قصة المزحة #الجزء 41 : ايلاف : برااااا غير كتحلم ماغادي نمشي معاك لحتى قنت ارثر خرج و سد الباب وراه ايلاف: حماااار , كللب جودي: صافي صافي سكتي, تهدني دابا ايلاف: شفتيه على هضرة قال بحال انا محتاجاه, هي لي ماغاديش تكون ليك ا سي ارثر غير حلم عمرها ماتكون ليك و لا نمشي معاك. من بعد 3 ساعات بالضبط ايلاف كالسة في طوموبيل و كنتفخ و ارثر حاضيها من المراية و كيضحك بوحدو و كيتفكر كيفاش كانت كتهضر و دابا كالسة وراه بزز منها و كانت تابعاهم جودي و باتريك وراهم ارثر لي بغا يستفزها: اش كنتي كتقولي ها ؟ ايلاف بدات تنفخ و مابغاتش تسمع استفزازو هزات تيليفونها من الساك و دارت ليكيت و خلاتو كيهضر بوحدو الشيء لي خلاه يزيد يضحك و يشوفها هي ماراضياش و كيتفكر اش دارت ليه قبل ماقبل قبل 3 سوايع ايلاف: شفتيه على هضرة قال بحال انا محتاجاه, هي لي ماغاديش تكون ليك ا سي ارثر غير حلم عمرها ماتكون ليك و لا نمشي معاك. جودي: صافي ماتسوقيش ليه مالو غادي يديك بزز ايلاف: هذاك ماكيعياش من لعب باغي يبقى غير يلعب دخل عليهم ارثر : مهم من هنا ل 3 سوايع غادي نمشيو راه هضرت معاهم واحد شوية غادي يجيو ممرضات يوجدوك و خرج سد الباب هزات ايلاف الفاز لي حداها و شيراتو لباب ايلاف: ها لي قلنا عقلو باقي صغيير هاد الزمر و لكن و الله الا سكت لييه غير بلاتي علييه جودي: اش غادي ديري ؟ ايلاف: دابا نورييك, سيري خرجي دابا و قولي ليه يجي عندي باغاه جودي: اوييليي اش بغيتيه ؟ ايلاف: غادي نلعب معاه كيف بغا و لكن هاد المرة على قوانيني جودي: ناري كتخلعيني اش دانا لشي صداع اخر ؟ ماكفاكش اخر مرة ايلاف: ماتخافيش هو بغا يدير خير و لكن انا غادي نردو ليه ببومزوي غادي نخليه يطج حتى غادي يندم على نهار لي اقتارح فيه يعاونا و لكن قبل غادي غير نهضر معاه و نشوف معاه شي حل ديك ساعة الا مابغاش انوريه اللعب ديال بصح مشات جودي واخا ماراضياش على هادشي عيطات ليه دخل عندها و سدات الباب ايلاف: اجي كلس نهضرو كزوج ناس كبار و متحضريين ارثر: احسن حاجة غادي ديري , غير هو غادي نعلمك من هنا اي حاجة قلتيها ماغاديش تغير القرار ديالي فبلاما تحاولي ايلاف: ياك قلتي انهضرو و نتفاهمو هادا ماشي تفاهم ارثر: يالاه قولي نشوف ايلاف: راه عندي 21 سنة يعني قادرة ناخد قراراتي راسي و نتحمل مسؤوليتهم ارثر: بصح ؟ و انا في عمري 31 راك باقي صغيرة مع راسك ايلاف: ااااارثر كنهضر بصح مكنتفلاش ارثر: واخا ها انا ساكت قولي اش بغيتي و ماغاديش نقاطعك ايلاف: راني بنت و قدرت نخلي بلادي و جيت لهاد البلاد يعني كنت مستعدة لاي حاجة غادي طرا و انا نتحمل مسؤوليتها سوا كنت صحيحة و لا معطوبة و انا دابا فقادرا نهز راسي و مانحتاج حتى واحد يشفق عليا و لا يعاوني, داكشي علاش شكرا على الطلب ديالك و لكن مع الاسف غادي نرفضو و زيادة على هادشي ماعندي معاك حتى صلة قرابة باش نمشي معاك و تحضيني ارثر قرب ليها حتال وجها: كملتي ؟ ايلاف لي توترات من القرب ديالو: ها اممم ارثر عرفها توترات و بغا يزيد يوترها شد شعرها و دارو ليها ورا ودنيها و دوز صبعو تحت عينيها فين ولات ليها الدقة زرقة و هو باقي قريب منها: ملي كملتي هضرتك مزيان انا هضرتي انا كملتها قبييلة و قلت ليك غادي تمشي معايا و غمزها و نزيدك انا ماكنشفقش عليك و بما انني سباب فانا غادي نتحمل المسؤولية ايلاف لي بقات شحال عاد سرات معاها دفعاتو: نوض عليا قلت ليك ماغاديش نمشي معاك, قلت نتفاهم معاك بالخاطر ساعة نتا ماشي ديال الهضرة راه غير ديال المعيور ارثر غير كيتبسم عرف ردة فعلها حيتاش شاف في عينيها استسلام: مهم انا بديت اجراءات باش تخرجي و كلشي فاش تكوني واحدة نمشيو خرج و دخلات جودي جودي: اشنو؟ ايلاف: بغا يلعب و انا معاه و لكن و الله لا كانت لييه في بالي واحد الخطة...... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM