الأسود 🖤 الجزء 11 🔥🔥🔥🔥🔥🔥🔥 ( التتمة من بعد 330 لايك طاكيو صحابكم يقراو 🔥🔥🔥🔥🔥🔥❤️💪) سناء : الأسبوع الجاي كاينة رحلة لمرزوگة فيها 3 أيام الجمعة و السبت و الحد كلنا غادي نمشيو ليها قيدتكم فيها سارة : ياس واخيرااااااا حمزة : ياو ياو صرعتيها اعشيرتي ادوز رحلة زاهية ماكين غير النشاط سامي : ايه نمشيو علاش لا نبدلو الجو كيعاودو على مرزوگة زوينة بزاف مريم : اه غزالة الجو ديالها نقي حيث مافيهاش المصانع أيمن : مزيان ولهيلا بغاتها نيت الوقت ملاك : الدراري وجدو راسكم انعيشو مغامرة جديدة مع بعضياتنا _ أنا ماغديش نمشي معاكم ماعنديش مع الرحلات غير عفوني ... ( خويا مهدي يعرف اني عاطيها غير لدوران مع كليكة وزايدها بتسافير يقتلني ) مريم : نتا ديما معكس اصحبي مالك مع لا _ ماكرهتش نمشي ولكن ماكيناش الگانة تجي رحلة أخرى نمشي معاكم هاذي لا ، غير ساليت كلامي شفت سناء كدوي مع البنات بشوية وكتغامزو بيناتهم يعلم الله لاش كيخططو سناء : البنات قنعوه يوافق يمشي معانا ، حنا دايرين هاذ الرحلة على ودو مايمكنش مايمشيش إلى رفض غير بلاش من هاذ الرحلة ملاك : ضعتي اصحبتي حالتك صعيبة حمزة : شنو كتقولو نتوما ومخبيين علينا مريم : القاعدة هي القاعدة وبازززز اصحبي عزيز عليك دخل شبوقات البنات حمزة : هاني ساكت سناء : والشيخات دويو معاه فدوى : غادي نقنعوه غير صبري الشيخة الكبيرة سناء : يله سربيو فدوى : مهدي غادي تمشي معانا ولابد ، حنا كليكة وحدة وغنمشيو كاملين مجاتش أنك نتا من دون الناس ماتمشيش غادي نتقلقو منك سناء : يانمشيو كاملين ياحتا حد مايمشي حشومة تحرمها على كلشي والله ماتمشي حتا لغيها سامي : مهدي مابلانش تحرمنا من الرحلة كلشي باغيك تمشي ، فرصة ليك تبدل الجو في مدينة زوينة ماشي ديما كيجيو بحال هاذ الفرص غير بلا ماترفض مريم : بليزززززز يله معانا ملاك :كلشي طلبك ماتردهاش في وجهنا _ صافي أنا معاكم على مولانا ماغديش نحرمكم من الرحلة هناء : يااااااااااااس تانكيو دابا دويتي ، العناد بعض المرات كيضيع علينا فرص وأوقات زوينين _ ولكن فين غادي نخلصو تكلفة الرحلة سناء : ماغدي تخلص والو تكلفت أنا والبنات _ رحلة مع تيتيز وفابور من لفوق فيقوني راه كنحلم الدنيا ملي ضحكات ليا فجأة واقيلا القضية فيها إن أيمن : حمزة جبد الگيتار الثاني عطيه لمهدي نتموسقو _ خديت الگيتار وبقينا كنعزفو دوزنا العشية غير ضحك وغنا كيف العادة ومرة مرة كنعاودو النكت حتا وصل الوقت ، توادعنا و كل واحد قصد دارهم وصلني سامي بالمطور دخلت لدار لقيت مالين دار كيديرو الكسكروط غسلت ايدي و نضميت ليهم بقيت كنعاود على الرحلة لي غادي نمشي ليها مع صحابي الواليدة عجبها الحال ولكن الواليد لا عقد غوباشتو وبدا كيخاصم عليا الواليد : الوقت كيدوز على خوك نتا مزال مادرتي والو ، في الوقت لي حطيتي مهدي كيتحدا مصيرك ، نتا عاد بان ليك دوران وتسافير داكشي لي كنتي هاملو في الفطرة لي كان خاصك تعيشو يله بان ليك دابا فاش حطيتي واحد اخر بلاصتك وعايش حياتو بلا مادير حتا شي حركة كون مسؤول اصحبي ماشي هاذا أمين لي كنعرف واش عاد جاتك المراهقة وبان ليك الزهو والنشاط هذاك لي في الحبس وناسيه واقيلا خوك ماشي شي حد براني _ نتا الواليد ماعارف والو أنا لي عارف شنو كندير وشوف بلا من هاذ الهدرة الخاوية إلى بغيتي ولدك من غدا نخرجو ليك ونسلم راسي وتهنا مني الى كنتي هاشي لي باغي ، أنا كنسا كلشي إلا داك الموضوع كل دقيقة كيدور في دماغي حتا مرضني واكتر واحد هاز ليه الهم هو خويا راني مناسيهش الواليد: أنا مقصدتش هاذشي أولدي غير بغيتك تحمل المسؤولية حيث كيبان ليا عاد بغيتي تعيش مراهقتك وخوك مرمي في الحبس _ لا قصدتي وهاذي ماشي مراهقة ماعنديش 15 عام ولا باقي كنرضع صباعي راني واعي بداكشي لي كندير موهيم تصبحو على خير . الواليد : أمين وقف نهدر معاك اولدي _ماتكلمتش ليه توجهت لبيتي زدحت الباب من ورايا وتكيت بلاصتي كندور كلام الواليد في راسي هو من واحد الناحية عندو الحق ولكن مايقولهاش بهاذ الطريقة شربت السيرو باش نعس ونسا لي وقع ( كيغلض وفي نفس الوقت كيجيب النعاس ) ❌❌❌❌ عند سناء ( بضبط منزل صوفيا وصلاح وفدوى ) فدوى : غير تفرقنا على الدراري مشينا مجموعين لدارنا دقينا حلات لينا صوفيا صوفيا : دخلو البنات ... ايه عاودو ليا أش درتو وافق مهدي يمشي معاكم الرحلة فدوى : ياسس وافق شنو التالي صوفيا : سمعي اسناء في الرحلة حاولي تبيني ليه حبك من خلال تصرفاتك ومعاملتك سناء : عييت اختي نبين ليه ووالو بلا نتيجة صوفيا : يقدر حشومي زيدي بيني ليه اكتر ، اوفف كون غير كان كيشوف كنت غادي نعطيك خطط آخرين مريم : بحلاش هاذ الخطط صوفيا : كون كان كيشوف غادي دير تصرفات لي يخلوه يغير مثلا تقرب من الولاد وإلى كايبغيها غادي تشعل فيه العافية ولكن هاذ البلان ماخدامش في الحالة ديالها هناء : شنو المعمول صوفيا : كيف قلت اسناء حاولي تبيني ليه حبك مرة مرة لوحي كلمة زوينة بقاي تاصلي بيه و كوني جنبو في طول الرحلة ماتفرقيهش باش يتعود على القرب ديالك منو وهاذ الفطرة لي قبل ماتمشيو الرحلة حاولي تعرفي منو شنو كيبغي شنو ماكيعحبوش شنو المغامرات لي كيفكر يدير باش تقدري تفهي شخصيتو وتلعبي على هاذ النقاط سناء : واخا زين تانكيو صوفيا : في رحلة خليكم على تصال معايا عاودو ليا شنو كيوقع ونحاول نعطيكم نصائح فدوى : ماكرهتش كون مشيتي معانا صوفيا : ماكرهتش كون ماولادي ماغنترددش باش نمشي...فراسك أسناء عجباتني قصتك حماسية في فطرة مراهقتي وقبل زواجي من صلاح تمينت قلبي يحب شي حد ويتعلق بيه وحتا أنا نتبعو ونعيش معاه لاموغ ولكن والو لي كنتلاقا بيه ماكيعمرش ليا العين أو كتكون باينة فيه التفلية وحتا أنا كنت كنطير كنبقا ندوز بيهم غير الوقت نضحك على هاذا نبروفيتي في هاذا نقمع هاذا ونضحك مع هاذا فدوى : خاصك تشوفي هاذي ياختي ماخلا شكون بغاها ها السمر ها الطويل ها الصحيح جميع انواع تيتيز وصحاب اللعاقة قمعاتهم جا سيدهم مهدي ماطويل ماصحيح ماعندو فلوس دار ليها طلاميس ولات كتحماق عليه صوفيا : كيقول واحد المثل لهلا يطيح حبك على حجرة كون جيتيني في واحد الفترة من حياتي كون كرهتو ليك ونبغيك تبعدي منو سناء : وعلاش اختي ياك يله قلتي كنتي باغة قصة حب زوينة وتكوني نتي المبادرة صوفيا : كنت نبغي ليك ماحسن يكون عندو الفلوس وزوين وفورمتو زوينة ، ولكن دابا فهمت الحياة خاصو غير يكون راجل وماشي ذكر بحال الذكورة لي كيلعبو بقلوب البنات ، العلاقة كتكون زوينة فاش الرجل لي كتبغي يكون حتا هو كيبغيك ويخاف عليك ويديرك بين عينيه ويكون مسئول وقاد يكون عائلة هاذا هو الرجل المثالي بالنسبة ليا سارة : بصح هاذا هو المعقول فدوى : هو مهدي عندو كاريزما ومعقول غير هو ديفو ديالو انهو غليض شوية ولكن كنعدرو حيث مع الآفة ديالو مايقدرش يترني سناء : غير يرجع ليه الشوف غادي يتقاد وحتا هكذا شكلو زوين كي جيني مختالف وبركة غير فاش كنكون معاه كنحس بالراحة ياربي غير يكون ليا اخخخ البنات كنذوب وكنتسطا عليك هناء : ويلي حالتك ايسطيك الحب المسخوطة مريم :بيب غير تهناي إن شاء الله ماغدي نرجعو من الرحلة حتا يعتارف ليك فدوى : مهدي لي كتبغي غادي يكون ليك ملاك : حنا معاك وفي جنبك احبيبتي حتا توليو مع بعضياتكم نديرو أي حاجة باش نشوفك فرحانة في حياتك سناء : تانكس حبيباتي اجي نعنقكم صوفيا : دارو عناق جماعي بقيت كنشوف فيهم تأطرت وبلا مانحس نزلو دموعي تفكرت ايامي مع سارة وإحسان فاش كنا حتا بحالهم دابا فرقتنا الوقت فدوى : مال الزين نزلو دموعو صوفيا : شفتكم تفكرت صحباتي كنا حتا حنا بحال هكذا سناء : اجي احبيبتي حتا نتي نضمي لينا راكي وليتي صحبتنا دابا صوفيا : نضميت ليهم مريم : حطو إيديكم فوق إيدي وقولو معايا صديقات إلى الأبد الجميع : صديقات إلى الأبد 🫶 سناء : كنحبكم كاملين حبيباتي ❌❌❌❌ عند أمين _ يله بدا يديني النعاس وانا نسمع الدقان في باب بيتي كانت الواليدة ، بدات كدوي معايا من ورا الباب الواليدة : ولدي نوض تعشا _ غير كولو مابغيتش بصحتكم الواليدة : والله يرضي عليك أولدي باك ماقصدش بلا ماتقلق منو هود تاكل _ أنا ممقلقش نسيت الموضوع مافياش الجوع وديجا شربت السيرو تصبحي على خير الواليدة : أنا غادي نخلي ليك حقك في حالة فقتي بليل و جاك الجوع _ بقات فيا الواليدة مسكينة الله يسمح لينا من الواليدين واخا عرفاني ماغديش نفيق بليل ولكن باغية تخلي ليا حقي ... بقيت كندير فلاش باك نهاري حتا داني نعاس وهكذا داز اسبوع من حياتي كولو غير لقئات بلكليكة حدا لافاك وتسافيرة لرباط شفنا فيها خويا وفي هاذ المدة نقصت الكلام مع الواليد حيث جرحني واخا كيبغي يجبد معايا الهدرة كنت كنتجاهلو ونقصت معاه الكلام ، وليوم هو اليوم الموعود ( الجمعة ) نهار الرحلة طيبات ليا الواليدة شي ماكلة باش نديها ومعايا بدلت حوايجي تفركست و جمعت داكشي لي غادي نحتاج حوايجي وماكلتي توادعت مع مالين وخرجت شديت طاكسي عطيتو العنوان ديال البلاصة لي دايرين معانا فيها صحاب الرحلة وكنت معطل عليهم الكار ايخرج مع 12:00 و أنا فيتها ب 15 دقيقة ومزال ماوصلتش ، عطلاتي الواليدة وزاد عليا هاذ المريض ديال مول التاكسي تقيل في سوگانو ومكمل عليا بكلامو كيدوي معايا على السياسية وأنا غير كنتصنت وماحملوش ماكنحملش الإنسان الثرثار عند سناء ❌❌❌❌ سناء : اوففففف فين هو هاذا تعطل فدوى : صوني ليه سناء : راني كنصوني ليه وماكيجاوبش يعلم الله شنو واقع ليه يكون زعما بدل الرأي ديالو وماغديش يجي سامي : مايمكنش غير ساعة باش تاصلت بيه قال ليا أنا كنوجد في راسي سناء : ياربي يكون بيخير حتا تيليفون ماكيجاوبش عليه تشطنت عليه مريم : صافي احبيبتي بلا ماتوتري دابا يجي المأطر : واش نمشيو هاذا ماغديش يجي تعطل علينا أيمن : صبر اخويا نصف ساعة زايدة مادات ماجابت سناء : غير يله نزلو محال ايجي نمشيوو لدارو نطمأنو عليه أيمن : عندي فكرة غادي نطلب من المأطرين يزيدونا واحد نصف ساعة وأنا و منير نمشيو في تاكسي لدراو نشوفو مالو سناء : يله نمشي أنا وياك سامي : جا والله حتا جا هاهو هبط من طاكسي انهبط نجيبو _ وصلت حدا الكار تلقا ليا سامي تسالمنا أنا وياه وشد ليا في ايدي باش نطلعو لكار وانا كنمثل عليهم وكنتمسكن غير طلعنا الشيفور ديمارا ريحت حدا سامي لقيتو شاد ليا بلاصتي وسناء ومريم ورانا و حمزة وفدوى قدامي مريم : الله ياخويا أش هاذ التعطيلة خلعتينا سناء : على السلامة تعطلتي اصحبي يحساب ليا ماتجيش _ لا منقدرش مانجيش عطيتكم الكلمة عطلني الطاكسي سناء : وعلاش كنصوني ليك مكتجاوبش _ ماسمعتوش هاهو تيليفوني شوفو ياكما درت ليه الصيلونص بالغلط سامي : اه فيه الصيلونص _ ماعليش تعطلت غير بنصف ساعة الأهم هو أنا وصلت ومعاكم دابا سناء : كون ماجيتيش نجي نجيبك أسي مهذي من داركم مريم : مالك كضحك يحساب ليك ماديرهاش والله حتا ديرها امهدي ، عنداك شي نهار دير معاها وتخوي بيها تجي تجيبك راها غير هبيلة _ أنا مانقدرش نخوي بشيواحد عندي كلمة وحدة قلت غادي نجي راه غادي نجي ماغنجيش راه ماغنجيش فدوى : مزيان اخويا الراجل هو الكلمة _ وحنا شادين الطريق طلق لينا شيفور شي دياسك والركاب ديال ديك الرحلة زاهيين كيغنيو و كاين واحد خونا مكلف بهاذشي الترفيهي كان مزهي لينا الوقت و الكار غادي وحنا ناشطين ماكين غير الضحك والغنا وحتا طريق زوينة كاتميز بمناضر لي واعرة والكار جديد مريح ماحسيناش بطريق مع الجماعة ، وصلات 22:30 ليلا كنا قرابين لمرزوگة وحنا كنتحدتو حتا كنتفاجئو أن عدد كبير ديال طومبيلات واقفين في واحد المنطقة كلها خلا وقيفار ومضلمة والناس خارجين من الطومبيلات وواقفين وسط الشانطي وكان صوت الغوات سامي : ياربي السلامة أش هاذشي واقع _شيفور ديالنا وقف الكار في جنب الطريق ونزل يعرف اشنو واقع تبعوه شي دراري نزلو تبعتهم أنا وباقي الركاب لي معانا كلشي نزل يتسوق الخبار ... الشيفور دغيا تخلط مع الناس الشيفور : ياك لباس شنو واقع _من بعد ماسولنا قدرنا نعرفو أنا سباب داك الصداع هو واحد العائلة كتكون من الابوين و 2 بنات وولد خسرات ليهم طومبيل في هاذ الخلا ، ضطرو يوقفو يقادوها مع نزلو من الطومبيل وقفو عليهم أفارقة خطفو البنات وتاجهو بيهم اتجاهالغابة الأم والاب مساكن مقهورين وكيبكيو وكيغوتو عتقوو بناتي سناء : ياربي تشوف من حالهم مساكن _ شيفور داير فيها زعما قافز وكيسول في واليدين البنات بحال شي مفتش شرطة تقول غادي ايعاونهم وهو باينة فيه غير بلا بلا الشيفور: منين دازو اختي _ نعتات ليه الام من دازو ولكن اش عندو مايدير غير الهدرة الخاوية كيف قلت الشيفور : اه من تما دابا يجيو البوليس وغادي يرجعو ليك بناتك كوني هانية _ بقاو فيا البنات وحتا واليديهم مساكن فكرت تاعييت وعرفت ماكين لي يعاونهم هنا والجدارمية معطلين قلت لي ليها ليها غادي نحاول نعتقهم واخا نعرف نتفرش قدام الناس ولكن هانيا ، حسن من أني ماندير والو ياريت كون كانت دامي هنا تكلف ولكن للأسف قنعتها ماتجيش ، بقيت حاضي مع سناء وكنحاول نتسل منها حيث كانت لاسقاني بحال ضلي كنتسنا غير تغفل عليا باش نتحرك ( كنقول مع راسي سيري عفاكككككك ) فدوى : سناء اجي واحد الدقيقة نقول ليك _ واخيرا هاذي هي الفرصة ديالي ، مع بعدات عليا شوية تسليت منها وبقيت كنتسلت بشوية بشوية على الجميع حتا غبت عن الانضار ديالهم ودخلت لغابة خدمت واحد البيل وبديت كنجري في تجاه الطريق لي نعتات الام من بعد 10 دقايق بديت كنسمع صوت البنات كيغوتوو توجهت لمكان لي جاي منو الصوت لقيت مخيم مصايب بگياطن كبار ودايرين بيه مانط رابطينهم مع الشجر وشاعلين العافية كيدفاو بيها ، تخبيت ورا واحد الشجرة و درت كشكول صحراوي على وجهي كنت جايبو معايا طفيت البيل و بقيت مراقب الوضع خوكم عندو الرؤية HD بليل موالف ببحال هاذشي ، من خلال المراقبة ديالي حسبت العدد ديالهم وكانو 9 الأفارقة مفرقين بين الخيام بقيت كنتقدم بشوية ب مع داك الحر لي فيا دخلت في 2 كانو في مقدمة المخيم واحد ضربتوو براس لوجهو ولاخر جمعتو بنص طاح الأرض وضربتو برجلي على وجهو مابقاش ناض دزت لواحد اخر بغا يضربني بموس شديت ليه دراعو وقلبتو على راسو ودزت لآخرين خليت دار بوهم ماكين غير هاذي تنفع هاذي ضر ولا الطايح كتر من النايض وهاذشي عادي بالنسبة ليا أن مدرب على أعلى مستوى ونقدر ندير اكتر من هاذشي ، دخلت ل خايمة جاي من منها الغوات كيبانو ليا 2 آخرين كيحاولو يتعداو على دوك البنات . وهوما معافرين معاهم حيث البنات كيقاومو فيهم وحدة قدرو يحيدو ليها جزء كبير من ملابسها ولاخرة غير تقطعو ليها شوية الافريقي : tu fais quoi ici _ ولد العبد هو متكي الأرض شاد البنت وكيدوي معايا جيت فيه برجلي لوجهو جبتوو دودة لاخر ناض بغا يضربني شديت ليه ايديه بجوج وضربتو براس لوجهو طاح الأرض تلاحيت عليه وبقيت ندخل ليه في كروشيات لوجهو حتا ولات ايدي كاملة دم وهو غيب .... كانو شي ازارات بيضين تما عطيتهم لبنات يغطيو راسهم ومديت ليهم البيل ونعت ليهم طريق حيث كانت غير طوالة وحدة وغا يخرجو في شانطي نيشان طلبت منهم يجريو ومايشوفوش وراهم في الأول خافو طلبوني نمشي معاهم ولكن قلت ليهم ميخافو والو ماكينش لي غادي يأديهم غير هو مايتلفتوش وارهم مشاو كيجريو وانا مسحت دم بداك الكاشكول ولحتو عاد تبعتهم من لور ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM