قصة المزحة #الجزء 135 : فاقت ايلاف على شعور غريب، شعور الحنين، و مع ذالك كانت مبتاسمة و مرتاحة، دوزات روتينها و دات صفوان معاها في طريق لمدرسة، لحد الان باقي هي ديه و تجيبو و مابغاتش دير ليه طرونسبور هاكا مرتاحة عليه كثر، وصلات الخدمة قبل الوقت بشي عشرة دقايق و يالاه اتنزل من الطوموبيل جاها اتصال لي يقدر يقلب ليها كلشي و شعورها صباح رجع ليها في اللقطة لي شافت سميتو في تيلي ايلاف: سلام عليكم حسام حسام: و عليكم السلام و رحمة الله تعالى و بركاته. هاد الجملات لي كانو بالعربية و رجع الحوار كامل بالانجليزية ايلاف: لاباس عليك؟ حسام: الحمد لله و نتي و صفوان!؟ ايلاف: بخير الحمد لله، غبرتي شحال هادي ماهضرتي معاه، راه توحشك حسام: حتى انا توحشتو، قريب نجي نشوفو ايلاف: بصح!!! قول ليا بعدا اش مفيقك دابا في نصاصات ليل و اشنو هاد صداع لي حداك؟ حسام: راني في المطار و غذا ان شاءالله انكون عندكم، عندي شي خدمة و منها نشوفكم ايلاف: اوكي الله يجيبك على خير، فاش توصل عيط عليا نجي عندك حسام: بلاما تعذبي راسك، انجي انا و شي ناس خدامين معايا و اتجي لينا طوموبيل ديلل الخدمة هي لي غادي دينا لفندق، غير نقاد اوموري انا ندوز عندكم ايلاف: اوكي لي بان ليك، بالسلامة حسام: لا اله الا الله ايلاف: محمد رسول الله. ____________________________________ ايلاف كانت كتهضر مع حسام و تبسم و ماراضاش لبال لكالس كيتسناها و حاضيها، حتى قطعات عاد هزات راسها و شافتو، تقدمات جيهتو و حتى هو بدورو ناض و وقف قدامها و بطريقة عملية مد ليها يديه. ارثر: هاي معاك ارثر كندجي، الشريك الجديد ل هاد الفرع و انكون معاكم من هنا القدام. وينجي حلات فمها كيف لا و هي كانت كتهضر مع الشريك الجديد و بديك الطريقة ضربات الطم، اما ايلاف فبقات مستغربة و بطريقة لي قدم راسو بحال ماكيعرفهاش، حتى نطق هو باش يبدل الجو. ارثر: راني هضرت مع انسة وينجي و راه ختاريت الغرفة لي غادي نبقى فيها، نقدرو نتحركو دابا لبيرو نحطو استراتجية بنما وجد ليا البيرو ديالي!؟؟ ايلاف تداركات الموقف و قالت في بالها تبعو حتى تشوف هاد التصرف منين جا. ايلاف: اه اوكي تفضل توجهو لمكتب ديالها و غير دخلات حطات صاكها فرق البيرو و ضارت عندو و ربعات يديها ايلاف: يالاه نطق ارثر: عفوا!!؟ ايلاف: اشنو هاد التصرف لي درتي قدام وينجي؟ زعما باغي تدر ليا البلان على نهار لي جريت عليك و زعما دابا راجع بشريك!!!؟ ارثر: شنو؟!!! لااا فهمتيني غلط، انا ماكنتش قاصد هاكاك ايلاف: و شنو قاصد!!؟ ارثر: من هنا لقدام غادي نخدمو مجموعين و غادي نتحاكو مع بعضياتنا داكشي علاش خاصنا نطويو الصفحة لقديمة و نحلو حدة جديدة. ايلاف: اييه و من بعد؟، انا اصلا سديت الماتب كاع ماشي غير قلبت الصفحة ارثر: ايلاف بليييز.... سكت شوية عاد هضر ارثر: مهم انبداو من لول و جديد، عطيني غير اخر فرصة نبداو من زيرو، دابا جمعاتنا غير الخدمة و من بعد حتى واحد ماعرف اشنو غادي يطرا و لكن على الاقل مانخليوش الماضي يأثر على المستقبل و كنتمنى انكي ماترفضيش طلبي. سكتات شحال كتفكر ايلاف: هو في صراحة طلب ديالك صعييب، و لكن انحاول، حتى انا عييت من هاذ الصراعات الخاوية ارثر: شكرا بزاف ايلاف: و لكن جامعانا غير الخدمة ارثر هز يديه: هادشي لي قلت انا نيت، المهم انعاود رجع مد ليها يديه ارثر: ارثر كندجي، الشريك الجديد ايلاف مدات يديها بدورها: سيدة ايلاف، المديرة العامة ارثر: سيدة!!؟ ايلاف: اه عندك شي مانع! ارثر: لا غير استغربت و صافي ايلاف: المهم زيد نديوها في خدمتنا حسن.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM