الأسود 🖤 الجزء 56 🔥🔥🔥🔥🔥🔥 ( التتمة من بعد 370 لايك 🥰 طاكيو صحابكم يقراو وجمجمو ) _ هز ليا سلاحي بغا يتيري فيا شديتو ليه بيدي وأنا معافر معاه ضربتو براسي لوجهو بعدتو وقدرت نوض تلاحيت ليه على إيديه ومشادين أنا وياه على السلاح وكيتطلق القرطاس في السقف كولشي تم تحنا الأرض وأنا وياه مضاربين واحد لحظة ضربتو ورا ركبتو هبط لعندي ودخلت فيه براس لحتو وحيدت ليه سلاح جا صاحبو بغا يحامي عليه دخلت فيه برجلي لكرشو تلاح لور وشديت في سناء وأنا هاز عليها سلاحي قلت ليها تهز البنت وتخرج معايا وعلمت المربية تتبعني من لور الواليدة : ولدي دير عقلك فين غادي بالبنات _ عندكم الزهر حيث زربان خاصني نمشي دابا حسابي معاكم هو الأخير ، نور سحبي رجالك إلى مابغيتيش نأذيها وقولو ليهم يوجدو ليا الطومبيل ويحلو الباب ديال جردة وبلا ماتخلقو ليا مشاكل نور : ديرو داكشي لي قال _ خشيت سناء وتسنيم والمربية في طومبيل وركبت ملي خرجت من باب الجردة قلت لمربية تاخد تسنيم من عند سناء سناء : عفاك الأسود متأذيناش _ سكتي نتي لي بقيتي ليا حليت الباب ودفعت سناء لحتها على برا حيث ماعندي ماندير بيها ، وأخيرا سترجعت البنت كسيريت تجاه المكان لي سيفط ليا نمرود ولي كيتواجد بالضبط في مدينة الدار البيضاء ، دخلت المقر الجديد كلقاهم مجموعين في وسط المقر مصطفى: على سلامتك الأسود ماعليكش رجعتي البنت .... شوف نتا دي تسنيم والمربية لشومبر جديدة _ الله يسلمك اش هاذ الموصيبة طحنا فيها نمرود : مهمة صعيبة بزاف غادي نواجهو عسكر ديال دولة أخرى _ ماعندنا مانديرو خاص نعتقوهم وجدو ريوسكم انمشيو دابا غادي غير نبدل حوايجي ... فين هو الصاك لي عطيتك أمصطفى مصطفى: كاين رآه داخل ديك الشومبر نمرود : يوسف أجي عندي ليك بلان مهم بغيت نتشاور معاك فيه ( الرباط ) حسناء : على سلامتك ابنتي ياك نتي بيخير سناء : كيفاش غادي نكون بيخير وهو خدا ليا بنتي اهئ اهئ علي : صافي هاذشي لي بغيتو لينا كان ايقتلنا قلتها ليكم ماكتسنطوش ليا سناء : اهئ اهئ خدا ليا المجرم بنتي مرة أخرى رجعوها عفاكم مهدي: فرعتي ليا راسي أعلي بلا بلا بحال المرا مالكم ماتدخلتوو فاش طيحتو بقيتوو كتفرجو فيا بحال الشيخات على الأقل عاونوني نشدوه جاتنا فرصة ماكتعوضش ضيعتوها دامي : حنا لي مكلخين دخلناه برجلينا تال عندنا كيفاش غفلنا على هاذ القضية نور : دابا عرفت علاش مشا بهاذ السرعة قال ليا فهد بيلا واقع انقلاب في الغابون والرئيس وسلوى تشدو رهائن وخاص يمشيو اعتقوهم ياربي يموتون كاملين تما دامي : خبار زوينة هاذي زعامة كبيرة كيظنو أنهم يقدرو على العسكر ديال الغابون علي : أيقدرو عليهم وإلى كملو منهم ارجعو لينا غير بلا ماتفرحو نور : جاوب أعلي تليفونك كيصوني علي : ألو ألو شكون معايا نمرود : معاك نمرود عرفتي شنو دارو اتبعاك لمقرنا ورجالنا ماعلينا غادي ندوزوها بجغمة الماء ونديرو ماوقع والو بشرط علي : شنو المقابل هاذشي نمرود : الرئيس ديالنا وسلوى مخطوفين في الغابون وانا عارف أنك دوزتي مدة طويلة تما بغيتك ترافقنا وغادي نسا شنو وقع علي : أنا موجود فين لقاك نمرود : حنا غادي نجيو عندك من هنا شوية يله بسلامة دامي : شنو بغاو علي : بغاو نمشي معاهم الغابون عارفين أني كنت تما لافاطمة : وعلاش غادي تمشي علي : في المقابل ايدوزو لينا لي وقع هنا مهدي :وزوينة هاذي عندك سير نيت خدم معاهم حسن علي : كنصحح أغلاطك أالسي الفاهيم بسبابك أنا غادي للموت برجلي عند راسك قافز وباغي تصنع بطولات قدام الأسود راك شتيه شنو دار فيك كون ماكان زربان كان ايقتلك عندك الزهر نتا مونيكة قدامو عقلك محدود وقوتك ضعيفة وكتخرج في عينيك من الفوق مهدي : ولكن حسن منك بألف درجة راجل عليك مخايفش منو ومن 100 بحال الأسود نموت راجل ومانموتش جبان بحالك بصح أنا ماشي بحالو في القوة ولكن نقدر نكون شجاع عليه علي : نتا مكلخ وعقلك محدود راك البشار كتخاطر بحياة العائلة كاملة راه كتقلب يجيو يصفيوها لماماك وختك وبقية العائلة ومتستغربش الى دراها خوك بيدو راني نبهتك ألف خطرة وبقا تنقز دامي : صافي بركة امهدي ماعندو حتا حل آخر وكلامو على حق علي : بقيت كنتسنا فيهم حتا كنسمع الهليكوبتر فوق منا وصونا ليا نمرود مرة أخرى نمرود : انهبطو في الفيلا بعد رجالك علي: عطيتهم الادن باش ينزلو حيث الفيلا فيها جردة كبيرة وتقدر تهبط فيها الهليكوبتر هبط الأسود ونمرود وواحد الشخص آخر وهوما لابسين لباس ديال المهمات الخاص بفريق الذئاب دخلو معايا الفيلا نمرود : غادي تمشي معانا اعلي اتفيدنا تما هاك هاذ الزي ديال الذئاب لبسو وطلق راسك ماعندناش الوقت _ وانا داخل كنت هاز گارو في ايدي كنكمي باش نتكالما و كنخزر فيهم مادويت ماتكلمت مع حد وكنتسنا في علي يخرج وكيبان ليا الشبيه ديالي كيخنزر وأنا نقصدو .... ديما كدير فيها قافز قدامي وكنخليك و مانكرش أنك عاجبني حيث الوحيد لي مكتخافش من الأسود أنا معجب بيك وهذا السبب لي خلاني منقتلكش قبيلة ودابا جا الوقت باش نختابر الشجاعة ديالك أكتر ، مصطفى جيب ليه زي ديالنا ايمشي معانا الشبيه ديالي نمرود : واش غاديين لانيڤ كتعرض لينا على بنادم أيوسف شنو انديرو بيه _ متقاطعش كلامي أنا القائد هنا أنمرود غادي يمشي يشوف الموت بعينيه الواليدة : خليه ماكين لاش ديوه معاكم مهدي : سكتي الواليدة غادي نمشي معاهم _ شتي ولدك عارف مصلاحتو ، كنزيد نتعجب بيك الشبيه ديالي أنا وياك عندنا نفس الوجه وحتا نفس الشجاعة حبيتك اعشيري فاش كنشوفك بحال إلى كنشوف راسي في المراية الواليدة : سمع الأسود أو شنو كيقولو ليك كاين الله فوق منك يحساب ليك بهاذ القوة لي عندك ولي كتفتاخر بيها قدام الناس الضعاف غادي دوم ليك ؟ ايجي واحد النهار لي غادي تضعاف فيه وتلقا لي يعاملك بنفس الطريقة قول ليا واش كاتنعس عادي ماكتحس بوالو عمر انبك ضميرك شحال ديال الناس قتلتو شحال ديال الولاد يتمتو غادي يجي النهار لي غادي تعاقبو بنفس الطريقة لي كديرو للناس اشمن حياة عندك لا نتا لا غيرك لقاك كعما سعيد في حياتك غير عايش بحال شي مانيلوا كتنفد كلام مولاها لا صحاب لا ولاد وحتا المرا لي فرحان بيها وفرحانة بيك شوف شنو واقع ليها راها بين ايدين ناس آخرين واش هاذي هي الحياة كون كنتي من أيتها الناس كون راك فرحان بحياتك مع مرتك وعائلتك _ يا هاذ الشارفة درتي ليا القوق لراسي عرفي راسك معامن كدوي أنا الأسود وكون كنت من أيها الناس ، كنت غادي نكون ضعيف وغادي يتسلط عليا شي ظالم بحال الأسود زعما أنا داكشي علاش كنفضل نكون أنا هو الظالم والقوي ومانكونش ضعيف دابا كون ماكنتش بهاذ القوة كون مرتي غادي تبقا يين ايدين الأعداء حتا تموت وماكين لي غادي يحاول ينقدها ونزيدك أنا فرحان في حياتي كنعيش الحياة السعيدة الواليدة: باينة الفرحة عليك غير كذب و برد على قلبك واخا تبغي تكذب عينيك فارشينك ( هاذا ولدي وكنعرفو مزيان فاش كيكون كيكذب أو كيبغي يبين عكس الحاجة لي كيحس بيها ) _ سيري لهيه بعدي مني قطعتيني مابغيتش نبدا نقتل من هنا أرا ماندير لهيه ....قلقاتني بكلامها حيث بصح مافرحانش بيما فيه الكفاية في حياتي الكحلة مفرحاني سلوى فقط أما كنحس براسي مسجون وهاذ الحياة مفروضة عليا ولكن خاصني نعيشها باش نكون قوي وعندي السلطة ماشي نكون عبد وضعيف بحال هاذ العائلة نيت سناء : عفاك رجع ليا بنتي نكون خدامة تحت رجليك ديني عندها أو رجعها _ اوف واش مكتقداوش راني دويت معاك بنتك نسايها سناء : نتا الأسود كلب عمرك ترتاح في حياتك سير الله يلگيها ليك وبغيت ربي يحرمك من ديك المرا وغادي تموت تما ، أنا كندوي معاه وكنغوت وهو كيكمي وكعما مسوقني وفي غفلة منو جمعتها معاه بطرشة _ وينو هاذ ليدين عندك شحال رطبين فراسك جاب الله خديت ليك البنت حيث ماعندك كيفاش تحضنيها يد مهرسة ويد انوريك شنو اندير ليها ... شديتها من إيديها وجبدت الفردي وتيريت ليها فيدها حتا طوش دمها وهي كتغوت وعائلتها كيغوتو ... باش تعلمي تمدي إيديك على سيدك لافاطمة : يا المجريم الله ياخد فيك الحق حسناء : يا الحمار علاش تيريتي فيها الله يعطيك موصيبة _ متخافوش عليها ماغديش تموت مجرد قرطاسة في اليد ولكن سربو ديوها السبيطار الى نزفات بزاف اتموت حسناء : الله ياخد فيك الحق الواليدة : موتك اتكون اكفس موتة الأسود وعقل على هاذ الكلام دامي : بدات كتنزف وكتفقد الوعي.... يله ندوها لسبيطار _ دامي وقفي قولي يدوها حيث نتي ماعندك فين تمشي اترافقينا الغابون نمرود : كملات هي لي بقات جمع كولشي وديهم .... يله الأسود دغيا ماعندناش الوقت دامي : خداو العائلة سناء لسبيطار في حين أنا ومهدي وعلي مشينا ركبنا الهليكوبتر معاهم والوجهة الغابون عطاونا جهاز لاسيلكي وبعض الأسلحة وكنت كاعية ومخلوعة على سناء نمرود: كنت كنتوقع كولشي إلا رئيس المخابرات والنائبة ديالو يكونو معانا في مهمة رسمية هههه مهدي : كان واحد الراس كيقول ليا نحل القنابل لي عندي ونشتت الوز كامل هنا وانا نتفكر واخا نقطع ديل الأفعى مزال الرأس ودرت بناقص _قبطان فين وصلات الهليكوبتر لي فيها بقية رجالنا قبطان : فايتينا بقرابة 13 دقيقة حاليا مابقاش بزاف ونوصلو _ من بعد 5 ساعات ديال الإقلاع كنا في الغابون وبالضبط المدينة لي فيها القصر الرئاسي نزلنا في خلا بالقرب من الهليكوبتر الثانية ديالنا لقيناهم كيتسناو تجمعنا وكان عددنا 75 شخص ، بدينا كنتقدموو تجاه القصر فاش قربنا بدينا كراقبو بالمنظار من بعيد وكانت الدعوة مرونة الناس متظاهرين والعسكر موزعين في عدة مناطق بالدبابات والمدرعات نمرود : شنو الخطة ايوسف القضية صعيبة _ شوفو أنا ومصطفى والشبيه ديالي وعلي و 10 من الجنود انبدلو حوايجنا ولبسو حوايج سيفيل ونتخلطو مع المتظاهرين وسمعوني يا لي غادي يمشي معايا كل واحد فيكم يوقف حدا مدرعة او دبابة والقناصة غادي تبلاصاو في منطقة استراتيجية عند الإشارة ديالي تيريو في الجنود لي خارجين من الدبابات والمدرعات وحنا نستوليو عليهم ونفجروهم باش نضمنو أننا نسيرطرو على الوضع كامل وحاولت تستاولو على المدرعات نمرود : وحنا شنو نديرو _ 5 من رجالنا ايتيريو في المتظاهرين باش الدعوة ترون وتحجب الرؤية على جنودهم و البعض فيكم يهجم على الجنود لي فاصلين بين المتظاهرين والقصر الرئاسي والبقية يهجمو على القصر الرئاسي ويقتاحموه مفهوم أمر آخر ماتقتلوش الدراري الصغار مهدي : مفهوم ولكن مالبسين والو تحت من الزي ديالنا مصطفى : عندنا الحوايج في الهيليكوبتر _ توجهنا الهليكوبتر بدلنا حوايجنا من بعد قسمت الرجال كل واحد عينتو في المكان لي خاص يمشي ليه وعطيتهم القنابل مهدي : مشيت كنجري عند دامي عنقتها ، ردي لبال لراسك والى متشاوفناش مرة أخرى عرفي أني كنبغيك دامي : حتا أنا كنبغيك ورد البال لراسك احياتي منقدرش نعيش بلا بيك دامي : على هاذ الكلمة الزوينة ماغدي يوقع ليا والو _ تحركنا أنا والمجموعة الأولى تخلطنا بين الناس وشدينا مواقعنا وبديت كنتسنا من القناصة يستعدو ، مع سمعت شدينا اماكنا عطيت الأوامر لبدء العملية تيراو القناصة في الجنود لي على الدبابات والمدرعات والبقية هجمو على الجنود الدعوة ترونات أنا طلعت دبابة دخلت قتلت خونا لي سايق وسديت عليا وتحركت بدبابة بدلت الرأي ديالي ماغديش نفجرها ، حسيت بالادريالين وأنا سايقها أول حاجة درت هي وجهت القادفة تجاه الجنود الغابونيين وأنا نطلق عليهم فجرتهم حسيت بالمتعة ، قدرو الدراري يفجرو جميع الدبابات لي تما بقاو 2 مدرعات لي ماوصلوهمش رجالي وحدة تيريت فيها شرشمتها في حين لاخرة قدرات طيح وحدين من رجالنا بقاو معاها رجالي حتا طيحوها في حين البقية لي مع نمرود بداو في اقتحام القصر الرئاسي واحد لحظة جات هيليكوبتر عسكرية زادت ترونات القضية كتيري في بنادم وطيحات عدد كبير ديال القتلى كانو رجالي كيتريو فيها والو تال واحد لحظة واحد من القناصة تيرا فيها بصاروخ الارض ( البازوگة ) طاحت وقدرنا نقتلو جميع العسكر لي برا ونمرود قتاحم القصر الرئاسي نمرود : يوسف القصر الحكومي خاوي شدينا واحد من كبار الضباط قال لينا بيلا الرئيس الحكومي والرئيس ديالنا وسلوى خداوهم لواحد القاعدة عسكرية _ خود منو العنوان وقتلو وداكشي لي دار خدا العنوان وهبط ومشينا تجمعنا في مكان لي كاينين في الهيلكوبتر مصطفى : فقدنا 17 واحد من رجالنا بدون فائدة _ ماعليش دابا خاص نمشيو مكان تواجد القاعدة فين جات علي : أنا كنعرفها مزيان فايت داخل ليها ومتدرب فيها بعيدة من هنا ب 8 كيلومتر كبيرة وفيها عدد كبير من الحراس أحسن حاجة نديرو هي ناخدو ملابس الجنود لي قتلنا ونتوجهو بالسيارات العسكرية ديالهم ونزربو عليهم ، في حين أنا خلي ليا الدبابة غادي نفجر الحائط لي قريب لمطار القاعدة وندخل نفجر الطائرات باش ميقدفوناش وعطي الأوامر لهيليكوبتر تهبط في القاعدة العسكرية فاش نبغيو نخرجو أحسن لينا _ درنا بكلام علي طلع لدبابة هو واحد في رجالي وحنا خدينا ملابس الجنود غطينا وجهنا ركبنا الطوموبيلات العسكرية وتوجهنا لمكان القاعدة وقدرنا ندوزو من البراجات لي في طريق و من بعد نص ساعة وصلنا حدا القاعدة تقسمنا لمجموعتين مجموعة كنقودها أنا غادي ندخلو من الباب والمجموعة التانية مع علي غادي يفجرو السور ديال القاعدة ، وقفنا حدا الباب جاو الحراس يتأكدو من البادجات عطيت الأوامر لبدء المداهمة تخلصنا من الحراس ودخلنا تطلق جرس الانذار توزعنا في القاعدة وبدينا بتبادل إطلاق النار مع الحراس وفي لحظة سمعت صوت إنفجار كبير عرفت بيلا علي نجح في مهمتو ، بقينا كنطيحو في الجنود وحتا هوما كيطيحو في رجالي ولكن قدرنا نتسللو لداخل القاعدة ، امرت الهليكوبتر يتحركو تجاه القاعدة وبدينا كنقتلو وكنقلبو على الرئيس وسلوى حتا لقيناهم محتجزين في أحد الغرف مشيت عنقت سلوى نمرود : على سلامتكم _ تمينا غاديين تجاه المطار ديال القاعدة من بعد ما أمن علي ومصطفى والشبيه ديالي المنطقة وحنا غاديين والجنود ديال الغابون كيتزادو كيجيهم الدعم بقينا متراجعين حتا وصلنا المطار وكان عدد كبير من رجالي ماتو لدرجة بقينا 14 شخص من لي دخلو معايا من الباب ، سلوى الرئيس توجهو ليهيلكوبتر وحنا حاميينهم من لور مهدي : وهوما غاديين لهيليكوبتر لولة قلت لدامي تمشي معاهم حيث كانت قريبة ليها هي وعلي في حين أنا كنت قريب من الأسود بقينا مغطيين عليهم وبادلين إطلاق النار مع الجنود الغابونيين _ من بعد ماطلعت سلوى ونمرود والرئيس وعلي في الهليكوبتر لولة حميناهم حتا طارو ، امرت البقية يطلعو لطائرة لاخرة لحت غاز كيحجب الرؤية وتوجهت أنا ومصطفى والشبيه ديالي وبقية رجالي لطائرة الثانية مع دخلنا تسد الباب بدا كيستعد الكابتن باش يطير وهي تسمع ديك بوم في لور ديال الهليكوبتر ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM