قصة المزحة #الجزء 39 : جودي: ها اش قلتي؟ باتريك: وليتي تسهاي كاع ههه , على هاد الحساب كن خليتيك تغييري عليا من شحال هادي جودي: دخل دخل لا نوريك اش كنسوا, ضسرتك كاع, زيد دابا و من بعد نتفاهموا. نمشيو عند ايلاف لي ولات عاطياها غير لنعاس. فاقت و هي حاقدة على الوضعية مالقات حتى واحد حداها و لي زاد كمل عليها هي ماقاردة تنوض و لا تمشي لحمام بوحدها حسات بالحكرة و بدات دمع حتى دخل عليها باتريك و جودي لي غير شافتها كتبكي و مشات تجري عندها جودي : مالكي ؟ كضرك شي حاجة ؟ علاش كتبكي ايلاف: شوفي حالتي كيف وليت مابقيت حتى نقدر نوقف, رجلي كضرتي و وجهي حالتو و انا كالسة هنا و مليت بغير ترجع فحالي مابقيت باغا نكلس هنا و مابغيت هاد الكبس لي مثقل عليا. جودي عنقاتها: صافي سكتي صبري اختي, كلشي غادي يفوت ايلاف كتهضر و كتمسح خنينها (هاجر هانتي مايبقاش فيك الحال) : حتال امتى انبقى على هاد الحالة ها عييت من نعاس بغيت نوض نتحرك و نتمشى يضربني غير شوية البرد. بقات جودي كتصبر فيها و سكتاتها و باتريك غير كيشوف و متأسف على حالتها حتى دخلات الممرضة و جايبة ليها لفطور ايلاف: مابغيت ناكل غير رجعيه جودي: لا خاصك تاكلي باش تقوي عضامك و صبري اختي انا عارفاك قوية على هاكا, واش اول ضربة ليك غادي تزعزععي ؟ ايلاف: مافيا ماناكول , ما عندي شهية جودي: غير كولي غير على قبلي غير شوية صافي حطات ليها الماكلة قدامها و بزز باش كلات و عطاوها المهدئ لي ولا عندها حاجة ضروري باش ماتحس بالحريق خلاوها ترتاح و خرجو كاملين جودي كتهضر مع الممرضة : عافاك فاش يسالي طبيب بغينا نشوفوه الممرضة: واخا غير يكمل نقولها ليك جودي: شكرا مشات كلسات في كرسي و كلس حداها باتريك جودي: عمري شفتها فاشلة بحال هاكا , ديما هي غير كضحك و كتقوي فينا اول مرة نشوفها محطمة بحال هاكا باتريك: فترة و غادي دوز و انا متأكد و خلاص ملي نتي واقفة في جنبها و حط يديه على يدها و لكن خاصك تقوي راسك الا شافك حتى نتي بحال هاكا اتزيد تكفس حالتها جودي نطرات يديها: اه خاصني نعيط عليهم في الخدمة ماقلت ليهم والو مشات هضرات معاهم و لكن عطاوها غير هاد 3 ايام و عاد القراية عندها كيفاش ادير ليها باش تحظي ايلاف و عندها الخدمة و القراية. رجعات كلسات في بلاصتها باتريك: مالكي؟ جودي: ماعرفتش واش انقدر نكون قوية كيف قلتي, القراية و الخدمة و لكن اهمهم ختي كيف ندير هادشي كامل ماعرفتش باتريك: نلقاو حل كوني هانيا داز شوية د الوقت حتى وقف عليهم الطبيب طبيب: اندخل نشوفوها و نخرج عندكم اكي ؟ جودي هزات راسها بالايجاب, من بعد المعاينة لي دار طبيب ليها خرج عندهم جودي: امضرا ؟ اش كاين في سكانيير ؟ طبيب: ماعندها والو غير العضم لي كيضرها بالقوة لي تصطحات فيها مع الارض بحال فيه تشققات و لكن ماشي شي حاجة خطيرة سيمانة على الاكثر يفوتها الحريق مايبقاش يضرها و كلشي عندها مزيان و لكن الكسر في رجليها خاصو على الاقل شهر و نص و ترجع نعاود نشوفها ليها الا مابراتش اتكمل حتال لشهرين جودي: و امتى تقدر تخرج ؟ راه ماتقدر تبقى هنا و نفسيتها تحطمات طبيب: وقتما بغات تخرج تقدر تمشي غير هي خاصها مراقبة مزييان و خاص ضروري يبقى معاها شي واحد خلاص و الكسر جاها في الرجل ماتقدر دير والو بوحدها. جودي ضارت كتشوف غي باتريك: ها لي قلنا كيف نقدر ندير هادشي كامل. و رجعات ضارت عند طبيب: واخا شكرا طبيب: واش كاين شي مشكيل ؟ الا بغيتو نقدرو نعينو ممرضة تكلس معاها حتى كيسمعو صوت وراهم ارثر: لا مانحتاجوش, انا غادي نحضيها.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM