الوحش وزوجته الجريئة #الجزء 6 : بعد مرور ساعات وصلو المغرب وبالضبط فالمطار الدولي بالرباط ،خرج مروان والحاجة استنشقو الهواء ديال البلاد مشا مروان قاد المسائل ديال الوراق تاني وايناس ورضوان كيف العادة كايدابزو هه رجع مروان وركبو فالطوموبيل وتاجهو الدار لي غايبقاو فيها كانت عبارة عن فيلا متوسطة وصلو ودخلو يستارحو مروان:الحاجة ياله انا غانمشي للشركة ونتا نوض تحرك معايا رضوان:هاني نضت ياله اسيدي الحاجة:بسلامة وطريق السلامة.خرج مروان ورضوان مشاو ديريكت للشركة ايناس:ماما شفتك قلتي ليهم طريق سلامة ياك ماغاديين لقندهار هههه الحاجة:الله يمسخك ابنيتي نوضي نجمعو الدار راكي مابقيتيش تحشمي ايناس:اووف هاني نضت.بقاو كايجمعو الدار وقادو الحوايج في الماريوات ***اما عند قمر فاقت بكري وكانت مخنوقة ومشات لبيت خوها بدر،دخلات وتخشات حداه وهو حس بيها ودار عندها عنقها بدر:حبيبتي مالكي قمر:ماعرفتش ابدر حاسة براسي مخنوقة بدر بخوف:واش البيريود تاني ولكن باقي وقتها قمر:لأ ماشي البيريود ابدر تفكرت ماما بدر:قمر هضرنا فهاد الموضوع،واش ديما اتبقاي ديري هاد الحالة فراسك قمر عنقاتو وبقات كتنخصص وهو كايطبطب عليها بحزن على حالتها ،حتى دخلات عليهم سناء وتلاحت فوقهم سناء:كنت عارفاكم غاتكونو مجموعين بدر:تي مالكي دايرا كي رعدة ياربي السلامة سناء:انا اللي ماعرفتش مالك،دابا نت تاتعنق ختك وانا ماعلياش الله بدر:ههه اجي لهنا.مد ليها يديه وتلاحت عليه وهي كاضحك وقمر حلات عينيها:فينما ندور نلقاك حدايا ياربي السلامة سناء:وراك وراك والزمن طويل بدر:ياله نعسو وهنيونا من الصداع سناء:اووف واش انا فقت دابا باش نرجع نعس،انمشي نفطر حسن ليا.ناضت خرجات وناضت موراها قمر كاتغوت:واتسنايني المهاوشة،تا انا باغا نفطر بدر بقا مصدوم:وانا اللي حمق داير عقلي فبرهوشات ناض مشا دوش ولبس تيشورت ابيض وسروال اسود وكويرة سوداء نزل عندهم لقاهم مجموعين علي الفطور وكلس معاهم فطرو وناض سي رضا هو و بدر مشاو لخدمتهم واما قمر بقات معاهم فالدار سي رضا:علاش خليتي قمر نتى عارف ختك ماغاتهنا تادير شي زبلة بدر:غير خليها،جات عندي صباح كتنخصص باقي مانساتش الموضوع ديال مها ونتا عارف ماخرجناها من داك الحالة حتى غفر لينا الله الذنوب سي رضا بحزن:ماغديش تنسى صعيب باش تنسى اولدي ...... #يتبع....... #أرائكم وتوقعاتكم فناظركم شنو لي ماغاتنساهش قمر؟؟وعلاش مها ماكايناش معاهم؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM