قصة المزحة #الجزء 126 : ارثر: من الاحسن ماندخلوش في تفاصيل, و لكن انا لي درت علاش حتى مشات, و لو تكون مشات بارادتها فهادشي ماكيغير والو, لا مشاعيري تجاهها و لا تجاههك. و من ديك ساعة شافت حياتها و مابقاتش عايشة امل على انها اتكون معاه شي نهار, واخا اتجيها صعيبة غير هي كان ضروري يهضر معاها بحال هاكا باش تفيق, و فعلا فاقت واخا كانت تبغيه الا كرامتها ماتسمحش ليها تزيد تلصق فيه, كثر فتناسات حتى تلاقات مع الشخص لي نساها فيه و عطات لراسها فرصة.~~☆ ركبو طوموبيل و نيشان لبرلين, ساعتين كانو وصلو, توجهو لفندق و خداو بطاقات ديال الاجنحة و طلعو ينعسو يرتاحو باش الغد يكونو واجدين للمهمة. ____________ ايلاف لي مشات هي و ولدها لدراها, تعاشاو و صلاو. ايلاف: صفوان يالاه احبيبي نعسو, غدا راه قاري و كاينة عندي الخدمة. ناض صفوان و هو كاعي, توجه لحمام غسل سنانو و مشى لناموسية بلا كلمة بلا زوج, شافتو ايلاف و ماعرفاتش مالو, مشات تخشات حداه في ناموسية و جراتو عندها عنقاتو. ايلاف: مال حبيبي كاعي!؟ بحال كان كيتسنى غير هاد الجملة باش ينفاجر بالبكا, ايلاف لي تصدمات ماعرفات باش تبلات. ايلاف: صافي شوت صفوان, مالك؟ كضرك شي حاجة؟ شي واحد دار ليك شي حاجة!؟؟؟؟ و هو كيزيد يبكي و يجاوب غير بنفي براسو, عنقاتو و كتسكت فيه. ايلاف: صافي صافي احبيبي, قول ليا مالك؟ ماتخلعنيش عليك. ماجاوبهاش حتى تهدن و بدا يهضر و كيتنخصص. صفوان: توحشت بابا باقي ماكملش جملتو دموع ايلاف شقو طريقهم فوق حناكها, زادت عنقاتو باش مايشوفهاش, ولدو لي ماعاقلش عليه و توحشو و اشنو تقول هيا لي عاقلة على كل شبر في وجهو و عاقلة على ملامحو و عاقلة على تصرفاتو و عاقلة على اخلاقو, بدات تبكي في صمت و كتخلي ولدها يكمل هضرتو. صفوان: شوفي خالتي جودي و ولادها, ماقدرش خالي ادم يمشي و يخليهم يباتو بحدهم, و انا بابا مشى و خلانا و انا باقي صغير ماعاقلش حتى عليه. ايلاف: شوووت, قل استغفر الله العظييم, ماخاصكتش تقول بحال هاكا, ربي بغاه و مشى عندو, و هو عمرو خلانا و راه كاين هنا (شارت لي قلبو و قلبها) في قلبو قبل مايكون حدانا, و راه كيبغينا و كن اكيد غادي يكون فرحان بيك دابا, بلاتي انا جايا. مشات لصاكها و جبدات منو جوا ديما معاها و رجعات عندو. ايلاف: هانتا هادي ديما معايا, فينما كنتوحشو و لا كنبغي نعاود ليه شي حاجة كنجبدها. جبدات تصويرة ديال يوسف و هي كتبكي و كتبسم. ايلاف: هاك خليها عندك نتا دابا, شبع فيه شوفان و عقل عليه, و عمرك تنساه حيتاش باباك شخصية ماخاصوش يتنسى. و بقى دعي معاه في كل صلاتك. نعسو بزوج و دموع في عينيهم, ايلاف معنقة ولدها و ولدها معنق تصويرة ديال باه. فاقت ايلاف قبل من صفوان, خلاتو ناعس حتى من الفجر مابغاتش تفيقو, مشات لحمام و بقات وافقة قدام المراية, كتشوف في نقطة معينة, تبلوكات ماعرفات مادير حتى حسات يديه معنقينها في خصرها. ايلاف: صباح الخير يا احسن خاجة طرات في حياتي نزلات لمستواها و عنقاتو. صفوان: صباح الخير مامي حبيبة ايلاف: يالاه انخليك تغسل و نمشي نوجد ليك الفطور باش يالاه نمشيو. خرجات ايلاف و دوزات اتصال لمكتب. ايلاف: ماغاديش نجي ليوم بكري غادي نتعطل, فاش نبغي نجي نلقى كاع الخدمة ديال ليوم فوق البيرو. قطعات وجدات الفطور و فطرو و تحركو, داتو لمدرسة و في طريق دوزات عدة اتصالات. ماكاملاش نص ساعة كانت واقفة قدام دار جودي. حلان ليها و هي تلاح عليها كتبكي, مسحات ليها على ظهرها و خلاتها تبكي على خاظرها ملي عيطات ليها و قال ليها انا جاية عندك عرفاتها ماشي هي هاديك. جودي: دخلي ايلاف كتمسح دموعها: البنات جاو!؟ جودي: جات غير يسرى, تيماء و اسيا خدامين. ايلاف: ماشي مشكيل. دهلو و لقات يسرى واقفة كتسنى فيها. يسرى: ياك لاباس؟ جودي: زيدو دخلو و نعرفو اشنو طاري. غير كلسات و هي تنطق. ايلاف: عيييت, توحشت يوسف, ولدو توحشو , مابقبتش قادرة على المسؤولية بوحدي, ماقدرتش نساه, البارح صفوان كان كيبكي قال ليا بلي ادم ماقدرش يخليكم تباتو بحدكم و هو باه ماكاينش. عييت كندير مثر من جهدي باش نكون الاب و الام ديالو و لكن كيبان ليا مانجحتش. يسرى: صفوان راه كيكبر و خاصو يكون اب في جنبو, واخا ماعرف اش ديري فماغاديش تقدري تعمري ليه بلاصة الاب. ايلاف: و شنو بغيتو نديير!!؟؟ نمشي نكري اب ليه مثلا و لا نوض نتزوج جودي: هي من ناحية الزواج فكرة زوينة. ايلاف: كيتشكا ليه على العكًر كيقول ليه اش خبار دراري, راه انا كنقول ليكم توحشت يوسف و نتوما كتقولو تزوجي, ماكاين شي واحد لي يقدر يجي في بلاصتو, كان نعمة الرجل, ماكمظن انني نقدر نتزوج من وراه و لا نبغي واحد بحالو........... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM