات و قادات حالتها عاد هزات البيسي. ارثر فاش البنت لي سيفط ليها نزلات عاد هز البوب كورن و طلع عندها. ارثر: ابنا فيلم ختاريتي؟ ايلاف: pride and prejudice 2005 ارثر: ديال مستر دارسي؟ ايلاف: وي هاداك مفرج فيه؟ ارثر: لا و لكن معروف كاين كتوبة من جميع اللغات و حتى فيلم كاين بزاف لي فيرسيو ايلاف: وي و راه عندي احسن فيلم داز في حياتي خلاص فيسيو 2005 ارثر: ايوا زيدي نتفرجو فيه كاس حداها و حطو البيسي في ديك الطابلة لي كتكون في جنب الناموسية و الماكلة حطوها قدامهم. [~ بنات هاد الفيلم راه احسن فيلم عندي و راخ القصة معروفة و بصح كاين فيرسو هندي و تركي و ميريكاني و بريطاني و كاين على شكل مسرحية و كتب زوين بزاف و ديال 2005 هو طوب عندي و رومانسي بزاف و لكن مافيه حتى لقطة خايبة وااالو زعما غير تفرجو فيه على حسابي~] بقاو كيتفرجو و مع هي معاوداه شي 50 مرة حافضاه ماخلاتوش مسكين يتفرج على خاطرو ايلاف: شوف شوف هاد اللقطة خطيرة -نااري هاد البلاصة واعرة -شفتي كيف دار ليها بقات عليه على عصباتو حبسو و ضار عندها ارثر: عاودي ليا نتي كاع, لاما نتفرجو حنا ايلاف: و غير سمح ليا و صافي مانبقاش نعاود ارثر: ههه ها حنا انشوفو. بقاو كيتفرجو و هي ضربات الطم صافي ماعاوداتش هضرات حتى طاح ليها راسها لجيهة لوخرى و عرفها نعسات قاد ليها راسها و حيد داكشي من حداها و زاد غطاها و خرج و خلاها. ركبات جودي مع باتريك و طريق كاملة و هي ساكتة مانطقات بحتى كلمة فاش وصلو لمغفر دخل معاها و لكن فاش عطيو ليها باش دخل لبيرو باش تعطي افادة ديالها ناض بزوج باش يدخلو حتى وقفو البوليسي البوليسي: خاصها دخل بوحدها جودي شدان غي يديه: باتريك عفاك ماتخيلينش يالاه دخل معايا باتريك زاد زيد ليها على يديها: انا معاه ناغاديش نخليك. و ضار هضر مع البوليسي باتريك: راه حتى انا كنت حاضر و حتى انا غادي نعطي الافادة البوليسي: تسناو هنا نسول رجعو كلسو في الكرسي كيسناو و عندها من كتافها و حطها على صدرو باتريك: ماتخافيش ,انا معاك ماغادي نخلي مازال حتى حاجة ضرك. هي بقات ساكتة ماهضراتش. حتى خرج البوليسي و سمح ليهم باش يدخلو, عطاو الافادة ديالهم و خرجو.... ركبو في طوموبيل و قبل مايتحركو نطق باتريك: مانقدرش نخليك مازال في دار بحدك, غادي نديك عند ايلاف جودي: لا لا مانقدرش نمشي عندها و تشوفني بهاد الحالة باتريك: ماغاديش تعلميها جودي: غادي نقولها ليها و لكن ماشي دابا مافيا لي يبقى يهضر و نعاود اش طرا, عيييت و مابغيتهاش تشوفني بحال هاكا و هي بركة عليها حالتها و بدات تبكي حيتاش فعلا حسات بالحكرة بما انهم بحدهم بنات غي الغربة و الشاف لقاها لقمة ساهلة بغى ياكلها و عاد زيد ايلاف لي مهرسة و ماكتحركش من بلاصتها و حتى دارهم مافراسهاش و زيدو على ان محاولة اغتصاب كتأثر على النفسية, عنقها باتريك و كيسكت فيها باتريك: صافي بركة عليك من البكا, صافي ماغاديش نديك عندها, غادي تمشي معايا. جودي طلقات منو و بعدات عليه: لا لا ماغاديش نمشي معاك, انمشي لدار.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM