قصة المزحة #الجزء 23 : ارثر من بعدما هز تيلي و بقى شحال كيفكر باش غادي يجاوبها و كتب ليها "صراحة ماكنجاوبش على بحال هاد الميساجات و لكن تواضعت معاك و انجاوبك اولا انا مسيفطت حد و باتريك مشا يشوف جودي و بغى يتعرف عليها يعني ماشي كيف ضنيتو و اصلا هذاك موضوع اخر ماعندو علاقة مع اللعب لي كيدري اما بالنسبة لشجاعة و الجرأة فكان عليك قبل تسولي باش عرف باتريك نتوما فين كاينين و انا غادي نجاوبك بلاما نخليك تفكري مع كيف كتعرفي فكرتي بزاف هاد اليامات في المؤامارات لي كديري باش تهربي مني ايوا راه انا لي عرفت فين كاينين و كنت انجي نتواجه معاك و فكرت و قلت ماكاين لاش نعبرك و نضيع وقتي في اشياء تافهة بحال هادي و خلاص مع وحدة كتهضر على الشجاعة و الجرأة و هي وقفات قدامي و مقدرات تقول انا هي ايلاف. و كنتمنى ديري في بالك بلي انا ماديركش في بالي و بلاما تزيدي طيحي من الكرامة ديالك, وانا غادي نخليك عندي حتى ديري نتي نفس و تحيدني بلاما نحتاج نقول ليك كيفاش و راه هضرتي واضحة كثر من هاكا ماكاين مانزيدو" باتريك: صراحة مابقيتش قادر نتعرف عليك , علاش هاد الهضرة القاصحة دابا ؟ ارثر: ماقادر على مشاكل تاني من الاحسن تبعد باتريك: علاش ماتعطيش لراسك فرصة و تجرب و كاميليا كانت حذث محزن و صافي ماتخليهش يأثر على حياتك بحال هاكا ارثر تعصب من بعد مافكرو في كاميليا و هو اصلا عمرو نسى هاد الموضوع غير ملي بانت ايلاف في حياتو عاد ما زادت حطات الملحة على الجرح : نتا كتقول هادشي حيتاش مغاديش تحس بيا و بداكشي لي عشت و عذاب الضمير تقدر تجيت نتا ساهلة تقول نسى و لكن كنظن كن كنتي في بلاصتي عاد غادي تحس بيا ديك ساعة و تشوف واش تقدر تنسى باتريك: اه واخا و مافكرتيش الا دارت ايلاف كيف مادارت كاميليا ؟ و نتا الهضرو لي قلتي ليها جاتك ساهلة ؟ ارثر غير سمع دير ما دارت كامليا و هي يتنادم معاه الحال: لا مكنظن ايلاف ديرها , هي بعقلها ماشي كيف كاميليا كانت صغيرة و مكنظنش لديك الدرجة هضرتي غادي تأثر فيها باتريك: و نتا باش عرفتيها و يالاه شفتيها مرة وحدة و حتى الهضرة ماهضرتي معاها , زربتي ا صاحبي في هاد الميساج لي سيفطتي ارثر: هادي مافكرتش فيها , صافي انمسحو دابا لحسن الحظ انسطا داير هاد القضية الا مسحت الميساج ماكيبقاش. ارثر مسح الميساج و عاد رتاح شوية, و لكن غافل على ايلاف لي من مور ماسيفطات ليه ميساج كلسات فوق الكرسي كترتب افكارها شوية و فاش جات تنوض وصلها ميساج من عندو, قراتو و ماعرفات باش تجاوب و دارت بلي ماقراتش الميساج و حتى هي قالت لحسن الحظ انسطا داير هاد القضية. ايلاف: بلاتي غير نجمع مانقول ليك و ديك ساعة نطلع ليك vu و نجاوبك على خاطري و نوريك الكرامة لي طيحت كيف دايرا مشات دخلات عند جودي لي لقاتها غارقة في سابع نومة و كلسات تفكر في شنو غادي تقول ليه حتى جمعات الكلمات و جات تجاوبو حتى كتصدم بلي الميساج ماكاينش طار و عرفات بلي غادي يكون تنادم معاه الحال و مسحو ايلاف: اييه ا سيدي ايوا ملي مابغيتينش نشوف الميساج حتى انا اندير راسي ماشفتوش كون هاني و دابا اللعب غادي يحلى نعسات ايلاف و هي في بالها 100 فكرة باغيا تندمو على الهضرة لي قال ليها و لكن بلاما تبين ليه بلي هي قراتها فكرات حتى عيات و لقات فكرة لي غادي تخلي ارثر هو لي يبلوكيها باش تكون هزماتو و عرفاتو ماغاديش يقدر يزيد يلعب معاها اما الا هي حيداتو من عندها فهذا دليل على انها استسلام و هزمها, كتفكر بينها و بين راسها و هي على بالها بلي راها معاه في حرب و معارفاش بلي هاد الحرب على تقلب عليهم بزوج. فاقو الغد و كلهم بداو بروتينهم اليومي, ايلاف و جودي مشاو لعند اطفالهم لي غير كيكونو وسط منهم كينساو الهم و المشاكل و كيفكرو غير فيهم و كيفاش هوما باقين صغار و حياة قسات عليهم يعني همهم قدام هاد الصغار ماكيسوا والو, مشاو فيقوهم و فطروهم و خرجات ايلاف باش تصيفط الفوج ديالها لباص كيف العادة, جودي الفوج لي عندها غير دريات مابين 2 ل 5 سنين يعني ماعندهم المدرسة داكشي علاش مكتخرجش مع ايلاف باش يسيفطوهم لمدرسة. ايلاف من ورا ما تحرك الباص و هو يبان ليها باتريك وافق قدام طوموبيلتو و مشات قاصداه نيشان ناويا على خزيت ايلاف: اش جاي دير هنا ؟ كتسنى شي عاهرة تهزها ؟ راك ا سيدي في العنوان الغلط ايلاف راها قرات الميساج و عرفات بلي باتريك مانوا فيها والو و لكن بغات دير ليه درس باش المرة الجاية مايقول شي حاجة حتى يفكر فيها مزيان (اودي كن درتي نتي بهاد الهضرة كن كعما وصلتي لهادشي كامل ) باتريك: صراحة انا جد متأسف واخا مادرت والو و لكن هي فهماتني غلط و لكن بغيت غير فرصة نطلب منها سماحة و عارف مايقدر حتى واحد يعاوني من غيرك ايلاف: و شكون قال ليك انا انعاونك ؟ لي دار الذنب يستاهل العقوبة باتريك: فرصة وحدة نطلب غير السماحة و نعطيها تيساع ديك ساعة ايلاف: اش بغيتيني ندير؟ باتريك: في الويكاند جيبيها لواحد القهوة و كوني حتى نتي معاها الا ماثقتيش فيا غير نهضر معاها صافي ايلاف: طبعا غادي نكون معاها مانحتاجش حتى تقولها ليا,و لكن حتى نفكر و نرد عليك لخبار..... باتريك: كنتمنى تقبلي و ها هي الكارط ديالي فيها رقمي الشخصي الا قبلتي عيطي ليا و نتلاقاو مع 10 د صباح و بلاما تمشي حتى نتي تفهميني غلط ايلاف ضحكها موقفه و هو كيحاول مايغلطش في الهضرة: هههههه واخا ا سيدي فهمت صح غير تهنى باتريك: صافي الا قبلتي علميني و نسيفط ليك البلاصة في ميساج ايلاف: اوكي بسلامة مشى باتريك بعد ما توادع معاها و دخل لطوموبيل و كان صاحبو ارثر معاه كيتسناه, هاذ الاخير لي كان حاضيهم و كيتبسم بوحدي كيفاش كتهضر و بقى ساهي فيها و في ضحكتها حتى رجع صاحبو و تحرك الشيفور (للتوضيح طوموبيل فيها زاج فيمي داكشي علا ماشافتوش ايلاف و اصلا كعما ردات البال ليها فاش كانت كتهضر معا باتريك ) ارثر: شنو قبلات ؟ باتريك: لا و لكن قالت غادي تفكر, و شوف ا صاحبي انا لي البنات يضل يضورو بجنابي و كل وحدة فيهم كتسنى غير حركة مني وليت نضرب لحساب باش نشوف وحدة و نطلب منها السماحة ارثر: ههه الحب كيخليك دير لي ماكيدارش باتريك: اشمن حب, جودي درتها غير تحدي بنسبة ليا و صافي, اول وحدة تجيني صعيبة نطيحها هادشي لي كاين ارثر: غير ماتكونش وقح و تلعب بالبنت باتريك: لا كن هاني , و دابا قول ليا غادي تكون معايا هاد الويكاند فاش نشوف البنات؟ ارثر: باقي ماقبلاتش و اصلا واخا تقبل ما عندي ماندير معاكم باتريك: راسك شحال قاصح, لي بان ليك قلبو الموضوع و جبدو شي دواسة و بداو الهضرة على الخدمة.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM