الأسود 🖤 الجزء 62 🔥🔥🔥🔥🔥🔥 ( التتمة من بعد 400 لايك ، القصة غادية تزيان كتر طاكيو صحابكم نزيدكم جزء آخر 🔥🔥🔥) نمرود: سير رجع لخدمتك بغيت نبقا بوحدي ، بقيت جالس بوحدي ومنكدبش عليكم حسيت بالملل كنت موالف كنجلس مع الأسود ومصطفى وسلوى وفهد كيعمرو ليا وقتي وكنتلاها ولكن حتا واحد فيهم ماصدق كاملين خونة بقيت كنتفرج شوية وأنا نتحرك لعيادة طليت على الطبيب سولتو على حالة الأسود طبيب : حاليا هو في غيبوبة ومزال ماتجاوزش مرحلة الخطر عندو الزهر المناعة ديالو قوية حربات السم أما كون مات الصباح نمرود : ايمتا أيفيق من الغيبوبة طبيب : فيد الله يقدر في أي وقت ويقدر مايفيقش بمرة على حسب قوة تحمل الجسم ديالو واش غادي يزيد يقاوم نمرود : خرجت كاعي مابغيتش يموت عولت عليه ودخلتو في خطتي حتى من طبيب لي فقدو الذاكرة ديك الخطرة هدرت معاه علمتو يجي عندي ❌❌❌❌❌ القنيطرة مهدي : من بعد يوم شاق حنا جالسين مجموعين على 3 الميادي ديال الفطور 2 فيها عائلتنا ووحدة بعيدة شوية جالسة فيها سلوى ومصطفى لي كانو بوحدهم مزعموش يجلسو معانا دامي : تهلات فينا سلوى والخدمات حطو لينا مالذ وطاب في الأكل نور : علي شنو غادي نديرو مع الحراس والفرقة ديالي واش ايبقاو في دار علي : بلاتي نسول سلوى ... سلوى بغيت رجالنا يحضرو هنا ويكونو في قربنا سلوى : الى كنتي كثيق فيهم ماكينش موشكيل عيط ليهم وقول ليهم نيت يجيبو ليكم حوايجكم علي : ديك الساعة تاصلت بالذيب علمتو يجي هو باقي دراري ويخلي البعض فقط من أجل الحراسة ويجمعو الحوايج ديال كلشي ويجيوو لعنوان ... قطعت الاتصال وجلست كنتفرج وهكذا دازت 3 سوايع وصلو رجالنا كاملين ولي عجبني في سلوى هي دارت الثقة فيا امرت رجالها مايقلبوش رجالي ودخلو بدون تفتيش الذيب : سلام عليكم هاذ السيكان فيهم حوايجكم كاملين كل واحد جمعنا ليه حوايجو من بيتو في صاك وكتبنا سميتو حسناء : ياويلي حوايجنا جمعوهم رجال حشومة دامي : عادي اخالتي هههههه حسناء : ياويلي اشنو غادي يشوفو شنو كلبسو لداخل حشومة سلوى : أمرة رجالي يدلوهم على غرفهم بالمناسبة الفيلا كبيرة بزاف فيها 24 غرفة مبنية على أساس مقر عسكري ... شوفو توصل 3 نسيفط الخدمات يفيقوكم باش تصحرو مهدي : تفرقنا كل واحد قصد الشومبر ديالو أنا دخلت تكيت شوية كنسمع دقان نضت حليت لقيتها دامي دخلات تكات ليا على صدري وحنا كنهدرو ... قول ليا شنو بان ليك في موضوع سلوى دامي : بقات فيا بكل صراحة عاشت ضروف قاسية بزاف مهدي : حتا انا واخا ماتقتش بيها دامي : أنا تيقتها شتي واخا هي شريرة عمرها اداتنا بالعكس اخيب تصرف دارتو هي دات تسنيم لسناء ولكن هي لي عاوناتها وعتقاتها من الموت وكنضن كون مابغاتش تعاونا حيث بغات عائلة ماغدي يكون عندها حتا سبب اخر تعاونا عليه مهدي : ماتيقيش خلي ديما شوية الشك دابا ماعندنا مانديرو الوقت هو لي غادي يبين نيتها ، بقينا كنهدرو حتا وصل الصحور دقو علينا حراس سلوى نتصحرو خرجت انا ودامي تلاقينا بالعائلة كلينا وصلينا ورجعنا نعسنا دامي : بقيت ساعة في بلاصتي مجانيش نعاس قلت نخرج نتمشا شوية على برا وأنا خارجة سمعت صوت البكا ديال أنثى بديت كنقرب شوية بشوية نشوف شكون حتا وصلت حدا واحد الصالون خاوي وهي تبان ليا وحدة لابسة جلابة ودايرة زيف جالسة على صلاية وكتبكي وكدعي الله يغفر ليها في الأول يحساب ليا وحدة من الخدمات قربت باش نشوف مالها مع قربت حسات بيا تلفتات وتما تصدمت أنها كانت سلوى شافتني مسحات دموعها سلوى : دامي مانعستيش دامي : لا مانعستش مالك كتبكي شنو واقع سلوى : كل نهار كنصلي وكندعي ربي يغفر ليا على جرائمي حيث مابغيتش ربي يعاقبني ويبعد عليا راجلي وولدي او بنتي لي في كرشي ندمت أدامي على كلشي مابقيتش قادرة نصبر دامي : إن الله غفور رحيم الى بصح نيتك زوينة وحسنة ونويتي توبي ربي ايغفر ليك ولكن خاص تبعدي على القتل سلوى : أنا مستعدة نبعد على كلشي ماخصني والو من غير الجنين ديالي وراجلي بغيت حتا أنا نعيش بحال الناس دامي : الله يدير لي فيها الخير تصبحي على خير سلوى : دامي بليز ولي تجي عندي لهاذ البلاصة في هاذ الوقت نهدر معاك محتاجة معامن نجمع ونخوي قلبي دامي : يكون خير بسلامة ، توجهت لبلاصتي نعست ومافقت حتا وصلات 2 ماكنتش خدامة عندي كونجي اول حاجة درت هي مشيت قديت حاجتي وغسلت وتوجهة لصالون ديال الفيلا لقيت خالتي حادة تما ولالة فاطمة وحسناء وسناء وعلي كايهدرو مشيت نضميت ليهم وبديت كلعب مع تسنيم واحد لحضة دخلات سلوى شافتها تسنيم بغات تمشي عندها سلوى : سناء عطيها ليا لعب معاها شوية دامي : سناء ترددات مابغاتش تعطيها ليها في الأول وبدات كتشوف فينا وانا ندير لسناء يالاشارة اخليها سلوى : خديتها منها بقيت شحال وانا كنعنق فيها وفرحانة بيها وهي كذلك تال واحد لحضة تطلق الانذار قفزت من بلاصتي وكلشي تخلع ... مصطفى شنو واقع شكون مهاجمنا مصطفى: كاين واحد الولد سيفيل سميتو كريم سلوى : إذن علاش الانذار خدم مصطفى : خليني نكمل كلامي كريم قال لينا هو القائد ديال فرقة الحشاشين و معاه 5 من الحراس ديالو طلب منك يتكلم معاك باغي يدخل شنو نديرو سلوى : دخلو وغمضو ليه عينيه جيبوه لبيرو ديالي مصطفى: درنا داكشي لي قالت دخلاناه لعندها كريم : الانسة سلوى نهار كبير هاذا سمعت عليك بزاف تشرفت بمعرفتك سلوى : قول ليا أسي كريم علاش جيتي كريم : عندي أوامر بالاستجواب ديالك سلوى : نتا في مكاني ماعندكش الحق تستجوبني كريم : كنفضل تسمعي كلامي ونحلو الأمور سلميا حسن من نضطر نجيب الفريق ديالي لعندك ونستعملو العنف ، قولي ليا فين هو الأسود وعلاش قتلتي باك سلوى : الاسود كاين عند نمرود وقتلت الأب ديالي حيث بغاني نقتل راجلي وعطاني الأوامر باش نقتلو صدقت قتلاه هو كريم : متأكدة من كلامك عندي خبار أن الأسود مخبياه نتي سلوى : متأكدة من كلامي كريم : جيت نقول ليك أن القرار ديال موتك مزال ماخرجش لا نتي لا الأسود حتا نلقاو سي يوسف ونحققو معاكم بجوج باش نعرفو شنو كان هدفكم من موت الرئيس ديك الساعة نشوفو مصيركم سلوى : سير قلب عند نمرود غادي تلقاه وستجوبو كريم : دويت مع نمرود على ماقال الأسود ماكينش عندو ومانضنش نمرود يكذب علينا ، ماعلينا الى كان عندك وكذبتي علينا فراه مصيرك الموت وديري في بالك واحد الهدرة انقولها ليك عندك مهلة من هنا لنهار لعيد مالقيناش الأسود أنجي نزورك مرة أخرى وهاذ المرة أنا وبقية الفريق وعنداك يحساب ليك هاذ الحيوطة وشوية الرجال لي جامعة ايحموك منا لااااااا راكي غالطة فكري مزيان في كلامي سلمي الأسود أو قولي ليه يجي عندنا باش يتحاكم من طرف البوص ونعرفو مصيرو ماتعرفي يخرج برائة ماشي من مصلاحتكم يبقا مخبي سلوى : شنو يحساب ليك غادي تجي عندي تال هنا وتهددني شكون يحساب ليك راسك ، نضت من الكرسي و توجهت ليه بغيت نضربو بكروشي شد ليا إيدي لواها وخشا ليا كروشي لوجه رعفني وشدني من شعري جا مصطفى وبعض الرجال هزو عليه السلاح كريم : غادي نحتارمك حيث انا ضيف عندك مرة أخرى ماتعاوديش ديري معايا هكذا انقتلك سلوى: ديه من هنا أمصطفى مصطفى: غطيت ليه عينو و توجهت بيه لباب خرج ورجعت عند سلوى لي كانت واقفة مع علي ومهدي ودامي وكتمسح الدم من نيفها سلوى : جا كيهدد فيا باش نعطيهم الأسود مهدي : ياك هو عندهم خداه نمرود سلوى : كيبان ليا نمرود مخبيه عليهم دامي : سلوى نتي بيخير ماوقع ليك والو لكرشك سلوى : أنا بيخير مقاسنيش في كرشي ، ولكن لي ضرني في راسي لاش كيخطط نمرود ملي مغامر براسو ومخبي يوسف عليهم وإلا باغي يلعب لعبة كبيرة .... وانا كنفكر تفكرت واحد الكلام قالو ليا نمرود 4 الخطرات بضحك ( كون كنت أنا لي تكلفت بمشروع الأسود كان غادي يكون احسن نرجعو كلب يخدمني غير انا ونضمو رجالي ) كنت سولتو اخر مرة قالها ، كون جاتك الفرصة ديرها بدا كيضحك وتلف الهدرة سلوى : زعما يفكر يديرها ... موشكيلة خاص نلقاو نمرود في اقرب وقت على حساب توقعي يقدر يدير نفس العملية ويفقدو الذكرة ويرجعو معاه مصطفى : مامستبعدش يديرها نمرود بعد مرور 5 ايام ❌❌❌❌❌ نمرود : وأخيرا البطل فاق _ حليت عينيا لقيت راسي ضاربين ليا المينوط و نمرود قدامي فرحت في الاول وماهي إلا تواني وبديت كنستوعب وكنتفكر شنو وقع ليا قبل مانغيب ، علاش عتقتيني نمرود : بغيتك تولي في صفي أيوسف _ مستحيل نولي في صفك أنا تبت مابقيتش بغيت نقتل المزيان لي غادي ندير معاك هو غادي نسامحك على عملتك معايا داكشي علاش خليني نمشي بحالي نمرود : هههه اصلا ماغديش تولي في صفي بخاطرك ، غادي نفورماطيك كيف المرة الأولى _ كيفاش المرة الأولى مافهمتش شنو كتقصد نمرود : اوبس قصة طويلة مي عندي الوقت الكافي نعاودها ليك ، نتا اولا سميتك أمين وماشي يوسف ونتا كنتي نائب رئيس المخابرات سابق وعائلتك ماماتوش تعقل على قصة لي عاودت ليك على داك خونا لي خدا لخويا أحمد مرتو سناء وقتلو؟ _ اه عاقل شنو قلتي ليا على لي قتل خوك مالو ؟ نمرود : يا الحمار هاذ الشخص هو نتا وتسنيم راها بنتك وكنتي غادي تقتلها بيدك لاهي لاخطيبتك سناء وعائلة علي هوما عائلتك نتا في الأساس وداك خونا لي كيشبه ليك والبنت الصغيرة لي رجعنا ليهم هوما خوتك هههههههه _ بلاتي بلاتي عاود شنو قلتي نمرود : كنضن تبلوكيتي هاذي هي الحقيقة الأسود لعبنا عليك لعبة كبيرة رجعناك من واحد في المخابرات كيحمي ناس لمجرم خطير كيقتل الناس بفضل واحد الجهاز فقدناك ذاكرتك ونتا بحال الحمار تيقتي كلشي _ لاااااااااا مستحيل مايمكنش هاذشي لي كتقول يكون بصح نتا كتكذب عليا نمرود : هاذي هي الحقيقة تقبلها أو لا شغلك هداك ماكيهمنيش لي كيهمني هو ندمرك من مدة أسي أمين وأنا بغيت نصفيها ليك ونقتلك حيث كنكرهك ولكن كان ديما زهر كيلعب معاك أو نقدر نقول بيلا سلوى هي لي كانت كتحميك مني حيث كمية الحقد لي كنشعر بيها تجاهك هي نفسها كيمة الحب لي كتحبك وهاذ الحب هو لي غادي يجيب ليها تمام _ تفكرت اخر كلام ديال فهد الله يرحمو وكلام العائلة ديال تسنيم فاش كيوقلو ليا أمين و تسنيم راها بنتك وحتا دوك رؤيات والتهيئات لي كيجوني وتما تأكدت بيلا كلامو بصح ... غادي نقتلك المجريم والله ماتبقا فيك نمرود : دابا غادي نفورماطيك مرة أخرى ونسيفطك تقتل سلوى وعائلتك يالا الروعة كم انا شرير ههههههه ، خليتو بغا يترطق وخرجت الكافيتيريا تلاقيت ب الطبيب لي فورماطاه المرة لولة كان عاد وصل مشيت تكلمت معاه ... سلام دكتور مرحبا بيك طبيب : شرف ليا نشوفك مرة أخرى سيدي نمرود فاش نقدر نعاونك نمرود : بغيت تعاود ليه نفس القضية ديال ديك الخطرة لأسود مرة أخرى وهاذ المرة بطريقتي دكتور : ولكن أسي نمرود صعيب هاذ المرة يقدر يأدي الأمر لنتائج عكسية ممكن يتفكر حياتو الأولى أو يقدر يفقد الذكرة بمرة ومايشد لينا والو نمرود : شوف أدكتور ماتقولش ليا هاذ الهدرة الى ماوصلش لنتيجة مزيانة غادي نقتلك بيدي دكتور : غادي نحاول على قبلك ، شديت ليه بخاطرو حيث كنت خايف منو صعيب الحال كنضن العملية غادي تفشل عندي أمل ديال 1% _ ولاد لحرام لعبو بيا كيف بغاو قتلت بزاف ديال ناس أبرياء عيب عليا ... بقيت كنبكي حتا تفشيت من بعد جابو ليا الماكلة في الأول رفضت ناكل من بعد فكرت مزيان وكليت حيث بغيت نرجع صحتي ونتاقم من نمرود ساليت ماكلتي ورجعت نعست ، من بعد يوماين وليت بيخير داوني لغرفة على شكل عيادة وجات اونفاص مع بيتي أنا وسلوى دارو ليا مينوط مع كرسي ديال الالومنيوم لاصق مع الارض ماصحيحش بزاف ولكن كانو إيدي مربوطين دار ليا الطبيب واحد الجهاز على راسي ودگ ليا برا ديال المخدر وبديت كنحس بضو كيضربني في راسي وأنا كنغوت وكنبكي كنت كنتألم ونمرود قدامي كيضحك .... أااااااااا راسي راسي هاذشي مؤلم مابقيتش قادر نتحمل حيدوه ليا على راسي عقلو ، عقلو مزيان الحمير ماغديش نسا ونفقد ذاكرتي مرة أخرى واخا ديرو لي درتو فيا وغادي نقتلكم واحد بواحد اهئ اهئ وعد مني غادي نقتلكم ونتاقم منكم على كاع الأفعال لي درتو فيا رجعتوني وحش وغادي تحملو العقاب نمرود : إلى خرجتي من هنا اجي عكر ليا _ من بعد نصف ساعة ديال العذاب داوني لسجن ديال المقر ولاحوني تما والصدمة هي فاش بديت كنستعقل على نفس لحضات والعذاب لي دوزت ليوم دوزتو في بلاصة اخرى ونفس الطبيب كيقول ليا نتا الأسود وأنا كنقول ليه أنا سميتي أمين بقيت شاد في راسي وأنا كنحاول نتفكر حياتي لولة وكنفكر في مصير عائلتي وسلوى جندي من فريق الذئاب : الأسود هاك كول _ لاح ليا الماكلة وخرج وأنا بديت كناكل حتا ساليت ومشيت نتكا بلاصتي وهكذا دازت 9 ايام من حياتي في هاذ المدة منعاودش ليكم على حجم العذاب النفسي والجسدي لي دوزت راه بزاف ديال بزاف ولكن لي زوين هو رجعات ليا ذاكرتي وليت عاقل على كلشي من نهار شدوني في الرحلة الى يومنا هذا والفضل كيرجع لنفس الجهاز لي فقدني الذكرة المرة الأولى ، من بعد كل حصة طبيب كيحاول ينسيني حياتي وانا العكس كنتفكر الماضي وحتا من البنج مابقاش كيشد فيا خديت زيزوار صغيرة لقيتها طايحة في الأرض وليت من بعد كل ضربة ديال المخدر لي كيستهدف عقلي كنجرح راسي عند ضهري وكنستعقل وكلعبها على الطبيب كندير راسي مغيب وفي الوقت لي هو كيبدا يقرا الكتاب ديالو كنبقا كنحل الڤيسات ديال الكرسي وقربت نساليهم والعدد ديالهم 4 ، في اليوم الثاني عشر من تواجدي في المقر خداوني الحراس لغرفة لي فيها طبيب ضرب ليا البرا عند عنقي وركب ليا الجهاز ومشا جلس بلاصتو جرحت راسي وحليت الفيسات ب 4 ... سي الطبيب بغيت نسولك واش عندك شي ولاد ؟ طبيب : عفوا شنو قلتي _ سولتك واش عندك شي ولاد أو واش كاين لي صرف عليهم ويتكلف بيهم من بعد ماتموت طبيب : غريب كيفاش حتا قدر يهدر ... باش كتحس _ كنحس بالفرحة حيث جاتني الفرصة باش نقتلك .... لحت ليه الڤيسات قدامو بقا مصدوم دفعت بيدي الكرسي طاح بيا لور وتحل الكرسي خرجت ايديا بالمينوط من الحديدات ديال الكرسي وضربت الطبيب بواحد الحديدة لراس صفيتها ليه ، دقيت في الباب دخل واحد من الحراس شافني كحل بالعما ...يتبع ( التتمة من بعد 400 لايك ، القصة غادية تزيان كتر طاكيو صحابكم نزيدكم جزء آخر 🔥🔥🔥) #قصصص #قصص تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM