# قصة المزحة #الجزء 14 : ايلاف: اه مزيان , شكرا ليكم عير عطاونا الرقم ديال الغرفة و السوارت مشينا نيشان ليها دخلات جودي هي لولة دوشات بما تسنيت انا شوانط و قاديت الحويج و نجبد مانلبسو خرجات هي دخلت حتى انا دوشت و خرجت لقيتها كتسناني ايلاف: مالكي مانعستيش ؟ فيك جوع ؟ جودي: لا ماقاداش من داكشي لي كليت في طيارة و مع دوخة ديالها مافياش غير قلت نتسناك حتى تخرجي و نصليو بزوج عاد نعسو ايلاف: واخا يالاه نوضي, راه وجدت قبيلة لحويج لي غادي ندوزو بيهم هاد اليومين و راه صلاية معاهم تما جودي: ايلاف ايلاف: نعام جودي: و الله الا باقي مامتيقاش بلي جينا لهنا (عنقاتني) شوفي نتي دابا هي عائلتي و انا هي عائلتك لي ضاراك ضاراني صافي اختي ايلاف: يا هاد الهبيلة هادشي عارفينو و من شحال هادي يالاه نوضي نوضي و باقي لينا الوقت الطويل باش نهضرو في هادشي دابا يالاه نعسو و من بهد نهضرو نضنا صلينا و نعسنا (ها انا جيت خليت ايلاف ناعسة و جيت نطل عليكم و نعاود ليكم شي حويج لا ايلاف لا جودي لا ارثر عارفينها عارفهم غير انا ودابا تعرفوهم حتى نتوما) في الوقت لي دخلات فيه ايلاف و جودي من الغرفة كان صاحب الفندق لي هو ارثر داخل ليه و غادي المكتب ديالو. تلاقا صاحبو باتريك و بقا غادي هو و ياه و بلاما نقول ليكم بلي الحوار بالالمانية راه باين باتريك: و فين ا صاحبي مزيان ملي جيتي ارثر: ها انا ياك لاباس ؟ باتريك : لا غير بغيت تعاود تشوف هاد الليست ديال ناس لي مقيدين مع الوكالة و هاد الليست ديال ناس لي وصلو لحد الان , غدا اخر فوج غادي يجي باش بعد غدا غادي يتحركو ارثر: (وفقو قدام المصعد كيتسناو فيه)ارا نشوف و نعاودو نديرو التدقيقات الاخيرة , اه و عاود نبه ليا العمال عافاك باش ناس لي جايين من طرف الوكالة ماغادي يخلصو والو يكفي انهم جايين من بلدان باش يخدمو في هاد الميدان الاجتماعي يعني لي بغاوها فراها على حساب الفندق باتريك: هاي هاي على صاحبي لي قلبو بيض , زعما كن ماكنتش كنعرفك كعما نقول نتا هو داك الصارم و القبيح ارثر : و صافي ا صاحبي الخدمة شي و هادشي شي اخر ماتبقاش تخلط(في هاد اللحظة تحل ليهم المصعد) زيد قدامي نشوفو هاد لي ليست و نتا شفتك شديتي معايا الهضرة مشا البطل ديالنا هو صاحبو تاجهو لمكتب غير دخلو كلس ارثر في البيرو ارثر : دابا ارا ليا نبدا بديك الليست هي اللولة عاد نشوفو خدمتنا بارتيك: هاك ا سيدي , و راه عاد شي نص نصف ساعة باش وصلو زوج بنات من المغرب هاهوما سمياتهم ارثر كيقرا في سميات غير ضرب على سميت ايلاف و هو يتفكر البنت لي عمرو شافها و لا عرف جنسيتها الا انها مرة مرة كطيح ليه في بالو , كاينين بعد المرات كيتفكرهم فيها كيبدا يضحك و لكن سرعان ماكيدارك الوضع حتى كيقبلها غوبشة ارثر : لا مايمكنش باتريك: مالك ؟ ارثر : لا والو غير تفكرت واحد البلان و لكن مايمكنش يكون هادشي, تعقل على البنت لي كانت كتكومنطي ليا هي و صحاباتها بالعربية باتريك : اه مالها ؟ ارثر : حتى هي سميتها ايلاف , شفت السمية تفكرتها باتريك : هههههه لا ا صاحبي بنتي ليا طحتي اولدي, واش ماشفتيش بلي عطيتي اهمية لهاد البنت كثر من القياس؟ ارثر: اش كتخربق راه غير هاد الموضوع و طريقة لي كانت كدير فكراتني في.. صافي نسى الموضوع و اصلا ماعارفش انا منين هي يعني تقدر ماتكونش من المغرب مهم صافي خلينا نقديو شغالنا ساس ارثر عقلو من جميع الافكار و ناض كمل الشغال لي عندو........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM