قصة المزحة #الجزء 137 : حل الباب و دخل ارثر: يمكن ليا ندخل؟ ايلاف هزات راسها من الوراق و شافت فيه: راك دخلتي، لاش كتسول مازال. ارثر: راه الوقت هذا ماغاديش تمشي؟ ايلاف: لا باقي ماكملتش، مازال عندي شي خدمة. ارثر: ياكما نعاونك فشي حاجة؟ ايلاف: لا لا ماشي مشكل، يمكن ليك تفضل. و لكن بخال خوات لما في الرملة، قرب ليها و هز ورقة من الوراق لي خدامة فيهم. ارثر: اووه، هادشي الا بقيتي عليه ماغادي تكمليه حتال غدا، و خاصو يكون واجد لاجتماع ديال غدا. ايلاف: و انت غادي نكملو ليوم، غدا تلقاوه قدامك. حيد الڤيسطة و طوا الكمام ديال القميجة و جر لكرسي حداها. ايلاف: اشنو كدير؟ ارثر: كيف كتشوفي، انعاونك باش تكمليه. ايلاف: شكرا و لكن ماكاين لازم. ارثر: انسة ايلاف، كلمة وحدة قلتها،مانعاودش الهضرة. ايلاف هاد الجملة رجعات بيها ل10 سنين لور فاش كانت تهرسات و قال ليها اتمشي معايا لدار، و هو فاش شافها سهات و صحح. ارثر: اوبس نسيت، سيدة ايلاف. ايلاف: ماشي مشكل، هاك نتا كمل هاد الوراق و انا غادي نكمل لوخرين. اللقطة لي مدات ليه الوراق و قبطهم تلامسو يديهم، صعقة كهربائية خفيفة فديك اللحظة حسو بيها بزوج لدرجة بعضو يديهم من بعض و لكن عينيهم بقاو ملاقيين و هوما لي كيهضرو، شحال ديال الوقت و هو كيهضرو بعينيهم الله اعلم، المهم مافيقهم من غفلتهم غير وينجي لي دقات عليهم. وينجي: انسة ايلاف، انا غادي نمشي دابا باغة شي حاجة؟ ايلاف: لا شكرا، غير سيري. غير خرجات و نطق ارثر. ارثر: سؤال حيرني، نقدر نطرحو؟ ايلاف: وي تفضل!! ارثر: علاش كلشي كيقول ليك انسة ايلاف و انا نقول ليك سيدة؟ ايلاف: فاش جيت في لول كانو كيقولو انسة و صححتها ليهم و لكن ماكيدوروش بيها، فغاديش نبقى كل مرة نصحح ليهم خليتهم، لي بغى يقول سيدة سيقولها و لي انسة يقولها. ارثر: اوكي انسة ايلاف, زيدي نكملو باش نخرجو دغيا. كملو الخدمة مع 8 و شي دقايق و كانو كيتفاداو كيتقربو لبعض و لا يطرا بيناتهم شي التماس، كملو و جمعو الوراق. ايلاف: شكرا، عاونتيني بزاف. ارثر: ماشي مشكل، يالاه نوصلك معايا؟ ايلاف: لا شكرا بلاما نعذبك، عندي طوموبيل. ارثر: اوكي لي بان ليك، بسلامة. خرج من البيرو و خلاها كتهز في صاكها. ارثر: ثقل شوية مانفضحش راسي، دابا شوية انتلاقاو عند باتريك. و تحرك لطوموبيلتو، اما ايلاف فبعدما خرجات من الشركة توجهات لدارها و في طريق عيط ليها حسام و خبرها بلي راه نزلات بيهم الطيارة و باقي ليه الاجراءات، دخلات لدراها بدلات الحويج دغيا و توجهات تاني لمطار. في الباب ديال المطار كانت واحد المرا كتبيع بوكييات ديال الورد و خدات من عندها بوكي، يالاه اتجد تخلصها حتى بان ليها حسام خارج هو و شي ناس و كيضحكو، سهاات فيه و دمعة خانتها كيف لا و هو نسخة طبق الاصل على خوه يوسف، لا في الضحكة لا طولة لا الحركات، تمالكات نفسها و مسحاتها دغيا و لحسن الحظ ماشافهاش، خلصات مولات الورد و مشات عندو، حسام لي ماعرف باش تبلا حتى وقفات عليه. حسام: اييلاف!! ايلاف: على سلامتك حسام: علاش عذبتي راسك و جيتي؟ ايلاف: ماكابن حتى عذاب، اصلا معروضين داكشي علاش جيت. حسام: معروضين؟؟ ايلاف: ياس، فغير ودع صحابك و حتى تلاقاو من بعد. حسام: لا و الله عيان دابا، باغي غير ناكل و نعس. ايلاف: ايوا هانتا قلتيها، انا نديك تاكل و ترجع تنعس ماغادي تخسر والو، صافي ماغاديش نبقاو نتناقشو هنا. حسام: نتي هي نتي ديما تبقاي حتى تقنعي الواحد. مشى قالها لصحابو و سيفط معاهم حتى فاليز ديالو و مشى معاها. ايلاف: حكا هاد هذا ديالك(مدات ليه البوكي) حسام: او بزاف عليا هاد الدلال كامل. ايلاف: ههه صافي بلاش خليه نديوه لناس لي معروضين عندهم. حسام: ههه دغيا لقيتي لحل، عندمن معروضين بعدا؟ ايلاف: عند جودي صاحبتي. حسام: اه اوكي، هي قولي الاكل مغريبيي ايلاف: ياس و 100% حسام: يالاه تحركي دغيا اش كنتسناو. { الحوار طبعا اغلبو بالانجليزية، كيف قلت ليكم قبل، بحكم حسام من صغر و هو كيقرا في ميريكان حتى كبر و خدم تما و استقر و كان كيجي غير في مناسبات و في صيف بعد المرات الا لقى الفرصة داكشي علاش غالبة عليه لونغلي}........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM