قصة المزحة #الجزء 69 : دوزو نهار كامل عند ارثر , هاد الاخير لي كانت حياتو هادئة و مولف ديما بوحدو و حتى فاش كيكون في شي علاقة مع شي وحدة ماكيضلش معاها نهار و ماطال, حتى جات ايلاف و جات بعجاتها,دارو ولات تنغل و لكن سرو هو لي بغى, بقاو بربعة بيهم كالسي في فوطويات قدام شيميني خلاص مع البرد و فاش طاح الثلج فهاداك هو الجو المثالي لي بحال هاد الكلسات, ماخلاو فاش هضرو, جودي لي بقات مع ايلاف حتى نعسات عاد نزلات كلسات معاهم بقاو مجمعين حتى جات الخدامة عند ارثر و ناض معاها الكوزينة, خلا عنوب و جودي كالسين حدا بعضياتهم و مع الكلسة جو رومانسي صافي كملات, و بقى حتى سامي و لكن كان بعيد عليهم في فوطوي لاخر. سامي: نتوما كوبل؟! سؤال كان مفاجئ ليهم طبعا ليهم و لكن المفاجاءة كانت فاش جاوبو. جودي: لا باتريك: اه سامي: دابا اه و لا لا ؟!! باتريك: لا جودي: اه سامي: هههههه صافي فهمت باتريك: قلتي اه ا جودي جودي: و نتا قلتي لا باتريك: انا غير تبعت هضرتك جودي: و حتى انا غير تبعت هضرتك. سامي: و انا ندمت علاش سولت ههه جودي: لا ماتفهمش غلط , راه داكشي معقد حنا و باقي مافهمناش. سامي: راه باينة باتريك: داكشي علاش خاصنا نكلسو و نهضرو باش نفكو هادشي لي معقد كيف قلتي. جودي: اوف واخا واخا من بعد. بقاو كيتناكرو و سامي لي جبد ليهم صداع شد كتابو و كمل لقراية و كعما عبرهم. ارثر من بعد ما عيطات ليه الخدامة و علماتو بلي وجدات ليه بلاطو لايلاف ارثر: صافي انا غادي نديه ليها,نتزما غير كملو توجاد الطبلة بما كلات. طلع عندها و لقاها باقي ناعسة, حط بلاطو فوق الكوافوز و بدا يحيد ليها الشعر من وجهها و كيفيق فيها. ارثر: ايلافف, اييلاف كن كنت انا في بلاصتها عاد ماغاديش يزيد يجيني نعاس ههه خلاص مع كيهضر متبت صافي كملات. بقى عليها حتى فيقها. ايلاف: اش باغي راه يالاه بدا كيديني السها. ارثر: ماخاصكش تنعسي بزاف باش تقدري تنعسي بليل و اصلا راه ايا لساعة و نص باش نزلات جودي و قالت بلي راخ نعستي. ايلاف: كان جاني نعاس و لكن الحريق ماخلانيش, يالاه فاتي شوية و بديت نغمض ساعة خرجتي ليا من الجنب. ارثر: و غير نوضي كولي بعدا و نعسي. ايلاف: غير لقيتيني فيا جوع داكشي علاش ماغاديش نتزايد معاك في الهضرة. ارثر: يالاه غير كولي و من بعد و عيري كيف بغيتي. حط بلاطو فوق رجليه و يالاه عمر المعلقة و مدها ليها باش تحل فمها و تاكل و فعلا حلات فمها و لكن ماشي باش تاكل باش تهلل على سيد. ايلاف: ا زيين , راه رجلي لي مهرسة ماشي يدي, ارا ناكل راسي. وايني هاد خيتي خاصها قتلة العصى عاد باش تحس. و لكن خلاها حالا فمها كتغوت و هو لقاها من الحنة و الناس خشا ليها ديك المعلقة و سكتها بز منها, و من بعد جبد واحد طبيلة صغيوة من جنب الناموسية حط فيها بلاطو و ناض فحالو. ارثر: كولي دابا على خاطرك و سد الباب وراه و مشا نزل عندهم, تعشاو مجموعين و ناض عنوب باش يوصل جودي فحالها من بعد ماطلعات سلمات على ايلاف. و الجقلة تفركات, كل واحد مشا لبيتو باش ينعس صباح جديد و كل واحد كيف صبح. ارثر لي ناض ناشط و فرحان و كيف لا و هي قريبة ليها بيناتهم حيط و بزوههم تحت سقف واحد, فاق يدير سبور كيف العادة و الا كان الحو مثلج كيف دابا كيضطر يلعب سبور غير في صالة لي عندو, خرج و داز قدام بيتها و لكن مابغاش يبرزطها بحكم انه فايق بكري هبط لصال و طريني و داز لكوزينة وصى الخدامة على الفطور لي توجد و طلع دوش و لبس حويجو و مشى باش يفيقها و مع اسف تصدم فاش دخل لبيتها و لقى سامي ناعس معاها في نفس البيت. ارثر: ساامي!!! هاد الاخير لي ناعس على عين كًفاه فوق الفوطوي وقف مخلوع فاش سمع سميتو. سامي: ياك لاباس!! اما ايلاف ماكانتش حسن منو فاقت مقفوزة كثرو منو ايلاف: اشش طااري؟!! صباحتو لله ارثر: اش كيدير سامي هنا؟!! بايت فنفس البيت و سادين عليكم الباب. ايلاف لي عاد ردات لباب لسامي لي بات هنا و هي تفكر ليلة لي دوزات معات و هي على بالها بلي فاش نعسات غادي يمشي نعس في بيتو و واخا استغربات بغات تلعب لارثر على اعصابو.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM