قصة المزحة #الجزء 136 : كملو الخدمة و كانو الخدامة لوخرين جاو، فكل واحد تفرق لبلاصتو و كلها و مشى لبيروه، و غير استقر ارثر في البيرو ديالو عيط على ادم ادم: و فين ا صاحبي، صافي قلبتي علينا فاش جات حبيبة القلب ارثر: بركة من هاد الهضرة و قول ليا كيف غادي مع الخدمة ادم: ايوا اش نقول ليك نتا لحتي عليا كلشي كيفاش بغيتيها تكون!؟ ارثر: و تاري و غير الا بغى شي واحد يطلب منك شي حاجة, راه غير هاد اليامات و انا معاك و اصلا الا كانت شي حاجة مهمة ىاه غادي نكون انا. ادم: واخا ا سيدي ماقلت والو، ايوا قول ليا اش درتي مع ايلاف؟ ارثر: و داكشي علاش عيطت عليك ادم: هاكاك، هانتا هضرتي ارثر: و دابا غادي تسمع و لا تبقى دير بحال هاكا ادم: ههه. صافي انا ساكتة، قول ليا اشنو كاين؟ ارثر: بغيتك تعرضو علينا ليوم، جودي تقولها ليها و تعرضو على صحاباتها كلهم، و طبعا نتا غادي تعرض على صاحبك. ادم: لا لا مافيهاش، جاتك المراهقة معطلة ا صاحبي. ارثر: ادم و صافي طلقنا، وا غادي تعاونني و لا لا؟ ادم: صافي ا صاحبي و عقل على هادشي لي كدير معاك، يالاه تلاح. ______________________ ادم غير قطع مع ارثر و ا كيضحك، و هضر مع جودي. ادم: هاي بايبي. جودي: ياس بب ادم: انجيك من لخر، عرضي على صحاباتك ليوم. جودي: علاش ياك لاباس؟ ادم: ها !! لا والو غير شحال هادي ماتجمعنا و صافي جودي: ادددم ادم: ياس بايبي جودي: دوي نطق اش كاين تما؟؟! ادم: ماكاين والو، واش مابغيتيش يجيو صحاباتك عندك بلاش. جودي: و لا بغيتهم و لكن مامولفاش ليك تعرض عليهم بدون سبب و هاكا. ادم: اوكي ا لالة تشهيت دوك الاكلات لي كديري ليهم فاش كيجيو و بغيتهم. جودي: واخا ماتيقتش و لكن ندوزوها. ادم: اوكي بب عندي اجتماع دابا صافي بسلامة، ماتنسايش تعرضي عليهم، باي، لوف يو. و قطع باش ماتزيدش تحصلو. جودي: قطع قطع غير هرب، انشدك نشدك، كتوجد لشي حاجة، غير صبر دابا طلق ريحتها. _______________________ جودي عيطات ليسرى و تيماء و اسو و عرضات عليهم باش يجيو مجموعين مع ولادهم و رجالتهم و خلات اخر وحدة ايلاف جودي: حوباي، لاباس عليك؟ ايلاف: الحمد لله، نتي بخير و ادم و الدراري؟ جودي: كلشي بخير، المهم عيطت ليك باش نقول ليك راه كلشي مجموع عندي ليوم بليل لعشا، اجي حتى نتي و انا اندوز ناخد صفوان من المردسة مع ولادي. ايلاف: اديري فيا خير ملي غادي تاخدي صفوان عندي نيت شي خدمة ماغاديش نسالي بكري، و لكن مانقدر نجي لعشا، غير نسالي ندوز ناخد صفوان. جودي: علاش اش عندك؟ زعما غادي تخصري لينا الكلسة؟؟ كلشي ايكوت من غيرك. ايلاف: و الله ما لخاطري راه جاي حسام و بغيت نمشي نتلقى ليه، واخا قال ليا بلاما نمشي عندو و لكن خاصني نمشي. جودي: ايوا صافي سيري جيبيه و اجي نتسناكم. ايلاف: سيد غادي يجي عيان و غادي يبغي يرتاح. جودي: و ما سوقيش, اجيو غير تعشاو و سيرو و لا خليه هو يرتاح و اجي نتي، و الله حتى نكعا عليك الا ماجيتيش. ايلاف: اووف دغيا كتلقاي الحل، واخا صافي سيري تلاحي، خلي معاك صفوان، على هاد الحساب ماغاديش ندوز عندك حتى نرجع من المطار. جودي: اوكي حوباي، تهلاي. وصلات الوقيتة ديال الخروج و ايلاف كانت باقة عاصرة على شي وراق خدامة فيهم، ماتحاكاتش مع ارثر ليوم كامل، ملي دخلات البيرو ماعاوداتش خرجات منو، حتى سمعات الباب كيدق. ايلاف: تفضل....... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM