قصة المزحة #الجزء 46 : ارثر: بينغو, يعني هي لي معلومة بالامر و انا و ياها قادرين نحلو المشكل بيناتنا ماكاين لاش تكون هاد الحساسية من الاحسن, باتريك انا انتسناك برة خرج و لقى شيفور برا كيتسناه ارثر: اش درتي في داكشي لي قلت ليك؟ شيفور: سولت ا سيدي ساعة مع الاسف ماليقيت والو ارثر: والو ؟!! ماكاين لا في هاد العمارة لا في العمارات لي حداهم شيفور: والو ا سيدي كلشي عامر , ماكاينة حتى دار خاوية لا للايجار لا للبيع ارثر: صافي غير سيير قدي شغالك. ارثر من بعد ماكان باغي شي شقة معاها في عمارة باش يبقى قريب ليها غير الحظ ماحالفوش هاد المرة و مالقاش كلس في طوموبيل شوية و بان ليه باتريك باقي معطل و عيط ليه ارثر: ماباغيش تمشي ؟ باتريك: ماسخيتش نخخلي هاد الطيرموس و نمشي هادشي بنين ارثر: قول لقيتي سبة و صافي, بقى انا غاي فحالي, و دير بحسابك كاينين غير لبنات تما و نوض خرج بكري ماشي من نهار لول تكلس ليهم تما باتريك: صافي كون هاني قطع عليه و مشى فحالو, كان ناوي يمشي لدارو الا انه جاه اتصال خلاه يقلب طريق و يمشي لخدمة لي مهلها هاد اليومين و هادشي عمرو ماكانت ليه غير دخل لبيرو حتى جات كتلوز عليه واحد البوطو دخلات عليه البيرو و تلاخت ليه على حناكو و هي لابسة من غير هودوم ايميلي : ارثر ماح ماح , غبرتي هاد اليومين, لاباس عليك ارثر: لاباس غير ماكنتش مسالي و صافي ايميلي: و شنو لي ماخلاكش تسالي و نتا ملي شريتي القهوة ونتا غابر هادشي كعما مولفينو فيك ارثر: اييميلي عارفاني ماكنحملش بحال هاد التحقيق , كاين شي حاجة ؟ ايميلي: بديتي تاني, را ه غير ماما لي هي خالتك و نسيتينا كاع عارضة عليك ليوم لعشا ارثر: هادشي في خباري عيطات ليا و قالتو ليا و لكن عندي الخدمة مانقدرش نجي ايميلي: اووف ارثر , مالك وليتي بحال هاكا نسيتي كيف كنا ؟ علاش وليتي قاصح معانا مابقيتي تجي تشوفنا و فينما نعيط ليك دير السبة , دابا غير على خاطري اجي ليوم عافاك ارثر: و الا قبلت غادي تمشي و تخليني ندير شغالي ؟ ايميلي: غيير قبل و تلقاني وصلت لبيرو ديالي كاع ارثر: اوكي دابا نجي ايميلي: يااس صافي انا غادي نمشي فحالي دابا باي باي سي يو سوون ارثر غير خرجات عاد قدر يتنفس على خاطرو, تلهى في خدمتو حتى سهى واحد اللحظة كيفكر فيها و هو يعيط لسامانتا باش يسول عليها ارثر: كيف بقات ؟ فاقت ؟ صافي حضيها مزيان و رضي معاك البال في هاد اللحظة كانت دخلا ايميلي تاني و دار ليها بيديه تسناي بما كمل الاتصال, غير اطمئن عليها و قطع ايميلي: معامن كنتي كتهضر ؟ ارثر: عفوا ؟!! ايميلي: غير جيت نسولك اش باقي كدير هنا, راه ناس خرجو قبييلة ارثر: ظاكشي لي كديره كنديرو حتى انا ايميلي: ايوا صافي هي نمشيو بزوجنا ملي غادي لوجهة وحدة ؟ ارثر: علاش مال طوموبيلتك؟ ايميلي: والو غير قلت نمشي معاك و صافي ارثر: لا غيير سيري, انا غادي ندوز لدار هي لولة ايميلي: اووف ا ارثر شوف كيفاش كدير معايا, صافي انا غاديا فحالي حتى تسالي شغالك على خاطرك غير ماتخليش خالتك كتسنى بزاف خرجات و هو ماكرهش يشير بشي ملف لوجها ديما كتستفزو و ديما لاصقة فيه عيا معاها و هي عاد ماكتزيد تلصق فلقى الحل الوحيد هو ينخلها و ما يبقاش يعبرها و لكن بان ليه حتى هاد الحل مانفع بوالو ارثر: اصلا غير ايلاف لي ينفع معاها هاد الحل و هو يجمع راسو ارثر: اش كنقول انا, ولات شاغلة ليا بالي بزااف ناض ساس راسو و مشى خرج فحالو باش يدوز لدارو و عاد يمشي عند خالتو على الرغم ماعندو مايدير في دارو غير بغى يصدرها و صافي.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM