الأسود 🖤 الجزء 60 🔥🔥🔥🔥 ( التتمة من بعد 400 لايك ❤️ القصة غادية وكتزيان كتر 🥰) _ هزيت عيني نشوف شكون ضربني كلقاها الأم ديال الشبيه ديالي تصدمت ماتوقعتهاش منها يله بغات تعاودني مرة أخرى لصدري شديتها من إيدها حيدت ليها الموس ولحتوو بعيد عليها ، بديت كنزف حطيت إيدي على صدري عندي الزهر ماحرارتش فيا الضربة المرة التانية أما كون قتلاتني الواليدة : يا المجريم موت واش ماكتموتش دامي : بقيت حالة فمي آخر حاجة كنت كنتوقع هي خالتي حادة تضرب ولدها _ ماجيتش نأذيكم علاش درتي هكذا الواليدة : لي بحالك خاصهم يموتو قلبك كحل بحال حوايجك المجريم تستاهل الموت بأبشع الطرق _ مجات تكملها حتا ضرباتني نور بواحد النص حتا ترفعت وجيت الأرض وهزات عليا سلاح نور : أخيرا الأسود طحتي بين إيدينا شحال وانا كنتسنا هاذ لحظة مهدي حيد ليه سلاحو ومينطو مهدي : مشيت قلبتو مالقيت هاز معاه حتا سلاح حتا من الكرطابل ديالو فيها حوايجو فقط ... نور ماعندو والو مجايبش معاه سلاحو نور : اش هاذ الجرأة لي خلاتك تجي عندنا بدون سلاح وبوحدك بلا حراسة حگرتينا بيما فيه الكفاية حتا مابقيناش كنبانو ليك ياك _ ملي مينطوني بقاو كيضربوني برجليهم وكيشتفو علي ونور والشبيه ديالي وواحد الولد آخر شبعوني عصا وأنا كنتألم وكنزف سناء : فين هي بنتي فين درتوها المجرمين _ علاش تعديتو غير هكاك وبدون سبب مهدي : هاذا ماهو حتا 1% من الرعب لي عيشتينا عند بالك السمطة ماكدورش _ ماحدي جيت بلا سلاح وبلا رجال وإلا ماجيتش نأذيكم جيت بعرض اخير ليك اعلي من بعد مابقيتيش اتشوفني هنا علي : ماكين فاش نتفاوضو نتا بين ايدي دابا وغادي تخضع ليا _ لا كاينة تسنيم بنت سناء جايبها معايا دابا حل عليا المينوط ماكنحملش نتربط أعلي الواليدة : وياك تحل عليه أعلي لا هو لا مراتو ماشي ديال الثقة ماثيقش فيه _ علي أنا بغيت نتبدل إلى ماتقثيش فيا قتلني ورتاح وهنيني معاك من هاذ العذاب علي : مهدي حل ليه المينوط نور : شنو كدير اعلي علي : سمعو لكلامي قلت ليكم حلو عليه _ فكوني ومشيت ريحت في واحد الركنة وأنا كنزف علي : قول شنو عندك الأسود فاش بغيتي تفاوض _سمعوني جميع اليوم أنا ماجيتش نأذيكم جيت نهدر مع علي ونمشي ، علي لي بغيتك تعرف أني نساحبت وستقلت من عصابة الذئاب مابقيتش معاهم وبغيت نرجع ليكم تسنيم بشرط أعلي تنفذ لي قلت ليك قبيلة علي : شي لعبة جديدة _ ماشي لعبة والله حتا نساحبت بمرة تبت وبغيت نمشي بحالي من هنا علي : شنو يضمن ليا هاذشي وبيلا اترجع البنت _دويت مع مصطفى في لاسيلكي باش يجي عندي ، من بعد دقائق تما داخل هو المربية ومعاهم تسنيم ... سناء شافت بنتها مشات كتجري عندها عنقاتها وخداتها من المربية مصطفى : يوسف مالك أخويا شنو وقع ليك _ ضربة خفيفة أخويا مصطفى .... سمعوني مزيان أنا ماشي إنسان خايب الظرورف لي رداتني خايب من بعد ماتوفاو عائلتي وندمت حيث خرجت إنتقامي في الناس الضعفاء بغيت نتبدل وكنتمنا ربي يسمح ليا وأول تغيير بغيت نديرو في حياتي هو رجعت ليكم تسنيم دامي : الظروف تخليك تقتل ناس أبرياء حشومة عليك داكشي لي درتي في دوك الناس في الكاريان _ ماشي أنا لي قتلتهم نمرود لي دارها وبسباب هاذشي أنا مابغيتش نبقا معاهم بصح درت جرائم بزاف ولكن ندمت ديال بصح دابا بغيت نصلح راسي بعيد على هنا ، ونتوما ماعندي معاكم حتا عداوة رجعت ليكم تسنيم حيث عزات عليا ومابغيتهاش تعيش ديك الحياة لي عايشين حنا وبالنسبة إلى عندكم شي عداوة مع الذئاب منكم ليهم أنا خارج داك السوق وممسؤولش عليها دابا غادي نمشي بحالي ونفذ الي قلت ليك أعلي ... تميت غادي تجاه سناء وبنتها وأنا كنزف شديت في الضربة بيدي وبغيت نمشي نبوس تسنيم لأخر مرة ولكن ملي قربت بعداتها عليا مها خليتها على خاطرها وقلت ليها تهلاي فيها هي لي بدلاتني ، يله بغيت نخرج من القاعة أنا ومصطفى هزو علينا الأسلحة كاملين مهدي : سخيتو بينا ماعندكم فين تمشيو واش نتا بحرا ماطحتي بين إيدينا وبغيتي نخليوك تمشي _ عفاكم خليونا أنا كنطلبكم لمصلاحتكم خليونا نخرجو من هنا بلا مشاكيل مهدي : مابقاتش عندك شيحاجة تساوم عليها دابا وحتا سلاح باش دافع على راسك ماعندك _ إلى ماخرجتش من هنا الذئاب غادي يجيو يقلبو عليا حيث شي وحدين في صحابي عارفيني فين مشيت وحاجة أخرى أنا الوحيد لي نقدر نبعد عليكم سلوى وصداعها نسيتوو بيلا هي كتعتابر تسنيم بنتها وماغديش تسمح فيها بسهولة إلى بقيت عندكم هنا اتجبدو على راسكم الصداع مع الذئاب ومع سلوى اللهم نساوني وكملو حياتكم لافاطمة : خلوه يمشي بحالو علي : مهدي نور صافي خليوه _ نزلو سلاحهم يله بغينا نخرجو حتا كنسمعو شي طومبيل جاية بسرعة وحبسات فران بجهد من بعد لحظات كيبان ليا فهد داخل وهو كيعرج وشاد في كرشو كولو دمايات وكيبكي دخل عندنا لقاعة الرياضة وطاح عليا شديتو نور : فهد فهد شنو واقع ليك اهئ اهئ _ مالك اخويا فهد شنو وقع مالك شنو واقع فهد : يوسف جيت نبهك ترد البال لراسك أخويا الأمور تخربقات سلوى قتلت الرئيس وهربت هي والفرقة الخاصة ديالك والبوص عطا الأوامر لنمرود بتفصيتك نتا ورجالك كاملين وأي واحد عندو علاقة بيك ، سلوى أنانية دارت عملتها ومفكراتش في العواقب وخلات كولشي يواجه مصير الموت تخيل معايا حتا من المتدربين لي في تونس دارو ليهم إعدام جماعي قتلوهم وأي واحد عندو علاقة بيك وكيخدمك تقتل محروق جميع الحراس ديال المقر لي كنتو فيه تقتلو أخويا جميع الذئاب ماتو نهاية بشعة باستثناء رجال نمرود لي وفيين ليه والفرقة الخاصة ديالك لي مع سلوى _ ونتا شنو وقع ليك حتا وليتي في هاذ الحالة فهد : أنا مجرد جاسوس في الفرقة ديال نور وتكتشفت اليوم ونمرود كان ايقتلني ولكن هربت ليه وجيث باش نبهك قضي عليهم ماتخليهمش يبقاو يستغلوك وعندي ليك سر اخير قبل مانموت سوا الرئيس وولادو كاملين قتلة وأنانيين كيشوفو غير راسهم كاملين ستغلوك لمصلحتهم وكذبو عليك في موضوع عائلتك مك مزال حية و الحقيقة كاملة ديالك غادي تعرفها عند عائلة علي تيق فيهم واي حاجة قالوها ليك تيقها حيث اتكون صحيحة سمح ليا أخويا حيث منقدرش نوقف معاك في حربك ضدهم سمح ليا كنتمنا الله يغفر ليا وعندي ليك وصية تهلا في مرتي نور عفاك ماتسمحش فيها _ خلاني مصدوم من كلامو الدنيا دارت بيا نور : فهد عفاك متخلينيش بوحدي اهئ اهئ فهد : وصل أجلي أنور سمحي ليا حيث الوقت خلاتني بعيد عليك قصرت من جيهتك ولكن كنت كنبغيك وديما في بالي سمحي ليا كنبغيك أنور أشهد أن لا اله الا الله واشهد أن محمد رسول الله _ مات بين ايدي سديت ليه عينيه وبديت كنبكي عليه وعلى رجالي لي ماتو ونور كتبكي عليه وكتغوت علي : البركة في راسك أختي نور صوفيا : ختي نور حسيت بيك البركة في راسك الله يغفر ليه مصطفى: شنو المعمول أيوسف دابا _ ممشات حتا دارتها أمصطفى ونفدات كلامها بغات تنقالب على الرئيس والبوص ماعرفاش العواقب ديال هاذشي كيحساب ليها البوص غادي يضحك معاها ويدوزها ليها عييت نبهها ولكن راسها قاصح قطعات لينا أسرع تيكي لموتنا امصطفى الحشاشين غادي يصفيوها لينا كاملين هربنا من صداع والمشاكيل ساعة هوما تابعينا ماعندنا زهر علاااااااااااش اسلوى درتيها علاش مصطفى: علاش نمرود قتل كولشي يعني حتا هوما غادي يكونو قلال دابا _ نمرود عندو رجالو الأوفياء وغالبا ملي قتل الذئاب غايكون عندو عدد أكبر من داكشي لي كانو معانا داخل المقر وزيد عليها البوص دابا غادي يحرك مجموعة الحشاشين ولي غالبا ايقودها نمرود ماعندنا حتا فرصة قدامهم أمصطفى مصطفى: يله نهربو ايوسف قبل مايلقاونا _ ماكينش فين نهربو فينما هربنا ايلقاونا عندنا حل هوما نهجمو عليهم ودابا نيت غير أنا وياك وفي كلا الحالتين نقدرو نموتو حيدت الكرطابل من ظهري وبديت كنجبد في لباس المهمات حطيتو قدامي وكنشوف فيه غير قبيلة لي كنت باغي نلوحو ودابا انضطر لبسو ونحارب السيد لي كنت معتابرو خويا مع حيدت الكويرة بديت كنتألم وبان الجرح ديالي لي كان كبير مصطفى: يوسف واش مريض باغي تحارب نمرود ورجالو ونتا مضروب وعاد زيد علينا حنا ب 2 ضد جيش ديال البشار صبر غير حتا نتلقاو بسلوى _ ماخاصش تخاف من المصير ديالك غادي نصفيها ليهم كاملين ونتاقمو منهم ارا ليا برا وخيط نخيط الجرح ديالي مصطفى: إلى عندكم برا وخيط اروه ليا _ جابو ليا برا وخيط حيدت سليبي ومع كنت هاز واحد القريعة ديال vodka في كرطابل بديت كنكبها على جرحي وشربت واحد شوية وكنحس بالحريق دامي : شنو بغيتي دير تخيط الجرح لراسك ياسمين سيري خيطي ليه الجرح _ علاش بغيتو تعاونوني ياك غير قبيلة كنتو بغيتو تقتلوني شنو تبدل دامي : هاذا هو الفرق لي بيناتنا نتوما كتقتلو وحنا كنساعدو الناس _ مشات الطبيبة جابت شي معدات وقربات جيهتي بدات كتنظف ليا الجرح وكتشوف فيا شوفات غراب لي وتروني بقيت كنشوف فيها وحسيت براسي شايفها من قبل بقيت سارح في عينيها ... فايت شايفك فشي بلاصة أو داويتيني شي مرة ؟ ياسمين : ممكن كنداوي ناس بزاف أنا معاقلاش _ عينيك ماغرابش عليا أدكتورة فايت منك قربتي ليا من قبل لهاذ الدرجة ياسمين : ماكنظنش غير كيتهيئ ليك _ كملت شوفاتي فيها وانا ساهي فيها حيث عجبوني عينيها وفي نفس الوقت كانو مألوفين ليا بزاف ، كيف بدات تخيط ليا فقت من السهو ديالي وطلقت واحد الغوتة وانا كنتألم وهي كتخيط ليا ، سلات دوات ليا الجرح لبست حوايجي ديال المهمات وبركت كنستارح ياسمين : خاصك ترتاح بيما بدا يبرا الجرح ديالك قول ليا الأسود واش عضاك شيحاجة في دراعك كتبان ليا زرگة وهذا أمر غير طبيعي _ ماعرفتش شنو داكشي ملي فقت وانا كنحك وديك البلاصة كتعطيني الحريق مصطفى : خاصنا أسلحة أيوسف _ ملي سمعت خاصنا أسلحة بحال إلى ضربني ضو في راسي مرة أخرى وكيف ديما فينما كيضربني الضو كنتخيل بعض الحوايج وهاذ المرة شفت رؤية واضحة .... مصطفى هنا كاينة غرفة الأسلحة ياسمين : راك غالط هنا قاعة رياضية _ لا كاينين هنا الأسلحة واخا ماعاقلش مزيان ولكن فايت كنت هنا _ جمعت الوقفة ونضت تجاه الدامبل ديال لوح لي قربت ليه بانت ليا مكتوبة فيه A+S بزيزوار وتفركت ملي كنت كنكتبها واخا ماعرفتش شنو كتعني ، بغيت نهز الدامبل مابغاش يتحرك بقيت محاول معاه واحد لحظة ضورتو 2 مرات وهي تحل المراية وداكشي لي شفت تما خلاني مصدوم سوا أنا أو جميع لي تما كان ورا المراية مخزن ديال الأسلحة وفيه جميع الأسلحة علي : مستحيل هاذشي يعني أمين بدا كيعقل _ بديت كنعزل في الأسلحة لي غادي نستعمل الواليدة : مهدي نقولو ليه الحقيقة سمعتي شنو قال ليه فهد مهدي : ماشي دابا اميمتي _ مصطفى ختار السلاح لي بغيتي انمشيو دابا ، وأنا كنعزل في الأسلحة جاني ميساج من نمرود فيه قرب وقتك ساعتك قربات هههههههه ماتسوقتوش مصطفى: دكتورة عندك شي مخدر ياسمين : اه علاش مصطفى : غير عطيه ليا ... مشات جابتو وتاجهت عند يوسف قلت ليه بغيت نقول ليك شيحاجة في ودنك ، قرب لي يله بغيت ندگو ليه شد ليا إيدي وحيدو ليا لاحو _ شنو كدير أمصطفى مصطفى : بغيت نعطيك المخدر حيث كتبان ليا غادي تأدي راسك كتمشا غير بزز وباغي تحارب نمرود واش منيتك باغي دير هاذ الخطوة _ مصطفى آخر مرة دير شيحاجة من راسك راني عارف شنو كندير زيد خلينا نمشيوو سناء تهلاي في الكتكوتة ونتي انور البركة في راسك مرة أخرى فهد كان صديقي ونتوما غادي نقول ليكم واحد الهدرة اتعجبكم بزاف دابا حنا تقسمنا والأغلبية ديالنا مات والبقية غادي يموتو على يد بعضياتهم يعني غادي تهناو من الجميع بخطرة ومن بينهم الأسود يله بسلامة وانا خارج من باب القاعة حسيت بواحد الألم رهيب في دراعي طحت الأرض كنتقيا وكنغوت بالجهد ربي لي خلقني كنحس بقلبي مقبوط والتنفس قلال وأنا كنتقيا ودم كيخرج ليا من نيفي وعيني وبديت كنتخنق مصطفى: يوسف مالك مالك _ جمعت داك شوية الجهد لي عندي ووقفت وتلفت عندهم شافوني بداك المنظر كولشي تخلع تمشيت 2 خطوات وعاودت طحت الأرض كنتنفس بصعوبة ودراعي كتضرني دورت الأحداث وتفكرت بلان لبارح مصطفى: يا المجرمة شنو درتي ليه حتا رديتيه في هاذ الحالة غادي نقتلك ياسمين : والله ما أنا مادرت ليه والو _ بديت كنغوت بصوت خافت مصطفى مصطفى وقف ماشي هي نمروددد نمرود هو لي حقني بسم .... هزيت راسي شفت في أم الشبيه ديالي وانا كنبكي دم وحتا هي كانت كتبكي ... علاش كتبكي دابا شفقتي عليا ياك هاذي هي الموتة البشعة لي تفاولتي عليا اهئ اهئ أنا راضي بيها سمحو ليا على الاذئ ديالي أنا نستاهل سناء: عفاك عاونوه ماتخلوهش يموت بهاذ الطريقة اهئ هئ الواليدة : صبر أولدي ماغديش تموت صبر عفاك ياسمين : مشيت كنجري لبيتي جبت قنينة ديال التنفس درتها ليه وكان كيعاني من ضيق في التنفس ... هزوه معايا لطومبيل دغيا مصطفى : واش غادي يموت ياسمين : ماعرفتش هو محقون يمكن بسم غريب ماعرفتش واش يقدر يعيش هزوه دغيا لطومبيل وأنا نتاصل بصديق ديالي يتكلف بالعلاج ديالو ياربي يبقا عايش بيما وصلنا مصطفى : هزيناه بزربة لطومبيل طلعت أنا والطبيبة وعلي وخوه مهدي في الطومبيل والبقية تبعونا في طومبيلات آخرين وفي طريقنا تاصلت بسلوى علمتها بالوضع تخلعات عطيتها العنوان ديال السبيطار لي غادي نمشيو ليه وقطعت ياسمين : ملي وصلنا السبيطار لقيت الفراملية قدام الباب ديال السبيطار هزوه دراري حطوه في البياص ومشاو الفراملية كيجرو بيه لغرفة العناية المركزة دخلوه وبداو كيعالجو فيه شوية جاو العائلة وكانو مخلوعين بحال إلى كان أمين لي في ديك الحالة وماشي الأسود الواليدة : ياربي شافي ولدي يارب خودني أنا ومتخلينيش نشوفو كيموت قدامي اهئ اهئ سلوى : مصطفى شنو واقع ليوسف عفاك شنو واقع مصطفى : خوك عطاه السم وحالتو خطيرة بزاف _سلوى : سمعت الخبار بقيت كنبكي عليه وعائلتو مادواوش معايا وحنا أنا ماهدرتش معاهم تال واحد لحظة خرجات الفرملية كتجري ياسمين : مالك شنو وقع الفرملية : غادي نعيط على عبد الوهاب ( دكتور القلب) قلبو توقف سلوى : سمعنا كلامها بدينا كنبكيو عليه ، جا الطبيب هو الفرملية كيجريو دخلو لغرفة من بعد لحظات خرجو عندنا الأطباء طبيب : عندي ليكم خبر مؤسف .... يتبع ( تفاعل وطاكي عشرانك يقراو وجمجمو جميع الأجزاء 💪🏻🙏🏻) #قصصرومانسيىة #قصصمغربية #قصصرعب #قصص #قصه تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM