#الحباااااااب جبت ليكم قصة زوينة اتعجبكوم قصة غالب عليها طابع التشويق ،،، تحمل كل من طرب ... #الحب #الغيرة #الدراما و #الكوميديا و الكثييير من #الرومانسية #القصة بعنوان # الوحش و زوجته الجريئة #الجزء 1 : في أمريكا ،و بالظبط حلبة الملاكمة، الجماهير كتشجع و تهتف باسم:الوحش ، كان واقف و كيشوف في الخصم ديالو بنظرات حادة ، كان كيشوف فيه بنظرات كلهم ثقة و كان متأكد من الإنتصار ديالو ،و الخصم كان كيبادلو نفس النظرات ،بعض الجماهير كتهتف باسم: العملاق، العملاق الأمريكي اللي كيقتل الخصم ديالو بشراسة بسبب البنية الضخمة اللي كيمتلك، ابتسم الوحش باستهزاء، من بعد ما أعلن الحكم على الهجوم انطلق العملاق اللي كان كايشوف فيه بكل شر ، كل ضربة كايعطيها ليه العملاق كان كيتفاداها بكل سهولة و كان واثق من نفسو ، مرت نصف ساعة ، العملاق بدا يبان عليه العيا و ما بقاش قادر يكمل ، هنا الوحش بتاسم بكل غرور ، و جا الدور ديالو بدا يضرب بكل قوة حتى استسلم العملاق و طاح الأرض سخفان و كلو دمايات ، هنا علن الحكم فوز الوحش ،اللي كان كيبتاسم بكل عجرفة ، الوحش دائما كايكون ذكي و دارس خطواتو مزيان مع الخصم اللي كايتواجه معاه داكشي علاش دائما كايكون هو الفائز ، خرج الوحش و مشا دوش و لبس الملابس ديال الحفلة اللي عندو و مشا ديريكت الحفلة اللي كانت بمناسبة الفوز ديالو على العملاق، دخل الحفلة و بدا الكل كيصفق و كيباركو ليه و هو كان الجواب ديالو هو الإبتسامة ، بقا واقف و هاز كاس ديال الشراب كل شوية كيرشف منو رشفة، سمع خطوات جاية لجهة ديالو و كيصفق ليه و كيقول بصوت رجولي :مبرووك أ سي مروان ما عندي ما يتسالك و ما نخافش عليك .دار عندو مروان و بتاسم و عنقو . مروان بابتسامة:متخافش عليا خاف عليهم أسي رضوان . (مروان اليزيدي البطل ديالنا الملقب بالوحش ، في عمرو 27 سنة ، بشرة سمراء اللون ، و عيون سوداء قاتلة ، شفار كثيفة، و شعر رطب أسود و بني ، و جسم رياضي ، ملاكم مشهور في أمريكا و حتى في المغرب ، كيخاف منو الكل ، صارم و عصبي و عنيف و جدي في كلامو، و من غير أنه ملاكم فهو مدير في مجموعة اليزيدي اللي خلاها الأب ديالو الله يرحمو .) رضوان:ههه عندك صح . (رضوان اليزيدي الأخ المتوسط، في عمرو 25 سنة ، شبيه لخوه في كلشي ، كاين بيناتهم إختلاف واحد هو رضوان ضحوكي ، و هو المدير الثاني ديال مجموعة اليزيدي). مروان:إيناس مغاديش تجي . صوت أنثوي:سمعت سميتي واقيلا . دار عندها مروان كيبتسم و عنقها و هي باركت ليه إيناس: كفاش مانجيش لحفلة خويا الكبير بغيتيني نتقلق .(إيناس اليزيدي الأخت الصغرى ، الدلوعة و المجنونة ديال العائلة ، في عمرها 18 سنة ، بشرة بيضاء ، عيون زرقاء ، و شعر بني طويل ، و جسم منحوت . ) رضوان :اوووه شكون غادي يتقلق . إيناس:رضوان مكنجبدكش . مروان:تفرق ليا نتا على الأميرة ديالي . إيناس من بعد ما عنقاتو :خووويا . رضوان قلدها: خووويا. مروان:يلاه نرجعو الدار جاني نعاس الى بقيت مقابلكم مغاديش نساليو ليوم....... #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM