قصة المزحة #الجزء 33 : دخلات جودي و إيلاف لبيت , و هي تبدا في استنطاقها جودي : دابا غادي تفهميني كيفاش قضية الخطبة و شكون هاد ريما ؟ إيلاف بعدم الإهتمام حيدات المونطو و نعسات في بلاصتها :حتى نفهم أنا بعدا جودي :أو كيفاش 3 شهور أو نتي ماعرفاش, و هو كان كيهدر و متأكد بلي قالها ليك إيلاف: حتى أنا هادشي لي درني فراسي, أنا راني حسيت بالشمتة السيد كيهدر على خطيبتو أو أنا على بالي كيهضر على ختو جودي: و اشنو غادي ديري دابا؟ ايلاف: ماعندي ماندير, انا عمري نسا خيرو و كان نعمة الاخ كيف كيعتابرني فينما نحتاجو نلقاه حدايا و غير انا كنت عمية ماشفتش اهتمامو كيف داير و لكن هانيا مانخليش هادشي باش كنحس نفقد شخص بحالو, عندي الزهر مابينت ليه والو و هادشي غادي يبقى بيناتها هنا ماغادي يخرج لحتى قنت و انا كالعادة دغيا كنجمع راسي ماتخافيش عليا. شوية ايلاف ناضت بدات كضحك غير بوحدها حتى دخلات لجودي شك جودي: امالكي ا بنتي ؟ اويلي باكما تصطيتي ؟ ايلاف: ههههههه لا لا , غير قولي ليا هاد البلان لي طرا مافكرك فحتى حاجة؟ جودي: ميشييل ايلاف: الله يرضي علييك, اجي نوضو نشدو فيه شوية بما نضتي صليتي نتي. جودي: ويييه بقيت شادا معاك الهضرة نيت, نوض و نوجد نيت مانكالو. مهم نضات جودي صلات و وجدات لعشا و كلسو كياكلو وهضرو مع ميشيل لي مسكين دوخوه مع العرس قرب بقا شيبوه كل مرة غادين بيه لشي قنت و من بعد هضرو معا البنات و عطاوهم التقرير اليومي و نعسو. توالات الايام حتى وصل شهر 5 (يعني داز شهرين)و في واحد السبت مع ايامو كانت ايلاف دايرا لايف مع ميشيل و حياة على قبل العرس و بقات شادا بيه العسة ايلاف و جودي و خلاص العرس كان مغريبي 100% بحكم حياة لي وقفات عليه بيديها, مهم بقاو سهرانين معاهم حتى كملو العرس و نعسو مبوقين. نمشيو عند ارثر و نشوفو طيلة هاد الشهرين اش طرا, من بعد ما دار السبة بالمشروع و كان يكلس غير شهر الا ان الخدمة بصح كثار عليه و اضطر انه يزيد شهر اخر , كانت ايلاف ديما طيح ليه في بالو و كيفكر في الهضرة لي قال ليه باتريك قبل مايرجع فلاش باك: باتريك: انا غادي نرجع, اندير بكلامك و نخلي الكرة بجودي, و لي دارتها ديك الساعة انا غادي نتقبلها غير هي كيبقى بلي جربت حظي داكشي علاش عمري ماندم و نقول كن غير هضرت معاها قبل, و كنتمنى حتى نتا دير هادشي لا تبقى حتى الاخير و يتنادم معاك الحال. نهاية الفلاش ارثر فكر و فكر و لقى الحل بلي غير يرجع لامانيا يهضر معاها و يطلب منها السماحة على اخر هضرة قال ليها و يعطي لراسو فرصة معاها و منها نيت تبعد على علي. رجع ارثر لالمانيا و تلقى ليه باتريك هاد الاخير لي تصالح مع جودي و ولاو يقضيو وقت مجموعين غير انهم كاصدقاء, هادشي لي قالت ليه من بعد ماغبر عليها 2 سيمانات و خلاها كيف الحنش لي مقطوع ليه راسو, حتى هضرات معاه و قالت ليه نكونو اصدقاء و شي لاخور يجي من بعد ايوا بعدا الحمد لله حيدو الحواجز لي كانت دايرا جودي و ولات تصرف معاه على طبيعتها الشيء لي خلا باتريك يزيد يتزعط فيها كلما زاد قرب ليها و تعرف عليها كثر. باتريك وصل ارثر لدارو و خلاه يرتاح و تاغقو باش غدا يتلقاو في المكتب ديال الاوطيل. في نفس الصباح لي تافق باتريك مع ارثر يتلاقاو فيك , كانت ايلاف و جودي باقين مبوقين بالنعاس و لكن التيلي من كثرة ماصونا برزطهم, حتى ناضت ايلاف حاقدة جاوبات. ايلاف: الوو ميشيل: اويلي على الخامرة باقا ناعسة ايلاف: ياك ا خويا نتا عريس سير قدي شغالك و خليني عليك نعس ميشيل : ههههه شغالي قاديتهم كوني هانيا , و نتي لي يسمعك يقول بايتة دردكي و نتي كنتي غير كتفرجي فيها, حنا مساكن لي بقينا غادين جايين و فاش كملنا العرس جينا نيشان لعندك و من كثرة الفرحة فقنا بكري غير باش نشوفوك و نتي كعما معبرانا اختي ايلاف ناضت صحصحات: كيفاش ؟ جيتو دوزو شهر العسل في المانيا ؟ داكشي علاش الغدار فاش سولت قلتي ليا سوبريز ميشيل : ههههه بشوية عليك و نتي تقبتي ليا الطبلة ديال وذني, اه ا لالة و قلنا نشوفوك نتي لولة باش تعطينا تيساع و ماتبقايش تبرزطينا من بعد ايلاف: فينك دابا ؟ انا انجي عندك و نوري لحسك تبرزيط ديال بصح ميشيل: انا في اوطيل *******, يالاه زربي باش نفطرو مجموعين راه 10 و نص هادي واخا مابقى فطور ههه........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM