قصة المزحة #الجزء 62 : ايلاف: صباح الخير الحب ا زين ديالي, الكبيدة, ا نصف قلبي الاخر, العمر جودي كان باقي فيها نعاس و هي عندها غير ويكاند لي تشبع فيهم نعاس ساعة خرجات ليها ايلاف من الجنب: قولي اش بغيتي من لاخر ايلاف: عارفة راسي كثرت عليك, هازا الحمل ديال الدار كاملة و الجامعة و الخدمة و انا بزاف عليك و عارفة راسي عيقت و جودي: و غير طلقينا دابا و قولي اش كاين ايلاف: تشهيييت لبغريير مع زبدة و لعسل جودي: يخ سكتي صباح هذا و فيا جوع و تبقاي تفكريني فيه ايلاف: صيبيه ليا لاحاافظك و غير نبرا و نوقف على رجلي نعفيك من الطياب مدى الحياة, كنعني مدى الاقامة هههه جودي: تفتف, مفيقاني و زايدا مشهياني و في لاخر تهنيني غير من طياب ايلاف: و شنو بغيتي؟ جودي: زيدي عليها حتى روينة اتولي ديالك ههه ايلاف: و صافي جاتتك غير طلبي لي بغيتي غير عتقيني بييه مشات جودي على وعدها و سعدها وجداتو ليها و فيقات حتى سامانتا معاها وجداتو ليها و دوبات الزبدة مع العسل و عطات لسامنتا البلاطو ديه لايلاف باش تفطر بما جمعات تما و تبعها. مشات سامانتا و هي باقة مبوقة بنعاس يالاه وصلات لبيتها حتى قلبات داك البلاطو قدامها ايلاف شداتها البكية و هي كيبان ليها داك الخير كامل قدامها مشتت. جودي جات تجري مخلوعة و سامانتا نازلة كتجمع فيه. ايلاف: مشا البغرير جودي: ويلي على شوهة مالكي كتوحمي و لا جايا من صومال, هنينا بركة من تهرنين ايلاف: بغييتو اش بغيت ليك ا سامانتا جودي: صافي ماطرا باس, غير هنينا انا نمشي نجيب السميدة و نعاود نصيبو ليك اصلا كنت باغا نخرج نتقدا, فطري دابا بشي لاخر و عشية تلقاه عندك في كوتي فطرو دغيا و خرجات جودي تقدا و خلات سامانتا تجمع ديك الروينة لي دارت و مشات تكات شوية بما رجعات جودي. ~سيدة دايرا كيف كسلان و صافي كثر مني عاطياها غير لنعاس.~ جودي لي رجعات من سوبر مارشي و تلاقات بعنوب ديالها في باب العمارة و عاونها في داكشي لي هازا. طالعين في دروج و يالاه وصلو الطابق ديالهم حتى كيسمعو غوتة تنوض الميت من القبر. من بعد ماخرجات جودي لمارشي, مشات سامانتا رجعات تكات و لكن غلبها نعاس حتى مشات, اما ايلاف فكانت بغات تنوض تمشي لحمام و عيطات على سامانتا 3 مرات و لكن ماجاوباتهاش فكان الحل الوحيد عندها هي تنوض راسها لحمام و عاد دوز تشوف مال سامانتا و لكن يالاه تحركات زوج خطوات و مع غير كتنقز برجل لي صحيحة ماعرفات كيفاش طرا ليها حتى نقزات على بقعة الزبدة لي كانت تخوات تما و مرداتش ليها البال سامانتا داكشي علاش في لمحة بصر كانت ايلاف تجمعات تال سما و طاحت كلاتها في مسعودة و كلاتها حتى في رجليها لي مهرسة الشيء لي خلاها تغوت. بهاد الغوتة فاقت سامانتا مخلوعة و عارفة راسها قفراتها و نعاسها خرج عليها و مشات كتجري لعندها حتى كتلقاها مليوحة في لارض و دموع دايزيين ليها و شادا في رجليها. اما جودي و باتريك غير سمعو صوت ايلاف لاحو داكشي في يديهم و مشات جودي كتجري تحل الباب تشوف اش طاري حتى كتلقى سامانتا باغيا تعاون ايلاف باش تنوض و لكن غير كتحركها كتزيد تغوت فضطرو يعيطو لاسعاف و يديوها لسبيطار يشوفو اش طاري. الوقيتة لي كالسين كيتسناو في اسعاف نقزات جودي على سامانتا جودي:فيين كنتيييي ؟؟؟؟ تاااني مرة غادي طيييح و نتي مكايناش حداااها, واااش هااادي هي الخدمة ديااالك؟سامانتا ماقلت ماتقول من غير انها حدرات راسها و خرجات من فمها كلمة وحدة : اسفة و هي عارفة راسها اتسمع ضوبل و لا تريبل ديال هاد الهضرة من عند ارثر. جات اسعاف و هزو ايلاف بحذر و هي مع كل حركة كيتسمع انينها, ركبات سامانتا معاها, انا جودي و باتريك فتبعوهم بطوموبيل وراهم. دقائق و كانو في المستشفى, باتريك خلا جودي كتسنى فيهم و خرج يعيط على ارثر ارثر غير شافو عيط ليه و جاوب هو لول: راه باقي الحال تافقنا نتلاقاو من هنا لساعتين.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM