الأسود 🖤 الجزء 53 🔥🔥🔥🔥🔥 ( التتمة من بعد 370 ❤️ طاكيو صحابكم وتفاعلو نزيدكم جزء آخر ليلة مع 00:00 💪🏻) أقوى من الذئاب بسنوات ضوئية فريق محترف 100% عمرك شفتي بحالهم كنقولو ليهم الممسحة ماكنبينوهمش في الواجهة بزاف فريق متكامل ولكن خاصهم قائد بحالك ، مع الوقت فاش غادي ترتقي في المراتب و نشوفك مناسب غادي تكون نتا القائد مفهوم _ أنا معاك أسيدي وفي أي وقت وخا مافهمتش شي حوايج دخت بكل صراحة ممكن تشرح ليا أكتر البوص : مع الوقت غادي تفهم كولشي ماشي ضروري تعرف دابا كيف قلت ليك استمر في العمل ديالك وفاش نشوفك وليتي مناسب انجي عندك يله خليت ليك الراحة مبروك عليك العرس ونوصيك شد الخاطر لسلوى راها بنتنا واخا هي صعيبة في طيباعها ساعف معاها _ كون هاني سيدي، مشا هو ورجالو وعائلتو وأنا رجعت كنتسنا في سلوى وكنفكر في كلامو كيفاش بغاني نكون معاه وأنا أصلا معاه و تحت الخدمة ديالو وشكون هاد الحشاشين لي عاود ليا عليهم زعما بصح كاين ماوعر من الفريق ديالي لايمكن ، مافهمت والو خويت راسي وبديت كنتسنا في سلوى تخرج سلوى : مشينا اراجلي العزيز عندي ليك مفاجئة زوينة _ جيت وراها وهزيت الكسوة من لور حيث كانت كتجرجر مع الأرض و تمينا قاصدين طومبيلة العرسان لي مزوقة كاملة وكنسولها على المفاجئة شنو هي وانا متحمس نعرف سلوى : حتا نمشيو المقر وتعرف كاينة تما ... فاش كنت في الغرفة كنجمع شي حوايج تاصلت برجالي يجيبو تسنيم بنت سناء من عند عمتي لي محضراتش العرس ويديوها المقر ديالنا الرئيس : زفاف مبروك إلى حتاجيتوني تاصلو بيا خودو هاذ الظرف فيه 3 الكادوات 2 مني وواحد من البوص طائرة خاصة وسيارة وفيلا في طنجة سلوى : هاذو هوما الكادوات أو لا فلا _ شكرا سيدي الرئيس على كولشي ( سكفاندري عيقتي عليا واخا نكون كنحلم مايجيونيش هاذ الكادوات فين لوجيك مزال كون قلتي شي زينة ديال الكيسان ومانطات نتا وصلتني لفيلا وطائرة قويتي 🤣 ) الرئيس : دابا ولينا نساب قول ليا غير عمي _ واخا عمي شكرا ليك ، ودعنا الرئيس ونمرود لي بقا معاه وركبنا الطومبيل ديالنا والفرقة الخاصة ورانا وتوجهنا القنيطرة وحنا كنديو و نجيبو في الهدرة على العرس الأسطوري لي دوزنا شطحنا تاعيينا وفوجنا كلينا تصورنا عشنا لومبيونص نهار زوين سلوى: عييت بزاف اعمري _ حتا أنا عييت بغيت نعس كيف غادي نوصل غادي نجبد عليها بنعسة عالمية تال الصباح ... شافت فيا واحد الشوفة بحال إلى بغات تاكلني وقربات ليا عند ودني مابغاتش مصطفى لي كان سايق الطومبيل يسمع سلوى : شنهوااااا ليوم نهارنا انوريك تنعس هاذي هي الليلة لي خاصك تبقا فيها فايق _ قربت لعندها وقلت ليها تبارك الله كدوي بحال الى عمرنا قربنا لبعضياتنا ياك مدة وحنا مشاركين البيت سلوى : ولكن اليوم ليها طعم خاص الحلال هاذا _ واخا ألالة وصلنا المقر في القنيطرة تمينا داخلين والحراس لي ماحضروش العرس كيباركو لينا وصلنا حدا الشومبر ديالنا خرجات واحد البنت تكون في العشرينيات من عمرها من الشومبر لي حدانا .... ماتقوليش ليا جبتي ليا مرا أخرى كادو مزيانة سلوى : سكت أو غادي نقتلك نوريك مرا أخرى _ شكون هاذي وشنو كدير هنا سلوى : أجي معايا احبيبي عندي ليك مفاجئة _ جراتني من ايدي ودخلنا الشومبر لي خرجات منها البنت كتبان ليا بنت صغيرة ناعسة فوق الكاتري دققت فيها مزيان وكنقول ماعرفتش فين شايفها بقيت كنحاول نستعقل وأنا نتفكر نهار عملية رئيس المخابرات .... ماتقوليش ليا جبتيها من دار ...؟ سلوى : بلا ماتكمل اه هاذي من دار علي بنت سناء جبتها نربيوها _ دابا عاد عرفت علاش وقفتيني نقتلها ماكانش عليك تجيبيها اسلوى ، ماعندنا مانديرو بيها غادي تصدعنا وزيد عليها حياتنا ديما في خطر يعني تاهي في خطر سلوى : ولكن نتا قادر تحميها نتا هو العرندس ديال القطيع ديالك والحامي ديالنا كنثيق فيك أنك اتحمينا ديما عفاك بغيتها تبقا معانا وراني جبت ليها مربية تعاونا عفاك حبيبي راني حبيتها _ ولكن كيفاش حتا جبتيها ايمتا مشيتي عندهم سلوى : الصباح مشيت خديتها ليهم _ والله ماكتمرگي داك النهار رديتي ليهم وحدة واليوم جبتي بلاصتها وحدة أخرى ولكن ماشي موشكيل ديري لي عجبك االزين خرجنا من البيت هزيت سلوى وتميت داخل بيها البيت ديالنا لي عاودو رجالنا قادوه وجهزوه خصيصا لزواجنا سلوى : أسد والله حتا أسد _ عجباتك الهزة فين تبان ديال العمارية لحتها فوق الكاتري سلوى : بلاتي ندخل الدوش نبدل ونرجع نجي لقاك موجود. _ دخلات لبسات ملابس ديال العريسات الجداد ورجعات ( ماكنبغيش نتعمق في التفاصيل باش القصة كلشي يقدر يقراها ) دوزنا دخلتنا للمرة 1000🤣 سالينا وبقينا معانقين وكنجمعو على عرسنا سلوى : شتي الحلال عندو طعم آخر _ أنا نفس الحلاوة لي كنت كنحس بيها من قبل حسيت بيها اليوم االزين ديالي عادي سلوى : ولكن دابا الحلال أفضل ايمتا غادي نمشيو أكادير _ باز بان ليك الحلال في الزواج فقط داكشي كامل لي كنديرو مبانش ليك شحال قتلنا ديال الناس وعذبناهم فين هو لوجيك سلوى : وا الموهم صافي سكت دابا قول ليا ايمتا نسافرو _ غدا نمشيو يله نعسي خليني نعس .... ضربتها بنعسة الصباح كنفيق على صداع البنت الصغيرة كتغوت عندي في البيت حليت عينيا كلقا سلوى هزاها وكدور بيها كتحاول تسكتها ، وسلوى سكتي الزمر خسرات ليا نعاسي ها لي قلنا سيري لوحيها فشي قنت أو نوض نسكتها بمرة واش ناقصنا الصداع سلوى : أشمن زمر شوف شحال زوينة نوض راه داز الحال انبقا ديما نحطها فوق راسك تفيقك _ فقت معصب مشيت دوشت وريحت في الكافيتريا كنفطر سلوى : مالك احبي كاعي وعاقد غوباشتك ياك لباس _ مزال فيا النعاس ماتبقايش تجيبيها ليا حدا راسي الله يخليك مقاد على صداع صوت الدراري الصغار كيضرني في راسي وماكنحملوش سلوى : واش حتا إلى ولدت ليك شي وليد تقول ليا نفس الهدرة _ ماكنحملش الولاد الصغار بمرة ماعندي ماندير بيهم وديري احتياطك وياك تولدي مابغيتش الولاد اوكي تولدي نقتلو ... سلوى تقلقات وناضت من حدايا وهي كتنگر سلوى : اووف شحال فيك ديال النگير مزال باديين قلبك حجرة مصطفى: فاش كنتو مصاحبين كعما كنتو كتخاصمو هههههه _ قول ليا واش غلطت فشي حاجة أمصطفى مصطفى : هي بغات تولد حاول توصلو شي حل العيالات كاملين هكذا كيوليو من ورا الزواج ، كيتسيفو ولكن ساعف معاها أخويا وصبر _ الولاد فيهم الصداع وكيوليو نقطة ضعف ولايني وحلة واقيلا تسرعت كون بقيت زوفري ديال راسي ولا هاذ المرض تفو شنو دانا لشي زواج كاع كيف قلتي عمرنا تخاصمنا تال اليوم مصطفى: الشيطان ولد الحرام سير صالحها أخويا _ مشيت شومبر ديالنا تنازلت حزرت سلوى بدات كتفشش عليا وكطلع السما ولكن مابيدي ماندير مزال عرسان جداد مابغيتش نخسر ليها راضيتها وتعانقنا وباستني بوسة خفيفة في عنقي سلوى : نوض خلينا نمشيو أكادير جمع حوايجك _ واخا هاني انجمعهم غير بقاي على خاطرك امدامتي ، جمعت حوايجي وكتبان ليا كتخشي حوايج البنت الصغيرة في الباليزا ديالها واقيلا ناوية ديها معانا ... سلوى شنو كديري ماتقوليش ليا غادي دي معانا هاذ الموصيبة حتا في هاذ التسافيرة سلوى : انديها كاين شي موشكيل بغيتها تعمر علينا _ وكاين مشاكيل ماشي غير موشكيل حنا غاديين نفوجو ماشي تنكد علينا خليها هنا الله يحفظك سلوى : عفاك حبيبي بغيتها تكون معايا حبيتها منقدرش نفرقها _ بقات محكرة وكطلب وافقت خرجنا من المقر وشدينا الطريق أنا ورجالي لأكادير وبالضبط أوطيل ديال الرئيس في منطقة سميتها فونتي قريبة لاكوط أكادير ستاقبلونا الموظفين ديال الأوطيل وخدينا أحسن 2 غرف في لوطيل وحدة لينا ووحدة للمربية وتسنيم ، ورجالنا كيباتو في طومبيل ( الرباط ) دامي : تسنيم خداوها معاهم لأكادير حسناء أم سناء: أويلي الله على كبدتي مسكينة الواليدة : حرام عليهم هوما مستمتعين بوقتهم ومخليين البنت بغات تحماق على بنتها ياسمين : لدابا سناء مابغات تاكل ولا تشرب شيحاجة علي : غادي نمشي نهدر معاها على الله ... قصدت شومبر سناء دقيت ودخلت لقيت تحت عينيها كحل وعينيها حمرين ومنفوخين بالبكا... ختي سناء عفاك ماديريش هاذ الحالة في راسك نوضي كولي سناء : شنو بغيتي ندير من غير أني نبكي خداو ليا بنتي قدام عينيكم ونتوما كتفرجو بحال الوليات علي : ماقدرين نديرو والو قدامهم حاليا راكي شفتيهم سناء : فين هو كلامك الرجولي لي قلتي لينا في اللقائات الأولى دابا وليتي بحال المرا خايف على راسك علي : الله يسمح ليك أختي سناء نتي شايفة ظروفنا حنا ضعاف قدام الذئاب وأنا خايف عليكم ماشي على راسي و كوني أكيدة بنتك ماحدها مع باها راها بيخير وغادي ترجع ليك سناء : باها أشمن باها واش هاذاك عارف شيحاجة ياك شتي كيفاش كان باغي يقتلها قدامنا علي : الأمر مختالف دابا ملي داوها وإلا بغاوها تعيش معاهم وماغديش يأذيوها كيف دارو مع أية غير صبري وعد مني انرجعها ليك بليزززز ماديريش في راسك هكذا بقاي قوية من أجل بنتك سناء : خداو مني الراجل لي كنبغي وبقيت قوية على ود بنتي و الحاجة الوحيدة لي كنت عايشة على قبلها ومصبراني على الحياة الكحلة خداوها ليا حتا هي شنو بغيتي ندير دوي اهئ اهئ علي : غادي ترجع ليك أسناء رآه ربي كبير قربت لعندها وعنقتها وعد مني نرجع ليك بنتك أختي تيقي فيا مهدي : علي تكلم لدامي علي : خرجت للصالون كلقا دامي ومعاها واحد البنت ماطويلة ماقصيرة سميمرة شوية ولكن زوينة ومقبولة لابسة سروال ديال ميليتير خضر ولفوق تريكو أسود ودايرة طاگية كحلة دامي : هاذي هي القائدة ديال الفرقة لي قلت ليك كانت جامعها سعد باش يحارب الذئاب جمعناهم كاملين سميتها نور علي : مشرفين نور أنا سميتي علي رئيس المخابرات نور : كنعرف عليك كلشي أالسي علي وعاودات ليا دامي على مشكلتك مع الأسود وعصابتو الذئاب علي : مزيان في نظركم تقدرو على عصابة الذئاب نور : حتا حاجة ماصعيبة لي غريب هو الأسود لي كان ايتولى قيادة الفريق ديالي باش نحاربو الذئاب ولا هو العدو ديالنا ولكن عندي ليك خبار زوينة عندي واحد من رجالي حاطينو وسط عصابة الذئاب جاسوس ومنو نقدرو نعرفو بزاف ديال الحوايج علي : مزيان يقدر يعول عليك الواحد بداية موفقة ، خرجت معاها الجردة عرفاتني على فرقتها لي العدد ديالهم 50 شخص وكاملين كيتوفرو على بنية جسدية قوية نور : هاذو هوما لي غادي يهنوك من الذئاب إن شاء الله مهدي : سامي كتبان ليا كتهدر وواثقة من كلامها تخاف تطيح بين ايدين أمين كيف وقع لخونا علي سامي : حتا أنا ماثايقش في هاذشي حيث ثايق في قوة الأسود وماشي من السهل يطيح علي : شنو المعمول نور : الوقت لي غادي تورينا شنو المعمول دابا أنا ورجالي انبقاو معاك وفي جنبك علي: ولكن إلى جاو رجال الأسود وكتاشفو الموضوع نور : قول ليهم رجال الحراسة جداد ( أكادير ) سلوى : الجو زوين هنا الله على راحة _ الجو زوين احبيبتي حيث كاينين أنا وياك ... وصلنا معطلين شوية وقصدنا لاكوط أنا وياها وبدون حراسة نجيبو دورة وكنا عايشين الرومانسية شادين في بعضياتنا وكنهدرو وكنضحكو واحد لحظة طاح في بالي فلاش باك مخربق شفت أني فايت كنت في هاذ البلاصة و هاز بنت شهبة ورا ظهري ماتعرفتش على وجها وبداو كيطيحو في بالي عدة أصوات وضحكات شباب وآخر كلمة سمعتها هي أمين مافهمت والو راسي عطاني الصداع وحريق بزاف وبديت كنعرق ابوحدي سلوى : يوسف مالك _ ماعرفتش اسلوى فجأة ضرني راسي سلوى : بشوية عليك احبيبي _ مشيت جلست وجابت ليا قرعة الما شربت وبقينا تما حتا رتاحيت من بعد مشينا تعشينا في ريسطو كلاس و رجعنا لوطيل بدلنا حوايجنا أنا لبست شورط وسليب نص كم وهي لبسات لباسها الغير المحتشم 🤣 ماكين غير الإثارة والتشويق بحال جميع العريسات الجداد تكيت على الوسادة وهي ناعسة ليا على صدري و كنتحدتو شوية دفعاتني برجليها وتلاحت فوق مني سلوى : نوض بركة من النعاس رآه شهر العسل ماشي ديال النعاس _ وهنينا ماكتعيايش واش عقلك فيه غير داكشي سلوى : ايوا علاش حنا مزوجين رآه هاذا هو الزواج علاش البنات كيتزوجو يحساب ليك ناقصاهم شيحاجة في دارهم كلشي واكل شارب خاصهم غير النوم اعزيزي ( عقلتي على داك الفيديو لي شفنا ديال خونا لي قال ليه باه مالك اش خاصك ياك واكل شارب ناعس هو يقول ليه ولدو فين هي شارب كامي ...) _سكتي سكتي تكمليها نهرس ليك فمك ... بقينا كنضحكو وكنشوفو في بعضياتنا وكيف قالت ليا مرتي ماشي وقت النعاس دوزنا العسل عاد يمكن لينا نعسوو... تخشات فيا وعنقتها حتا دانا النعاس وهكذا دوزنا 3 ديال العسل والحب أنا ومرتي العزيزة في أكادير درنا وتسارينا جميع المناطق السياحية ديال أكادير وتقربت من تسنيم ولات عزيزة عليا وحتا أنا عزيز عليها كتبقا ضحك ليا وعندها ضحيكة غزالة سحراتني وهي لي جدباتني ليها ... كيف وصلنا المقر تلاقينا بنمرود جالس في واحد الركينة كيتكيف نمرود : شفتكم دغيا رجعتو مالكم على هاذ الزربة عند بالي اتريحو شي شهر _ لواه عام شبعنا دوران الله يجعل البركة شتك نتا لي ماسافرتيش مالك ياك قلتي اتمشي تفوج نمرود : مابقاتش راشقة ليا على السفر تال من بعد أش بان ليك انسيبي في شي كويسات هاذ الليلة نقادو المزاج _ يله مشات توجهنا الكافيتيريا ديال المقر أنا وياه ومصطفى فتخنا جوانات وبدينا على الكماية والشراب تال نصاصات الليل سلوى : بركة عليكم داز الحال نمرود : خلينا مجموعين ياك موالفة تشربي معانا حتا نتي اتزوجتي تبدلتي مالكي ولا عليك الحكام _ لا أخويا على أنا نقدر نحكمها عاطيها حريتها سلوى : يله أيوسف تنعس ، جريتو غير بزز تميت غادية بيه لبيتنا _ مالك احبي سيري نعسي وخليني سهران مع الدراري حشومة عليك تحرمي عليا اللحظة السعيدة سلوى : نتا هو المخدة ديالي إلى مكنتيش نتا مايجينيش النعاس زيد _ دخلت البيت بقيت كنتعنب على مرتي وكندخل ونخرج في الهدرة مع كترت الشراب وطحت كاو بين احضانها الصباح فقت مدگدگ دوشت بما بارد من بعد مشيت شومبر تسنيم لقيت سلوى تما كتلعب معاها سلوى : جيتي تشوفها صافي مابقاش فيها صداع ولات عزيزة عليك دابا _ هزيتها وبديت كنلعب معاها هاذ الملاك دغيا كتولفو وكدخل القلب شحال زوينة ويتك ويتك سلوى : خاصنا نولدو ليها شي أخ _ حطيتها بلاصتها وتميت غادي خارج وشفت في سلوى وقلت ليها يكون خير الزين ... توجهت الكافيتيريا كناكل حتا وقف عليا نمرود قال ليا بيلا الرئيس وكل لينا مهمة جديدة فرحت نمرود : أخيرا مهمة جديدة جاني الملل _ فين هاذ المهمة تاني أخويا نمرود نمرود : مهمة في ليبيا كاينين واحد المرتزقة تعرضو لواحد الشحنة ديالنا _ شنو فيها هاذ الشحنة لي غادي نمشيو ليها تال ليبيا نمرود : شحنة ديال الأعضاء كتسوا زبالة الفلوس خداوها وباعوها لواحد الشخص كيعرفو الرئيس ومهمتنا نرجعو فلوسنا ونقتلوهم _ بلان هو ولكن صحاب زنگا زنگا خطار غادي تكون مهمة صعبة عطينا المعلومات لي عندك نمرود : كلشي عندي في هاذ الظرف كيف العادة ماعلينا غير نفدو _ بقيت كنشوف في صور ديال مكان تواجد المرتزقة وكنحاول نلقا خطة حيث ماشي بالساهل تقتاحم المكان سلوى : لاش كتخططو تاني مصطفى: مهمة جديدة ألالة سلوى نمرود : غادي نمشيو ليبيا أسلوى تكملو شهر العسل تما نتي وراجلك عندهم واحد الجو ياسلام سلوى : نمشيو علاش لا ايمتا غادي نتحركو وشنو الخطة نمرود : غدا انفدو المهمة يعني اليوم انمشيو بالليل... بديت كنعطيهم في المعلومات ويوسف كيعطينا في الخطة كيف كمل كلامو بدينا كنتحدثو في مواضيع أخرى ندوزو بيهم الوقت في هاذ الحبس لي عايشين فيه _ وصل وقت تنفيذ المهمة لبسنا لباسنا الخاص بالمهمات وخرجنا مع 00:00 توجهنا المطار الخاص بعصابة الذئاب ركبنا الهليكوبتر لي كتنقل الجنود وقصدنا ليبيا أنا وجميع أعضاء الفريق ديالي وصلنا مع الصباح ليبيا قربنا لمنطقة لي فيها المرتزقة قبطان : بداو الهبوط هاذا هو المكان المحدد _ تلاحينا من الطائرة بالباراشيت وتما تلاقينا ببعض من رجالنا كانو موجدين لينا الجمال مع بعض الحوايج ديال الرحالة ليبين أمرت 10 من رجالي يلبسو ملابس الرحالة ويسوقو الجمال تجاه المرتزقة وملي يوصلو حداهم يوهموهم أنهم رحالة وتجلاو في الطريق وداكشي لي درنا هوما مشاو وحنا لاحقنا عليهم من لور وقاصدين الجبل فين مخبيين أعدائنا، تمشينا حتا قربنا ليهم والمساخيط كانو عارفين شنو كيديرو مخبيين في موقع استراتيجي واعر حيث المنطقة جبلية ومقرهم لتحت وصعيب تعرفهم فين مخبيين توزعنا في الجبل هزيت المنظار وبقيت مراقب في رجالهم لي حارسين المنطقة كانو منتشرين بين الصخور دورت عيني على أمل نعرف نقطة الضعف والقوة ديا المنطقة ديالهم ، من بعد لحظات جات عيني على دار صغيرة وبعض الكهوف لي تما حيث هوما كيدخلو ويخرجو منهم رجال مسلحين بزاف يعني تما كاينة شيحاجة مهمة والى قدرنا نتخلصو من الحراس لي تما ساهل نحاصرو المنطقة كاملة في حين الوسط كاينة فيها بحال وسعة كبيرة مجموعين بزاف ديال الرجال كيهدرو بيناتهم هاذوك حالهم ساهل مكشوفين لقناصة يقدرو يقتلوهم بسهولة عطيت أوامر لرجالي لي متنكرين على أساس رحل يقربو من أعدائنا دارو بكلامي هوما يوقفو عليهم الحراس هازين عليهم السلاح ....يتبع ( طاكيو صحابكم وتفاعلو نزيدكم جزء آخر ليلة مع 00:00 💪🏻 اليوم جزء مشوق 🥰 ) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM