قصة المزحة #الجزء 34 : ايلاف: هههههه نص ساعة تلقاني عندك ههههه و الله و حسك نفطرو بلا بيا نوريييك, راه غادي نجيو بلا فطور انعولو عليك ميشيل: يالاه غير طلقينا لفراجة دغيا ناضت ايلاف بالخف فيقات جودي و صلاو و لبسو غير لي بان ليهم دغيا و خرجو, مع 11:08 كانو قدام الاوطيل و طبعا كان اوطيل تابع لسيداتهم ارثر كندجر و هو نفس الاوطيل لي داير فيه مع باتريك هاد الاخيرين لي كانو حلو المشكل لي عندهم و تمو خارجين حتى كيبان ليهم ايلاف و جودي داخلين, ارثر فاش شاف جودي فرحانة فرح معاها هههه و قال هادي هي الفرصة فين غادي يهضر معاها, بقا متبعها بعينيه على كيبان ليه غاديا جيهة وا خونا و هو حال ليها يديه و مشات نيشان تلاحت في احضانو. و هنا فيت غادي توصل ليه لعظم من علي لهاد السيد, طبعا هي غير الغيرة لي دارت هادشي و لكن هو ماتقبلهاش و قال مع بالو بلي هي غير كتفلى و عاجبها لحال بحال هاكا تبقى من واحد لواحد و الحاجة لوحيدة لي طاحت في بال المكلخ ديالنا هي ان "ايلاف عاطياها غير التفلية و كم ماكانش هو لقمة صعيبة بالنسبة ليها كن دارتها بيه شحال هادي" هادشي لي طلع ليه الدم و خلاه يحقد عليها و طاحت من عينين بلاما يستفسر و لا يعرف اش طاري, دغيا استسلم بحال هو كان كيتسنى غير شي حاجة باش يعيبها عليها و كان خاصو باش يكرهها و يكره هاد الاحاسيس و المشاعير لي اتجاهها و لقى السبة دابا فاش شافها من واحد لواحد. ايلاف لي كانت غافلة عليهم بقات شحال و هي معانقة مع ميشيل و كتفرنس بوحدها حتى قال ليها باش يمشيو لمطعم تما فين كان خلا مرتو كتسناهم, دوزو نهار زين و تمناو ليهم حياة سعيدة و خلاو العرسان بوحدهم, كانت مرة مرة كتلاقى معاهم حتى مشاو رجعو فحالهم كان داك صباح الجو ممطر و مغيم و دخلان ايلاف مع 8:11 معطلة و هربانة من شتا ايلاف: سلام عليكم ناري تعطلت تاني اختي راه البرد ماقديتش نوض من لفراش. بنن خدامة معاها و حتى هي مغربية : يالاه غير زربي و طلقينا لفراجة و هادشي غير علمتك لبارح قلت ليك عنداك تصبحي ناعسة و راه السيد لي شرا القهوة ليوم ايجي ايلاف : وييه راه لعكز و مايدير ايوا بعدا الحمد لله سيد طلع ضريف ملي خلانا خدامين عندو اما كن كان شي واحد اخر كن فاش تكاتب معاه كن جرا علينا شحال هادي و لكن هاذا باينة فيه ولد ناس. اجي بعدا عرفتي شكون هو و لا لا ؟ البنت : اختي مانعرف سمعت تايقولو غير سيد ارثر و صافي هو ضريف و لكن في خدمتو قبيح اه نسيت و عندو سلسة ديال فنادق ماسمعتش سميتهم داكشي علاش تبركيكة عندي ناقصة ههه ايلاف ساهية فاش سمعات سميت ارثر و هي كتهضر مع راسها : زعما يكون هو هههه لا لا مستحيل زعما هادشي كامل صدف البنت : و فين سهيتي تاني و يالاه زربينا خلاص راه سيد مابقى ليه والو و يجي و يلقانا شادين لحديث بعد مدة من الزمن و بالضبط مع 9:30 دخل سيد ارثر للقهوة و بغى يجرب الخدمة كيفاش كتكون و كيفاش كيتعاملو مع الزبناء الحوار بالمانية سيد ارثر : مرحبا عافاك واحد ايكبريسو ( ايلاف كانت حادرة راسها لهزة لي هزاتو و شافها تعصب قلب الهضرة من المانية لانجليزية) واش نتي فيما نضور نلقاك واش ماغاديش تسالي من هاد لفعايل ايلاف : ( مصدومة من الشخص لي قدامها و خلاص الهضرة لي قال ليها ) و لكن انا هنا كنخدم نت... سيد ارثر : ( مخلاهاش تكمل الهضرة ) صافي هنينا مابقيت باغي نعرف والو ضركًي عليا كمارتك و ماتبقايش تخرجي ليا فيما مشيت بناقص من هاد القهوة لي فيها نتي انا غادي, نبغي فاش نجي مانلقاكش مازال هنا ( و تم غادي خارج ) ايلاف : ( مارضاتش من هضرة لي قال ليها هي ديما كديرها بلعاني و لكن نهار لي تلاقاو بالصدفة ضورها فيها , خرجات تابعاه و هي صاعرة بقات تغوت وراه و لكن مابغاش يوقف بدات تجري باش تشدو لقاتو يالاه قطع شانطي و غادي لجيهة طوموبيل شداتو من يديه ضار عندها بجهد ) تسنى معندك فين تمشي سيد ارثر: صافي مابقات هضرة لي كاين قلتو و مانعاودش نشوفك مازال ايلاف : نتا شنو يسحاب ليك راسك طلعت ليك شان كثر من لقياس درتها ضحك في لول اه و لكن طلبنا سماحة و باش تبقا ضورها فيا كل مرة لا راك زدتي فيه و حنا داك المشكل حليتاه يمكن شحال هادي ( بدات كتغوت و ترعد من اعصاب مع هي كتغوت و معصبة و هو مبرد كعما مسوق شي لي جهلها و عاد كترعد بالبرد و شتا لي طاحت عليها و هي خرجات من قهوى بلاما تلبس مونطو بقات كتغوت حتى عيات شافتو مبرد و كيدير حركات بحال حشرة لي كتهضر معاه غلبو عليها دموع و مابغاتش تبكي قدامو خلاتو و دارت راجعة لقهوة قاطعة شانطي بلاما ترد لبال حتى فرانات طوموبيل بجهد و لسوء الحظ طريق فازكة فران ماحبس حتى كانت طوموبيل وصلات ليها و ضرباتها ) سيد ارثر : (لي من مور مامشات قلب ضورة بحال ماطرا والو يالاه ايحل باب طوموبيل حتى تسمع فران بجهد ضار حتى لقاها مجبدة في لارض غوت غوتة وحدة ) ايييلاااااف ارثر ماعرف باش تبلا كان واقفة قدامو و في لمحة بصر ولات مليوحة في لارض مجبدة, مشا كيجري عندنا و قلب فيها ارثر: ايلاف, فيقي ايلاااااف, عيطو لاسعاف دغيا حتا بان ليه دم خارج من راسها الشيء لي خلاه يغوت من اعماق قلبو ارثر: لاااااااا.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM