الأسود 🖤 ( الوداع الأخير 💔) الجزء 40 🔥🔥🔥🔥🔥🔥 ( التتمة من بعد 370 لايك طاكيو صحابكم يقراو القصة ❤️ تشويق غادي يبدا من غدا ) نمرود :مليت من كثرة الهدرة ندوزو دابا لفقرة النشاط وقفو رجالو _ وقفو رجالي لي بقا العدد ديالهم 8 الأشخاص وقفو قدامهم جنود الذئاب ووجهو السلاح تجاههم أكرم عرف بيلا وقت موتو وصل شاف فيا عطاني السلام وبتاسم ليا في وجهي ابتسامة شرف وعزة أكرم : سيدي كنت كنتمنا يكون الوداع الأخير في جنبك وتحقق ليا الحلم ديالي كان شرف نخدم تحت إمرة قائد مثلك يحيا الوطن نمرود : شحال حنان مساكن نتا القائد أكرم ياك ماغلطتش كون بقيتي في الحبس كان أحسن ليك ، شوف نقول ليك متخافش دابا شوية يلحق عليك القائد ديالك سير وضبر ليه في بلاصة حداك في جهنم أكرم : كيحساب ليك انخاف من الموت كنصلي صلاتي ومأدي الواجب الوطني ديالي معندي مناش نخاف يحسن ليا الشرف نموت شهيد _ أكرم طلع راجل ومخافش عكسي أنا لي ماقادر لاندوي لا نتكلم ماشي خوفا على راسي بالعكس عمري خفت نموت ولكن دابا في جنبي بزاف ديال الناس أبرياء ماليهم حتا ذنب وهاز همهم كثر من راسي نمرود : عند الإشارة ديالي قتلوهم ، أمين ياك هكذا قتلتي نتا وهاذ الكلاب ديالك جيش من رجالي في تونس شوف شنو ايوقع .... إعداممممم _ عطاهم الإشارة تيراو في رجالي ماتو وأنا كشنوف مابقات عندي القدرة ندير والو أو حتا ندوي صحابي والركاب كيغوتو ربي لي خلقهم كاين لي سخف من الخلعة وكاين لي دارها في حوايجو نمرود : شحال عزيز عليا نشوف الدم ياسلام الراحة النفسية سلوى : أمين بيما أنك غادي تموت نتا وصحابك بغيت نقول ليك واحد السر ، كنت مراقباك من نهار رجعتي المغرب ومابغيتش نقتلك لا نتا لا صحابك حتا يوصل الوقت المناسب و لاحظت بيلا كنتي مرتاح في آسفي وفي الرحلة وبدون حراسة مشددة يعني كان عند بالك تخلصتي منا ههه ومافراسكش بيلا الجنود لي قتلتي ماكيشكلو حتا 1% من العدد ديالنا حنا موجودين في أي بلاصة وعددنا كثر من الشعر لي في راسك _ قدرت نخربقكم في تونس وماقدرتوش عليا مابقاتش في العدد وإنما في المفعول وكون كنتو رجال ماغديش تشدوني بصحابي واجهوني لراسي سلوى : نن الغزال غالط إلى كان كيحساب ليك قدرتي تهرب منا . حنا خليناك تمشي باش نعرفو شكون وراك واش يحساب ليك صعيب علينا نفجرو الطائرة لي جاو فيها الجنود ديالك ورجعتو بيها المغرب ونحاصروك تما كان عند بالي من وراكم شي حد كبير ساعة طلع داك القطيطة ديال سعد هو لي داير كلشي ونال الجزاء ديالو _ كنسمع كلامها وكنحس براسي شحال كنت دمدومة و ضعيف قدامهم نمرود : دابا نجيو المعقول وموضوعنا الأساسي قتلتي خويا المسكين الضعيف لي كان كل همو هو يتحشش ويدروگا درتي غلط كبير سلوى : عند بالك ذكي دمرتي غرفة الكاميرات وحنا أكثر ذكاء منك دايرين الاحتياطات كان كلشي كيتسجل في المقر نمرود : قتلتيه بالاحصنة ياك فكرة زوينة عمرها طاحت في بالي أش بان ليك نفكرك كيفاش درتي وبطريقة أحسن ... جيبو خوه وأرو ليا القنب _ خويا مادار والو المجرم بعد منو أنا لي قتلت خوك ماشي هو نتاقم مني أنا مهدي : عفاكم مادرت والو خليوني عفاكم _ نوضوه 2 رجال من بلاصتو نضت بالخف جمعت الوقفة ضربت واحد من لي شادينو بنص ودخلت في لاخر برجلي لمنطقة الحساسة حتا تحنا شد فيها وعاودتو برجلي لحتو كاو بغاو يتيريو فيا الحراس وهي توقفهم سلوى وجات قصداني بغيت نضربها برجلي بحكم إيدي فيها المينوط ، صدات الضربة ديالي ونزلات عليا برجلها لكرشي حتا تقاسيت لور تألمت من قوة ضربتها ولكن بالحرقة لي فيا وخوفي على خويا نضت من بلاصتي بالخف وقصدتها عاودات شيرات عليا برجليها تاكيتها بركبتي ليسريا شعلت ليها ضو في رجليها وجمعتها بنص برجلي ليمنيا حتا تكلم راسها مع الأرض حطيت ليها رجلي على عنقها ووركت عليها كنخنقها وجها ولا حمر نمرود : طلقها ومنعاودش كلامي عند 3 إلى ماطلقهاش تيريو في كلشي 1.2 _ حيدت رجلي على عنقها وهي تنوض ضرباتني بواحد كروشي لكرشي زواتني وعوداتني بكروشي آخر لنيفي رعفاتني ولات كتبان ليا الضبابة ونجوم كيدورو السيدة مترنية ديال بصاح جلسوني الحراس على ركابيا مرة أخرى نمرود : شدو خوه ربطو ليه كل يد ورجل مع طومبيل مهدي : خوياااااا عفاك نوض عاوني ايقتلوني عفاككك عاوني ماتخلينيش مابغيتش نموت بهاذ الطريقة عاونيييييي دير شيحاجة شوف راه ايقتلو ليك خوك اهئ اهئ امينننننن خوياااااا نمرود : طلقوه واحد الدقيقة _ مع طلقوه أمين جا كيجري تخبا ورايا وهو كيترعد وكيبكيو مهدي: الله يرحم ليكم الواليدين ماتقتلونيش عفاكم أنا ضريف مكندير والو اهئ اهئ _ كان كلام مهدي بحال شي موس كيتغرس في قلبي بقيت كنبكي بكاء هيستيري وهو كيغوت حتا نشوفو دموعو نمرود : استنجد غريق بغريق شوف امهدي خوك ماعندو باش ينفعك هو براسو خاص لي عاونو والله حتا ضحكتيني مخبي ورا السند ديالك زعما شوف مزيان الولد لي معول عليه كيف دايرة حالتو ... حراس جيبوه _ دارو لمهدي كيف درت لأحمد ربطوه مع 4 الطومبيلات نمرود : شوفو الحباب لي بغا يبكي يبكي لي بغا يغوت يغوت كلشي مسموح به غادي نوريكم واحد العرض دموي زوين نتمنا يعجبكم ، حراس عند الإشارة ديالي كسيريو بجهد حتا يتقطعو الأطراف ديالو مهدي سلم على خويا مع غادي تموت بنفس الطريقة أكيد غادي تكون معاه في نفس البلاصة مهدي : اهئ اهئ اهئ والله مايسمح ليكم الله ... يارب عاوني يارب ماتخلينيش نموت بهاذ الطريقة _ بديت كنطلب فيهم وكنكبي... نمرود نبوس ليك رجليك طلقو هو ماليه حتا ذنب عفاك أنا لي درت كلشي عفاك طلقو الله يخليك نمرود : شحال كتعجبني الدراما أثرتي فيا أجي بوس ليا رجلي كيف قلتي _ بلا مانتردد مشيت درتها نمرود : وليتي بحال الكلب المذلول ، طلقوه ورجعوه بلاصتو وعطيوني العصا ديال الجولف ونوضو ليا سيدهم أمين لعندي _ رجعو خويا بلاصتو عاد رجعات فيا الروح ، نوضوني قدام نمرود خدا عصا الجولف وبدا كيضرب فيا بحر جهدو وهي تجي سناء كتجري وقفات قدامي وعنقاتني سناء : اهئ اهئ لالالالا عفاكم خليوه اتقتلوه خليوه ندير لي بغيتو عفاكم نمرود : حنا جينا نقتلوه ماشي لعبو معاه هاذشي كون درتيه على ود خويا مكنظنش توصلو لهاذ المرحلة ولكن عجباتني قصة حبكم سناء : إذا قتلوني أنا لولة المجرمين سلوى : شديت سناء من بلاصتها فرقتها على أمين بزز وهي كتغوت ، بدات كتحاول تقمشني لوجهي ضربتها بطرشة قلبت ليها الآلي مع الروتور ومشيت لحتها حدا صحابها نمرود : ياك بهاذ ليدين قتلي أحمد دابا نوريك شنو غادي ندير _ بدا كيضربني في أيدي حتا هرسهم ليا مابقيتش كنحس بيهم بجوج ولا قادر نحركهم ولحمي كولو دمايات من راسي لرجلي بديت كنحس بالموت بقاو رجالو كيشتفو عليا وليت كنشوف ضبابة بقيت ناعس على كرشي ووجهي على الأرض كنكب الدم من راسي بحال شلال بديت كنحاول نشهد حيث صافي هاذ النهاية ديالي دورت عيني في صحابي وشفت فيهم شوفة الوداع الأخير سلوى : أمين فين هي دامي _ هدرت بصوت خافت ماكيتسمعش ماعرفتش رجعات بحالها .... ضرباتني بسباطها لوجهي حتا كحيت الدم سلوى : كذاب كانت معاكم اليوم ، جنود شتفو على جميع أعضاء الرحلة وسلخوهم مزيان باستثناء سناء مزال بغيتها تشوف موت أمين بصورة واضحة سلوى : بقاو كيضربو فيهم الجنود برجليهم وأنا كنشوف فيهم كيفاش كيبكيو وكيغوتو وانا مستمتعة بالمنظر ملي شفتهم كلاوها مزيان وولاو دمايات امرتهم يوقفو ... مهدي فين هي دامي نتا لي كانت كتكون معاك بزاف ومكتفرقوش مهدي : ماعرفتهاش ماكنتش معانا سلوى : دوماج كون تلاقينا في ظروف أخرى كنت انعطيك نمرتي ونقدرو نكونو حباب ولكن الدنيا هي هاذي كتحطنا في مواقف صعيبة باي الزين _ سولاتو ماجوبهاش تيرات فيه لكرشو بديت كنغوت في خاطري واخا صوتي مابقاش كيخرج سلوى : نتا هو سامي دري بگوص شحال كيوت حرام تموت فين هي دامي سامي : ماشتهاش اختي _ تيرات في سامي رجليه ودخلات فيه بكروشي غيباتوو وحطات سلاح على راس سناء سلوى: أمين قول فين هي دامي ولا نقتلها _ جمعت الجهد لي عندي وخرجت الهدرة بزز خليناها في الصويرة بقات في الصويرة خاسرة ليها طومبيل سلوى: نتوما بجوج سيرو الصويرة قلبو عليها وماترجعو حتا تجيبوها معاكم نمرود : شوف نتا طلع طومبيل وعند الإشارة ديالي كسيري وبقا تضرب في أمين حتا يموت الحارس: أمرك سيدي نمرود : الرئيس كيصوني اش بغا ايخسر عليا لحظة سعيدة بحال هاذي الرئيس : ولدي شديتي أمين نمرود : احترماتي سيدي اه هو عندي دابا غادي نقتلوو الرئيس : لا وياك تقتلو راني محتاجو نمرود : كيفاش لا علاش مانقتلوش رآه خطر علينا خاصو يموت... سيدي سمع ليا رآه خطير والى ناض على رجليه موصيبة تقدر متاحش لينا فرصة بحال هاذي الرئيس : دويت معاك كون تسمع راني محتاجو إلى مات انتبعك ليه نمرود : صافي أمرك سيدي سلوى : مالك شنو واقع انمرود كتبان مقلق نمرود : قال ليك باغيه حي مانقتلوهش سلوى : ايوا خاصك تسمع كلاموو ماتقتلوش نمرود : لا غادي نقتلو ماغديش نسمع كلام الرئيس هاذ المرة يله نفد كلامي نتا سلوى : وقف لا ماتقتلوش ... نمرود واش نتا مريض إلى بغاه الرئيس حي وإلا مهم بالنسبة ليه نمرود : ويكون مهم أمين كيشكل خطر علينا لا قدر الله ماماتش وهرب غادي يصفيها لينا اللهم نقتلوه موهيم راني غادي نقتلو ونتي قولي للرئيس مات لينا في طريق اكي سلوى : بصفتي قائدة عليك كنأمرك تنفد كلام الرئيس أو غادي تسبق أمين لموت وماعندك مناش تخاف حنا قادرين على 100 أمين نمرود : كتخربقي اختي والله اتندمي ، نتوما سمعوني مزيان ديو أمين لهيليوكبتر ونتوما ب 4 سيرو قتلو أعضاء الرحلة في الغابة و وماتجيو حتا دفنوهم مفهوم _ لالالا خليوهم عفاك ماتقتلوهمش نمرود : مزال عندك الجهد تدوي سكتوه عليا سلوى : عطيناه برا منومة وسحبت أعضاء الفرقة ديالنا باش يرجعو المقر في حين أنا ونمرود ركبنا الهليكوبتر باش نتوجهو بهاذ الموصيبة لمستشفى قبل مايموت ويقتلنا الرئيس دامي : كنت مراقبة أنا وذيب شنو واقع من الأول وانا كنبكي حيث ماقادة ندير والو لا أنا لا الذيب قدام جايش ديال المسلحين العدد ديالهم مايقراب 120 شخص كنت في الأول بغيت نضحي براسي ولكن ذيب منعني قال ليا ذيب : راكي غادي تموتي هبائا منتورا صبري حتا يجي الدعم ، من بعد مامشاو طومبيلات و 2 ديال الهيليكوبتر طارو بقاو 4 من رجال مافيا الذئاب ، وقفو صحابي و الناس لي كانو في الرحلة وهوما هازين عليهم سلاح ومتجهين بيهم الغابة يقتلوهم غفلناهم أنا وذيب قتلناهم بقا ذيب كيهدأ الناس وأنا تاجهت لعند مهدي قربت جيهتو بشوية وانا كنبكي عند بالي مات ساعة كان مزال حي فرحت شوية وقلبت سامي حتا هو طلع مزال حي وصلو البوليس لي صونينا ليهم فاش كانو مزال الذئاب هنا ، جاو معاهم بزاف ديال سيارات الإسعاف سبقو لي مضروبين طلعوهم ومشاو وكاع لي في داك الكار مصدومين كيبكيو سناء : داوه ادامي ايقتلوه اختي أمين مشا اختي دامي: ايكون بيخير رتاحي دابا أمين أيرجع .... بقات كدوي ولكن ماكتبكيش حيث هي في حالة الصدمة ، سخفات ركبوها الإسعاف في الاسعاف طليت على ياسمين حتا هي كانت خايفة وكتبكي عزيتها في باها بستها في راسها وخليتها في الاسعاف ، تاجهو بيهم لأسفي وكانت نايضة روينة كلشي حضر الصحافة سيارات نقل الاموات هزو رجالنا لي ماتو ، جاني دعم من القوات الخاصة امترهم يلحقو على الإسعاف ويبقاو مع صحابي ذيب : شنو اويقع دابا الرئيس مات وأمين حتا هو راك شتي حالتو كاع هرسوه ومابقاش قادر حتا يتحرك مستحيل من حالتو يبقا عايش أكيد ايموت دامي : ماعرفتش الذيب ماعرفتش شنو ايوقع لأول مرة ماعرفت شنو ندير .... مشيت واحد الركنة في الغابة بقيت نبكي بحرقة وكنغوت باش نتفش في لحضة العالم ديالي دمر كلشي مشا وحزنت بزاف على الولد لي معتبراه خويا بعد ديك السعادة كاملة رجعات لينا حزن وعزو مسحت دموعي وجمعت الوقفة حيث ماشي هاذي الوقت لي خاص نضعاف فيها توجهت لطومبيل وشدينا طريق لأسفي بأقصى سرعة ممكنة ماحبسنا تا وصلنا السبيطار دخلت بديت كندور عليهم في لي شومبر لي خداوهم ليهم بقيت كندور نشوفهم واحد بواحد كنطمأن عليهم سولت على مهدي وسامي قالو ليا بيلا باقيين في العملية وغادي يكونو بيخير رجعت عند ياسمين وكانت مسكينة كتكلم بزز وربي لي عالم بيها ياسمين : دامي عفاك شي خبار على ماما واش بيخر ولا حتا هي قتلوها دامي : لافاطمة بيخير وحتا خالتي حسناء ، باباك وسي عبد القادر العمراني هوما لي توفاو ياسمين : كيفاش مات بابا شنو وقع ليه دامي : حاصروه في طريق وهو راجع لدار وبداو كيتيرو فيه هو رجالو حتا ماتو ياسمين : اهئ اهئ مجرمين ولاد لحرام يتموني في بابا والولد لي كنبغي حشومة عليهم كيفاش غادي نكمل حياتي بلا بيهم دامي : صبري اختي ربي معاك ياسمين : كيفاش حتا مات بهاذ الطريقة زعما كان ديما حاضي دامي : عفاك اختي تكلماي دابا والله بصبرك حاسة بشعورك حيث تا أنا فقدت واليديا اختي مشيت عنقتها وكنحاول نواسيها وهي كتبكي على كتفي وحتا أنا تأطرت وبقينا كنبكيو بجوج ، دخل عندنا ذيب مسحت دموعي ... ذيب سير جيب لا حسناء ولا فاطمة يبقاو مع بناتهم وقول لرجالك يجيبو عائلات كاع لي كانو في رحلة يطمأنو عليهم أكيد سمعو الخبار في الاخبار وغادي يكونو مخلوعين ذيب : أمرك لآلة دامي دامي : ألو استاذي شنو المعمول دابا وشنو واقع عندكم في الرباط الاستاذ: هنا دعوة مخربقة الرئيس مات والنائب مختافي درنا اجتماع طارئ ودابا أنا لي شاد البوسط ديالهم حتا نشوفو شنو ايوقع ورجالنا كيحققو في الموضوع خليك دابا مع دوك الناس وأنا غادي نحاول نلقا أمين باشما كان واخا فرقة الذئاب عارفين شنو كيديرو دغيا ختفاو من الموجود دامي : واخا احترماتي استاذي .... سليت لابيل مشيت كنطمأن على صحابي مرة أخرى دخلت عند سناء لقيتها ناعسة دارو ليها تحاليل و وعطاوها برا مهدئة باش تنعس حيث بدات كتغوت ليهم وهي في حالة هستيرية رجع ذيب ومعاه لا فاطمة ولا حسناء مشاو كيجريو يطمأنو على بناتهم وهوما في حالة يرثى لها و لابسين الابيض مشات كل وحدة دخلات عند بنتها وأنا مشيت تاجهت عند لافاطمة وبديت كنسولها على شنو وقع في دار أمين بدات كتعاود وهي كتبكي بحرقة لافاطمة: كنا جالسين مجموعين كنتغداو كيف ديما سالينا الماكلة طلعت البيت كنصلي من بعد لحضات سمعت صوت طومبيلات وقفو حدا دار وبداو كيتيريو في الحراس لي حارسينا بقيت مخلوعة ومخبية في البيت من بعد فرعو الباب دخلو الدار سمعت طلقو 3 طلقات ولا حادة كتغوت واحد لحضة سمعت السيارات تحركو وفاش تأكدت بيلا مشاو هبطت نشوف شنو وقع حتا لقيت سي عبد القادر الله يرحمو مقتول ولا حادة ماكيناش وبديت كنتاصل بالبوليس فاش جا واحد السيد مسؤول قال ليا بيلا راجلي مات حتا هو دامي : البركة في راسك اخالتي من جيهة راجلك سعد لافاطمة : مامشا معاك باس ابنتي واش بصح خداو حتا أمين معاهم دامي : اه خداوه وقلتو أب سناء وتيراو في مهدي وسامي لافاطمة: الله ياربي أش هاذ الموصيبة شنو المعمول خاص هاذ المجرمين يتحاسبو مايمكنش يدوز ليهم هاذشي بلا عقاب دامي : غادي ياخدو الجزاء اخالتي خليك دابا مع بنتك نمشي نشوف البقية ... مشيت تكلمت مع لا حسناء لي كانت ناعسة حدا بنتها وبدورها كتبكي، شفت فيها وطمأنتها على بنتها خالتي غادي تكون بيخير غير طمأني حسناء أم سناء: كيف غادي دير تقبل الوضع بنتي وعارفاها ماغديش تصبر الله يدير شي تاويل ديال الخير قولي ليا كيفاش مات العمراني إلى عرفتي دامي : كاملين اخالتي ماقدرينش نتقبلو الوضع أنا براسي واقفة غير بزز مني رجليا هازيني بزز حيث أنا المسؤولة هنا خاصني نكون قوية في هاذ الوضع العمراني قتلو واحد الشخص معاه في الحبس بموس بأمر من ديك العصابة ... ساليت معاها بديت كندور على صحابي لي بدورهم عائلاتهم جاو يشوفوهم وراكم عارفين كيف اتكون حالة ديالهم ولاد مزال غير كيقراوو وشافو القرطاس وناس كيتقتلو حداهم أكيد نفسيتهم مدمرة أيمن : كون كنا عارفين باش غادي تلا هاذ الرحلة كون بقينا في ديورنا دامي : مكتاب الله هو هاذا هاذشي لي مكتب لينا رتاح دابا أيمن قول ليا ياكما ماخاصك شيحاجة أيمن : لا شكرا ذيب : قائدة دامي سامي خرج من العملية رآه بيخير ومهدي حالتو خطيرة دامي : سمعت الخبار مشيت شفتو طمأنيت عليه كان باقي تحت التخدير من بعد مشيت كولوار لي كتواجد فيه الغرفة ديال العمليات لي مدخلين ليها مهدي جلست في الأرض عنقت ركبيا وأنا كنبكي وكندعي باش يكون بيخر مابغيتش نخسرو حتا هو بقيت كنستحضر ذكرياتي معاه والحماق لي دوزنا وكنبتاسم وكنكبي، من بعد ساعتين ديال الأنتضار خرج طبيب قال ليا العملية نجحات وبقيت عاصرة حتا خرجوه من غرفة العملية وداوه واحد الغرفة وانا كنشوف فيه دموعي طاحو مابغاوش يحبسو بقا فيا مسكين غير الصباح كان بيخير وكيضحك وكيطلعها عليا و ودابا في هاذ الحالة بحال الجتة ، بستو في جبهتو وخرجت بقيت كندور في السبيطار ورجالنا بداو كيفرقو العشا على صحابي وناس لي كانو في رحلة جابو ليا تاانا البطايو ديالو مكليتش مكان عندي منين دوز ليا الماكلة بقيت مشطونة كل شوية كندور عليهم واحد بواحد نشوف واش خصاهم شيحاجة حتا وصلات 00:00 عييت وقصدت شومبر لي فيها خالتي فاطمة وياسمين نعست حداهم تال الصباح ، فاش فقت أول حاجة درت مشيت طمأنيت على مهدي في شومبر ديالو لقيتو فاق وكيشوف في السقف ... كي بقيتي مهدي : الجرح لي على برا ايبرا ولي لداخل ادامي محال يبرا حياتي دمرات في رمشة عين فقد مي وبا وخوتي علاش عتقتوني كون اخليتوني مت معاهم دامي : أمين عايش مزال مامات وحتا ماماك أكيد اتعيش مهدي: على حساب داكشي لي دارو معاه غادي يموت ليهم في طريق علاش عتقتوني كون غير خليتوني نموت معاهم علاش ادامي دامي : بدا كيبكي ليا على كتفي شوية بدا كيضرب في راسو دخل في نوبة صرع دخلو الفرامليا دگو ليه مهدأ تكالما ونعس بستو في جبهتو وتاجهت لغرفة سناء لقيت طبيب ديالها في الكولوار سولتو عليها طبيب : درنا تحاليل لبارح لسناء خاصها ترد البال لراسها راها حاملة دامي : صدمني الخبر ديالو كون كان أمين مسكين كان ايكون فرحان ولكن للأسف ... قول ليا واش فراسها هاذ الهدرة طبيب : لا مزال فاش تفيق انقولها ليها دامي : غادي نعلمها أنا أدكتور خلي الأمر عليا . توجهت غرفة سناء دخلت لقيتها فايقة وكتبكي وماماها حداها كتواسيها جلست حداها وشديت ليها في ايديها ... ختي سناء خاصك تكوني قوية في هاذ الضروف ماديريش في راسك هاذ الحالة سناء : كيفاش نكون قوية من بعد هاذشي لي وقع لينا ماشتيش واقيلا شنو وقع كون اداوني معاه ولا هاذ العذاب لي عايشاه دامي : شفت كولشي اسناء مابدينا مانديرو يقدر امين يرجع ليك شي نهار خلي إيمانك بالله وكوني قوية على قبل داكشي لي في كرشك حسناء( أم سناء) : كيفاش لي في كرشها شنو كتقولي دامي : خالتي حسناء بنتك سناء حاملة قالها ليا طبيب حسناء ( أم سناء) : اويلي على حاملة اش درتي المسخوطة الراجل مشا ونتي حاملة فضيحة اش ايقولو الناس ...يتبع ( قرا وجمجم ) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM