قصة المزحة #الجزء 127 : يسرى: تقدري, كيف قدرتي تسناي ارثر بيه فتقدري تنساي بارثر. ايلاف: اودي كن كان فيه الخير , كن كعما ضيعنا 8 سنين, و اصلا بلاصة يوسف عمرها تبدل, الحب الصافي هو يوسف. جودي: حتى دابا ماطرا باس, غير لحظة صعف و صافي, استغفري الله و قوي راسك على قبل ولدك. ايلاف: استغفر الله العظيم, مهم حسيت براسي غادي نتخنق و ماعندي غيركم لي نعاود ليكم داكشي علاش جيت, انوض نمشي لخدمة خليتها مكركرة عندي. عنقوها لبنات. يسرى: حنا دينا معاك. جودي: وقتنا حتاجيتينا غادي تلقاينا. خرجات و شدات طريق الخدمة و حاولات تقروي راسها كيف قالت ليها جودي, تناسات اش طرا ليها بالخدمة بقات غاطسة فيها حتى جاها اتصال من عند البوس لكبييير موول شي, و خبروها بلي كاين شي مشكل و خاصهم ضروري يحلوه و داكشي علاش طالبينها تجي لاجتماع طارئ في برليين. فاق ارثر بكري و صلا صلاتو عاد توجه لمطعم فطر و ضرب دورة على الفندق و على الخدامة, فاقت ايميلي فطرو و توجهو لشركة لي عندهم فيها اجتماع. دخلو و لقاو سكريتيرة. ارثر: مرحبا, عندما موعد مع موسيو فلوريان. سكريتيرة: شكون نقول ليه؟ ارثر: ارثر, موسيو ارثر كندجي. سكريتيرة: وي مرحبا, تفضلو معايا. داتهم لغرفة اجتماعات لي كانت فيها طبلة كبيرة, كلسو و ما هي الا دقائق حتى كيتحل واحد الباب وسط القاعة, يعني هاد الغرقة تابعة لبيرو ديال موسيو فلوريان. فلوريان شاي بوجهو البشوش هو رجل في خميسينيات من عمرو, عندو شركة فناو فيها عائلتهم عمرهم و هو كمل السلالة و لكن هو تفرع دار عدة فروع نحو العالم, و ها هو ليوم عندو اجتماع مع رئيس سلسلة فنادق كندجي, فكان جد متشوق لهاد المقابلة لي كانت من طرف ارثر و كان مصر عليها, و ها هو غادي يشوف اشنو المغزى ورا هاد الزيارة و لكن هو عارف بلي غادي يربح بزاااف في هاد الاجتماع و اول رباح هو علاقة مع ارثر كندجي. فلوريان: موسيو ارثر كندجي, شرف كبير هذا لي نستقبلك في بيرو. ارثر تبسم ليك و بطريقة عملية هضر: الشرف ليا. كلسو و بقى حاضيه كيتسناه امتى يبدا. ارثر: بلا شك غادي يكون في بالك الف سؤال حول المجية ديالي ليوم عندك, فغادي نجيك نيشان. فلوريان: من ديما و حنا كنسمعو بذكاءك و تفكيرك الحذق, فطبعا من نهار عيطتي ليا على هاد الزيارة و عدة اسئلة شاغلة, و حتى انا انكون جد ممنون ليك فاش اتجينب نيشان. ارثر: فصراحة انا هنا جايباش نطلب طلب و كنتمنى ماترضوش ليا في وجهي, انا جاي باغي نتشارك معاك. فلوريان و علامة الصدمة في وجهو: كيفاااش!! ارثر: اه جاي باغي نشارك و لكن ماشي في الشركة ككل , لا انا باغي نتكلف و ننشارك معاك في فرع واحد و هو لي كاين في هامبورغ, يعني بامكانك تقول اتخدمي معاك في داك الفرع و نكون مسؤول عليه. فلوريان: ايه و لكن شنو غادي تستافد من هادشي و شنو غادي نستافد حتى انا!؟ ارثر: ساهلة, اي حاجة بغيتيها طلبها, بالنسبة لاشنو غادي نستافد فبزاف و كيبقى قرار شخصي, و شنو اتستافد نتا, فغادي نبداو نتعاملو معاك و كاع الفنادق لي عندنا فغادي يبداو يتعاملو معاكم و ياخدو السلعة من عندكم. فلوريان: برغم هادشي كامل مادخلش ليا لراسي الا انني مايمكنش نرفض طلب لسيد ارثر كندجي. مد ليه يديه, و لرثر قبطها. فلوريان: فحنا متافقين. ارثر: كنظن خاصك تعلم المدير التنفيدي لي تم و تبلغو بهاد القرار و نحددو غدا اجتماع باش ناقشو فيه. فلوريان: في صراحة ماعنديش شي علاقة مع المديرة التنفيدية لتما و لكن غادي تفاهم معاها بحكم انها خدمات هنا بتوصية من المدير لي في الفرع في المغرب و شكر خدمتها و حتى حنا هادشي لي بان لينا انها جد متوفقة و عملية. ارثر تبسم ابتسامة مكر: كن اكيييد اننا غادي نتفاهمو. _______________________ مافهمتش شنو المشكل لي طرا حتى خلا البوس يعيط ليا شخصيا و نحضر لشي اجتماع, يعني القضية حامضة من اولها, المشكل لي غادي نلقى مع صفوان, مانبغيش نخليه و خاصة من بعد داكشي لي طرا البارح, و مابغيتش نغيب ليه. فحل واحد نهضر معاه و نشوف القرار ديالو, واش يبغي يمشي و لا يبقى......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM