قصة المزحة #الجزء 13 : ليوم اخر يوم ليا في المغرب فقت بكري او بالاحرى مانعستش خليت جودي ناعسة توضيت و صليت و هزيت ساكي مشيت نشان لاصال لي كنت مقيدة فيها ماعرفتش علاش جيت ليها و انا تقريبا عامين ماجيت ليها و لا ترينيت غير دخلت لقيت الكوتش لي ديما كيكون كيطريني مع الصباح مشيت نيشان الحلبة و بقيت نطريني بلاما نهضر معاه بلا والو بحال الا حس بيا بقيت هاكاك كنضرب حتى عييت و طحت لارض كنبكي علاش حتى انا ماعرفتش علاش ,واش حيتاش غادي نتوحش هنا و لا حيتاش زربت في هاد القرار لي جا على زربة و بسباب الضحك ,ماعرفتش بكيت حتى عيت و نضت لقيت كوتش خرج دوشت بدلت حويجي و رجعت لدار لقيتهم كيوجدو لينا لي فاليز و كلشي و ماما فما نضور نلقاها كتبكي. فاش كملنا كلشي, مشينا المطار مجموعين ماتفرقنا معاهم غير ب66 كشيفة دوزنا باكاج و عطيناهم الباسبور و دزنا من داك الباب غاديا انا و جودي عينينا حمرين و منفوخين بالبكا شفنا في بعضياتنا بحال عاد حسينا بشنو درنا و بلي بجوجنا زربنا تعانقى و صبرنا راسنا و قلبناها ضحك (هاد الضحك هو لي خرج عليها و باقي ماكتحشمش) سمعنا نداء ديال الطيارة ديالنا و مشينا و ما هي الا 5 سوايع حتى كنحطو رجلينا على بلاد اخرى بلاد غريبة علينا, بلاد لي عمرني كنت نحلم نجي ليها بحال هاكا ,بلاد لي غادي نحسو فيها بالغربة, بلاد ماكاين لا حنين لا رحيم, و بلاد جينا ليها برجلينا او بالاحرى جينا ليها بسباب #مزحة غير نزلنا من الطيارة ,حطيت رجلي في لارض و ضربني البرد حسيت بواحد احساس في شكل, حسيت بالدموع و لكن استجمعت راسي جاتني واحد القوة و واحد المسؤلية و لي هي نكون اخت الكبرى لجودي بحكم انا كبر منها و تحت حمايتي بما انني صاحبة الفكرة و انا لي جبتها هنا يعني الا طرات ليها شي حاجة الله يحفظ فانا لي غادي نكون مسؤولة داكشي علاش درتها من اولوياتي و حنى هنا كاينة غير انا و ياها, يعني انحنو غير في بعضياتنا. مشينا خدينا شناطي دياولنا و دوزنا الاجراءات اللازمة و خرجنا, لقينا واحد السيد هاز لافتة فيها سميتنا مشينا توجهنا ليه (حوار بالانجليزية) السائق : انسة ايلاف و انسة جودي ؟ ايلاف: نعم , حنى هوما السائق: تفضلو معايا , مسيفطاني الوكالة باش نديكم البلاصة لي غادي ترتاحو فيها هاد اليومين ايلاف: اه واخا هز لينا الباكاج و مشينا ركبنا معاه في السيارة غير دخلنا حطات عليا جودي راسها جودي : عرفتي شحال عييت, بغيت غير نمشي ندوش و نحط راسي و نعس ايلاف: كن تشوفي انا لي منعستش البارح و لكن خاصنا نصبرو حتى نوصلو و نردو بالنا مع طريق لا يدينا السيد لشي قنت ههه راه مابقات ثقة جودي : هههههه تي سكتي دابا يسمعنا ايلاف: بحال الا كيفهم العربية و نقولو كيفهمها بيني و بينك واش غادي يفهم المغربية جودي : اه بصح نسيت هاد القضية وصلنا لواحد اوطيل زويين نزلنا من الطوموبيل و هز لينا السائق الباكاج حطوه في ديك الكروسة ديال اوطيل و جرو سيد اخر , و السائق قال لينا تبعوني و حنا غير غادين تابعينو وصلنا الاستقبال (حوار بالالمانية) سائق: عافاك شوفي ليا الغرف ديال ايلاف و جودي راه مع الوكالة فتاة في الاستقبال : واخا بقا معايا شوية ايلاف: (حركت السائق) عافاك بغيت نسولك , واش يكمن لينا نكلسو انا و جودي في غرفة وحدة؟ السائق: واخا تسناي نسولها (ضار عند الفتاة و سلوها) الفتاة: اه ماشي مشكيل غير هو غادي يتبدل ليكم الجناح, مع عندنا طابق الاخير فيه الجناح الملكي و غادي و نازل حنا كنت غادي نحطوكم في الجناح الاول مع صحاب غرفة لشخص واحد و لكن دابا غادي طلعو لجناح لي فوق منو يعني غرفة ديال 2 د ناس , واش ماشي مشكل بالنسبة ليكم ؟ ايلاف: لا لا بالعكس من احسن نبقاو مجموعين السائق: من حسن الحظ ان صاحب الفندق حتى هو من اللجنة ديال الجمعيات لي كيعاونو ناس ديال الخيرية و ديار العجزة و دوي الاحتياجات الخاصة داكشي علاش القضية مسهلة ليكم ايلاف: اه مزيان , شكرا ليكم ........... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM