الأسود 🖤 الجزء 48 🔥🔥🔥🔥🔥🔥🔥 ( تتمة الجزء من بعد 370 لايك 🥰 الى كمل التفاعل قبل 23:45 نزيدكم جزء اخر قراو تفاعلو مع جميع الاجزاء ❤️) علي : دخلت الدار كاعي قلت السلام ومشيت سديت عليا البيت لا فاطمة : مالكم كتبانو ليا ماشي هوما هاذوك دامي : اخلي داك الجمل راگد اخالتي الأسود ورجالو حررو فينا العيشة البارح بالليل فاش مشينا لمهمتنا قولبونا و قتلو الرئيس ديالنا ماعرفنا مانديرو معاهم تلفنا الواليدة : فين مهدي أبنتي واش هو بيخير دامي : بلا ماتخلعي اخالتي مشا هو وسامي يتكلفو بجنازة الرئيس الواليدة : الله يرحمو ردو البال دوك الناس ماشي ديال اللعب ولاد الحرام الشر كيجري ليهم في عروقهم ياسمين : كون غا علي بعد منهم أي واحد في داك البوسط كيموت الى بغا نخويو البلاد ونتهناو منهم بخطرة الواليدة : كلامك صح أنا لي بقيت معاهم مدة عددهم كبير بزاف ، من غير سلوى كانو كيتبدلو بزاف كل أسبوع كنشوف حراس جداد ديما كيتبدلو ماعرفت منين كيجيو دايرين بحال الناموس عددهم ماكيتقداش سناء : فاش كنت مع أحمد كنت كنسمع أن رجالهم عددهم كبير وموزعين على تونس والمغرب ولكن كنظن المقر الأساسي ديالهم في تونس حيث كان نمرود وباهم كيجيو بزاف لعندنا وماكياخدوش وقت طويل باش يوصلو عندنا ساكنين غير في بلاصة قريبة من المزرعة لي كنت فيها دامي : بلا ماتهزو هم هاذ الموضوع نساوه صوفيا : كيفاش غادي نساو وهوما دمرو حياتنا دوك المافيا خداو لينا ناس كانو هوما كل حياتنا آية: ماما فين هو بابا تعطل صوفيا : ايجي أبنتي اصبري دامي : غادي نتاقمو منهم والله ماتبقا فيهم صوفيا : ونلقا الأسود وحسن قدامي والله حتا نشرب دمهم دامي : بقينا كنديو ونجيبو في الهدرة حتا وصلات 19:30 هو يدخلو علينا مهدي وسامي مشاو دقو على علي لي ماخرجش من الصباح من بيتو جاو ريحو معانا الواليدة : على سلامتكم اوليداتي مهدي : الله يسلمك عييت اميمتي هاذ الناس دايرين بحال شي حلم خايب مايكتقداش وماكتقدرش تفيق منو عياونا الواليدة : صبر أولدي خاصك تكون راجل كيف كان خوك وترجع ختك مهدي : لو كان أمين الله يرحمو حي كون دار حد للأسود ورجالو هو الوحيد لي كان قادر عليهم ساعة ربي خداه الواليدة : خوك الله يرحمو كان راجل وحتا نتا ماتحگرش راسك راك راجل تبارك الله وكتشبه لخوك في كولشي وكنظن أنك وليتي بحالو خاصك شوية التجربة وتقدر تولي أحسن منو أملي فيك أولدي تنقد هاذ الناس من شر المجرمين لافاطمة : سماح ( الخدامة ) حطي الكسكروط سناء : خايفة عليكم والله مابغيتش نخسركم حتا نتوما علي : متخافيش علينا غادي يكون خير طوال زمان ولا قصار غادي نوقفو الأسود وعصابتو عند حدهم ...قولو ليا نتوما تكلفتو بمراسيم الدفن مهدي : اه أعلي بقا فينا مسكين قتلهم الأسود بطريقة وحشية علي : ذكيين مع راسهم داروها بينا الأسود ورباعتو كون كنا في الرباط ماكانش ايوصل ليه نهائيا دامي : بغيت نعرف شكون هاذ الأسود منين تسلط علينا مهدي : الأسود هو وحش سفاح وجاهل كيفكر في القتل فقط ولكن أكيد شي نهار يطيح بين أيدينا وغادي نتاقم منو ويتعاقب بنفس الطريقة لي عذب بيها الضحايا ديالو سامي : علي عندنا ليك خبار أخرى نقولوو ليك مبروك وليتي رئيس المخابرات الجديد ياسمين : اويلي على الرئيس الجديد اش كتقولو حسناء أم سناء: ناري قفارت ايتسلطو علينا دوك المساخيط لي كيشد هاذ البوسط كيموت هو وعائلتو صافي غادي نموتو ياسمين : علي خاص تستاقل ونمشيو من هنا علي : شنو بغيتو نهرب بحال العيالات ويضحكو عليا الناس شديت بوسط جديد خاص نقد بيه أمجد : عندي أمل أن علي غادي يبدل الوضع مهدي : متخافو والو معاكم الرجال متأكد أن عصابة الذئاب غادي يكونو بين أيدينا في أقرب وقت غير صبرو ومتخافوش لافاطمة: علي كون تسمع أولدي عندنا فلوس لي تعيشنا حياتنا كاملة يله نخويو البلاد ونعطيوهم التيساع شفت راجلي سعد شنو وقع ليه أمين شنو وقع ليه ودابا رئيسك حتا هو مات عفاك أولدي غادي يتسلط علينا الأسود ونتوما ماقادرينش عليه مهدي : خالتي متحگريناش ماشي حيث كيهرب ويتخبا بحال العيلات منقدروش عليه علي : مانقدرش نسمح في العمل ديالي والى كنتو خايفين يمكن تمشيو أنا لا أسود لا غيرو خالعني لافاطمة: الحقيقة لي مابغيتوش تقبلوها هي نتوما ماقادرينش على الأسود ورجالو وكون قدرتو عليهم كان من شحال هاذا شديتوه للأسف كتجرو راسكم وحتا حنا معاكم للموت علي : خالتي تيقي فينا ومتخافيش دابا خلينا نساو هاذشي دامي :شنو بان ليكم نخرجو هاذ الليلة مدة طويلة ماخرجنا علي : ماعندي خاطر خليونا هنا مهدي : خاص نخرجو واش غادي نبقاو في الدار علي : اوك فين أنمشيو مهدي : تبعني ونوريك فين أنمشيو ، البنات سيرو وجدو راسكم تمشيو معانا سناء : أنا ماغديش نمشي معاكم بصحتكم مسبقا مهدي : هاذ الاكتئاب مخدامش ليك يله بدلي الجو ماتعرفي تلقاي فارس أحلامك في الخرجة يله معانا حتا نتي أفدوى سناء : ناري أخويا ماكتقداش فدوى : حتا أنا مرشقاش ليا على الخريج بغيت نعس الواليدة : بنتي سناء سيري معاهم واش اتبقاي شادة الدار خرجي شوية يضربك البرد انشدو ليك تسنيم حتا نتي أفدوى خرجي تقدر تحسن نفسيتك الدار ديما ممزيناش ليكم مهدي : وافقو من بعد ماقنعاتهم الواليدة ودخلو بدلو حوايجهم وخرجنا أنا وسناء ودامي وياسمين وعلي وسامي وأمجد وفدوى وخدينا معانا الحراس وتوجهنا لواحد اوطيل فيه بواط هاربة مهدي : دامي هاذا لبس خارجة بيه دامي : ياك أنا لبسي هكذا من ساعتي مهدي : كنغير عليك الموصيبة ديالي واش ضاربة مينيا قصيرة وصدرك كيبان للناس مااحشمتيش منبقاش نشوفك بهاذ لبس سامي : هكاك أمهدي الله يعز الحكام علي : وماشتوش هاذ الطبيبة لي خارجة بهاذ السروال مكروز وميني فونتخ ، قولو ليا واش ماخرجينش معاكم الرجال ولا كيفاش ياسمين : ولبس عادي بلا ماتزيدو فيه علي : شوفي مرة أخرى تلبسي هكذا راني أنرجع علي دشحال هاذي هاني نبهتك دامي : سعداتك اسناء ماعليك حكام سناء : ياريت كون كان باقي لي كان كيحكم فيا ، غير يحكمني وندير لي بغا ولكن مات ياسمين : ربي أيعوضك بيما حسن اختي مهدي : دخلنا البواط كانت مبلبلة جلسنا في طابلة وجدها لينا السرباي ، كنا بغينا ناخدو شي كويسات ديال ماء الحياة ساعة علي المعقد رفض صدقنا خدينا عصير ... نوضو نشطحو شوية ناض علي بدا كيضونصي مع ياسمين وأنا جريت دامي أمجد: سناء شنو بان ليك نشطحو شوية سناء : لا شكرا مافياش أمجد : سمحي ليا على الديرونجمو الآلة سناء مهدي : جيتي زوينة كتحمقي الزين ديالي فراسك من أول مرة شتك مع أمين سحرتيني وعشقتك فيها دامي : وعلاش تال دابا عاد كتقول هاذ الهدرة مالك ماقلتيها من شحال مهدي : حيث كنت كنشوف راسي ضعيف قدامك ومكنتش قادر نفرض عليك رجولتي واش نسيتي بيلا كنتي حاگرة عليا وديما كتسلخيني دامي : ودابا زعما اتفرضها مهدي : دابا نفرضها فاشما جيتيني وبيت النعاس أكتر جربيني دامي : من ساعتك باسل كون غير بقيتي مهدي الأول نبقا نسلخك مهدي : ايوا الدنيا بدالة احبي مهدي الضعيف الخواف تبدل فراسك كنبغيك ادامي دامي : شكرا ليك والله ينصر سيدنا مهدي : بديت كنخزر فيها وهي كضحك ليا في وجهي ... واالشريفية راني ماشي بساهل نخرجها أول مرة نعترف ليك بحبي دامي : شنو نقول ليك مهدي: ياه على بنت مالك باردة بحال الفريگو ماحگلك حياتك كاملة دوزتيها سليباطير راسك فيه غير العصا والخدمة دامي : وصافي الزمر بلا كترة الهدرة حتا أنا كنبغيك وبزاف غير ماتعصبش عليا مهدي : فرحت جريتها لعندي تعانقنا من بعد شطحنا حتا عيينا ورجعنا جلسنا علي : وحنا مريحين كنهدرو جا السرباي عندي وفيدو قرعة الشمبانيا السرباي : السي علي هاذا ياك على : اه علي علاش السرباي : هاذي ليك علي : أنا ماطلبت والو السرباي : هاذي كادو من داك السيد .... بديت كنقلب على الشخص لي عطاها ليا باش نوريه ليه غبر بحال الجن علي : خديت منو البلاطو لي فيه الشمبانيا وكان تحت منو جوا هزيتو حليتو وكانت وسط منها ورقة كحلة عليها لوغو ذئب و مكتوب فيها next تصدمت حيث هاذا تهديد من الذئاب دامي : كيهددوك هاذو أعلي علي : كنت متأكد بيلا حاطيين عليا العين بلاتي هاني جاي ... مشيت كنجري عند السيد لي مسؤول عن الأوطيل وريتو الهوية ديالي و قلت بغيت نشوف الكاميرات دابا باش نتعرف على الشخص لي عطا السرباي الظرف ، وافق وتما غادي بيا تجاه غرفة الكاميرات لي متواجدة في الطابق 4 توجهنا لسانسور لقيناه عامر طلعنا في دروج وحنا طالعين سمعنا صوت انفجار قريب مشيت كنجري لمكان الانفجار لقينا غرفة الكاميرات مدمرة كاملة وماكينش الأثر للشخص لي فجرها رجعت بحالي وانا مشطون وكنفكر في هاذ الموصيبة الجديدة حتا وقف عليا أمجد كان كيقلب عليا أمجد : تخلعت عليك اصحبي فين مشيتي علي : أنا بيخير علاش جيتي وخليتي لآخرين أمجد: كاين مهدي متخافش عليهم علي : رجعت لقيت الدعوة مرونة الناس مرعوبين وصحابي برا وبجنبهم رجالي وصيتهم أنهم مايقولو والو لمالين الدار باش مايخلعومش حيث الى سمعو انهو جانا تهديد غادي يخافو ديال بصح وغادي ياسمين : علي يله نمشيو بعيد هاذ الناس ماتقدرش عليهم خاص نهربو ماحد مزال الوقت عفاك متخصرش ليا خاطري علي : الهروب من شيم الضعفاء بغاو يتحداوني مرحبا بيهم انوريهم شكون هو علي يله نمشيو دابا الدار ويكون خير سناء : علي ماكين مايتخبا نهايتنا قريبة للأسف لا نتا لا غيرك تقدر على دوك الناس علي : ختي سناء عفاك ماتكونيش متشائمة ... مانكدبش عليكم خفت شوية على هاذ الناس لي تحت مسؤوليتي مهدي : متخافش أعلي معاك الرجال إلى جاو انصفيوها ليهم مالنا ايخلعنا الأسود ماعارفش بيلا حنا هوما لي غادي نجيبو ليه التمام علي : كيف وصلت للدار سيفطت على رجال آخرين من المخابرات يجيو زدت الحراسة وشددتها وقلت للعائلة من بعد الخطوبة غادي نبدلو المدينة لافاطمة: علاش كاين شي موشكيل علي : من أجل السلامة ديالكم اخالتي ... مشيت بلاصتي وانا مشطون كنفكر فشنو ندير ❌❌❌❌ القنيطرة _ دوزنا داك النهار كنهدرو أنا وحبي سلوى ومصطفى وبالليل مشيت حسنت وجهي وضربتها بتدويشة و نعست في احضان سلوى كنتعاودو بيما بدا كيصوني ليا واحد من رجالي كلفتوو بمهمة على برا قال ليا بيلا عطا التهديد لرئيس المخابرات الجديد علي ... خبار زينة نشطاتني سلوى : بقا لينا علي بوحدو ونساليو المهمة ويمكن لينا نتزوجو _ اه احبي مابقا والو ونتزوجو قولي ليا شنو كيدير نمرود علاش مارجعش لدابا الليل هاذا واش غادي يبات تاني على برا سلوى : سهران يمكن مع شي صحابو خليه شنو بغيتيه مزيان نتهناو من صداعو _ واش حنا جينا نخدمو ولا نزهاو مريض هذاك نمرود هو يتسركل مع راسو وحنا نبقاو محبوسين هنا سلوى : ايوا خرج حتا نتا شكون حبسك الزين ديالي اقول ليا فين بغيتي تمشي وأنا نديك _حاليا لاقي راحتي في قتل الأعداء ديولنا حتا ترشق ليا على الخريج ونقولها ليك ... بقينا كنهدرو بيما بدا يديني النعاس وهي طيح عليا واحد الفكرة خلاتني قفزت من بلاصتي مشيت تاصلت بالرئيس في وقت متأخر ، قلت ليه الخطة لي غادي نفد وشرحت ليه شحال غادي تفيدو عجباتو ووافق الرئيس : كنحييك أولدي ديما تفكيرك في المستوى نتا هو أعظم شخص عرفتو ، دوات معايا بنتي سلوى في موضوع علاقتكم أنا موافق على الزواج بشرط تنفد الخطة لي قلتي وغادي ندير ليكم عرس أسطوري _ شكرا ليك سيدي الرئيس غادي نكون عند حسن الظن ديالك ، قطعت لابيل ومشيت عند سلوى لقيتها مزال فايقة قلت ليها على المكالمة فرحات وتعانقنا وبدينا كنهدرو سلوى : اش بان ليك شحال من ولد نولدو _ كنفضل مانولدوش باش ماتكونش عندنا نقطة الضعف احبي سلوى : ولكن احبي ولابد ولد يحمل سميتك _ يكون خير الزين نعسي تال الصباح ويفتح سلوى : اشمن نعسي اجي دابا نوجدو ليه دابا _ لا المسخوطة ماشي دابا خاص حتا ناخدو الموافقة من الرئيس ، تكات حدايا وبدات كتأتيريني كتلعب ليا على الوتر الحساس حيث علاقتنا أنا وسلوى مبنية على الشهوة أكتر من الحب كتعشقني وكنعشقها على ود الشهوة وفي نفس الوقت متفاهمين سلوى: حتا كنا انعسو وبسباب فكرة شوف فين ولينا هههههههه _ دوزت الوقت مع سلوى راكم تما ، ومشيت لدوش حسنت وجهي حيدت اللحية ودوشت ورجعت تخشيت فيها نعست ❌❌❌❌❌❌ الرباط دامي : ياسمين غدا خطوبتك احبيبتي ولكن كتباني ليا مافرحناش مالك شنو واقع ياسمين : مدة طويلة وأنا كنتخيل هاذ النهار وكنتسنا خطوبتي ولكن مع أمين ماشي علي وشوفي القدر شنو مخبي ليا ومنكدبش تخلعت من داكشي ديال قبيلة خايفة من الذئاب دامي : ماعندك ماديري الدنيا غير بالمكاتيب وبعض المرات ماكتعطيناش لي بغينا ، متخافي والو علي قاد براسو نعسي غدا تابعنا نهار طويل ياسمين : اه خاص نفيقوو الصباح بكري نوجدو راسنا ، دويتي مع صحابنا ؟ دامي : وي ضروري لافاطمة : غادي دوز ابنتي خطوبة زوينة عندك زهر جاب ليك الله ولد بحال علي من زيناتو وليد مهدي : صحابنا قالو ليا غدا صباح يكونو هنا سامي : توحشناهم انعل بو الوقت لي بعداتنا عليهم فين هي يامات الگيتار ويامات ماكنا هازين الهم لوالو مهدي : من بعد ديك الرحلة السوداء حتا حاجة مابقات كيف كانت لي مصبرني على هاذ الحياة الكحلة هو هدفي باش نرجع ختي سامي : علينا بالصبر تقريبا كاملين سعادتنا توقفات عند ديك الرحلة والله اخويا بيلا إلى يومنا كنتفكر داك النهار وكنتخلع مهدي : هاذاك نهار كحل في حياتنا عمرو يتنسا ... سناء اري ليا بنت خويا نلعب معاها شوية سناء : هاك عزيز عليها نتا الوحيد لي في دراري لي كتهزها وتسكت مهدي : ايوا حنا والدين الزين والحشمة البنت ماعندهاش مع الرجال والاختلاط اجي حبيبة عموووو ، لعبت معاها شوية وحطيتها عيطت لدامي جات عندي جريتها لعندي دامي : اويلي شنو كدير طلق مني ايشوفونا مهدي : دابا وليتي كتقولي طلق قولي لي حنا ماغديش نتزوجو دامي : بصراحة بغيت نضربك ولكن مابقيتيش ساهل نخاف على راسي تسلخني مهدي : جريتها لعندي كتر حتا تقاست على صدري عنقتها دامي كنرتاح معاك وبغيتك تكوني حلالي ونكملو بجوج دامي : حتا أنا باغاك امهدي ونتا عارف أني كنبادلك نفس الشعور وكنبغيك ولكن خلي زواجنا من ورا مالقاو ختك نفرحو ماماك هي لولة من بعد قول ليها تخطبني ليك من عند لا فاطمة ، كيف كتشوف هي غير كتحاول تبين راسها قوية وفرحانة على ودنا ولكن مسكينة هي مقهورة ماشي ساهل تخسر راجلها و 2 ولاد نرجعو ليها بنتها من بعد أنا موافقة مهدي : صافي كيف نرجع ختي غادي نخطبك دابا عطيني بوسة دامي : مهدي لا طلقني مهدي : شديتها بستها بزز منها وهي كتبتاسم وحشمانة وكتشوف فيا بنظرات حب حيث كتبغيني ... و بالنسبة للقوة ديالي وليت صح منها مبقاتش كتحگر عليا وليت حاكمها دابا توادعنا ومشينا نعسوو وقرابة الفجر كنفيقو على صوت دامي دامي : مهدي سامي علي فيقو دغيا علي : شنو واقع ياك لباس دامي : عندي ليكم خبر زوين البنات لي في فرقة KTG قدرو يشدو نمرود سكران في البار راهم متاجهين بيه لمقر المخابرات علي : هاذي أحسن خبار نسمعها من مدة دامي : يله نمشيو علي : غير خليكم نتوما أنا غادي نتكلف الصباح خطوبتي مجاتش نخويو كاملين الدار غادي نستجوبو و نحاول نرجع بكري باش نوجد راسي ومتقولوش لياسمين أني خدام واعدتها نشد كونجي دامي : شفناه حكر يمشي بوحدو رجعنا نعسنا وهو خرج أمجد : نمشي معاك اخويا علي : خليك نتا هنا الصباح نتشاوفو ، خديث معايا جميع رجال فرق الغراب باستثناء أمجد و توجهت المقر ديالنا لقيت رجالي ربطو نمرود مع كرسي وهو ناعس مكاوي حاولت نفيقو ولكن هو سكران مفاقش ليا خليتو يكمل نعاسو وأنا مشيت تكيت فوق من الكرسي تا صبح الحال ❌❌❌❌ القنيطرة _ كنا ناعسين مابينا ماعلينا حتا بدا كيتاصل بينا الرئيس من ورا الفجر بشوية علمنا أن نمرود شدوه المخابرات وخاص نعتقوه ومنعاودش راسي كان دارني وشداني الشقيقة نضنا بأقصى سرعة لكافيتريا تجمعت تما مع رجالي سلوى : وجه المصايب كنا هانيين دابا دخلنا في موشكيل كبير _ مولاها ربي غادي نرجعوه باشما كان مصطفى: يوسف نمرود شدو علي ماغديش يرحموه غير خلوها على الله _مصطفى جمع الفرقة الخاصة وقول لفهد يسيفط 30 شخص آخر من الفرقة الاحتياطية مع الصباح .... واخيرا وصل الوقت لي كنتسنا من شحال هاذا غادي ندمرو المخابرات ونمشيو نزورو عائلة علي مصطفى: ولكن ماشي غير أجي وختارق المخابرات راه الحراسة مشددة اصحبي وحنا مموجدينش _ حتا حاجة ماصعيبة على الأسود كنواعدك أننا غدا انكونو عند علي في البناية سلوى : سمعت هاذ الكلام فرحت وآخيرا أيتجدد لقائي بعائلة أمين وهاذ المرة عندنا ليهم مفاجئة كبيرة بزاف وماكدخلش العقل متشوقة نشوف ردة فعلهم فاش غادي يشوفو الشخص لي كان كيحميهم هو نفسو لي غادي يقتلهم مساكن غادي يدوزو اكفس نهار في حياتهم كنشفق عليهم _ مصطفى متنساش سيفط لحسن حتا هو قول ليه جي مع الصباح الى بغيتي تشوف صوفيا ❌❌❌❌❌ الرباط ( مبنى المخابرات ) علي : فقتي أالسي نمرود صباح الخير نمرود : هي أنا اليوم في ضيافة المخابرات نهار كبير علي : من بعد غادي تولي في ضيافة عزرائيل نمرود : ههههه وزعما تقدر رآه في أي لحظة رجالي يجيو ليا يدوني ماغديش نطول عندكم بزاف علي : مرحبا بيهم ايحساب ليهم غادي يجيو الفندق إلى جاو هنا غادي يجيو الموت برجليهم عندي ليك شي أسئلة إلى جاوبتي عليهم غادي نسيفطوك الحبس ماجاوبتيش غادي تموت كنتمنا منك تعاون معانا نمرود : موالف غير أنا لي كنسول مكنجاوبش على الأسئلة ولكن إلى ولينا صحاب مستقبلا نقدر نجاوبك علي : نوليو صحاب من دابا إلى بغيتي غير هو جاوبني على اسئلتي وزاديون نتا عندي نقدر ندير فيك لي بغيت قول ليا شكون الرئيس ديالك وشكون هو الشخص الأسود نمرود : الأسود هو عزرائيل ديالك والرئيس هو أنا ... يتبع ( الى كمل التفاعل قبل 23:45 نزيدكم جزء اخر قراو تفاعلو مع جميع الاجزاء ❤️) #قصصمغربية #قصص #قصصرعب تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM