الأسود 🖤 الجزء 61 🔥🔥🔥🔥🔥🔥 ( التتمة من بعد 380 لايك طاكيو صحابكم يقراو ❤️ نزيدكم جزء اخر 🥰) عنوان الحلقة : ( ماضي سلوى الحزين 💔) الطبيب عبد الوهاب : عندي ليكم خبر مؤسف المريض حالتو خطيرة بزاف قلبو توقف وبزز حتا رجعناه للحياة وخلينا قلبو ينبض مرة أخرى الطبيب العزوزي : للأسف ماعندنا ماندير ليه ماعرفتش نوع السم لي تحقن بيه باش نعطيه الترياق ديالو سلوى : شنو الحل دابا أدكتور الطبيب العزوزي : المريض اتبقا حالتو مستقرة لقرابة ساعتين تقريبا من بعد اتسوء حالتو ملي ينتاشر السم في الجسم الكامل وللأسف هاذشي غادي يأدي لسكتة قلبية أخرى وهاذ المرة أصعب من الأول ومانقدروش نعتقوه ياسمين : شنو الحل ادكتور واش كاين شي علاج ولاصافي غادي يموت دكتور : كاين حل وهو خاصنا نوع السم لي تحقن بيه سناء : منين انجيبو نوع السم أسيدي ربي مصطفى: نمرود الوحيد لي عارف سلوى تاصلي بخوك طلبيه سلوى : واخا ولكن ما كنظنش يبغي الواليدة : عفاك أسلوى طلبيه سلوى : بعدت شوية على عائلة يوسف تاصلت بيه جاوبني نمرود : مسخوطة باك كنت عارفك غادي تصوني ليا هي راجلك مسكين كيلفض أنفاسو الأخيرة سلوى : اهئ اهئ بليز أنمرود عطيني نوع السم لي حقنتيه بيه وندير لي بغيتي عفاك نمرود : ختي حبيبتي ماتبكيش ماكنحملش نسمعك كتبكي دموعك غاليين كولشي عندو الحل سلوى : شنو ندير أنمرود عفاك نولي عبدة تحت من رجليك نفد لي قلتي ولكن ماتحرمنيش من راجلي هو كل حياتي نمرود : أصلا نتي غير عبدة وغادي دفعي ثمن أفعالك بغيتي راجلك يبقا حي خاصك تقتلي الجنين لي في كرشك وتقتلي تسنيم حياة يوسف مقابل حياة ولادك سلوى : عفاك إلا هاذ الطلب بليز حن فيا أنا ختك خود روحي وولادي لا بليز اهئ اهئ نمرود : واخا تبكي الدم مانحنش فيك من بعد عملة اليوم صافي مابقاتش عندي أخت يله باي فكري في كلامي وعاودي صوني القرار كيرجع ليك سلوى : قطع عليا مشيت عندهم كنبكي مصطفى : شنو قالك ليك اسلوى سلوى : اهئ اهئ طلب مني طلب مستحيل يتنفذ الواليدة : شنو قال ليك اسلوى دوي دوي سلوى : بغاني نقتل الجنين لي في كرشي وتسنيم باغي ولادو في المقابل ديال حياتو حسناء : مستحيل هاذشي مايمكنش تموت حفيدتي على ود مجرم اخلوه يموت سناء : ماما سكتي اهئ اهئ اش هاذ الوحلة أسيدي ربي سلوى : أنا مستعدة نقتل الجنين لي في كرشي غادي نزلو سناء : قتلوني أنا وبنتي أنا مستعدة نموت على ودو مهدي : من نيتك أسناء كدوي حياتك وحياة تسنيم مقابل الأسود لا مستحيل سناء : حياة أمين أهم على الأقل إلى رجع يقدر ينتاقم من المجرمين علي : وشكون ضمن يرجع أمين وماشي الأسود مايمكنش نفرطو فيك لانتي ولا بنتك مصطفى : لاااااااااااا مهدي وعلي عندهم الحق وياكم ديروها هاذا ماشي حل مانقدروش نضحيو بجوج أطفال صغار على قبل يوسف هو براسو مايرضهاش وبالأخص ولادو كاين حل واحد ولكن يقدر يصدق يقدر لا سلوى : شنو هو أمصطفى الحل مصطفى : نكشفو مكانا لحشاشين ونمرود يجيو يديوه يا يعالجوه أو يقتلوه ماعندنا حتا حل آخر سلوى : اقتلوه بدون تردد نسيتي بيلا حنا مطلوبين عندهم مصطفى: يوسف مهم لبوص يقدر مايقتلوش على كل حال هو ميت هنا اللهم نحاولو ماعنداش حل آخر خليه ليهم وهو يواجه المصير ديالو وإلى مكتاب ليه يعيش رآه أيعيش مامكتابش ليه يعيش مزال أيموت ، تاصلي بنمرود قولي ليه موافقة أنك تقتلي تسنيم والبيبي لي في كرشك في سبيطار الأندلسي وعلميه بيلا عائلة أمين كاينين حتا هوما في السبيطار وأكيد غادي يجي يجري باش يقتلكم ، سيري دابا تاصلي ومن بعد المكالمة نقول ليك بقية الخطة سلوى : مشيت درت بكلام مصطفى تاصلت بخويا قلت ليه أني موافقة ، قال ليا بيلا ايجي باش يتأكد قطعت عليه ورجعت عندهم مصطفى: صافي نتوما كاملين سيرو من السبيطار ايبقاو معايا 5 من الفرقة الخاصة علي : يله نمشيو من هنا رجعو للدار سلوى : علي غادي تمشيو معايا الواليدة : ماعندنا فين نمشيو معاك نتي في طريق وحنا في طريق سلوى : سمعيني اخالتي بيما أنكم عائلة أمين راكم في خطر حتا نتوما نمرود غادي يبغي يقتلكم ويقتل تسنيم وأنا منبغيش هاذشي دابا عدونا مشترك وأنا مأمنة راسي مزيان و نتوما غادي تكونو في أمان جنبي ، ملي يموت خويا ونساليو من الحشاشين كل واحد يشد طريقو علي دير إيدي في إيدك هاذ المرة خلينا ندمرو نمرود والحشاشين مهدي : منقدروش نتيقو في وحدة بحالك سلوى : تيقو فيا لو كان بغيت نأديكم كون درتها من شحال هاذا او دابا نيت ولكن نتوما عائلة راجلي وعندنا هدف واحد مصطفى: علي مهدي تيقو فيها ماعندكمش حل آخر نمرود غادي يبغي يقتلكم وماهي إلا مسألة وقت حتا يهجم عليكم في الفيلا ويقتلوكم والموكشيل الكبير هو كاين أعداء آخرين سميتهم الحشاشين أقوى من الذئاب راكم شفتو الأسود كيفاش كانت ردة الفعل ديالو قبيلة في الدار ، كونو متأكدين ملي ولا الأسود عدوهم غادي يقتلوكم مكاينش عندهم حتا سبب باش يخلوكم عايشين حيث الأسود وسلوى والرئيس هوما لي كانو شادينهم على ود البنت وعلي ودابا الرئيس حتا هو مات علي : موافق يله نمشيو من هنا أسلوى سناء : قبل مانخرجو مشيت أنا وسلوى طلينا على أمين لأخر مرة بستو في جبهتو وخرجت سلوى : يوسف معروف عليك قوي ماكنتش كنتخيل نشوفك شي مرة بهاذ الضعف للأسف مابغيتش نتفرقو بهاذ الطريقة احبيبي تهلا في راسك ربي معاك مصطفى : من بعد مامشا كولشي بقيت أنا و 5 من الفرقة الخاصة ديال الذئاب حارسين غرفة الأسود حتا بان ليا نمرود جاي مع رجالو في الكولوار ، بدينا في تبادل إطلاق النار وفي نفس الوقت بديت كنتراجع أنا والدراري وضربناها بجرية هربنا من الباب لوراني خليتهم بوحدهم مع الأسود من الأول هاذي خطتي نمرود : هههههه هربو وخلاو الأسود بوحدو عيب عليهم يقولو أنهم كانو من الذئاب ، دخلت لغرفة الأسود كيبان ليا مسرح وناعس بحال الجثة جلست جنبو و بقيت كنضحك عليه ... أمين يا أمين قلت ليك عشتي كلب وبقيتي كلب هاذ القلب البيض هو لي دراها بيك واخا بدلناك ماقدرناش نبدلوك كامل نتا قلبك مختالف علينا يمكن هاذ الصفة كاينة عند ناس قليلة وهذا من سوء حظك الوقت مابغاتش الإنسان يكون طيب وكيثيق بزاف كيف كيقولو لي كيثيق سرو العصا والتبيديق نتا تقتي فيا كثر من القياس وكان هاذا المصير ديالك ، حتا نتا ماساهلش دمرتي عائلتي كاملة بسبابك خسرت خويا وخسرت بابا وختي خليتيني بوحدي أالسي أمين ولكن كنظن في مسألة سلوى نتا ماغلطيش هي لي نهار حبات طاح حبها على حجرة ، دابا شنو ندير معاك نقتلك أو شنو ندير بيك راني مليت منك ومن دور الأسود طلع ليا في راسي ولكن عندي ليك خطة زوينة أكثر انخليك عايش وغادي نفورماطيك تاني وهاذ المرة على طريقتي أنخليك تمشي تقتل سلوى وباقي العائلة ديالك بيديك وهاذشي كامل من أجل المتعة حيث ماليها حتا طعم تموت بهاذ الطريقة المملة من بعد أنا وياك غادي ندوزو الحشاشين نصفيوها ليهم ههههههه وبيك نتا غادي نملك السلطة دابا عاد عرفت علاش كولشي باغيك في صفو عندك واحد الطاقة مايمكنش والموت مخاصمة معاك من مدة طويلة وأنا باغي نقتلك ولكن فاش جاتني الفرصة بدلت الرأي ديالي ... دگيت ليه برا ديال الترياق وعيطت على رجالي يهزوه ويدمرو الكاميرات خدينا اومبيلونص من السبيطار وتوجهنا لمقرنا القديم لي كيتواجد في الدار البيضاء وتما كلفت واحد الطبيب يراقب حالتو ويعتني بيه مصطفى : ملي هربت من نمرود توجهت أنا والدراري ديال الفرقة الخاصة لمقر سلوى الجديد لي كيتواجد في مدينة القنيطرة وقفت حداه كان كيبان مصمم على شكل قاعدة عسكرية كبيرة ، كيف دخلت مع الباب تصدمت من داكشي لي شافو عينيا ، شفت بزاف ديال الحراس منتاشرين في جميع الأماكن ديال المقر وعدة قناصة موزعين في الأبراج والسطوحة زائد 5 ديال الهليكوبتر مبلاصيين وسط الساحة ، كيفاش هاذ المسخوطة دارت هاذ المقر وجمعات هاذ العدد الكبير ديال الرجال حارس : سيدي يله معايا من هنا مصطفى : مشيت مع الحارس حتال الفيلا فين كاينة سلوى دخلت وقفات عليا سلوى : قول ليا شنو وقع مصطفى: كنظن الخطة نجحات نمرود خدا يوسف معاه وجميع الأجهزة الطبية ديال الغرفة سلوى : ياس ياس ماعليكش امصطفى خطة زوينة مصطفى من اليوم غادي تولي نتا هو القائد ديال الفرقة الخاصة سير رتاح دابا ، امرت واحد من الحراس يديه لبيتو وأنا رجعت عند العائلة لي كانو جالسين وسط الصالون ... مرحبا بيكم عندي فرحت من القلب الواليدة : أش هاذ الصواب أسلوى واش يحساب ليك بهاذ الصواب غادي نساو ليك لي فات المجرمة سلوى : أنا أخالتي ماشي مجرمة الظروف لي خلاتني هكذا الواليدة : أشمن ظروف المجرمة أنا عارفة غير غادي تقضي بينا غراضك اتقتلينا نتي تجمعو فيك جميع صفات الخبت والمكر المسخوطة سلوى : خالتي أنا نيتي حسنة ماتسيئيش الظن والله ماناوية نأذيكم نتوما دابا عائلتي الواليدة : سيري تنبگي أشمن عائلة مايشرفناش تكون وحدة بحالك من العائلة ياكما يحساب ليك غادي نسا شنو درتي في راجلي في ولدي أمين نسيت نسيت نتي ماحنيتي حتا في باك لي كبرك المجرمة وتحني فينا حنا دامي : سلوى بدات كضحك ضحك هستيري من بعد جلسات على ركابيها وكتبكي بحرقة بقيت اكنشوف سلوى : اهئ اهئ أنا أخالتي ماشي خايبة كيف كيحساب ليكم أنا كان قلبي بيض وبريئة ولكن المحيط لي كبرت فيه غيرني كنت بغيت نكون طبيبة نساعد الناس ولكن الواقع المر غير داكشي لي تمنيت كولشي تبدل ملي الأب ديالي قتل الأم ديالي حيث حصلها كتخونو مع الحارس الشخصي ديالو كانت أول صدمة ليا في حياتي وأنا عندي 10 سنين ومن تما وأنا وحيدة ، كبرت شوية وحقد الأب ديالي تجاهي كبير حيث كنت كنفكرو في الواليدة حيث كنشبه ليها كان كيعنفني وكيضربني ويسبني كان في الأول كيجيني هاذشي صعيب وكيقتلني من الداخل ولكن بديت كنتعايش معاه تال واحد النهار سلمني جائزة لولد واحد صاحبو لي خدا ليا شرفي وأنا عندي 15 عام من تما سلوى تبدلات وبدا قلبي يقصاح واش عمركم شفتو أب كيعطي كبدتو للكلاب مقابل المصالح ديالو واكثر من ذالك الأب ديالي ماوقفش عند هاذ الحد ستاغل فرصة أني في ديك الفترة كنت مزال صغيرة و ضعيفة عاود عطاني لواحد آخر من صحابو تكرفس عليا هو و 3 من رجالو لمدة أسبوع قاسيت الويل والأسوء من هاذشي هو الأب ديالي براسو واحد المرة كان سكران و تكرفس عليا وكنظن بيلا هو ماعقلش على هاذشي حيث كان مكاوي ولكن أنا عمر يتنسا ليا لي دار فيا الحيوان شنو ذنبي أنا كنت ديك الساعة بنت صغيرة ماعندها لا حنين لا رحيم بلاصة ماهو مايكون السند ديالي كان هو الجلاد ديالي من تما حقدت عليه وواعدت راسي غادي نتاقم منو وغادي نقتلو بيدي قدرت في ديك لحظة نبدل من شخصيتي سلوى لي كانت باغية تحمي الناس ولات قوية وهي كتنتاقم من الناس ولكن ماشي من كولشي لي كنشوفو يستاهل الموت كنت كنقتلو بدم بارد دامي : وعلاش طول هاذ المدة ونتي معاه علاش ماهربتيش منو سلوى : حيث كنت بغيت نكون قوية وتكون عندي السلطة باش ندمر الأب ديالي والأمبراطورية ديالو وداكشي لي سعيت ليه وصلت ليه في الأخير قتلت المجرمين لي غتاصبوني واحد بواحد ب أسوء الطرق ووهمت الأب ديالي أني نسيت الماضي ونفذت ليه جميع الأوامر ديالو حتا ضمن بيلا انكون جنبو ودارني تحت من جناحو وولا كيعتبرني بنتو ولكن فات الحال على هاذ المعاملة ملي لقيت الفرصة صفيتها ليه بهاذ ليدين لأول مرة نحس بالمتعة ديال القتل حيث شفيت الغليل ديالي لمدة 11 عام وأنا كنتسنا هاذ النهار بفارغ الصبر نهار بنهار كنت كلما كنشوفو كنموت 100 خطرة من لداخل وأخيرا تهنيت منو ورتاحيت ، سمعيني اخالتي حادة أنا ماشي شريرة وبالاخص معاكم نتوما ماشي أنا لي قتلت السي عبد القادر وماكانش عندي خبار بيلا غادي يتقتل والدليل على كلامي أني كنت مراقبة أمين ودامي في الرحلة وهوما شافوني تما وحاجة أخرى مهمة عمري كنت في مهمة لي فيها قتل الأبرياء والناس العزل وكنظن علي عارف هاذشي كولشي دارو نمرود والأسود دامي : وعلاش تسلطتي علينا وعرضتي الجميع للخطر أسلوى سلوى : بالعكس أدامي أنا والله حتا درت لي في جهدي نحميكم وماتموتوش رجعت ليكم أمينة ووقفت الأسود يقتل تسنيم وطيحت عليه فكرة التعاون مع علي باش تبقاو حيين حيث كنت محتاجة للعائلة لافاطمة : بغيتي تكسبي عائلة بهاذ الطريقة في نظرك هاذي هي الطريقة الصحية سلوى : كبرت بلا أم و بين المجرمين كيفاش غادي نعرف الصح من الغلط وماكين لي يعرفني بالفرق بيناتهم بالعكس لقيت غير لي يزيدني لطريق الخايبة ، كنت بغيت نتبدل للأحسن نهار حبيت وقلبي الميت رجع نبض لأمين حيث شفتو مناسب كان شخص طيب كنت كنفكر أني إلى وليت معاه غادي نتبدل معاه ساعة للأسف كان معادي عائلتي وكان كيبغي سناء ومع ذالك بقيت مصرة ناخدو بأي طريقة وماكنتش كانعرف شنو كندير أو واش افعالي صحاح او غلط مهدي : بلاصة ماكنتي بغيتي تبدلي وليتي نتي مبدلاه رجعتيه الأسود سلوى : ماكان عندي حتا حل آخر كون ماتحولش لأسود كان غادي يموت ومايمكنش ليا نخليه يموت حيث بغيت نكمل معاه حياتي ونبدا من جديد هاذي هي القصة ومافيها ، نسيت ماقلت ليكم خالتي حادة مهدي دامي غادي تلقاو الغرف ديالكم مجهزين وفيهم الصور ديالكم معلقين كنت متأكدة غادي يجي النهار لي غادي تعيشو معايا مرحبا بيكم كاملين وكيف قلت ليكم خودو راحتكم وأي حاجة خصاتكم طلبوها من الخدم خليت ليكم الراحة دامي : مانكدبش عليكم بقات فيا مسكينة علي : حتا أنا ولكن هاذا ماشي سبب يدفعها تنتاقم من الناس الدار البيضاء ❌❌❌❌ كمال مساعد نمرود : سيدي عندي بعض الأسئلة بغيت نطرحهم عليك نمرود : سول أكمال كمال مساعد نمرود: علاش رجعنا لنفس المقر ماخفتيش سلوى تهاجمنا نمرود : مرحبا بيها في أي وقت كمال مساعد نمرود: ايمتا غادي تعرف البوص والحشاشين أن الأسود كاين عندك نمرود : ماغديش نقول ليهم بيلا الأسود عندنا كمال مساعد نمرود: لكن إلى عرفوك كتكذب عليهم غادي يتجبدو عليك مشاكيل نمرود : لا بالعكس بهاذ الخطوة غادي تخلي البوص يحساب ليه بيلا الأسود كاين مع سلوى وغادي يهجم عليهم باش ياخدو ليهم كمال مساعد نمرود : نموت ونعرف لاش كتخطط نمرود : داكشي لي كنخطط ليه بعيد على تفكيرك أكمال سير رجع لخدمتك بغيت نبقا بوحدي ... يتبع ( التتمة من بعد 380 لايك قرا وتفاعل وخلي كومنطير زوين بحالك 🫵🏻🌹🥰) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM