قصة المزحة #الجزء 131 : ناض و خلاهم و ايلاف بحال كانت كتسناه غير يمشي, ضارت عندو. ايلاف: و نتا مااالك!! نمشي و لا مانمشيش, غير كنتي مع موسيو فلوريان داكشي علاش ماجاوبتكش, انا غادي نمشي و نتا ماعندكش الحق تحبسي, راه ولدي كيتسنى فيا. ارثر: و حتى انا قلت ليك ماغاديش نخليك تمشي بوحدك غير على قبل داكشي لي كان بينا... حبساتو: قلت ليك نسى علينا داكشي لي فات, و انا دابا غادي نمشي و ماكاين حتى واحد غادي يحبسني. ناضت من بلاصتها و هزات صاكها. ايلاف: قول معاك لموسيو فلوريان انا مشيت. مشات نيشان لمصعد دخلات لبيت ماصلاتش مع زايراها خالتنا {لحسن حضها من مور زواج مابقاتش كتجيها مجهدة بزاف} و هزات صاكها و خرجات في طريقها تلاقات سيدة لي جابت ليها شكلاط عطاتها كارط ديال البيت باش تعطيه لارثر و خرجات من باب اخر و مشات نيشان لباركينغ و ديمارت. فحين ارثر كان كيتسناها في ريسيبشن, على بالو غادي تنزل تحط لاكارط عاد غادي تمشي و ديك ساعة يشدها, ساعة طلعات مطورة عليه, سيدة مشات لبيرو و مالقاتوش و مشات عندو لجناح ديالو و مالقاتوش, و مشات لجناح ديال ايميلي و لقاتها خواتو هي مشات قبل منهم, و دارت بناقص حتى تلاقى معاه. دازت نص ساعة و ارثر باقي كيتسنى, حتى فرح و قال بلي غادي تكون نعسات, قرر انه يطلع عندها حتى كيتلاقى مع ديك السيدة جايبا ليه كارط. سيدة: موسيو ارثر, هاد كارط ديال انسة لي وصيتينا عليها. ارثر: علاش فين هييي ؟؟؟؟؟ سيدة: مشات يمكن, قالت ليا نعطيه ليك و قبلت عليك مالقيتك. ارثر: امتى هادشي !!!! سيدة : شي نص ساعة. ارثر خبط الحيط و مشى و خلاها, نيشان لطوموبيل يتبعها. ******** غاديا فرحانة في طريق حيتاش قدرات تهرب منو, و طلعات مطورة الا انها ماكملاتش فرحتها فاش بدات شتا كتصب بحال روبيني, مابقاتش كتبان ليها طريق من كثرة الما, ولا كيبان ليها غير ضواو كيعميوها ديال طوموبيلات لي جايين, حتى بانت ليها واحد طوموبيل قريبة ليها بغات تهرب عليها ساعة للاسف ضربات الرويضة بواحد الحجرة و اضطرات توقف حتى كتسمع صوت بحال البوطة, لقات رويضة تفركعات و لعنات ارثر في سرها لي تفالا عليها, و الموصيبة الكبرى هي انها ماكتعرفش كيف دير تبدلها و ماعندهاش حتى جهد, خرجات باش تشوف اش طرا , و دقائق كانت كافية باش تخليها كلها فازكًة فاضطرات دير سينيال ضوبل و دخلات لطوموبيل, كيف دير طلب المساة و هي في اوطوروط و فوق هادشي كامل في دولة اجنبية و هي محجبة في الخلا و بليل, لا صافي كملات, ليوم يتعشاو بيها ذياب. جبدات بغات تعيط لجودي و لا لادم و لكن ماعندها باش ينفعوها, قررات تعيط لفلوريان هو باقي قريب ليها و يسيفط شي واحد لي يعاونها, باقي ماكملاتش افكارها حتى لقات الباب كيتحل, يخ كن غير طلبات مليار, قفزها و ضارت لقات دخان غادي يخرج ليه من ودنيه, و لكن في عينيه القلق. ارثر: اييلاف مالك!!! طرات ليك شي حااجة!!!؟؟ نزلات من طوموبيل و شتا باقي خيط من السما: لا راه غير تفركعات ليا رويضة. غير طمأن عليها و صافي ناض بدا يهلل. ارثر: واش نني حمقة !!! علاش ماكتسمعيش الهضرة و هربي من باب اخر زعما مانعيقش بيك, كن بقيتي كالسة دابا سخونة و في اوطيل, لاش هاد طيران كامل, شوفي حللتك كيف ولات و نتي بوحدك في هاد لخلا. ايلاف ضربات الطم, ماعاوداتش نطقات. ارثر بلغوات: زيدي قدامي, دخلي لطوموبيل. ايلاف: و لكن ارثر: ايييييلاف زيدي دخلي مانعاودش الهضرة. صراحة عمرها شافتو بحال هاكا ديما كان معاها مسالم لاقصى درجة, و خلعها ماقدراتش تزيد معاه في الهضرة و اصلا ماعندنا كيف دير تبقى هنا و لا تقصح راسها غادي فير نجيبها في عضامها, اللهم تمشي معاه. رجعات لطوموبيلتها هزات صاكها و ركبات معاه. ايلاف: و طوموبيل!؟ ارثر: غادي نسيفط لي يجيبوها. صقلات حتى ديمارا طوموبيل و بدا ينكًر ارثر: شوفي حالتي كيف ولان بسبابك حيد مونطو و فيستا بقى غير بكميجة و خدم كليمة. ايلاف: بسبابك نتا, انا ماقلتش لبك تبعتي. ارثر: و مازال زايداها بالهضرة!!؟ ايلاف: اه انهضر و نزيد, انا مادرت والو نتا لي تبعتيني يعني نتا لي درتيها لراسك, بقى في اوطيلك ديك الساعة لاش جاي. ارثر: اه بصح, سري انا لي جاي خايف عليك و نتي لي كنتي عيانة و ماقادراش حتى تسوكًي و لكن داك راس عندك قصح من لحجر. ايلاف: هاء و من بعد, اي حاجة طرات ليك بسبابك انا مادرت ليك والو, و بلاما تسنى مني نشكرك. ارثر: حمقة, واش على بالي انا درت هادشي كامل باش تشكريني ؟ فعلا راكي مغفلة, انا من خوفي عليك. ايلاف: ايوا صافي, سدينا الموضوع ماكاين لاش نعاودو نذكروه انا غير زضحت ليك و صافي. ارثر: و حتى انا غير وضحت ليك. ساد الصمت لعدة لحظات. ايلاف: غادي نرجعو فحالنا ياك!؟ ارثر: فين فحالنا!!؟ ايلاف: لهانكوفر ارثر: لا ايلاف: ماتقولش ليا راجعين لبرلين؟؟؟!!! ارثر: حتى هي لا. ايلاف: اوييلبي فين غادي بياا!!؟ ارثر دار ابتسامة مكر و رجع كمل سوقان ماعبرهاش. ايلاف: اوييلي فين غادي بياا!!؟ ارثر دار ابتسامة مكر و رجع كمل سوقان ماعبرهاش. ايلاف: ارثثثثثثثرررررر, حبس طوموبيل, باغة نزل. ارثر: ماعندك فين تمشي, كلسي حسن ليك. بغلت تحل الباب و هو يجرها........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM