قصة المزحة #الجزء 29 : ايلاف و جودي لي بقاو كيهضرو مع البنات ساعات و ساعات و الهضرة ماتقداتاش بيناتهم, عاودات ليهم على كلشي و طبعا كلشي تصدم على البوسة لي باسها. البنات: جودي: هههه كلنا تصدمنا ماشي غير نتوما ايلاف: هههه ويييه كن تشوفو انا و لكن عبرت عليه بديك التصرفيقة لي عطيتو يسرى: اييه و من بعد دابا ؟ اش غادي ديري ؟ ايلاف: ماغادي ندير والو دابا صافي, سديت هاد الموضوع و لكن البوسة ماغاديش نساها ليه الا جابتها ليا الوقت انرضها ليه في ساعة د خير و نرد ليه صاع صاعين تيما: صافي نساوه علينا , عاودي لينا على علي فوفا: اه اه , احح على علي اسو: علي يا بني عمي كيمو: يا علي زينب: يا لي بتجري في دمي كنزة: يا علي جيجي: هههه الله يرد بيكم هند: خاص غير شكون يبدا ليكم ايلاف: ههههه راه ماكاين والو غير سيد تيتيز و صافي مشيتو بعيييد و غادي ترجعو حفيانيين طمطم: عنداك غير نتي لي تمشي بعيييد اختي جودي: هههه لا لا كونو هانيين عليها و اصلا انا هنا باش نقرصها ايلاف: ههه جودي لي كدير ليا العقل تقولو هي لي كبيرة عليا ماشي انا اوما: كلشي زيين غير تهلاو في راسكم جودي: ويلي بقينا شادين معاكم الهضرة و ليل طاح سيرو فحالكم خليونا نوضو نصليو و نديرو مايتحنجر البنات: اوكي بسلامة ايلاف و جودي : باي باي مشاو البنات صلاو و كلاو, جودي هضرات مع دارهم, اما ايلاف فاليوم الاحد ماكيكونش في دار كيكون خارجين و فضلات تخليهم حتى يرجعو عاد تهضر معاهم داكشي علاش مشات شدات الهضرة مع ميشيل , بقاو يتناكرو كيف العادة و مع كانت كتهضر معاه ابيل اوديو كل شوية كتسمع طيط طيط و لكن في اللول مرضاتش البال, قطعات مع ميشيل و مشات تشوف اش كاين, لقات واحد نمرة في شكل معيطة ليها 2 مرات يالاه غادي تصيفط ميساج تشوف شكون و هي تعاود تعيط ليها و لكن قطعات عليها بما انها نمرة غريبة عليها و خلاص ديال المانيا كن كانت غير ديال المغرب اتقول غير شي واحد بدل نمرتو و عيط ليها و لكن ديال المانيا ماعندها حد, حتى كيطيح في بالها علي و يالاه اتسيفط ميساج لقاتو سبقها و سيفطو ليها علي: ايلاف, راه انا علي , باقي مادخلتي نمرتي ايلاف: اه راه نسيت الكارط ,بقات في الصاك و مشات ليا من بالي داكشي علاش علي: ماشي مشكل, كنت باغي غير نسول عليك كيف بقيتي و صافي ايلاف: سول فيك الخير , و الله الا بخير, كن هاني بقات ايلاف شادة لحتيت مع علي لي كان هضر مع حبيبتو قبل منها و عاود ليها على ايلاف و كلشي و عاد هضر معاها باش يقلقها حتى هي. شهرين دازت .. بدلات بزااف فكل من ابطالنا ، شي فرحااتو شي عكساتها معاه ، شي طايح فشي و كلها مامسوق لخوه .. عرفتوا شناهيا اخيب حاجة ، هي تفهم شيحد غلط ، نتا تشرق و هو يغرب ، هادشي اللي وقع مع ايلاف اللي هادي مدة و هي كتهضر مع علي ، ولفاتو بزااف و هو كذلك ، لكن هنا فين كاين المشكل ، هو دايرها ختو و صاحبتو لكن هي لا .. بلا ماتحس بدات كتعلق بيه ، معاملتو ليها و شخصيتو المرحة الرجولية زائد وسامتو الطاغية كلهم عوامل ساهموا فتعلقها به ، كلما سمعات صوتو او هضر معاها كتحس بالفراشات كيلعبوا ليها مع مسارنها ، مواصفات داك فارس الاحلام الوهمي لقاتهم فيه ، وسيم حرش رجولة ضحووكي و مخلق زيييد عليها مسلم !! هدية من رب العالمين على طبق من ذهب ماغاتلقاش معاه كاع المشاكل باش دخلوا للاسلام ! ماعارفاش بلي معاشرتو مع الغرب خلاتو يولي بحالهم تقريبا ، عقلية متفتحة و نفس المعاملة اللي كيدير معاها كيديرها مع غيرها و يمكن كتر .. مجموعة مشاعر كتحس بيهم ، كتحاول ما امكن انها تخبيهم على الاقل غير حتى يعتارف هو ، زعما هه .. ماقدراتش تا تعاود هادشي لصاحبتها جودي ، اللي يا حصرة يالاه دابا و هي كتقوليها راه هادشي غا ضحك ماكانش فخبارها راه يقدر يتقلب السحر على الساحرة .. و دااك الاخيرة خلااص هه ، يا محاينها مسكينة ، باتريك مامخليهاش تتنفس بلا مايهضر تا ولات تطفي التيليفون بسبابو لي كان خدا من الوراق ديال الوكالة ، بس مع مييين البنت (بالالمانية طبعا مانبقاش ديما نعاودها ) : ختي جودي موسيو باتريك كيسول عليك كانت حانية كتلون مع واحد الدري تا سمعاتها و علات عينيها هي و ايلاف ف دقة وحدة ، حطات الملون بهدوء كتحاول تمالك نفسها و تحافظ على ابتسامتها ، ناضت جرات ايلاف من دراعها و كتزرب فخطوتها تا مشاو لبيتهم دخلات و سدات الباب ، ضارت عندها كتندب جودي :هاوييلي يانا ياويلي واش دروووك طفيت عليه التيليفون باش مايزيدش يعيط تابعني تا لهنااا (كترقق صوتها باش مايسمعوهاش برا حيت الهدوء كلشي ساكت و فنفس الوقت باغة تغوت) وا نااااري انا شندير دابا اش اش ااااش اعباد الله وييييلي قلنا للسيد سيييي بععد مني انا مانصلااحش ليك واا مانصلااااحش ياك انا مانصلاحش ؟ اش بغيتي بيا ا سييدي انا ماعندي مااانفيدك سيير الله يعاونك و مازاااال لاصق ، مرمدتو ماخليت مااقلت ليه عالله يدير غااا شوية د النفس ا شوية و حراااام ، و دابا جااي لاصق باغي يهضر ملفووق اش ندير انا اشش.. شوفيلييك للل... كضحكيي ياكا كضحكييي ، اوا ضحكي ياختي ضحكي كيتي انا اللي جايا نشكي و نستنجد بيك زعما و عطاتها بكتفها و بدات دمع زعما ايلاف شادة كرشها و كضحك : واا ههههه وا صاحبتي لقييههههههههه اووف اربي ههههه لقيتيه بعدا تا كتشرطي نعلبوووك هههه (بانت ليها القضية بصح و تجمعات) احم اجي اجي (جراتها لقنت الفراش و عنقاتها) شوفي دابا ، هو راه تزعط فيك هادي باينة ،و كلما نتي شديتي زكًير معاه غادي يزييد يلصق فيك حيت جيتيه صعيبة و هو مولف بغمزة ينوض دبزة ، ديريها فبالك كلما زدتي قصاحيتي غادي يزييد يلصق و تولي نتي دايرك تحدي كاع داكساع اش جا مافكنا منو ، اللي نقولك هدني شوية من تحنقيزك ، و رطبي داك الراس شوية ماتصعبيهاش علينا الله يرحم بيها الواليدين ،اذا بقيتي هكا غادي يطول شحال مابغا و يمل داكساع ينساحب في هدوء و نبينا عليه السلام داكساع ها حنا تهنينا جودي (هزات راسها منها كتغبن) : ولكن كيقنطني صافي عييت منو بغيتو يبعدني ايلاف : وا ديري اللي قلتليك و غيبعد غا صبري شوية صافي؟ وا نوضي مسحي خناينك عليا و خرجي شوفيه مالو راه عيا وقيلة كيستنا جودي (كتمسح بكم تريكوها معبسة ) : و مالو مايستنا ياك هو بغاني وا يصبر ايلاف :هههه نوضي نوضي الهبلة الله يعطيك العقل جودي (وقفات و مشات جيهة الباب خرجات ليها لسانها) : الله يعطيه ليك غا نتي اما انا ماعندي ماندير بيه خرجات و خلاتها كضحك بوحدها ، ختماتها بابتسامة تابعاها تنهيدة ، الله يعاونها على هاد الموصيبة الصغيرة و خلاص ! كلشي مخدوع فيها سحابتليهم بريئة و هي يتجمعوا عليها جنون سليمان مايقدوا عليها .. ايييوا الله يستر و خلااص. خرجات جودي لعند باتريك لقاتو متكي على طوموبيل و كيتسناها تخرج. كاع داكشي لي قالت ليها ايلاف و وصاتها ضرب في زيرو فاش شافتو جاي قاصدها و كيضحك. جودي كتهضر بشوية قبل ماتوصل ليه : يخ و تا تجمع شوية و كون غامض و نتا محلول ليا كيف الكتاب دغيا كنقراك. باتريك: جودي, لاباس ؟ جودي: ما لاباس والو, اش بغيتي مازال ؟ لاش جاي ؟ باتريك: كالما, مالكي جايا صاعرة ؟ جودي: شوف طلعتي ليا في طنطون ديال راسي, النمرة و قلنا ماشي مشكيل خديتيها واخا ماعندكش الحق و لكن دوزناها ليك, تبقى تبرزطني و ديما مصدعيني طفينا عليك التيليفون و لكن باش تبقي تجي عندي هادشي بزاف, واش ماعندكش نفس, ماكتفهمش ؟ باتريك لي طلع ليه الدم من فعايلها جايا ل 3 شهور و هو يضور عليها ماخلا مادار معاها و كيتسنى غير ضحكة من عندها و هي والو ديما مسمعاه الهضرة و كتنقي ودنينه لكن لصبر حدود و باتريك راه طلع صبااااار نييييت باتريك: اوكي لي بغيتي, سمحي ليا , بسلامة ركب طوموبيلتو و مشا فحالو و خلا جودي مصدومة وراه اول مرة يدير ليها بحال هاكا بحال شحال و هي واقفة مسمرة تما عاد سرات معاها و لكن دغيا هزات كتافها مامسوقاش و دخلات فحالها. باتريك كعا و صعر من البرود ديالها او 3 اشهر و هو ديما عاطيها اهتمام و هي ممعبراهش و هادشي جديد عليه, الشيء لي خلات يسوق بسرعة و يمشي لعند صاحبو يتشكا عليك لي هاد الاخير حالتو لا تبشر بالخير و حالتو كفس منو او نقدرو نقولو جات الشبكة تشكى على الغربال. ارثر لي طول هاد المدة ماتصرطاتش ليه كيفاش تبلوكيه و هو كان مولفها منوضة ليه ديما الحالة في انسطا و مع دالك باقي مابغى يعتارف لراسو فيما كطيح ليه ايلاف في بالو كينوض ديك الساعة يدير شي حاجة يشغل راسو بيها و مايفكرش فيها بتاتا. ارثر كان كالس في البيرو ديالو خاشي راسو فشي دواسا حتى كيدخل عليه باتريك كيف العجاجة دخان ايخرج من ودنيه باتريك: و الله ا صاحبي الا بزاااف هادشي , 3 شهور و انا تابعاها 3 شهور و انا ديما معاها فيما ضور تلقاني حداها و حتى ابتسامة ماتقدر تجازيني بيها, بزاف هادشي ارثر لي كان تكا على الكرسي و هز راسو في صاحبو و كيضحك عليه و هو كيلعب بستيلو في الذقن ديالو: هههه هي كان مكتاب ليا نعيش حتى نشوف باتريك طايح على زنافرو و كيتشوا باتريك : و ماشي وقت ضحكك دابا ا صاحبي, راه واصلة ليا لعظم ارثر: الحل ساهل , ماعليك غير تبعد عليها و تعطيها تيساع واحد المدة و ديك الساعة عاد اتحس بيك و نتا ديما خانقها فينما ضور تلقاك باتريك: داكشي لي غادي ندير. و الله الا نعست و انا كنتب هادشي ماعقلتش على راسي حتى فيقاتني ختي......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM